ᐊᐸᔅᑕᓚᒃ 6:1 - ᐅᔅᑭ ᑎᔅᑌᒥᓐᑦ

¹ ᒣᒀᒡ ᒫᑲ ᐊᓂᐃ ᑭᔑᑳᐗ, ᐃᔅᐱ ᐊᓂᑭ ᑭᔅᑭᓄᐊᒪᐙᑲᓇᒃ ᑳ ᑮ ᒥᒉᑎᒋᒃ, ᐊᓂᑭ ᒃᕆᓯᔮᓇᒃ ᑮ ᒥᑕᐎᒣᐗᒃ ᐊᓂᐃ ᐦᐃᑉᕉᐊ, ᐌᓴ ᑳ ᑭᐙᑎᓯᓕᒋ ᐅᑦ ᐃᔅᑴᒥᐙᐗ ᓇᒪ ᐅᒋ ᐱᓯᔅᑫᓕᒫᑲᓂᐎᓕᐗ ᐃᔅᐱ ᑳ ᐅᒋᔅᑕᒫᑫᓈᓂᐗᓂᓕᒃ ᑕᑡᐤ ᑳᔑᑳᓕᑭ᙮

ᐊᐸᔅᑕᓚᒃ 6:1 Iomraidhean Croise

ᐅᐸᓓᑭᔅ ᒫᑎᐤ 23:13

ᒫᑲ ᑭ ᑳ ᑲᒀᑕᑭᓯᓇᐗᐤ, ᐅᒪᓯᓇᐃᑫᑐᒃ ᓀᔥᑕ ᐸᕋᓯᔨᑐᒃ, ᐅᑕᔭᒥᐁᑳᓱᑐᒃ!! ᐌᓴ ᑭ ᑭᐸᐁᓇᐗᐤ ᑭᒋᑭᔑᑳᐎ ᐅᑭᒫᐎᐎᓐ ᐃᓕᓕᐗᒃ ᐁᑳ ᑭᒋ ᐱᑐᑫᒋᒃ: ᐌᓴ ᑭᓚᐗᐤ ᓇᒪᐎᓚ ᑭ ᐱᑐᑳᓇᐗᐤ, ᓇᒪᐎᓚ ᓀᔥᑕ ᑭᑦ ᐃᓕᓇᐗᐗᐗᒃ ᑭᒋ ᐱᑐᑫᒋᒃ ᐊᓂᑭ ᐙ ᐱᑐᑫᒋᒃ᙮

ᐊᐸᔅᑕᓚᒃ 11:20

ᐋᑎᑦ ᒫᑲ ᐁ ᐃᑕᓯᒋᒃ ᑮ ᓵᐃᑉᕋᓯᐎᓕᓕᐎᐗᒃ ᓀᔥᑕ ᓴᐃᕆᓂᐎᓕᓕᐎᐗᒃ, ᐊᓂᑭ, ᐃᔅᐱ ᑳ ᑕᑯᔑᑭᒃ ᐊᓐᑎᐊᑭᒃ, ᑮ ᐋᔭᒥᐁᐗᒃ ᐊᓂᐃ ᒃᕆᓯᐊᓇ, ᐁ ᑲᑫᔅᑭᒥᐌᒋᒃ ᐅᑎᐯᓕᒋᑫᐗ ᒋᓴᓴ᙮

ᐊᐸᔅᑕᓚᒃ 11:26

ᐃᔅᐱ ᒫᑲ ᑳ ᑮ ᒥᔅᑲᐙᑦ, ᑮ ᐯᔑᐌᐤ ᐊᓐᑕ ᐊᓐᑎᐊᑭᒃ᙮ ᑮ ᐃᑭᓐ ᒫᑲ ᒥᑐᓂ ᐯᔭᑾᐤ ᐁ ᐱᐳᒃ ᑮ ᒫᐗᒋᐃᑐᐗᒃ ᐊᓯᒋ ᒫᒪᐎᐋᔭᒥᐋᐗ, ᓀᔥᑕ ᑮ ᑭᔅᑭᓄᐊᒪᐌᐗᒃ ᒥᒉᑦ ᐃᓕᓕᐗ᙮ ᑭᔅᑭᓄᐊᒪᐗᑲᓇᒃ ᒫᑲ ᓃᔥᑕᒻ ᒃᕆᔅᑎᔮᓇᒃ ᑮ ᐃᔑᓂᑲᑖᑲᓂᐎᐗᒃ ᐊᓐᑕ ᐊᓐᑎᐊᑭᒃ᙮

