ᐊᐸᔅᑕᓚᒃ 5:14 - ᐅᔅᑭ ᑎᔅᑌᒥᓐᑦ

¹⁴ ᐅᑖᐺᑕᒧᐗᒃ ᒫᑲ ᐊᐙᓯᑌ ᑮ ᑕᑯᑕᒪᐙᑲᓂᐎᐤ ᐅᑎᐯᓕᒋᑫᐤ, ᐁ ᒥᒉᑎᒋᒃ ᑖᐱᔅᑯᒡ ᓈᐯᐗᒃ ᓀᔥᑕ ᐃᔅᑴᐗᒃ᙮)

ᐊᐸᔅᑕᓚᒃ 5:14 Iomraidhean Croise

ᐊᐸᔅᑕᓚᒃ 11:24

ᐌᓴ ᑮ ᒥᓗ ᐃᓕᓕᐎᐤ, ᓀᔥᑕ ᑮ ᓵᑲᔅᑭᓀᔅᑳᑯ ᐸᓓᑭ ᐊᒑᑾ ᓀᔥᑕ ᑖᐺᔦᓕᑕᒧᐎᓂᓕᐤ: ᒥᒉᑦ ᒫᑲ ᐃᓕᓕᐗ ᑮ ᑕᑯᑕᒪᐙᑲᓂᐎᐤ ᐅᑎᐯᓕᒋᑫᐤ᙮

ᐊᐸᔅᑕᓚᒃ 2:41

ᐁᑯ ᒥᓯᐌ ᐊᓂᑭ ᑳ ᐱᔑᒋᐋᒋᒃ ᓯᑭᓓᓯᐎᓂᒃ ᑮ ᓯᑲᐊᑕᐙᑲᓂᐎᐗᒃ; ᐊᓂᒪ ᐁ ᑭᔑᑳᒃ ᒫᑲ ᑮ ᓚᑭᐳᐗᒃ ᐊᓂᑭ ᐅᑕᔭᒥᐋᐙᒃ ᓈᓐᑕᐤ ᓂᔅᑡᐤ ᑭᒋᒥᑖᑐᒥᑕᓇᐤ ᐊᒑᑯᔕ᙮

ᐊᐸᔅᑕᓚᒃ 2:47

ᐁ ᒫᒥᒋᒫᒋᒃ ᑭᒋᒪᓂᑐᐗ, ᓀᔥᑕ ᐁ ᐎ ᐙᑯᒥᑯᒋᒃ ᒥᓯᐌ ᐃᓕᓕᐗ᙮ ᐅᑎᐯᓕᒋᑫᐤ ᒫᑲ ᑕᑣᐤ ᐁ ᑭᔑᑳᒃ ᑮ ᑕᑯᐁᐤ ᒫᒪᐎᐋᔭᒥᐋᐗ ᐊᓂᐃ ᑫ ᐱᒪᒋᐋᑲᓂᐎᓕᒋ᙮

ᐊᐸᔅᑕᓚᒃ 22:4

ᐅᒪ ᐃᔑᑣᐎᓐ ᒫᑲ ᓂ ᑮ ᑲᒀᑕᑭᑖᓐ ᓂᐱᐎᓂᒃ ᐃᔅᑯ, ᐁ ᒫᒫᒋᑯᐱᑕᑭᒃ ᓀᔥᑕ ᐸᑭᑎᓇᑭᒃ ᑭᐸᐅᑐᐎᑲᒥᑯᒃ ᓈᐯᐗᒃ ᓀᔥᑕ ᐃᔅᑴᐗᒃ᙮

ᐊᐸᔅᑕᓚᒃ 4:4

ᑫᔮᐸᒡ ᒫᑲ ᒥᒉᑦ ᐊᓂᑭ ᑳ ᐯᑕᑭᒃ ᐋᔭᒥᐎᓂᓕᐤ ᑭ ᑖᐺᑕᒶᒃ; ᓀᔥᑕ ᐊᓂᑭ ᐃᓕᓕᐗᒃ ᓈᓐᑕᐤ ᓂᔭᓚᐗᐤ ᑭᒋᒥᑖᑐᒥᑕᓇᐤ ᑮ ᐃᑕᔑᐗᒃ᙮

