ᑯᓚᔑᔭᓇ 1:12 - ᐅᔅᑭ ᑎᔅᑌᒥᓐᑦ

¹² ᐁ ᓇᓈᔅᑯᒣᒃ ᐌᐅᑖᐎᒪᐎᑦ, ᑳ ᑮ ᑐᑖᑕᒃ ᑭᒋ ᐊᓯᒋ ᐋᔮᔭᒃ ᐊᓂᒪ ᑎᐱᓚᐌᐎᓯᐎᓐ ᑳ ᐋᔮᒋᒃ ᐅᐸᓓᑭᓴᒃ ᐙᓭᔮᓯᐎᓂᒃ:

ᑯᓚᔑᔭᓇ 1:12 Iomraidhean Croise

ᐅᐸᓓᑭᔅ ᒫᑎᐤ 25:34

ᐁᑯ ᑭᒋᐅᑭᒪᐤ ᑫ ᐃᑖᑦ ᐊᓂᐃ ᐅ ᑭᒋᓂᔅᑮᒃ, ᐋᔅᑕᒥᑐᒃ, ᑭᓚᐗᐤ ᑳ ᒥᓦᑭᒥᑖᒃ ᓄᑖᐎ, ᐯᒋ ᐋᔮᒃ ᐊᓂᒪ ᐅᑭᒫᐎᐎᓐ ᑳ ᑮ ᐋᔦᔅᑳᐎᑕᒫᑲᐎᔦᒃ ᐊᔅᐱᓐ ᓃᔥᑕᒻ ᐁ ᐊᔅᑭᐗᒃ:

ᐅᐸᓓᑭᔅ ᒑᓐ 14:6

ᒋᓴᔅ ᐃᑌᐤ, ᓂᓚ ᐁᐗᑯ ᒣᔅᑲᓇᐤ, ᓀᔥᑕ ᑖᐺᐎᓐ, ᓀᔥᑕ ᐱᒫᑎᓯᐎᓐ: ᓇᒪᐎᓚ ᐊᐌᓇ ᓈᑌᐤ ᐅᑖᐎᒪᐗ, ᐱᑯ ᓂᓚ ᐅᒋ᙮

ᐅᐸᓓᑭᔅ ᒑᓐ 20:17

ᒋᓴᔅ ᐃᑌᐤ ᐁᑳᐎᓚ ᓵᒥᓂᓐ; ᐌᓴ ᓇᒪᐎᓚ ᐁᔥᑾ ᓂ ᑮ ᐅᐱᔅᑳᓐ ᑭᒋ ᓈᑕᒃ ᓄᑖᐎ: ᒫᑲ ᓇᑕᐙᐸᒥᒃ ᓂᒋᔖᓇᒃ, ᓀᔥᑕ ᐃᔑᒃ, ᓂᑦ ᐅᐱᔅᑳᓐ ᑭᒋ ᓈᑕᒃ ᓄᑖᐎ, ᓀᔥᑕ ᑯᑖᐎᐗᐤ; ᓀᔥᑕ ᓂ ᑭᒋᒪᓂᑐᒻ, ᑭ ᑭᒋᒪᓂᑐᒥᐗᐤ ᒫᑲ᙮

ᐅᐸᓓᑭᔅ ᒑᓐ 4:23

ᒫᑲ ᐹᐸᓕᐤ ᑎᐹᔨᑲᓐ ᐱᓯᒧᑳᓂᒃ, ᐋᔕᔾ ᒫᑲ ᐊᓄᒡ, ᐃᔅᐱ ᐊᓂᑭ ᑖᐺ ᐅᑖᔭᒥᐊᐗᒃ ᑫ ᓇᐗᑮᔅᑕᐙᒋᒃ ᐅᑖᐎᒫᐗ ᐊᒑᑯᒃ ᓀᔥᑕ ᑖᐺᐎᓂᒃ: ᐌᓴ ᐅᑖᐎᒪᐤ ᓇᑕᐌᓕᒣᐤ ᐊᓂᐃ ᑐᐎ ᑭᒋ ᓇᐗᑮᔅᑖᑯᑦ᙮