ᐊᐸᔅᑕᓚᒃ 11:29

ᐁᑯ ᑭᔅᑭᓄᐊᒪᐙᑲᓇᒃ, ᒥᓯᐌ ᑕᑐ ᐃᓕᓕᐤ ᐁ ᐃᔑ ᑲᔥᑭᑖᑦ, ᑮ ᐃᑌᓕᑕᒶᒃ ᑭᒋ ᐃᔑᑎᔕᐊᒪᐙᒋᒃ ᐅᒋᔅᑕᒫᑫᐎᓂᓕᐤ ᐊᓂᐃ ᑳ ᐎᒋᔕᓂᑐᓕᒋ ᒎᑎᐊᐃᒃ ᑳ ᐃᑖᓕᒋ:

ᐊᐸᔅᑕᓚᒃ 2:41

ᐁᑯ ᒥᓯᐌ ᐊᓂᑭ ᑳ ᐱᔑᒋᐋᒋᒃ ᓯᑭᓓᓯᐎᓂᒃ ᑮ ᓯᑲᐊᑕᐙᑲᓂᐎᐗᒃ; ᐊᓂᒪ ᐁ ᑭᔑᑳᒃ ᒫᑲ ᑮ ᓚᑭᐳᐗᒃ ᐊᓂᑭ ᐅᑕᔭᒥᐋᐙᒃ ᓈᓐᑕᐤ ᓂᔅᑡᐤ ᑭᒋᒥᑖᑐᒥᑕᓇᐤ ᐊᒑᑯᔕ᙮

ᐊᐸᔅᑕᓚᒃ 2:45

ᑮ ᐊᑖᐌᐗᒃ ᒫᑲ ᐅ ᑎᐱᓚᐌᐎᓯᐎᓂᐙᐗ, ᓀᔥᑕ ᐅᑦ ᐊᔮᓂᐙᐗ, ᑮ ᒫᑎᓇᒪᐌᐗᒃ ᒫᑲ ᒥᓯᐌ ᐃᓕᓕᐗ, ᐱᑯ ᐁ ᐃᔑ ᒪᓀᓯᓕᒋ ᑕᑐ ᐃᓕᓕᐗ᙮

ᐊᐸᔅᑕᓚᒃ 2:47

ᐁ ᒫᒥᒋᒫᒋᒃ ᑭᒋᒪᓂᑐᐗ, ᓀᔥᑕ ᐁ ᐎ ᐙᑯᒥᑯᒋᒃ ᒥᓯᐌ ᐃᓕᓕᐗ᙮ ᐅᑎᐯᓕᒋᑫᐤ ᒫᑲ ᑕᑣᐤ ᐁ ᑭᔑᑳᒃ ᑮ ᑕᑯᐁᐤ ᒫᒪᐎᐋᔭᒥᐋᐗ ᐊᓂᐃ ᑫ ᐱᒪᒋᐋᑲᓂᐎᓕᒋ᙮

ᐊᐸᔅᑕᓚᒃ 4:35

ᑮ ᐸᑭᑎᓈᒶᒃ ᒫᑲ ᐊᓐᑕ ᐊᐸᔅᑕᓚ ᐅᓯᑎᓕᒃ; ᓀᔥᑕ ᑮ ᒫᑎᓇᒪᑫᓂᐗ ᐁ ᒥᓕᑦ ᑕᑐ ᐃᓕᓕᐤ ᐱᑯ ᐁ ᐃᔑ ᒪᓀᓯᑦ᙮

ᐊᐸᔅᑕᓚᒃ 4:4

ᑫᔮᐸᒡ ᒫᑲ ᒥᒉᑦ ᐊᓂᑭ ᑳ ᐯᑕᑭᒃ ᐋᔭᒥᐎᓂᓕᐤ ᑭ ᑖᐺᑕᒶᒃ; ᓀᔥᑕ ᐊᓂᑭ ᐃᓕᓕᐗᒃ ᓈᓐᑕᐤ ᓂᔭᓚᐗᐤ ᑭᒋᒥᑖᑐᒥᑕᓇᐤ ᑮ ᐃᑕᔑᐗᒃ᙮

