ᑯᓚᔑᔭᓇ 2:2 - ᐅᔅᑭ ᑎᔅᑌᒥᓐᑦ

² ᐅᑌᐃᐙᐗ ᑭᒋ ᑳᑭᒋᑖᓂᐗᓂᓕᑭ, ᐁ ᒪᐗᓴᑯᓈᑲᓂᐎᒋᒃ ᓵᑭᐃᐌᐎᓂᒃ, ᓀᔥᑕ ᑭᒋ ᒥᑐᓂᑫᒋᓇᐅᐎ ᓂᓯᑐᑕᑭᒃ ᐁ ᐃᔑ ᐌᓗᑕᓂᓕᒃ, ᒥᑐᓂ ᑭᒋ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅ ᒫᒪᔅᑳᑌᓕᑖᑯᓯᐎᓂᓕᐤ, ᓀᔥᑕ ᐅᑖᐎᒪᐗ, ᓀᔥᑕ ᙭ᑕ;

ᑯᓚᔑᔭᓇ 2:2 Iomraidhean Croise

ᐅᐸᓓᑭᔅ ᒫᑎᐤ 11:25

ᐁᑯᔅᐱ, ᒋᓴᔅ ᑮ ᑭᑐ, ᐁ ᐃᑗᑦ, ᑭ ᓇᓈᔅᑯᒥᑎᓐ, ᐅ ᐌᐅᑖᐎᒪᐎᔭᓐ, ᑌᐯᓕᒋᑫᔭᓐ ᑭᒋᑭᔑᑯᒃ ᓀᔥᑕ ᐊᔅᑮᒃ, ᐅᐅ ᑫᒀᓇ ᐁ ᑮ ᑳᑕᐗᒋᒃ ᐅᑲᑫᑕᐌᓕᑕᒶᒃ ᓀᔥᑕ ᐅᓕᑆᑳᐗᒃ, ᐁ ᑮ ᐙᐸᑎᓚᒋᒃ ᒫᑲ ᐅᔥᑲᐙᔑᔕᒃ᙮

ᐅᐸᓓᑭᔅ ᒫᑎᐤ 11:27

ᒥᓯᐌ ᑫᒀᓇ ᓂ ᐸᑭᑎᓇᒫᒃ ᓄᑖᐎ: ᓇᒪᐎᓚ ᐊᐌᓇ ᓀᔥᑕ ᑭᔅᑫᓕᒣᐤ ᐅᑯᓯᓯᒫᐗ, ᐎᓚ ᐱᑯ ᐅᑖᐎᒪᐤ; ᓇᒪ ᓀᔥᑕ ᐊᐌᓇ ᑭᔅᑫᓕᒣᐤ ᐅᑖᐎᒫᐗ, ᐎᓚ ᐱᑯ ᐅᑯᓯᓯᒪᐤ, ᐊᓂᐃ ᓀᔥᑕ ᐅᑯᓯᓯᒪᐤ ᑫ ᐙᐸᑎᓛᑴ᙮

ᐅᐸᓓᑭᔅ ᒫᑎᐤ 13:11

ᐁ ᓇᔥᑴᐗᔑᐃᐌᑦ ᒫᑲ ᑮ ᐃᑌᐤ, ᐁ ᒥᓕᑲᐎᔦᒃ ᑭᓚᐗᐤ ᑭᒋ ᑭᔅᑫᓕᑕᒣᒃ ᑳ ᒫᒪᔅᑳᑌᓕᑖᑾᑭ ᑭᒋᑭᔑᑳᐎ ᐅᑭᒫᐎᐎᓇᒃ, ᒫᑲ ᐎᓚᐗᐤ ᓇᒪᐎᓚ ᒥᓛᐗᒃ᙮