ᐊᐸᔅᑕᓚᒃ 20:32

ᐊᓄᒡ ᒫᑲ, ᓂᒋᔖᓂᑐᒃ, ᑭ ᐸᑭᑌᓕᒥᑎᓇᐗᐤ ᑭᒋᒪᓂᑐ, ᓀᔥᑕ ᐅ ᔕᐌᓕᒋᑫᐎ ᐋᔭᒥᐎᓂᒃ, ᐊᓂᒪ ᑳ ᑲᔥᑭᑖᒪᑲᒃ ᑭᒋ ᓂᑕᐎᑭᐃᑯᔦᒃ, ᓀᔥᑕ ᑭᒋ ᒥᓕᑯᔦᒃ ᑎᐯᓕᒋᑫᐎᓐ ᐃᑕ ᒥᓯᐌ ᒫᒪᐤ ᑳ ᐃᑖᒋᒃ ᑳ ᐸᓓᑭᐊᑲᓂᐎᒋᒃ᙮

ᐊᐸᔅᑕᓚᒃ 26:18

ᑭᒋ ᐹᔅᑭᑌᓇᒶᑦ ᐅᔅᑭᔑᑯᐙᐗ, ᓀᔥᑕ ᑎᐱᔅᑭᓯᐎᓂᒃ ᑭᑭ ᐅᒋ ᑴᔅᑭᓇᒋᒃ ᐙᓭᔮᓯᐎᓂᒃ ᐃᔑ, ᓀᔥᑕ ᓭᑖᓐ ᐅ ᑲᔥᑭᐅᐎᓂᒃ ᐃᔑ ᑭᒋ ᑖᐺᔦᓕᒫᒋᒃ ᑭᒋᒪᓂᑕᐗ, ᑭᒋ ᒥᓛᑲᓂᐎᒋᒃ ᑭᒋ ᐌᐯᓕᑕᒫᒋᒃ ᐅ ᒪᒋᑣᐎᓂᐙᐗ, ᓀᔥᑕ ᑎᐯᓕᑕᒧᐎᓂᓕᐤ ᒣᑴᔭᔥ ᐊᓂᐃ ᑳ ᐸᓓᑭᐋᑲᓂᐎᓕᒋ ᑖᐺᔦᓕᑕᒧᐎᓐ ᐅᒋ ᑳ ᐯᒋᔅᑳᑯᔮᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:17

ᑮᔥᐱᓐ ᒫᑲ ᐋᑎᑦ ᐗᑎᑾᓇ ᓈᑡᐸᓕᑾᐎ, ᑭᓚ ᒫᑲ ᐱᑾᒋ ᐊᓕᑉ ᒥᔅᑎᒃ, ᐁᑯᑕ ᑭ ᑮ ᑭᓕᑲᐎᐗᑯᑳᑎᑲᐎᔭᓐ, ᐊᓯᒋ ᒫᑲ ᐁᐗᑾᓂᐃ ᐅᑎᓇᒪᓐ ᐅᒉᐱᒃ ᓀᔥᑕ ᐁ ᐃᔑ ᐎᓕᓗᑦ ᐊᓇ ᐊᓕᑉ ᒥᔅᑎᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:27

ᑖᐺ ᑮ ᐃᔑ ᒥᓜᓕᑕᒶᒃ; ᐅᐅ ᐁ ᑮ ᒪᓯᓇᐃᑫᔅᑕᐙᒋᒃ᙮ ᐌᓴ ᑮᔥᐱᓐ ᒉᓐᑖᐃᓚᒃ ᑮ ᒥᓛᑲᓂᐎᐗᒃ ᑭᒋ ᑭᑭ ᐋᔮᒋᒃ ᐅᑦ ᐊᒑᑯᐎ ᐋᔮᓂᓕᐗ, ᐎᓚᐗᐤ ᓀᔥᑕ ᑲᑕ ᐅᒋᔅᑕᒪᐙᐗᔅᐸᓐ ᐎᔮᓯᐎ ᑫᒀᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:17