ᐊᐸᔅᑕᓚᒃ 5:14

ᐅᑖᐺᑕᒧᐗᒃ ᒫᑲ ᐊᐙᓯᑌ ᑮ ᑕᑯᑕᒪᐙᑲᓂᐎᐤ ᐅᑎᐯᓕᒋᑫᐤ, ᐁ ᒥᒉᑎᒋᒃ ᑖᐱᔅᑯᒡ ᓈᐯᐗᒃ ᓀᔥᑕ ᐃᔅᑴᐗᒃ᙮)

ᐊᐸᔅᑕᓚᒃ 5:28

ᐁ ᐃᑗᑦ, ᓇᒪ ᓈ ᐋᔨᒋ ᑭ ᑮ ᐃᑕᔓᐗᑎᑎᓇᓐ ᐁᑳ ᑭᒋ ᑭᔅᑭᓄᐊᒫᑫᔦᒃ ᐅᒪ ᐃᔑᓂᑳᓱᐎᓂᒃ? ᓀᔥᑕ, ᒫᑎᑲ, ᑭ ᑮ ᓵᑲᔅᑭᓇᑕᓈᐗᐤ ᒋᕉᓴᓚᒻ ᐅᒪ ᑭ ᑭᔅᑭᓄᐊᒪᑫᐎᓂᐙᐤ ᐅᒋ, ᓀᔥᑕ ᐁ ᐃᑌᓕᑕᒣᒃ ᑭᒋ ᐊᑖᒣᓕᒥᔮᒃ, ᐊᐗ ᐃᓕᓕᐤ ᐅᒥᑯᒻ ᐅᒋ᙮

ᐊᐸᔅᑕᓚᒃ 6:2

ᐁᑯ ᐊᓂᑭ ᓂᔓᔔᑉ ᑳ ᓇᑐᒫᒋᒃ ᒫᒪᐤ ᐊᓂᐃ ᑭᔅᑭᓄᐊᒪᐗᑲᓇ ᑭᒋ ᐯᒋ ᓈᑎᑯᒋᒃ, ᑮ ᐃᑗᐗᒃ ᒫᑲ, ᓇᒪᐎᓚ ᒀᔭᔉ ᐃᑌᓕᑖᑾᓐ ᑭᒋ ᓇᑳᑕᒶᑭᑦ ᑭᒋᒪᓂᑐ ᐅᑦ ᐋᔭᒥᐎᓐ ᑭᒋ ᐸᒥᑲᒫᒃ ᒥᒋᓱᐎᓈᑎᑾ᙮

ᐊᐸᔅᑕᓚᒃ 6:7

ᐅᑦ ᐋᔭᒥᐎᓐ ᒫᑲ ᑭᒋᒪᓂᑐ ᑮ ᓛᑭᐸᓕᓕᐤ; ᓀᔥᑕ ᐁ ᐃᑕᓯᒋᒃ ᑭᔅᑭᓄᐊᒪᐙᑲᓇᒃ ᓈᔅᐱᒡ ᐊᐙᓯᑌ ᑮ ᓚᑭᐅᐗᒃ ᒋᕉᓴᓚᒥᒃ; ᓈᔅᐱᒡ ᒥᒉᑦ ᓀᔥᑕ ᐊᓂᑭ ᓵᓵᑭᐎᓕᐌᐎᓕᓕᐗᒃ ᑮ ᓇᓈᐃᑕᒶᒃ ᑖᐺᔦᓕᑕᒧᐎᓂᓕᐤ᙮

