ᐊᐸᔅᑕᓚᒃ 9:11 - ᐅᔅᑭ ᑎᔅᑌᒥᓐᑦ

¹¹ ᐅᑎᐯᓕᒋᑫᐤ ᒫᑲ ᑮ ᐃᑌᐤ, ᐸᓯᑯ, ᓀᔥᑕ ᐃᑐᑌ ᐊᓐᑕ ᐱᒧᑌᔅᑲᓈᒃ ᒀᔭᔅᑾᓐ ᑳ ᐃᔑᓂᑳᑌᒃ, ᓀᔥᑕ ᑲᑴᒋᑫᒧ ᐅ ᐎᑭᓕᒃ ᐊᓇ ᒎᑕᔅ ᐊᐌᓇ ᐅᒋ ᓵᓪ ᑳ ᐃᔑᓂᑳᓱᑦ, ᑕᕐᓴᓯᒃ ᑳ ᐅᒌᑦ; ᐌᓴ, ᒫᑎᑲ, ᐋᔭᒥᐋᐤ;

ᐊᐸᔅᑕᓚᒃ 9:11 Iomraidhean Croise

ᐅᐸᓓᑭᔅ ᒑᓐ 4:10

ᒋᓴᔅ ᐁ ᓇᔥᑴᐗᔑᐋᑦ, ᑮ ᐃᑌᐤ, ᑮᔥᐱᓐ ᑭ ᑭᔅᑫᓕᑕᒧᐙᐸᓀ ᑭᒋᒪᓂᑐ ᐅ ᒥᓕᐌᐎᓐ, ᓀᔥᑕ ᐊᐌᓇ ᐊᓇ ᑳ ᐃᑎᔉ, ᒥᓇᐃᓐ; ᑭ ᑳ ᑮ ᓇᑐᑕᒪᐙᑖᔾ, ᑭ ᑳ ᑮ ᒥᓕᑯᑖᔾ ᒫᑲ ᐱᒪᑎᓯᐎ ᓂᐱᓕᐤ᙮

ᐊᐸᔅᑕᓚᒃ 11:13

ᓂ ᑮ ᐙᐸᑎᓕᑯᓈᓐ ᒫᑲ ᑳ ᐃᔑ ᐙᐸᒫᑦ ᐁᓐᒐᓚ ᐱᒋ ᐎᑭᒃ, ᑳ ᓂᐸᐎᓕᒋ ᓀᔥᑕ ᑳ ᐃᑎᑯᑦ, ᐃᔑᑎᔕᐅᒃ ᐃᓕᓕᐗᒃ ᐊᓐᑕ ᒐᐸᐃᒃ, ᓇᑐᒻ ᒫᑲ ᓵᐃᒪᓐ ᑳ ᐊᔅᐱᓂᑳᓱᑦ ᐱᑕᕐ;

ᐊᐸᔅᑕᓚᒃ 11:25

ᐁᑯ ᑫᑐᑌᑦ ᐸᕐᓇᐸᔅ ᑖᕐᓴᓯᒃ ᐃᔑ, ᑭᒋ ᓇᑐᓇᐙᑦ ᓵᓚ;

ᐊᐸᔅᑕᓚᒃ 2:21

ᑲᑕ ᐃᑭᓐ ᒫᑲ, ᒥᓯᐌ ᑕᑐ ᐊᐌᓇ ᑫ ᑌᑆᑕᒪᑴ ᐅᑎᐯᓕᒋᑫᐗ ᐅᑦ ᐃᔑᓂᑲᓱᐎᓂᓕᐤ ᑲᑕ ᐱᒫᒋᑲᓂᐎᐤ᙮

ᐊᐸᔅᑕᓚᒃ 21:39

ᒫᑲ ᐹᓪ ᑮ ᐃᑗᐤ, ᓂᓚ ᓂᑦ ᐃᓕᓕᐎᓐ ᐁ ᒎᐎᔮᓐ ᑖᕐᓴᓯᒃ ᐁ ᐅᒋᔮᓐ, ᐃᑖᐎᓐ ᓯᓕᓯᔭᐃᒃ, ᐁ ᐃᑖᐎᓂᐎᓕᓕᐎᔮᓐ ᐁᑳ ᐁ ᐋᐱᔅᑌᓕᑖᑾᒃ ᐃᑖᐎᓐ ᐅᒋ: ᑭ ᐸᑯᓭᓕᒥᑎᓐ ᒫᑲ, ᐃᓕᓈᐎᓐ ᑭᒋ ᐋᔭᒥᐊᑭᒃ ᐃᓕᓕᐗᒃ᙮