ᐅᐸᓓᑭᔅ ᓘᒃ 1:1

ᒥᒉᑦ ᐁ ᑮ ᐅᑎᓇᒫᓱᒋᒃ ᒀᔭᔉ ᑭᒋ ᒪᓯᓇᐊᑭᒃ ᐎᑕᒫᑫᐎᓂᓕᐤ ᐁ ᐋᓕᒧᑕᑭᒃ ᐊᓂᐃ ᑫᒀᓇ ᑫᒋᓈᔥ ᑳ ᑖᐺᑕᒫᒃ,

ᐅᐸᓓᑭᔅ ᒑᓐ 10:30

ᓂᓚ ᓀᔥᑕ ᓄᑖᐎ ᓂ ᐯᔭᑯᓈᓐ᙮

ᐅᐸᓓᑭᔅ ᒑᓐ 10:38

ᒫᑲ ᑮᔥᐱᓐ ᐁᑐᑕᒸᐗᑫ, ᐋᑕ ᐁᑳ ᐁ ᑖᐺᑕᐎᔦᒃ, ᑖᐺᑕᒧᒃ ᐋᔨᑎᐎᓇ: ᑭᒋ ᑭᔅᑫᓕᑕᒣᒃ ᓀᔥᑕ ᑭᒋ ᑖᐺᑕᒣᒃ ᐁ ᐱᒋᔅᑲᐎᑦ ᐅᑖᐎᒪᐤ, ᓂᓚ ᓀᔥᑕ ᐁ ᐱᒋᔅᑲᐗᒃ᙮

ᐅᐸᓓᑭᔅ ᒑᓐ 16:15

ᒥᓯᐌ ᑫᒀᓇ ᐅᑖᐎᒪᐤ ᑳ ᐋᔮᑦ ᓂ ᑎᐱᓚᐌᐎᓰᓐ: ᐁᐗᑯ ᐌᒋ ᑮ ᐃᑗᔮᓐ, ᑲᑕ ᐅᑎᓇᒻ ᓂᑦ ᐋᔮᓂᒃ ᐅᒋ ᓀᔥᑕ ᑭ ᑳ ᐙᐸᑎᓕᑯᐗᐤ᙮

ᐅᐸᓓᑭᔅ ᒑᓐ 17:3

ᐁᐗᑯ ᐅᒪ ᒫᑲ ᑳᑭᑫ ᐱᒫᑎᓯᐎᓐ, ᑭᒋ ᑭᔅᑫᓕᒥᔅᑭᒃ ᐁ ᐯᔭᑯᔭᓐ ᑖᐺ ᐁ ᑭᒋᒪᓂᑕᐎᔭᓐ, ᓀᔥᑕ ᑭᒋ ᑭᔅᑫᓕᒫᒋᒃ ᒋᓴᔅ ᙭ᑕ ᑳ ᑮ ᐯᒋᑎᔕᐅᒪᑦ᙮

ᐅᐸᓓᑭᔅ ᒑᓐ 5:17

ᒫᑲ ᒋᓴᔅ ᑮ ᓇᔥᑴᐗᔑᐁᐤ, ᓄᑖᐎ ᐯᒋ ᐋᐸᑎᓯᐤ ᐊᓄᒡ ᐃᔅᑯ, ᓂᓚ ᓀᔥᑕ ᓂᑦ ᐋᐸᑎᓯᓐ᙮

ᐅᐸᓓᑭᔅ ᒑᓐ 5:23

ᒥᓯᐌ ᐃᓕᓕᐗᒃ ᑭᒋ ᑭᔅᑌᓕᒫᒋᒃ ᐅᑯᓯᓯᒪᐗ, ᑖᐱᔅᑯᒡ ᐁ ᐃᔑ ᑭᔅᑌᓕᒫᒋᒃ ᐅᑖᐎᒫᐗ᙮ ᐊᓇ ᐁᑳ ᑳ ᑭᔅᑌᓕᒫᑦ ᐅᑯᓯᓯᒫᐗ, ᓇᒪᐎᓚ ᑭᔅᑌᓕᒣᐤ ᐅᑖᐎᒪᐗ ᑳ ᑮ ᐯᒋᑎᔕᐙᓕᒋ᙮

