ᐊᐸᔅᑕᓚᒃ 6:3 - ᐅᔅᑭ ᑎᔅᑌᒥᓐᑦ

³ ᐁᐗᑯ ᐌᒋ, ᓂᒋᔖᓂᑐᒃ, ᐗᐌᓚᐸᒥᑯᒃ ᑭᓚᐗᐤ ᐁ ᐃᑕᔑᔦᒃ ᐅᒋ ᓂᔂᔅ ᐃᓕᓕᐗᒃ ᑳ ᒀᔭᔅᑭᑖᑎᓯᐎ ᐋᓕᒧᒥᒋᒃ, ᑳ ᓴᑲᔅᑭᓀᔅᑳᑯᒋᒃ ᑳ ᐸᓓᑭᓯᓕᑭ ᐊᒑᑾ ᓀᔥᑕ ᑲᑫᑕᐌᓕᑕᒧᐎᓂᓕᐤ, ᐊᓂᑭ ᑫ ᑮ ᑎᐯᓕᑕᒥᐊᑭᒋᒃ ᐅᒪ ᐃᑖᐸᑎᓯᐎᓐ᙮

ᐊᐸᔅᑕᓚᒃ 6:3 Iomraidhean Croise

ᐅᐸᓓᑭᔅ ᒫᑎᐤ 23:8

ᒫᑲ ᐁᑳᐎᓚ ᑭᓚᐗᐤ ᓇᑕᐌᓕᑕᒧᒃ ᕌᐸᐃ ᑭᒋ ᐃᑎᑳᐎᔦᒃ: ᐌᓴ ᐯᔭᑯ ᑭᑦ ᐅᑭᒫᒥᐗᐤ, ᙭ ᐅᑎ; ᒥᓯᐌ ᑭᓚᐗᐤ ᒫᑲ ᑭ ᐎᒋᔖᓂᑐᓇᐗᐤ᙮

ᐅᐸᓓᑭᔅ ᒑᓐ 21:23

ᐁᑯ ᐅᒪ ᐃᑗᐎᓐ ᐯᐹᒥᐸᓕᒃ ᐁ ᐎᑕᒫᑐᒋᒃ ᑳ ᐎᒋᔓᓂᑐᒋᒃ, ᐊᓇ ᑭᔅᑭᓄᐊᒪᐙᑲᐤ ᐁᑳ ᑭᒋ ᓂᐱᑦ: ᐁᓕᐌᒃ ᒫᑲ ᒋᓴᔅ ᓇᒪᐎᓚ ᐅᒋ ᐃᑌᐤ, ᓇᒪᐎᓚ ᑲᑕ ᓂᐱᐤ; ᒫᑲ, ᑮᔥᐱᓐ ᐃᑌᓕᑕᒫᓐ ᑭᒋ ᐃᑖᑦ ᐹᑎᒫ ᑕᑯᔑᓂᔮᓀ, ᑖᓂ ᑫ ᐃᑖᐸᒋᑖᔭᓐ ᑭᓚ?

ᐊᐸᔅᑕᓚᒃ 1:15

ᒣᒀᒡ ᒫᑲ ᐊᓂᐃ ᑭᔑᑳᐗ ᐱᑕᕐ ᑮ ᓂᐸᐎᐤ ᑌᑖᐎᒡ ᑭᔅᑭᓄᐊᒪᐙᑲᓇ, ᑮ ᐃᑗᐤ ᒫᑲ (ᐁ ᐃᑕᑎᓂᓕᑭ ᐅᑦ ᐃᔑᓂᑳᓱᐎᓂᐗᐗ ᓈᓐᑕᐤ ᒥᑖᑐᒥᑕᓇᐤ ᓂᔑᑎᓇᐤ ᓀᔥᑕ):