ᑮᔥᐱᓐ ᒫᑲ ᐅᑦ ᐊᐙᔑᒥᔕ, ᐁᑯ ᑫ ᐋᓂᔅᑫ ᐋᔭᐗᒃ ᐅᑦ ᐋᔮᓇ, ᑫ ᐋᓂᔅᑫ ᐋᔭᐗᒃ ᑭᒋᒪᓂᑐ ᐅᑦ ᐋᔮᓇ, ᑭᓕᓈᓇᐤ ᐊᓯᒋ ᙭ ᑖᐱᔅᑯ ᐋᓂᔅᑫ ᑫ ᐋᔭᐗᒃ; ᑮᔥᐱᓐ ᐁᑭᓄᑴ ᐁ ᐎᒋᓴᑫᓕᑕᒧᒪᒃ, ᐁᑯ ᓀᔥᑕ ᑭᒋ ᐃᑕᔭᒃ ᐊᓯᒋ ᐎᓚ ᑭᔅᑌᓕᑖᑯᓯᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:23

ᓀᔥᑕ ᑭᒋ ᐃᔑ ᑭᔅᑫᓕᑖᑯᑖᑦ ᐁ ᐃᔑ ᐌᓗᑕᓂᓕᒃ ᐅ ᑭᔅᑌᓕᑖᑯᓯᐎᓐ ᐊᓂᐃ ᔕᐌᓕᒋᑫᐎ ᐊᓯᐗᒋᑲᓇ, ᓂᑳᓐ ᑳ ᑮ ᐙᐌᔑᑖᑦ ᑭᔅᑌᓕᑖᑯᓯᐎᓂᒃ ᐃᔑ᙮