ᐅᐸᓓᑭᔅ ᒑᓐ 6:69

ᓂ ᑖᐺᑌᓈᓐ ᒫᑲ, ᓀᔥᑕ ᓂ ᑫᒋᓇᐅᓈᓐ ᑭᓚ ᐁ ᐋᐎᔭᓐ ᐊᓇ ᙭ ᐯᒫᑎᓰᑦ ᑭᒋᒪᓂᑐ ᐅᑯᓯᓴ᙮

ᐊᐸᔅᑕᓚᒃ 4:32

ᒥᓯᐌ ᐁ ᐃᑕᓯᒋᒃ ᒫᑲ ᑳ ᑖᐺᑕᑭᒃ ᑮ ᐃᑎᐗᒃ ᑖᐱᔅᑯᒡ ᐁ ᐯᔭᑯᑌᐁᒋᒃ ᓀᔥᑕ ᐁ ᐯᔭᑯᐊᒑᑯᐎᒋᒃ; ᓇᒪᐎᓚ ᓀᔥᑕ ᐊᐌᓇ ᐁ ᐃᑕᓯᒋᒃ ᐅᒋ ᑮ ᐃᑗᐤ ᐊᓂᐃ ᑫᒀᓇ ᑳ ᐊᔮᑦ ᐁ ᑎᐱᓚᐌᐎᓯᑦ; ᒫᑲ ᒥᓯᐌ ᑫᒀᓇ ᒫᒪᐤ ᑮ ᐋᐸᒋᑖᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:13

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᐊᔅᐯᓕᒧᐎᓂᓕᐤ ᑭ ᑳ ᐎ ᓵᑲᔅᑭᓇᐃᑯᐗᐤ ᒥᓯᐌ ᒥᓚᐙᑕᒧᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᐁ ᑖᐺᑕᒣᒃ, ᑭᒋ ᐌᓗᑎᓯᔦᒃ ᐊᔅᐯᓕᒧᐎᓐ, ᑳ ᐸᓓᑭᓯᑦ ᐊᒑᒃ ᐅ ᓱᑳᑎᓯᐎᓐ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:25

ᐁᑯ ᐊᓇ ᑳ ᑲᔥᑭᑖᑦ ᑭᒋ ᐋᔨᒋᐃᑖᒃ ᐁ ᐃᑗᒪᑲᒃ ᓂ ᒥᓗᐋᒋᒪᐎᓐ, ᓀᔥᑕ ᐁ ᐃᔑ ᑎᐹᒋᒫᑲᓂᐎᑦ ᒋᓴᔅ ᙭, ᑳ ᑮ ᐃᔑ ᑭᔅᑫᓕᑖᑯᑖᓂᐗᒃ ᑳ ᒫᒪᔅᑳᑕᒃ, ᐊᓂᒪ ᑳ ᑮ ᑭᒧᒡ ᑲᓇᐌᓕᒋᑳᑌᒃ ᐊᔅᐱᓐ ᑳ ᐯᒋ ᐊᔅᑭᐗᒃ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:4

ᓀᔥᑕᐱᑯ ᑭᑦ ᐋᑕᐌᓕᑕᒸᓐ ᓈ ᐁ ᐃᔑ ᐌᓗᑕᓂᓕᒃ ᐅ ᒥᓨᑎᓯᐎᓐ ᓀᔥᑕ ᐅ ᐯᑳᒑᑎᓯᐎᓐ ᓀᔥᑕ ᐅ ᔑᐱᓚᐌᓯᐎᓐ; ᐁᑳ ᐁ ᑭᔅᑫᓕᑕᒪᓐ ᑭᒋᒪᓂᑐ ᐅ ᒥᓨᑎᓯᐎᓐ ᐁ ᐃᑐᑕᐃᑯᐗᑦ ᑭᒋ ᒥᒋᓚᐌᔦᓕᑕᒪᓐ?