ᐊᐸᔅᑕᓚᒃ 1:21

ᐁᐗᑯ ᐅᒋ ᐅᑯ ᐃᓕᓕᐗᒃ ᑳ ᐎᒉᐎᑕᑾᒃ ᒧᔕᒃ ᒣᒀᒡ ᐅᑎᐯᓕᒋᑫᐤ ᒋᓴᔅ ᑳ ᐎᒋᐱᑐᑫᒥᑕᒃ ᓀᔥᑕ ᑳ ᐎᒋᐗᓚᐎᒥᑕᒃ,

ᐊᐸᔅᑕᓚᒃ 10:22

ᑮ ᐃᑗᐗᒃ ᒫᑲ, ᑳᕐᓂᓕᔭᔅ ᑳ ᓇᑐᐸᓕᐎ ᐅᑭᒫᐎᑦ, ᒀᔭᔉ ᑳ ᐃᑎᑦ ᐃᓕᓕᐤ, ᓀᔥᑕ ᐊᐌᓇ ᑳ ᓇᓂᒋᔅᑕᐙᑦ ᑭᒋᒪᓂᑐᐗ, ᓀᔥᑕ ᑳ ᒥᓨᒋᒥᑯᑦ ᒥᓯᐌ ᒫᒪᐤ ᐁ ᑕᑐᔅᑲᓀᓯᓕᒋ ᐊᓂᐃ ᒎᐗ, ᑮ ᐎᑕᒫᑯ ᑭᒋᒪᓂᑐᐗ ᐸᓓᑭ ᐁᓐᒐᓚ ᐅᒋ, ᑭᒋ ᓇᑐᒥᔉ ᐊᓐᑕ ᐅ ᐎᑭᓕᒃ, ᑭᒋ ᐯᑕᒃ ᒫᑲ ᐋᔭᒥᐎᓇ ᑭᓚ ᐅᒋ᙮

ᐊᐸᔅᑕᓚᒃ 15:23

ᑮ ᒪᓯᓇᐊᒪᐌᐗᒃ ᒫᑲ ᐎᓚᐊᐤ ᐅᒋ ᐅᒪ ᐃᔑ; ᐊᓂᑭ ᐊᐸᔅᑕᓚᒃ, ᓀᔥᑕ ᑳ ᓂᑳᓀᓕᑖᑯᓯᒋᒃ ᓀᔥᑕ ᑳ ᐎᒋᔕᓂᑐᒋᒃ, ᐃᔑᑎᔕᐊᒫᑫᐗᒃ ᐁ ᐊᑕᒥᔅᑲᐙᒋᒃ ᐊᓂᐃ ᑳ ᐎᒋᔕᓂᑐᓕᒋ ᑳ ᒉᓐᑕᐃᓕᐎᓕᒋ ᐋᓐᑎᐊᑭᒃ ᑳ ᐃᑖᓕᒋ, ᓀᔥᑕ ᓯᕆᐊᐃᒃ, ᓀᔥᑕ ᓯᓕᓯᐊᐃᒃ;

ᐊᐸᔅᑕᓚᒃ 16:2

ᑳ ᑮ ᒥᓨᒋᒥᑯᑦ ᐊᓂᐃ ᑳ ᐎᒋᔕᓂᑐᓕᒋ ᑳ ᐃᑖᓕᒋ ᓕᔅᑦᕋᐃᒃ ᓀᔥᑕ ᐊᐃᑯᓂᐊᒥᒃ᙮

ᐊᐸᔅᑕᓚᒃ 2:4

ᒥᓯᐌ ᒫᑲ ᑮ ᓵᑲᔥᑭᓀᔅᑳᑯᐗᒃ ᐸᓓᑭ ᐊᒑᑾ, ᑮ ᒫᒋ ᐊᔭᒥᐗᒃ ᒫᑲ ᑯᑕᑭᔭ ᐃᔑᑭᔗᐎᓂᒃ, ᑳ ᐃᔑ ᒥᓕᑯᒋᒃ ᐊᒑᑾ᙮

ᐊᐸᔅᑕᓚᒃ 22:12

ᐊᐌᓇ ᒫᑲ ᐋᓇᓈᐊᔅ, ᐁ ᒪᓂᑐᐋᑎᓰᑦ ᐃᓕᓕᐤ ᐁ ᐃᑌᔅᑌᓕᒃ ᐅᓚᔓᐌᐎᓂᓕᐤ, ᐁ ᒥᓗ ᐃᑖᒋᒥᑯᑦ ᒥᓯᐌ ᐊᓂᐃ ᒎᐗ ᐁᑯᑕ ᑳ ᑕᔑᑫᓖᒋ,