ᓂᔥᑕᒻ ᑯᕆᓐᑎᐊᓇ 8:6

ᒫᑲ ᑭᓚᓈᓇᐤ ᐅᒋ ᐯᔭᑯ ᐱᑯ ᑭᒋᒪᓂᑐ, ᐊᓇ ᐌᐅᑖᐎᒫᐎᑦ, ᑳ ᐅᒋᐸᓕᑭ ᒥᓯᐌ ᑫᒀᓇ, ᓀᔥᑕ ᑭᓚᓈᓇᐤ ᐊᓇ ᑳ ᐅᒋ ᐃᑖᔭᒃ᙮

ᓂᔥᑕᒻ ᑯᕆᓐᑎᐊᓇ 9:23

ᐅᒪ ᓀᔥᑕ ᓂ ᑐᑌᓐ ᒥᓗᐋᒋᒧᐎᓐ ᐅᒋ, ᑭᒋ ᑮ ᐅᑎᓇᒫᓐ ᐊᓯᒋ ᑯᑕᑭᔭᒃ᙮

ᓂᔓ ᑯᕆᓐᑎᐊᓇ 11:14

ᓇᒪᐎᓚ ᒫᑲ ᒫᒪᔅᑳᒡ: ᐌᓴ ᓭᑖᓐ ᑫᒋᐙᒃ ᑴᔅᑭᓈᑯᐃᑎᓱ ᑖᐱᔅᑯᒡ ᐙᔅᑌᐎᓂ ᐁᓐᒐᓪ᙮

ᓂᔓ ᑯᕆᓐᑎᐊᓇ 5:5

ᐊᓇ ᒫᑲ ᐅᒪ ᑫᒀᓐ ᑳ ᑮ ᑐᑕᒫᑕᒃ ᐁᐗᑯ ᑭᒋᒪᓂᑐ, ᑳ ᑮ ᒥᓕᑕᒃ ᓀᔥᑕ ᐅ ᑫᒋᓈᐅᐎᓐ ᐊᒑᒃ᙮

ᐃᐱᓯᔭᓇ 1:11

ᐊᓇ ᓀᔥᑕ ᑳ ᑮ ᐅᒋ ᐋᔮᔭᒃ ᑎᐱᓚᐌᐎᓯᐎᓐ, ᐁ ᓂᑳᓂᑭᔅᑭᓇᐌᓕᒥᑲᐎᔭᒃ ᐁ ᐃᔑ ᑫᒋᓀᓕᑕᒃ ᐊᓇ ᑳ ᐋᔨᑐᑕᒃ ᒥᓯᐌ ᑫᒀᓇ ᐁ ᐃᔑ ᑲᑫᔅᑭᒥᐌᒪᑲᓂᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ:

ᐃᐱᓯᔭᓇ 1:18

ᐁ ᐅᔥᑭᔑᑯᒪᑲᒃ ᑭ ᓂᓯᑐᑕᒧᐎᓂᐗᐤ ᐁ ᐙᔅᑌᓂᑳᑌᒃ; ᑭᒋ ᑭᔅᑫᓕᑕᒣᒃ ᑫᒀᓐ ᑳ ᐊᐯᓕᒧᓈᓂᐗᒃ ᐁ ᓇᑐᑫᑦ, ᓀᔥᑕ ᐁ ᐃᔑ ᐌᓗᒋ ᑭᔅᑌᓕᑖᑾᓂᓕᒃ ᐅ ᑎᐱᓚᐌᐎᓯᐎᓐ ᑫ ᐋᔮᓕᒋ ᐅᐸᓓᑭᓴ;

ᐃᐱᓯᔭᓇ 2:18

ᐌᓴ ᐎᓚ ᐅᒋ ᐯᔭᒃ ᐊᒑᑯᒃ ᓂ ᐯᔣᐸᒫᓈᓐ ᐅᑖᐎᒪᐤ᙮

ᐃᐱᓯᔭᓇ 3:6

ᒉᓐᑖᐃᓚᒃ ᑭᒋ ᐎᒋ ᑎᐯᓕᑕᒧᒥᐌᒋᒃ, ᐊᓂᒪ ᑫᔮᐸᒡ ᒥᔭᐎᒃ ᓀᔥᑕ ᑭᒋ ᑕᑯᐋᑲᓂᐎᒋᒃ, ᓀᔥᑕ ᑭᒋ ᐎᒋ ᐅᑎᓇᒧᒥᐌᒋᒃ ᐅᑦ ᐊᔓᑕᒫᑫᐎᓂᓕᐤ ᙭ᑎᒃ ᒥᓗᐋᒋᒧᐎᓐ ᐅᒋ:

ᐃᐱᓯᔭᓇ 4:6

ᐯᔭᑯ ᑭᒋᒪᓂᑐ ᓀᔥᑕ ᑳ ᐅᑕᐎᒥᑯᑦ ᒥᓯᐌ, ᑳ ᑎᐯᓕᒫᑦ ᒥᓯᐌ, ᑳ ᔖᐳᔥᑲᐙᑦ ᒥᓯᐌ ᓀᔥᑕ ᑳ ᐱᒋᔅᑳᑖᒃ ᒥᓯᐌ ᐁ ᐃᑕᔑᔦᒃ᙮

ᐃᐱᓯᔭᓇ 5:11

ᐁᑳᐎᓚ ᒫᑲ ᐎᒉᐙᑲᓂᑕᒪᒃ ᐊᓂᐃ ᐁᑳ ᑳ ᒥᓂᔑᐗᑭ ᐗᓂᑎᐱᔅᑭᓯᐎ ᐊᑑᔅᑫᐎᓇ, ᒫᑲ ᐊᐙᓯᑌ ᑭᑐᑕᒧᒃ᙮

ᐃᐱᓯᔭᓇ 5:20

ᒧᔕᒃ ᒥᓯᐌ ᑫᒀᓇ ᐁ ᐅᒋ ᓇᓈᔅᑯᒣᒃ ᑭᒋᒪᓂᑐ ᐌᐅᑖᐎᒪᐎᑦ, ᐅᑦ ᐃᔑᓂᑳᓱᐎᓂᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᐃᐱᓯᔭᓇ 5:4