ᐊᐸᔅᑕᓚᒃ 22:3

ᓂᓚ ᑖᐺ ᓂᑦ ᐃᓕᓕᐎᓐ ᐁ ᒎᐎᔮᓐ, ᑳ ᓂᑖᐎᑭᔮᓐ ᑖᕐᓴᓯᒃ, ᐃᑖᐎᓐ ᓯᓕᓯᔭᐃᒃ, ᒫᑲ ᐅᒪ ᐃᑖᐎᓂᒃ ᐁ ᑮ ᐅᐱᑭᐃᑳᐎᔮᓐ, ᐅᓯᑎᒃ ᑲᒣᓕᔭᓪ, ᓀᔥᑕ ᐁ ᑮ ᑭᔅᑭᓄᐊᒫᑲᐎᔮᓐ ᒬᒋ ᑳ ᐃᑕᔅᑌᓕᒃ ᐅᑦ ᐅᓚᔓᐌᐎᓂᐗᐤ ᐅᑖᐎᒫᐗᒃ, ᓀᔥᑕ ᓂ ᑮ ᒪᔥᑲᐌᓕᒪᐤ ᑭᒋᒪᓂᑐ, ᑖᐱᔅᑯᒡ ᐁ ᐃᑎᔦᒃ ᒥᓯᐌ ᐁ ᐃᑕᔑᔦᒃ ᐊᓄᒡ ᐁ ᑭᔑᑳᒃ᙮

ᐊᐸᔅᑕᓚᒃ 8:22

ᐁᐗᑯ ᐅᒋ ᒥᒋᓚᐌᔦᓕᑕ ᐅᒪ ᑭ ᒪᒋᑣᐎᓐ, ᓀᔥᑕ ᐋᔭᒥᐁᔅᑕᐤ ᑭᒋᒪᓂᑐ, ᑮᔥᐱᓐ ᒫᔅᑯᒡ ᑳ ᐃᔑ ᒥᑐᓀᓕᑕᒪᓐ ᑭᑌᐃᒃ ᑫ ᑮ ᐌᐯᓕᑕᒫᑲᐎᔭᓐ᙮

ᐊᐸᔅᑕᓚᒃ 8:26

ᐅᑎᐯᓕᒋᑫᐤ ᐅᑦ ᐁᓐᒐᓕᒪ ᒫᑲ ᑮ ᐋᔭᒥᐁᓕᐗ ᐱᓕᐸ, ᐁ ᐃᑗᓕᒋ, ᐸᓯᑯ, ᐃᑐᑌ ᒫᑲ ᔖᐗᓄᑖᒃ ᐃᔑ ᐊᓂᒪ ᒣᔅᑲᓈᒃ ᐃᔅᑯ ᒋᕉᓴᓚᒥᒃ ᑳ ᐅᑕᒧᒃ ᐱᓕᔥ ᑫᓴᐃᒃ, ᑳ ᐸᑾᑕᔅᑭᐗᒃ᙮

ᐊᐸᔅᑕᓚᒃ 9:30

ᐊᓂᐁᓕᐤ ᐃᔅᐱ ᑫᔅᑫᓕᑕᑭᒃ ᑳ ᐎᒋᔖᓂᑐᒋᒃ, ᑮ ᐯᒋ ᐃᑐᑕᐁᐙᒃ ᐊᓐᑕ ᓯᓴᕆᐊᐃᒃ, ᓀᔥᑕ ᑮ ᐃᔑᑎᔕᐌᐗᒃ ᑖᕐᓴᓯᒃ᙮