3 ᐊᓇ ᑳ ᐱᒋᔅᑳᑯᑦ ᒥᓯᐌ ᐌᓗᒋ ᑲᑫᑕᐌᓕᑕᒧᐎᓂᓕᐤ ᓀᔥᑕ ᑭᔅᑫᓕᑕᒧᐎᓂᓕᐤ᙮
ᐁᐗᑯ ᐅᒋ ᐁᑳᐎᓚ ᑯᔅᑎᑯᒃ: ᐌᓴ ᓇᒪᐎᓚ ᑫᒀᓐ ᐊᑾᓇᐃᑳᑌᐤ, ᐁᑳ ᑫ ᓄᑯᑖᓂᐗᒃ; ᓀᔥᑕ ᐁ ᑳᑖᓂᐗᒃ, ᐁᑳ ᑫ ᑭᔅᑫᓕᒋᑳᑌᒃ᙮
ᐁᐗᑯ ᐌᒋ ᐃᑗᒪᑲᓂᓕᒃ ᑭᒋᒪᓂᑐ ᐅ ᑲᑫᑕᐌᓕᑕᒧᐎᓐ, ᓂ ᑳ ᐃᔑᑎᔕᐊᒪᐙᐗᒃ ᐅᑭᔅᑭᐙᐃᑫᐗ ᓀᔥᑕ ᐊᐸᔅᑕᓚ, ᐋᑎᑦ ᒫᑲ ᐁ ᐃᑕᓯᓕᒋ ᑲᑕ ᓂᐸᐁᐗᒃ ᓀᔥᑕ ᑲᑕ ᑲᒀᑕᑭᐁᐗᒃ;
ᐙ ᑎᐱᔮᓕᒃ ᐁ ᐃᔑ ᐌᓗᑕᓂᓕᒃ ᐅ ᑲᑫᑕᐌᓕᑕᒧᐎᓐ ᓀᔥᑕ ᐅ ᑭᔅᑫᓕᑕᒧᐎᐤ ᑭᒋᒪᓂᑐ! ᑖᐺ ᓇᒪᐎᓚ ᑲᑕ ᑮ ᓈᓇᑕᐙᐸᒋᑳᑌᓕᐤ ᐅ ᑎᐹᔅᑯᓂᑫᐎᓇ, ᓀᔥᑕ ᐅᑦ ᐃᔑᑣᐎᓇ ᓇᒪᐎᓚ ᑲᑕ ᑮ ᑌᐱ ᒥᔅᑲᐙᒋᑳᑌᓕᐤ!
ᒫᑲ ᐊᓂᑭ ᑳ ᓇᑐᒫᑲᓂᐎᒋᒃ, ᑖᐱᔅᑯᒡ ᒎᐗᒃ ᓀᔥᑕ ᒃᕆᑲᒃ, ᐁᐗᑯ ᑳ ᐃᑌᓕᑕᑭᒃ, ᙭ ᐅ ᑲᔥᑭᐅᐎᓐ ᑭᒋᒪᓂᑐ, ᓀᔥᑕ ᐅ ᑲᑫᑕᐌᓕᑕᒧᐎᓐ ᑭᒋᒪᓂᑐ᙮
ᒫᑲ ᐎᓚ ᐅᒋ ᑭᑦ ᐋᐎᓇᐗᐤ ᙭ ᒋᓴᓯᒃ, ᐊᓇ ᑳ ᐃᔑᑕᒫᑲᐎᔭᒃ ᑭᒋᒪᓂᑐᒃ ᐅᒋ, ᑲᑫᑕᐌᓕᑕᒧᐎᓐ, ᓀᔥᑕ ᒀᔭᔅᑭᑖᑎᓯᐎᓐ, ᓀᔥᑕ ᐸᓓᑭᐃᑯᓯᐎᓐ, ᓀᔥᑕ ᑎᐸᐊᒫᑫᔅᑕᒫᑯᓯᐎᓐ;
ᐃᑕ ᑳ ᑮ ᐃᔑ ᐌᓗᒋᐃᑕᒃ ᒥᓯᐌ ᑲᑫᑕᐌᓕᑕᒧᐎᓂᒃ ᓀᔥᑕ ᓕᑄᑲᐎᓂᒃ;
ᐌᓴ ᑮ ᒥᓜᓕᑕᒻ ᐌᐅᑖᐎᒪᐎᑦ ᒥᓯᐌ ᒥᑐᓂᐎᓯᐎᓂᓕᐤ ᑭᒋ ᐱᒋᔅᑳᑯᓕᒋ᙮