ᓂᔥᑕᒻ ᑯᕆᓐᑎᐊᓇ 14:31

ᐌᓴ ᒥᓯᐌ ᐁ ᐃᑕᔑᔦᒃ ᐯᐯᔭᒃ ᑭ ᑳ ᑭᔅᑭᐙᐃᑳᓇᐗᐤ, ᒥᓯᐌ ᑭᒋ ᑭᔅᑭᓄᐊᒫᑲᐎᔦᒃ ᓀᔥᑕ ᒥᓯᐌ ᑭᒋ ᑳᑭᒋᐃᑲᐎᔦᒃ᙮

ᓂᔥᑕᒻ ᑯᕆᓐᑎᐊᓇ 2:12

ᑭ ᑮ ᒥᓕᑲᐎᓋᓇᐤ ᒫᑲ, ᓇᒪᐎᓚ ᐅᒪ ᐊᔅᑭ ᐊᒑᒃ, ᒫᑲ ᐊᓇ ᐊᒑᒃ ᑭᒋᒪᓂᑐ ᑳ ᐅᒋᐸᓕᑦ; ᑭᒋ ᑮ ᑭᔅᑫᓕᑕᒪᒃ ᐊᓂᐃ ᒧᔐ ᑳ ᑮ ᒥᓕᑕᒃ ᑭᒋᒪᓂᑐ;

ᑲᓓᔕᐊᓇ 3:28

ᓇᒪᐎᓚ ᐃᑖᐤ ᒎ ᓇᒪ ᓀᔥᑕ ᒃᕆᒃ, ᓇᒪᐎᓚ ᐃᑖᐤ ᐊᐗᑳᓐ ᓇᒪ ᓀᔥᑕ ᐅᑎᐯᓕᒥᑎᓱ, ᓇᒪᐎᓚ ᐃᑖᐤ ᓈᐯᐋᔭ ᓇᒪ ᓀᔥᑕ ᐃᔅᑴᐋᔭ: ᐌᓴ ᒥᓯᐌ ᐁ ᐃᑕᔑᔦᒃ ᑭ ᐯᔭᑯᓇᐗᐤ ᙭ ᒋᓴᓯᒃ᙮

ᐃᐱᓯᔭᓇ 1:7

ᐊᓇ ᑳ ᐅᒋ ᐋᔮᔭᒃ ᐱᒫᒋᐃᑯᓯᐎᓐ ᐅᒥᑯ ᐅᒋ, ᐁ ᐌᐯᓕᒋᑳᑌᑭ ᒪᒋᑣᐎᓇ, ᐁ ᐃᔑ ᐌᓗᑕᓂᓕᒃ ᐅ ᔕᐌᓕᒋᑫᐎᓐ;

ᐃᐱᓯᔭᓇ 3:16

ᑭᒋ ᐸᑭᑎᓇᒫᑖᒃ, ᐁ ᐃᔅᐱᒋ ᐌᓗᑕᓂᓕᒃ ᐅ ᑭᔅᑌᓕᑖᑯᓯᐎᓐ, ᑭᒋ ᒪᔥᑲᐎᐃᑯᔦᒃ ᓱᑳᑎᓯᐎᓐ, ᐅᑦ ᐊᒑᑾ ᐅᒋ, ᑭ ᐱᒋ ᐃᑖᑎᓯᐎᓂᐙᒃ;

ᐃᐱᓯᔭᓇ 3:3

ᑳ ᐃᔑ ᑭᔅᑫᓕᑕᒥᐃᑲᐎᔮᓐ ᐊᓂᒪ ᑳ ᒫᒪᔅᑳᑌᓕᑖᑾᒃ ᑭᔅᑫᓕᑖᑯᑖᑫᐎᓂᒃ; ᑖᐱᔅᑯᒡ ᐊᓄᒋᑫ ᐁ ᑮ ᒪᓯᓇᐊᒫᓐ ᒐᑲᐙᔑᔥ ᐋᔭᒥᐎᓂᒃ;