ᐁᑳ ᓀᔥᑕ ᐎᓂᑐᑕᒧᐎᓐ, ᐁᑳ ᓀᔥᑕ ᐸᑾᓐᑕᐤ ᐋᔭᒥᐎᓐ, ᐁᑳ ᓀᔥᑕ ᒪᒋ ᐗᐎᔭᑗᐎᓐ, ᐁᑳ ᑳ ᒥᓗᐃᑌᓕᑖᑾᒃ; ᒫᑲ ᐊᐙᓯᑌ ᐁ ᓈᓈᔅᑯᒧᓈᓂᐗᒃ᙮

ᐃᐱᓯᔭᓇ 5:8

ᐌᓴ ᐌᔅᑲᒡ ᑭ ᑮ ᐗᓂᑎᐱᔅᑭᓯᓇᐗᐤ, ᐊᓄᒡ ᒫᑲ ᑭ ᐙᔅᑌᐎᓇᐗᐤ ᐅᑎᐯᓕᒋᑫᒃ: ᐱᒧᑌᒃ ᑖᐱᔅᑯᒡ ᐙᔅᑌᐎᓂ ᐊᐙᔑᔕᒃ᙮

ᑯᓚᔑᔭᓇ 2:2

ᐅᑌᐃᐙᐗ ᑭᒋ ᑳᑭᒋᑖᓂᐗᓂᓕᑭ, ᐁ ᒪᐗᓴᑯᓈᑲᓂᐎᒋᒃ ᓵᑭᐃᐌᐎᓂᒃ, ᓀᔥᑕ ᑭᒋ ᒥᑐᓂᑫᒋᓇᐅᐎ ᓂᓯᑐᑕᑭᒃ ᐁ ᐃᔑ ᐌᓗᑕᓂᓕᒃ, ᒥᑐᓂ ᑭᒋ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅ ᒫᒪᔅᑳᑌᓕᑖᑯᓯᐎᓂᓕᐤ, ᓀᔥᑕ ᐅᑖᐎᒪᐗ, ᓀᔥᑕ ᙭ᑕ;

ᑯᓚᔑᔭᓇ 3:15

ᐁᑯᔑ ᒫᑲ ᑭᒋᒪᓂᑐ ᐅ ᑳᔮᒣᓕᑕᒧᐎᓐ ᑭ ᑳ ᑎᐯᓕᒥᑯᐙᓇᐗᐤ ᑭᑌᐃᐙᒃ, ᐁᐗᑯ ᓀᔥᑕ ᑳ ᐃᔑ ᓇᑐᒥᑲᐎᔦᒃ ᐯᔭᒃ ᒥᔭᐎᒃ; ᓇᓈᔅᑯᒧᒃ ᒫᑲ᙮

ᑯᓚᔑᔭᓇ 3:17

ᑫᒀᓐ ᒫᑲ ᑳ ᑐᑕᒣᒃ ᐋᔭᒥᐎᓂᒃ ᓀᔥᑕᐱᑯ ᐋᔨᑎᐎᓂᒃ, ᒥᓯᐌ ᑐᑕᒧᒃ ᐅᑎᐯᓕᒋᑫᐤ ᒋᓴᔅ ᐅᑦ ᐃᔑᓂᑳᓱᐎᓂᒃ, ᐁ ᓇᓈᔅᑯᒣᒃ ᑭᒋᒪᓂᑐ ᐌᐅᑖᐎᒪᐎᑦ ᐎᓚ ᐅᒋ᙮