ᐊᐸᔅᑕᓚᒃ 28:14

ᐁᑯᑕ ᒫᑲ ᒣᔅᑲᐗᑭᒋᒃ ᐎᒋᔖᓂᒪᐗᒃ, ᓂ ᑮ ᐸᑯᓭᓕᒥᑲᐎᓈᓐ ᒫᑲ ᑭᒋ ᐎᒋᑕᔑᑫᒪᑭᒋᒃ ᓂᔂᓱ ᑭᔑᑳᐗ; ᐁᑯ ᒫᑲ ᐁᑎ ᐃᑐᑌᔮᒃ ᐊᓐᑕ ᕈᒻ᙮

ᐊᐸᔅᑕᓚᒃ 6:2

ᐁᑯ ᐊᓂᑭ ᓂᔓᔔᑉ ᑳ ᓇᑐᒫᒋᒃ ᒫᒪᐤ ᐊᓂᐃ ᑭᔅᑭᓄᐊᒪᐗᑲᓇ ᑭᒋ ᐯᒋ ᓈᑎᑯᒋᒃ, ᑮ ᐃᑗᐗᒃ ᒫᑲ, ᓇᒪᐎᓚ ᒀᔭᔉ ᐃᑌᓕᑖᑾᓐ ᑭᒋ ᓇᑳᑕᒶᑭᑦ ᑭᒋᒪᓂᑐ ᐅᑦ ᐋᔭᒥᐎᓐ ᑭᒋ ᐸᒥᑲᒫᒃ ᒥᒋᓱᐎᓈᑎᑾ᙮

ᐊᐸᔅᑕᓚᒃ 6:5

ᐊᓂᒪ ᐃᑗᐎᓐ ᒫᑲ ᑮ ᓇᐃᓚᐌᐃᑯᐗᒃ ᒥᓯᐌ ᐁ ᐃᑕᓯᒋᒃ: ᑮ ᐗᐌᓚᐸᒣᐗᒃ ᒫᑲ ᐊᓂᐃ ᔅᑎᐱᓐ, ᐃᓕᓕᐤ ᑳ ᓴᑲᔅᑭᓀᔅᑳᑯᑦ ᑖᐺᔦᓕᑕᒧᐎᓂᓕᐤ ᓀᔥᑕ ᑳ ᐸᓓᑭᓯᓕᒋ ᐊᒑᑾ, ᓀᔥᑕ ᐱᓕᑉ, ᓀᔥᑕ ᑉᕈᑯᕋᔅ ᓀᔥᑕ ᓈᐃᑫᓇᕐ, ᓀᔥᑕ ᑕᐃᒪᓐ, ᓀᔥᑕ ᐹᕐᒥᓇᔅ, ᓀᔥᑕ ᓂᑯᓚᔅ ᐅᑴᔅᑳᑎᔅ ᐋᓐᑎᐊᑭᒃ ᐅᒋ;

ᐊᐸᔅᑕᓚᒃ 6:6

ᐁᐗᒀᓂᐃ ᑮ ᐊᓓᐗᒃ ᐅᑎᔥᑲᐤ ᐊᓂᐃ ᐊᐹᔅᑕᓚ; ᐃᔅᐱ ᒫᑲ ᑳ ᑮ ᐋᔭᒥᐋᒋᒃ, ᑭ ᓵᒥᓀᐗᒃ ᐅ ᒋᒋᐙᐗ ᐅᒋ᙮

ᐊᐸᔅᑕᓚᒃ 9:30

ᐊᓂᐁᓕᐤ ᐃᔅᐱ ᑫᔅᑫᓕᑕᑭᒃ ᑳ ᐎᒋᔖᓂᑐᒋᒃ, ᑮ ᐯᒋ ᐃᑐᑕᐁᐙᒃ ᐊᓐᑕ ᓯᓴᕆᐊᐃᒃ, ᓀᔥᑕ ᑮ ᐃᔑᑎᔕᐌᐗᒃ ᑖᕐᓴᓯᒃ᙮

ᓂᔥᑕᒻ ᑯᕆᓐᑎᐊᓇ 12:8

ᐌᓴ ᐯᔭᒃ ᒥᓛᑲᓂᐎᐤ ᐊᒑᑾ ᐅᒋ ᑲᑫᑕᐌᓕᑕᒧᐎ ᐋᔭᒥᐎᓂᓕᐤ; ᑯᑕᒃ ᑭᔅᑫᓕᑕᒧᐄ ᐊᔭᒥᐎᓂᓕᐤ ᐊᓂᐃ ᑫᔮᐸᒡ ᐊᒑᑾ ᐅᒋ;