ᐃᐱᓯᔭᓇ 6:22

ᐊᓇ ᐁᐗᑴᓕᐤ ᑳ ᑮ ᐅᒋ ᐃᔑᑎᔕᐊᒫᑕᑾᒃ, ᑭᒋ ᑭᔅᑫᓕᑕᒣᒃ ᑳ ᐊᔨᑎᔮᒃ, ᓀᔥᑕ ᑭᒋ ᑳᑭᒋᐃᑖᒃ ᑭᑌᐎᐙᒃ᙮

ᐱᓕᐱᔭᓇ 2:1

ᑮᔥᐱᓐ ᒫᑲ ᐃᑕᑾᒃ ᑲᑭᒋᐃᐌᐎᓐ ᙭ᑎᒃ, ᑮᔥᐱᓐ ᐃᑕᑾᒃ ᒥᓜᓕᒧᐎᓐ ᓵᑭᐃᐌᐎᓂᒃ ᑮᔥᐱᓐ ᐃᑕᑾᒃ ᐅ ᐎᒉᐎᐌᐎᓐ ᐊᒑᒃ, ᑮᔥᐱᓐ ᐃᑕᑾᑭ ᒧᔑᑕᒧᐎᓇ ᓀᔥᑕ ᔕᐌᓕᒋᑫᐎᓇ,

ᐱᓕᐱᔭᓇ 3:8

ᐁᐁ, ᑭᔅᑎᓈᒃ, ᒥᓯᐌ ᑫᒀᓇ ᐸᑾᓐᑕᐤ ᓂᑦ ᐃᑕᑭᑌᓐ ᐁ ᐃᔑ ᑭᔅᑌᓕᑖᑾᓂᓕᒃ ᐅ ᑭᔅᑫᓕᒥᑯᓯᐎᓐ ᙭ ᒋᓴᔅ ᓂ ᑎᐯᓕᒋᑫᒻ; ᐊᓇ ᒥᓯᐌ ᑫᒀᓇ ᑳ ᑮ ᐅᒋ ᐗᓂᑖᔮᓐ, ᓀᔥᑕ ᑖᐱᔅᑯᒡ ᒥᒋᑾᓛᔕ ᓂᑦ ᐃᑕᑭᑌᓐ, ᑭᒋ ᑲᔥᑭᐊᒃ ᙭,

ᑯᓚᔑᔭᓇ 1:26

ᐊᓂᒪ ᐅᑎ ᑳ ᒫᒪᔅᑳᑌᓕᑖᑾᒃ ᑕᑭ ᑳ ᑮ ᑳᑖᓂᐗᒃ ᓀᔥᑕ ᑳ ᐊᑎ ᐋᔭᓂᔅᑫ ᐱᒫᑎᓯᓈᓂᐗᒃ, ᒫᑲ ᐊᓄᒡ ᑳ ᐸᔭᑌ ᐙᐸᑎᓛᒋᒃ ᐅ ᐸᓓᑭᓯᒪ;

ᑯᓚᔑᔭᓇ 1:27

ᐊᓂᐃ ᑭᒋᒪᓂᑐ ᑫ ᑮ ᑭᔅᑫᓕᑕᒥᐋᔅᐸᓐ ᐁᔅᐱᒋ ᐌᓗᒋ ᑭᔅᑌᓕᑖᑾᒃ ᐅᒪ ᑳ ᒫᒪᔅᑳᑌᓕᑖᑾᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ; ᐁᐗᑯ ᙭ ᐁ ᐱᒋᔅᑳᑖᒃ, ᐁ ᐊᔅᐯᓕᒧᑐᒋᑳᑌᒃ ᑭᔅᑌᓕᑖᑯᓯᐎᓐ:

ᑯᓚᔑᔭᓇ 1:9

ᐅᒪ ᐅᒋ ᓂᓚᓈᓐ ᓀᔥᑕ, ᐊᔅᐱᓐ ᐊᓂᒪ ᐁ ᑭᔑᑳᒃ ᑳ ᑮ ᐯᑕᒫᒃ, ᓇᒪᐎᓚ ᓂ ᐳᓂᓈᓐ ᐁ ᐋᔭᒥᐁᔅᑕᒫᑕᑾᒃ, ᑭᒋ ᓴᑲᔅᑭᓀᔅᑳᑯᐌᒃ ᐁ ᑭᔅᑫᓕᒋᑳᑌᓕᒃ ᐅᑦ ᐃᑌᓕᑕᒧᐎᓐ, ᒥᓯᐌ ᑲᑫᑕᐌᓕᑕᒧᐎᓂᒃ ᓀᔥᑕ ᐊᒑᑯᐎ ᓂᓯᑐᑕᒧᐎᓂᒃ;