ᐊᐸᔅᑕᓚᒃ 9:29

ᑮ ᓱᑫᓕᒧᐎ ᐋᔭᒥᐤ ᒫᑲ ᐅᑎᐯᓕᒋᑫᐗ ᒋᓴᓴ ᐅᑦ ᐃᔑᓂᑳᓱᐎᓂᓕᒃ, ᓀᔥᑕ ᐁ ᑮ ᐊᔮᔑᑌᒫᑦ ᐊᓂᐃ ᒃᕆᔑᔭᓇ; ᒫᑲ ᑮ ᐸᐹᐃᑐᑌᐗᒃ ᑭᒋ ᓂᐸᐋᒋᒃ᙮

ᐊᐸᔅᑕᓚᒃ 9:39

ᐁᑯ ᐱᑕᕐ ᑳ ᐸᓯᑯᑦ, ᑮ ᐎᒉᐌᐤ ᒫᑲ᙮ ᐃᔅᐱ ᑳ ᑕᑯᔑᒃ, ᑮ ᐯᒋ ᐱᑐᑲᐁᐗᒃ ᐊᓐᑕ ᑕᑯᒡ ᑳ ᐱᔅᑭᒑᒃ ᐙᔅᑳᔨᑲᓂᓕᐤ: ᒥᓯᐌ ᒫᑲ ᑳ ᑭᐙᑎᓯᓕᒋ ᐃᔅᑴᐗ ᑮ ᐎᒋᑲᐸᐎᔅᑖᑯ ᐁ ᒫᑐᓕᒋ, ᓀᔥᑕ ᐁ ᐗᐗᐸᑎᓛᓕᒋ ᐊᓂᐃ ᐊᑰᐸ ᓀᔥᑕ ᐎᓛᒋᑲᓇ ᑳ ᑮ ᐅᔑᑖᓕᒋ ᑐᕐᑲᓴ ᒣᒀᒡ ᐁ ᐗᐎᒉᐎᑯᒋᒃ᙮

ᐊᐸᔅᑕᓚᒃ 9:41

ᑮ ᒥᓓᐤ ᒫᑲ ᐅᒋᒋ, ᓀᔥᑕ ᑮ ᐗᓂᔥᑳᐱᑌᐤ, ᐃᔅᐱ ᒫᑲ ᑳ ᑮ ᓇᑐᒫᑦ ᐅᑕᔭᒥᐋᐗ ᓀᔥᑕ ᑳ ᑭᐗᑎᓯᓕᒋ ᐃᔅᑴᐗ, ᑮ ᒥᓓᐤ ᐁ ᐱᒫᑎᓯᓕᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:7

ᓀᔥᑕᐱᑯ ᐋᔭᒥᐋᐎ ᐊᑑᔅᑫᐎᓐ, ᐁᑯᔑ ᐸᑳᔅᑭᑖᑕᐤ ᑭᑦ ᐋᔭᒥᐋᐎ ᐊᑑᔅᑫᐎᓂᓇᐤ: ᓀᔥᑕᐱᑯ ᐊᓇ ᑳ ᑭᔅᑭᓄᐋᒫᑫᑦ, ᐅ ᑭᔅᑭᓄᐊᒫᑫᐎᓐ;