ᐊᓇ ᑳ ᑲᑫᔅᑭᒥᐌᔮᓐ, ᐁ ᔭᒀᒥᒪᑭᑦ ᒥᓯᐌ ᑕᑐ ᐃᓕᓕᐤ, ᓀᔥᑕ ᐁ ᑭᔅᑭᓄᐊᒪᐗᑭᑦ ᒥᓯᐌ ᑕᑐ ᐃᓕᓕᐤ, ᒥᓯᐌ ᑲᑫᑕᐌᓕᑕᒧᐎᓂᒃ; ᒥᓯᐌ ᑕᑐ ᐃᓕᓕᐤ ᒥᑐᓂ ᐁ ᒥᓦᑎᓯᑦ ᑭᒋ ᐸᑭᑎᓇᒫᐗᑭᑦ ᙭ ᒋᓴᔅ:
ᐅᒪ ᐅᒋ ᓂᓚᓈᓐ ᓀᔥᑕ, ᐊᔅᐱᓐ ᐊᓂᒪ ᐁ ᑭᔑᑳᒃ ᑳ ᑮ ᐯᑕᒫᒃ, ᓇᒪᐎᓚ ᓂ ᐳᓂᓈᓐ ᐁ ᐋᔭᒥᐁᔅᑕᒫᑕᑾᒃ, ᑭᒋ ᓴᑲᔅᑭᓀᔅᑳᑯᐌᒃ ᐁ ᑭᔅᑫᓕᒋᑳᑌᓕᒃ ᐅᑦ ᐃᑌᓕᑕᒧᐎᓐ, ᒥᓯᐌ ᑲᑫᑕᐌᓕᑕᒧᐎᓂᒃ ᓀᔥᑕ ᐊᒑᑯᐎ ᓂᓯᑐᑕᒧᐎᓂᒃ;
ᐁᑯᔑ ᙭ ᐅᑦ ᐋᔭᒥᐎᓐ ᑭ ᑳ ᐌᓗᒋ ᐱᒋᔅᑳᑯᐙᓇᐗᐤ ᒥᓯᐌ ᑲᑫᑕᐌᓕᑕᒧᐎᓂᒃ; ᐁ ᑭᔅᑭᓄᐊᒫᑐᔦᒃ ᓀᔥᑕ ᑲᑫᔅᑭᒥᑐᔦᒃ ᓵᓪᒥᒃ, ᓀᔥᑕ ᐋᔭᒥᐋᐎ ᓂᑲᒧᐎᓂᒃ, ᓀᔥᑕ ᐊᒑᑯᐎ ᓂᑲᒧᐎᓂᒃ, ᐁ ᓂᑲᒧᔅᑕᐌᒃ ᐅᑎᐯᓕᒋᑫᐤ ᐁ ᐃᑕᑾᒃ ᓇᓈᔅᑯᒧᐎᓐ ᑭᑌᐃᐙᒃ᙮
ᐌᓴ ᑭ ᓂᐱᓇᐗᐤ, ᓀᔥᑕ ᑭ ᐱᒫᑎᓯᐎᓂᐗᐤ ᑳᑖᓂᐗᓐ ᐊᓯᒋ ᙭ ᑭᒋᒪᓂᑐᓈᒃ᙮
ᐊᓯᒋ ᐅᒪ ᓀᔥᑕ, ᓈᔅᐱᒡ ᐁ ᑭᓯᓴᐎᓯᔦᒃ, ᑕᑯᑖᒃ ᑭ ᑖᐺᔦᓕᑕᒧᐎᓂᐙᒃ, ᒥᓨᑎᓯᐎᓐ, ᓀᔥᑕ ᒥᓨᑎᓯᐎᓂᒃ, ᑭᔅᑫᓕᑕᒧᐎᓐ;
ᐊᓇ ᑳ ᐅᑖᐗᑳᑦ ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐊᐗ! ᐊᓇ ᑳ ᔖᑯᒋᐃᐌᑦ ᓂ ᑳ ᒥᓚᐤ ᑭᒋ ᒥᒋᑦ ᑳ ᑳᒋᑳᑌᓕᒃ ᒫᓇ, ᓂ ᑳ ᒥᓚᐤ ᓀᔥᑕ ᐙᐸᓯᓂᔭ, ᓀᔥᑕ ᐊᓯᓂᒃ ᐅᔥᑭ ᐃᔑᓂᑳᓱᐎᓐ ᐁ ᒪᓯᓇᐃᑳᑌᒃ, ᐁᑳ ᐊᐌᓇ ᐃᓕᓕᐤ ᑳ ᑭᔅᑫᓕᑕᒃ, ᐊᓇ ᐱᑯ ᑳ ᐅᑎᓇᒃ᙮