ᑯᓚᔑᔭᓇ 2:19

ᐁᑳ ᒫᑲ ᐁ ᒥᒋᒥᓇᒃ ᒥᔅᑎᒀᓐ, ᐊᓂᒪ ᐅᒋ ᒥᓯᐌ ᒥᔭᐤ ᐋᓂᔅᑲᐎᑲᓇᓇ ᐅᒋ ᓀᔥᑕ ᐸᔅᑫᓯᐎᓇ ᐁ ᐊᓯᒋᑳᑌᒃ, ᓀᔥᑕ ᐁ ᒪᒪᐎᐱᒋᑳᑌᒃ, ᓚᑭᐸᓕᐤ ᑭᒋᒪᓂᑐ ᐅ ᓚᑭᐃᐌᐎᓐ ᐅᒋ᙮

ᑯᓚᔑᔭᓇ 3:14

ᐗᔅᑭᒡ ᒫᑲ ᒥᓯᐌ ᐅᐅ ᐳᔅᑎᔥᑲᒧᒃ ᓵᑭᐃᐌᐎᓐ, ᑳ ᒫᒪᐗᐱᑕᒧᒪᑲᒃ ᒥᑐᓂ ᐎᓯᐎᓐ᙮

ᑯᓚᔑᔭᓇ 4:3

ᐊᓯᒋ ᓀᔥᑕ ᐁ ᐋᔭᒥᐁᔅᑕᒪᐎᔮᒃ, ᑭᒋᒪᓂᑐ ᑭᒋ ᐹᔅᑭᑌᓇᒪᐎᔭᒥᑦ ᓂᑕᐌᐎᓂᐃᔥᒀᑌᒡ, ᑭᒋ ᐋᓕᒪᑕᒲᒃ ᙭ ᐅ ᒫᒪᔅᑳᑌᓕᑖᑯᓯᐎᓐ, ᐁᐗᑯ ᑳ ᐅᒋ ᒫᒫᒋᒀᐱᓱᔮᓐ:

ᑯᓚᔑᔭᓇ 4:8

ᐊᓇ ᑳ ᐃᑎᔕᐊᒫᑕᑾᒃ ᐁᐗᑯ ᐅᒋ, ᑭᒋ ᑭᔅᑫᓕᑕᒃ ᐁ ᐋᔨᑎᔦᒃ, ᓀᔥᑕ ᑭᒋ ᑲᑮᒋᐃᑖᒃ ᑭᑌᐃᐙᒃ;

ᓂᔥᑕᒻ ᑌᓴᓗᓂᔭᓇ 1:5

ᐌᓴ ᓂ ᒥᓗᐋᒋᒧᐎᓂᓈᓐ ᓇᒪᐎᓚ ᐱᑯ ᐊᔮᒥᐎᓂᒃ ᑭ ᑮ ᐅᑎᑎᑯᓇᐗᐤ, ᒫᑲ ᑲᔥᑭᐅᐎᓂᒃ ᐊᓯᒋ, ᓀᔥᑕ ᐸᓓᑭ ᐊᒑᑯᒃ, ᓀᔥᑕ ᒥᔅᑕᐃ ᑫᒋᓇᐅᐎᓂᒃ; ᐁ ᐃᔑ ᑭᔅᑫᓕᑕᒣᒃ ᑳ ᑮ ᐃᔑᑣᔮᒃ ᐃᑕ ᐁ ᐃᑖᔦᒃ ᑭᓚᐗᐤ ᐅᒋ᙮