ᑕᐃᑕᔅ 2:14

ᐊᓇ ᑳ ᑮ ᐸᑭᑎᓂᑎᓱᔅᑕᒫᑕᒃ, ᒥᓯᐌ ᒪᒑᑎᓯᐎᓂᒃ ᑭᒋ ᐅᒋ ᐱᒫᒋᐃᑕᒃ, ᓀᔥᑕ ᑭᒋ ᐸᓓᑭᔅᑕᒫᓱᑦ ᐙᐌᓛᐸᒫᑲᓂᐎ ᐃᓕᓕᐗ, ᐁ ᓱᑫᓕᑕᒥᓕᒋ ᑭᒋ ᒥᓗ ᐊᑑᔅᑫᓕᒋ᙮

ᐦᐃᑉᕉᐗ 12:23

ᐊᓂᒪ ᒫᒪᐎ ᒪᐗᒋᐃᑐᐎᓐ ᓀᔥᑕ ᐅ ᒫᒪᐎᐋᔭᒥᐊᒥᐗᐗ ᓃᔥᑕᒧᔖᓇᒃ, ᑭᒋᑭᔑᑯᒃ ᑳ ᒪᓯᓇᐃᑳᓱᒋᒃ, ᓀᔥᑕ ᑭᒋᒪᓂᑐ ᒥᓯᐌ ᑳ ᑎᐹᔅᑯᓈᑦ, ᓀᔥᑕ ᐅᑦ ᐊᒑᑯᐗᐗ ᑳ ᒀᔭᔅᑭᑎᒋᒃ ᐃᓕᓕᐗᒃ ᐁ ᒥᑐᓂᐋᑲᓂᐎᒋᒃ,

ᐦᐃᑉᕉᐗ 3:1

ᐁᐗᑯ ᒫᑲ ᐅᒋ, ᑳ ᐸᓓᑭᓯᔦᒃ ᓂᒋᔖᓂᑐᒃ, ᑳ ᐎᒋᐃᐌᔦᒃ ᑭᒋᑭᔑᑳᐎ ᓂᑐᑫᐎᓐ, ᓈᓈᑲᑕᐌᓕᒥᒃ ᐊᓇ ᐊᐸᔅᑕᓪ, ᓀᔥᑕ ᑭᒋ ᓵᓵᑭᐎᓕᐌᐎᓕᓕᐤ ᑭᑦ ᐃᑣᓱᐎᓂᓈᒃ, ᙭ ᒋᓴᔅ;

ᐦᐃᑉᕉᐗ 3:14

ᐌᓴ ᑭ ᑮ ᐅᑎᓈᓇᐤ ᙭, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᑭ ᒫᒋ ᑫᒋᓇᐅᐎᓂᓇᐤ ᐱᓕᔥ ᑫ ᐃᔥᒀᐸᓕᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:9

ᐁᐗᑯ ᐅᒋ ᑭ ᒫᒥᒋᒫᓇᐤ ᑭᒋᒪᓂᑐ, ᐊᓇ ᐌᐅᑖᐎᒪᐎᑦ ᐅᑎ: ᐁᐗᑯ ᐅᒋ ᓀᔥᑕ ᑮ ᒪᒐᑭᒫᓇᐗᒃ ᐃᓕᓕᐗᒃ, ᑳ ᐅᔑᐋᑲᓂᐎᒋᒃ ᑭᒋ ᓇᔅᐱᑕᐙᒋᒃ ᑭᒋᒪᓂᑐᐗ᙮