ᓂᔥᑕᒻ ᑯᕆᓐᑎᐊᓇ 16:3

ᐃᔅᐱ ᒫᑲ ᑕᑯᔑᓂᔮᓀ, ᐊᐌᓂᑭ ᑫ ᒥᓗᐋᓕᒧᒣᑾᒃ ᑭ ᒪᓯᓇᐃᑫᐎᓂᐙᒃ, ᐁᐗᒀᓂᑭ ᑫ ᐃᑎᔕᐗᑭᒃ ᑭᒋ ᐯᒋ ᐃᑐᑕᑖᒋᒃ ᑭ ᒥᓕᐌᐎᓂᐗᐤ ᒋᕉᓴᓚᒥᒃ᙮

ᐃᐱᓯᔭᓇ 5:18

ᐁᑳᐎᓚ ᓀᔥᑕ ᑮᔥᑴᐯᒃ ᔓᒥᓈᐳ ᐅᒋ, ᐁᐗᑯ ᐅᓵᒥᐃᓱᐎᓐ: ᒫᑲ ᑭ ᑳ ᐎ ᓴᑲᔅᑭᓀᔅᑳᑯᐗᐤ ᐊᒑᒃ;

ᓂᔥᑕᒻ ᑎᒧᑎ 5:10

ᐁ ᒥᓗᐃᑖᒋᒫᑲᓂᐎᑦ ᒥᓗ ᐊᑑᔅᑫᐎᓇ ᐅᒋ; ᑮᔥᐱᓐ ᑳ ᐅᐱᑭᐋᑴ ᐊᐙᔑᔕ, ᑮᔥᐱᓐ ᑳ ᐱᑐᑲᐋᑴ ᒫᓐᑌᐗ, ᑮᔥᐱᓐ ᑳ ᑭᓯᐯᑭᓇᒧᑴ ᐅᐸᓓᑭᓴ ᐅᓯᑎᓕᐗ, ᑮᔥᐱᓐ ᑳ ᓂᔕᑲᒪᐙᑴ ᑳ ᑲᒀᑕᑭᓯᓕᒋ, ᑮᔥᐱᓐ ᑳ ᑭᓯᓴᐎᓯᐎ ᐱᒥᑎᔕᐊᒧᑴ ᒥᓯᐌ ᑕᑐ ᒥᓗ ᐊᑖᔅᑫᐎᓂᓕᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:17

ᒥᓯᐌ ᑕᑐ ᒥᓗ ᒥᓕᐌᐎᓐ ᓀᔥᑕ ᑕᑐ ᒫᐗᒋ ᒥᓗ ᒥᓕᐌᐎᓐ ᐃᔥᐱᒥᒃ ᐅᒋᐸᓕᐤ ᐅᒋ ᓛᔑᐸᓕᐤ ᒫᑲ ᐊᓇ ᑳ ᐅᑖᐎᒥᑯᑦ ᐙᔅᑌᐎᓇ, ᐊᓇ ᒥᑐᓂ ᐁᑳ ᑳ ᑳᑭᐌᔦᓕᑕᒃ ᐁᑳ ᓀᔥᑕ ᒥᑐᓂ ᑳ ᑴᔅᑳᑎᓰᑦ᙮

ᓂᔅᑐ ᒑᓐ 1:12

ᑎᒥᑦᕆᔭᔅ ᒥᓗ ᑎᐹᒋᒥᑯ ᒥᓯᐌ ᐃᓕᓕᐗ, ᓀᔥᑕ ᑖᐺᐎᓂᓕᐤ ᑫᒋᐙᒃ: ᐁᐁ, ᓂᓚᓈᓐ ᓀᔥᑕ ᓂᑦ ᐃᑖᒋᒫᓈᓐ; ᑭ ᑭᔅᑫᓕᑌᓐ ᒫᑲ ᓂ ᑎᐹᒋᒧᐎᓂᓈᐤ ᐁ ᑖᐺᒪᑲᒃ᙮