ᓂᔥᑕᒻ ᑌᓴᓗᓂᔭᓇ 3:2

ᓀᔥᑕ ᒫᑲ ᓂ ᑮ ᐃᔑᑎᔕᐙᓈᓐ ᑎᒧᑎ, ᓂᒋᔖᓂᓈᓐ, ᓀᔥᑕ ᐅᑦ ᐋᔭᒥᐋᐎ ᐊᑑᔅᑫᓛᑲᓂᒪ ᑭᒋᒪᓂᑐ, ᓀᔥᑕ ᓂᒋᐊᑑᔅᑫᓛᑲᓂᓈᓐ ᐅ ᒥᓗᐋᒋᒧᐎᓂᒃ ᙭, ᑭᒋ ᐊᔨᒋᐃᑖᒃ ᓀᔥᑕ ᑭᒋ ᑳᑭᒋᐃᑖᒃ ᑭ ᑖᐺᔦᓕᑕᒧᐎᓂᐗᐤ ᐅᒋ:

ᓂᔥᑕᒻ ᑌᓴᓗᓂᔭᓇ 5:14

ᐊᓄᒡ ᒫᑲ ᑭ ᐸᑯᓭᓕᒥᑎᓈᓐ, ᓂᒋᔖᓂᑐᒃ, ᔮᒀᒥᒥᑯᒃ ᐊᓂᑭ ᑳ ᐋᓉᑕᑭᒃ, ᑳᑭᒋᐃᑯᒃ ᐊᓂᑭ ᑳ ᓕᓚᒥ ᒥᑐᓀᓕᒋᑲᓂᒋᒃ, ᓂᔓᑲᒫᑯᒃ ᐊᓂᑭ ᑳ ᓕᓚᒥᓯᒋᒃ, ᔑᐱᓚᐌᓯᔅᑖᑯᒃ ᒥᓯᐌ ᐃᓕᓕᐗᒃ᙮

ᓂᔥᑕᒻ ᑎᒧᑎ 3:16

ᓀᔥᑕ ᐁᑳ ᐁ ᑶᑕᐎᐃᑌᓕᒋᑳᑌᒃ ᑭᔅᑌᓕᑖᑾᓐ ᐁ ᐃᔑ ᒫᒪᔅᑳᑌᓕᑖᑾᒃ ᒪᓂᑐᐙᑎᓯᐎᓐ: ᑭᒋᒪᓂᑐ ᑮ ᓄᑯᐊᐤ ᐎᔮᓯᒃ, ᑭ ᒀᔭᔅᑲᑎᓯᐊᐤ ᐊᒑᑯᒃ, ᑮ ᐙᐸᒥᑯ ᐁᓐᒐᓚ, ᑮ ᐋᓕᒧᑕᒧᐗᐗᒃ ᒉᓐᑖᐃᓚᒃ, ᑮ ᑖᐺᔦᓕᒪᐤ ᐊᔅᑮᒃ, ᐃᔥᐱᒥᒃ ᑮ ᐅᑎᓇᐤ ᑭᔅᑌᓕᑖᑯᓯᐎᓂᒃ᙮

ᐦᐃᑉᕉᐗ 10:22

ᐁᑯᔑ ᓈᑖᑕᐤ ᐁ ᑖᐺᐎᓂ ᒥᑌᐃᔭᒃ, ᐁ ᑫᒋᓇᐅᔭᒃ ᑖᐺᔦᓕᑕᒧᐎᓂᒃ, ᑭᑌᐃᓇᐗ ᐸᑭᑲᐎᐯᑳᐋᒋᑳᑌᑭ ᒪᒋ ᒥᑐᓀᓕᒋᑲᓐ ᐅᒋ, ᓀᔥᑕ ᑭᔭᐎᓇᐗ ᐁ ᑭᒋᔅᑖᐸᐗᑖᑲᓂᐎᑭ ᐁ ᐸᔦᑳᑲᒥᒃ ᓂᐱᒃ᙮