ᓂᔥᑕᒻ ᐱᑕᕐ 5:1

ᐊᓂᑭ ᑳ ᓂᑳᓀᓕᑖᑯᓯᒋᒃ ᑳ ᐎᒉᐎᑖᑾᒃ ᓂ ᔑᑭᒪᐗᑳ, ᓂᓚ ᓀᔥᑕ ᑳ ᓂᑳᓀᓕᑖᑯᓯᔮᓐ, ᓀᔥᑕ ᑳ ᐋᓕᒧᑕᒶᒃ ᙭ ᐅ ᐙᐎᓴᑫᓕᑕᒧᐎᓇ, ᓀᔥᑕ ᑳ ᐅᐎᒋᐃᐌᔮᓐ ᐊᓂᒪ ᑭᔅᑌᓕᑖᑯᓯᐎᓐ ᑫ ᐯᒋ ᓄᑯᑖᓂᐗᒃ:

ᓂᔥᑕᒻ ᒑᓐ 1:3

ᐊᓂᒪ ᑳ ᑮ ᐙᐸᑕᒫᒃ ᓀᔥᑕ ᑳ ᑮ ᐯᑕᒫᒃ, ᑭᑦ ᐋᓕᒧᑕᒫᑎᓈᓐ, ᑭᓚᐗᐤ ᓀᔥᑕ ᑭᒋ ᐃᑖᔦᒃ ᓂᑦ ᐅᑐᑌᒥᐌᐎᓂᓈᒃ; ᑖᐺ ᓀᔥᑕ ᓂᑦ ᐃᑖᐙᓈᓐ ᐅᑐᑌᒥᐌᐎᓂᒃ ᐅᑖᐎᒪᐤ ᓀᔥᑕ ᐅᑯᓯᓴ ᒋᓴᔅ ᙭᙮

ᑭᔅᑫᓕᑖᑯᑖᑫᐎᓐ 21:23

ᐊᓐᑕ ᒫᑲ ᐃᑖᐎᓂᒃ ᐱᓯᒻ ᓇᒪᐎᓚ ᑭ ᓇᑕᐌᓕᒪᐤ, ᓇᒪ ᓀᔥᑕ ᑎᐱᔅᑭᐱᓯᒻ ᑭᒋ ᒐᑳᓯᑫᒋᒃ; ᐌᓴ ᑮ ᐅᒋ ᐙᔅᑌᓂᑳᑌᐤ ᑭᒋᒪᓂᑐ ᐅ ᑭᔅᑌᓕᑖᑯᓯᐎᓐ, ᓀᔥᑕ ᒫᓂᔥᒑᓂᔑᔥ ᐙᓭᔮᓯᐎᓂᐎᐤ ᐁᑯᑕ᙮

ᑭᔅᑫᓕᑖᑯᑖᑫᐎᓐ 22:14

ᔕᐌᓕᑖᑯᓯᐗᒃ ᐊᓂᑭ ᑳ ᑐᑕᒸᒋᒃ ᐅ ᑲᑫᔅᑴᐎᓂᓕᐗ, ᒀᔭᔉ ᑭᒋ ᑮ ᐋᔭᐙᒋᒃ ᐱᒫᑎᓯᐎᓂ ᒥᔅᑎᑾ, ᓀᔥᑕ ᔕᐳ ᑭᒋᐃᔥᒀᑌᒥᒃ ᑭᒋ ᐱᑐᑫᒋᒃ ᐃᑖᐎᓂᒃ᙮

ᑭᔅᑫᓕᑖᑯᑖᑫᐎᓐ 22:5

ᓇᒪᐎᓚ ᒫᑲ ᐊᓐᑕ ᑲᑕ ᑎᐱᔅᑲᐤ; ᓇᒪ ᓀᔥᑕ ᓇᑕᐌᓕᑕᒶᒃ ᐙᔅᑌᓇᒫᑲᓂᓕᐤ, ᓇᒪ ᓀᔥᑕ ᐱᓯᒻ ᐅ ᐙᔅᑌᐎᓐ; ᐌᓴ ᐙᔅᑌᓇᒫᑯᐗᒃ ᑭᒋᒪᓂᑐᐗ: ᑲᑕ ᑎᐯᓕᒋᑫᐗᒃ ᒫᑲ ᑳᑭᑫ ᓀᔥᑕ ᑳᑭᑫ᙮