ᓂᔥᑕᒻ ᑯᕆᓐᑎᐊᓇ 10:10

ᐁᑳᐎᓚ ᓀᔥᑕ ᓈᔦᑕᐌᓕᑕᒧᒃ, ᑖᐱᔅᑯᒡ ᐋᑎᑦ ᐎᓚᐗᐤ ᑳ ᑮ ᓈᔦᑕᐌᓕᑕᑭᒃ, ᑳ ᑮ ᓂᔑᐗᓈᒋᐃᑯᒋᒃ ᒫᑲ ᐅᓂᔑᐗᓈᒋᐃᐌᐗ᙮

ᓂᔓ ᑯᕆᓐᑎᐊᓇ 11:22

ᐦᐃᑉᕉᐎᐗᒃ ᓈ? ᐁᑯ ᓀᔥᑕ ᓂᓚ᙮ ᐃᔅᕃᐃᓚᐃᑕᒃ ᓈ? ᐁᑯ ᓀᔥᑕ ᓂᓚ᙮ ᐎᓚᐗᐤ ᓈ ᐁᑉᕃᐋᒻ ᐅᑦ ᐊᐙᔑᒥᔕ? ᐁᑯ ᓀᔥᑕ ᓂᓚ᙮

ᐱᓕᐱᔭᓇ 3:5

ᐁ ᑭᔅᑭᓄᐙᒋᔓᑳᐎᔮᓐ ᔮᓈᓀᐤ ᐁ ᑭᔑᑳᒃ, ᐃᔅᕃᐃᓪ ᐁ ᐅᑦ ᐊᐙᔑᒥᔑᑦ, ᐅ ᐯᔭᑯᑌᒥᒃ ᐯᓐᒋᒥᓐ ᐅᒋ, ᐁ ᐦᐃᑉᕉᐎᔮᓐ ᐦᐃᑉᕉᐗᒃ ᐅᒋ; ᐅᓚᔓᐌᐎᓐ ᐅᒋ, ᐁ ᐸᕋᓯᐎᔮᓐ;

ᓂᔥᑕᒻ ᑎᒧᑎ 5:3

ᑭᔅᑌᓕᒥᒃ ᑭᑎᒫᑭᔅᑴᐗᒃ ᑖᐺ ᑳ ᑭᑎᒫᑭᑴᐎᒋᒃ᙮

ᓂᔥᑕᒻ ᑎᒧᑎ 5:9

ᐁᑳᐎᓚ ᑭᑎᒫᑭᔅᑴᐤ ᑲᑕ ᐙᐌᓛᐸᒪᐤ ᐁᑳ ᑳ ᓂᑯᑣᓱᒥᑕᓇᐤ ᑕᑐ ᐱᐴᓀᓯᑦ, ᐁ ᑮ ᐎᑭᒥᑯᑦ ᐯᔭᒃ ᓈᐯᐗ;

ᐦᐃᑉᕉᐗ 13:1

ᐁᑯᔑ ᐎᒋᔖᓂᑐᐎ ᓵᑭᐃᑐᐎᓐ ᑕᑭ ᑲᑕ ᐃᑕᑾᓐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:27

ᐊᓂᒪ ᐋᔭᒥᐋᐎᓐ ᑳ ᐃᑌᓕᑕᒃ ᑭᒋᒪᓂᑐ ᐌᐅᑖᐎᒫᐎᑦ ᐁ ᒀᔭᔅᑾᓂᓕᒃ ᓀᔥᑕ ᐸᓓᑲᓂᓕᒃ, ᐁᐗᑯ ᐅᒪ, ᐊᐌᓇ ᑭᒋ ᒪᐗᑎᑖᑦ ᐁᑳ ᑳ ᐅᑖᐎᓕᒋ ᓀᔥᑕ ᐃᔅᑴᐗ ᑳ ᓂᐱᓕᒋ ᐅ ᓈᐯᒥᓕᐗ ᐅᑦ ᐊᓕᒥᓯᐎᓂᓕᒃ, ᓀᔥᑕ ᑭᒋ ᑲᓇᐌᓕᒥᑎᓱᑦ ᐁᑳ ᒥᑐᓂ ᑭᒋ ᐎᓕᐱᐃᑯᑦ ᐊᔅᑭᓕᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:5

ᑭᑦ ᐃᑌᓕᑌᓇᐗᐤ ᓈ ᒪᓯᓇᐃᑫᐎᓐ ᐸᑾᓐᑕᐤ ᐁ ᐃᑗᒪᑲᒃ, ᐊᓇ ᐊᒑᒃ ᑳ ᐱᒋᔅᑳᑕᒃ ᐊᑲᐙᑕᒻ ᐅᑌᓕᑕᒧᐎᓂᓕᐤ?

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:9

ᐁᑳᐎᓚ ᒪᒥᔕᒣᓕᑌᒥᐃᑐᒃ, ᓂᒋᔖᓂᑐᒃ, ᐁᑳ ᑭᒋ ᓂᔑᐗᓈᒋᒥᑲᐎᔦᒃ: ᒫᑎᑲ, ᐅᑎᐹᔅᑯᓂᑫᐤ ᓂᐸᐎᐤ ᐅᑎᔥᑲᐤ ᐃᔥᒀᑌᒥᒃ᙮