ᐦᐃᑉᕉᐗ 6:11

ᓂ ᐸᑯᓭᓕᑌᓈᓐ ᒫᑲ ᒥᓯᐌ ᐁ ᐃᑕᔑᔦᒃ ᑭᑭ ᐃᔑ ᐙᐸᑎᓕᐌᔦᒃ ᐊᓂᒪ ᐃᔑ ᑭᓯᓴᐎᓯᐎᓐ, ᒥᑐᓂ ᐁ ᑫᒋᓇᐅᔦᒃ ᐊᔅᐯᓕᒧᐎᓂᒃ ᐱᓕᔥ ᑫ ᐃᔥᒀᐸᓕᒃ:

ᓂᔓ ᐱᑕᕐ 1:10

ᐁᐗᑯ ᒫᑲ ᐅᒋ ᐊᐙᓯᑌ, ᓂᒋᔖᓂᑐᒃ, ᑭᓯᓴᐎᓯᒃ ᑭᒋ ᑫᒋᓈᔦᓕᑖᑯᑖᔦᒃ ᑭ ᓇᑐᒥᑯᓯᐎᓂᐗᐤ ᓀᔥᑕ ᑭ ᐙᐌᓛᐸᒥᑯᓯᐎᓂᐗᐤ: ᐌᓴ ᑮᔥᐱᓐ ᐅᐅ ᑐᑕᒣᑴ ᓇᒪᐎᔅᑳᑦ ᑭ ᑳ ᐸᑭᔑᓂᓇᐗᐤ:

ᓂᔓ ᐱᑕᕐ 1:3

ᑳ ᐃᑕᔅᑌᓕᒃ ᐅ ᒪᓂᑐᐎ ᑲᔥᑭᐅᐎᓐ, ᑳ ᑮ ᐃᔑ ᒥᓕᑯᐗᒃ ᒥᓯᐌ ᑫᒀᓇ ᐱᒫᑎᓯᐎᓂᒃ ᓀᔥᑕ ᒪᓂᑐᐙᑎᓯᐎᓂᒃ ᑳ ᑎᐯᓕᑖᑾᑭ, ᐅ ᑭᔅᑫᓕᑕᒧᐎᓂᒃ ᐅᒋ ᐊᓇ ᑳ ᑮ ᓇᑐᒥᑕᒃ ᑭᔅᑌᓕᑖᑯᓯᐎᓂᒃ ᓀᔥᑕ ᒥᓨᑎᓯᐎᓂᒃ:

ᓂᔓ ᐱᑕᕐ 3:18

ᒫᑲ ᓂᑕᐎᑭᒃ ᔕᐌᓕᒋᑫᐎᓂᒃ, ᓀᔥᑕ ᐅ ᑭᔅᑫᓕᒥᑯᓯᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴ ᙭᙮ ᐎᓚ ᒫᑲ ᑲᑕ ᐎ ᒫᒥᒋᒫᑲᓂᐎᐤ ᐊᓄᒡ ᓀᔥᑕ ᑳᑭᑫ᙮ ᐁᒣᓐ᙮

ᓂᔥᑕᒻ ᒑᓐ 3:19

ᐁᑯᑕ ᓀᔥᑕ ᑳ ᐅᒋ ᑭᔅᑫᓕᑕᒪᒃ ᑖᐺᐎᓂᒃ ᐁ ᐅᒋᔭᒃ, ᓀᔥᑕ ᑭ ᑳ ᑫᒋᓇᐅᓈᓇᐤ ᑭᑌᐃᓈᒃ ᑫᓇᐗᐸᒥᑕᑯ᙮

ᓂᔥᑕᒻ ᒑᓐ 5:7

ᐌᓴ ᐃᑖᐗᒃ ᓂᔅᑐ ᑳ ᑎᐹᑐᑕᑭᒃ ᑭᒋᑭᔑᑯᒃ, ᐌᐅᑖᐎᒪᐎᑦ, ᐋᔭᒥᐎᓐ, ᓀᔥᑕ, ᐯᓓᑭᓯᑦ ᐊᒑᒃ: ᐅᑯ ᒫᑲ ᑳ ᓂᔅᑎᒋᒃ ᐯᔭᑯᐗᒃ᙮