ᐊᐸᔅᑕᓚᒃ 6:7

ᐅᑦ ᐋᔭᒥᐎᓐ ᒫᑲ ᑭᒋᒪᓂᑐ ᑮ ᓛᑭᐸᓕᓕᐤ; ᓀᔥᑕ ᐁ ᐃᑕᓯᒋᒃ ᑭᔅᑭᓄᐊᒪᐙᑲᓇᒃ ᓈᔅᐱᒡ ᐊᐙᓯᑌ ᑮ ᓚᑭᐅᐗᒃ ᒋᕉᓴᓚᒥᒃ; ᓈᔅᐱᒡ ᒥᒉᑦ ᓀᔥᑕ ᐊᓂᑭ ᓵᓵᑭᐎᓕᐌᐎᓕᓕᐗᒃ ᑮ ᓇᓈᐃᑕᒶᒃ ᑖᐺᔦᓕᑕᒧᐎᓂᓕᐤ᙮

ᐊᐸᔅᑕᓚᒃ 8:12

ᒫᑲ ᐃᔅᐱ ᑎᐋᐺᑕᐙᒋᒃ ᐱᓕᐸ ᐁ ᐙᐎᑕᒥᓕᒋ ᐊᓂᐃ ᑫᒀᓇ ᑳ ᐃᑕᔅᑌᓕᑭ ᑭᒋᒪᓂᑐᐗ ᐅᑦ ᐅᑭᒪᐎᐎᓂᓕᒃ, ᓀᔥᑕ ᐅᑦ ᐃᔑᓂᑳᓱᐎᓂᓕᐤ ᐊᓇ ᒋᓴᔅ ᙭, ᑮ ᓯᑳᐊᑕᐙᑲᓂᐎᐙᒃ, ᑖᐱᔅᑯᒡ ᓈᐯᐗᒃ ᓀᔥᑕ ᐃᔅᑴᐗᒃ᙮

ᐊᐸᔅᑕᓚᒃ 8:3

ᓵᓪ ᒫᑲ ᐎᓚ ᑮ ᓂᔑᐗᓈᒋᐁᐤ ᒫᒪᐎᐋᔭᒥᐋᐗ, ᐁ ᐱᑐᑫᑦ ᑕᑐ ᐗᔅᑳᔨᑲᓂᒃ, ᓀᔥᑕ ᐁ ᑭᑐᑕᐋᑦ ᓈᐯᐗ ᓀᔥᑕ ᐃᔅᑫᐗ, ᑮ ᐸᑭᑎᓀᐤ ᑭᐹᐅᑐᐎᑲᒥᑯᒃ᙮

ᐊᐸᔅᑕᓚᒃ 9:2

ᓀᔥᑕ ᑮ ᓇᑐᑕᒪᐌᐤ ᒪᓯᓇᐊᒫᑐᐎᓇ ᐁ ᐎ ᐃᑐᑌᑦ ᑕᒫᔅᑲᓯᒃ ᐅᑦ ᐋᔭᒥᐁᐎᑲᒥᑯᐙᒃ ᑮᔥᐱᓐ ᑮ ᒥᔅᑲᐙᑦ ᐊᐌᓕᐗ ᐊᓂᒪ ᐁ ᐃᔑᑣᓕᒋ, ᑮᔥᐱᓐ ᓈᐯᐎᓕᒋ ᓀᔥᑕᐱᑯ ᐃᔅᑴᐎᓕᒋ, ᑭᒋ ᑮ ᐯᔑᐙᑦ ᐁ ᒫᒫᒋᑯᐱᓱᓕᒋ ᐊᓐᑕ ᒋᕉᓴᓚᒥᒃ᙮

ᐊᐸᔅᑕᓚᒃ 9:31

ᐁᑯ ᐁ ᐋᔮᒋᒃ ᐊᓜᐱᐎᓂᓕᐤ ᒫᒪᐎᐊᔭᒥᐋᐗᒃ ᒥᓯᐌ ᒎᑎᐊᐃᒃ ᓀᔥᑕ ᑳᓚᓕᒃ ᓀᔥᑕ ᓵᒣᕆᔭᐃᒃ, ᓀᔥᑕ ᑮ ᑭᔅᑭᓄᐊᒪᐗᑲᓂᐎᐗᒃ; ᐁ ᐱᒧᑌᒋᒃ ᒫᑲ ᐅᑎᐯᓕᒋᑫᐗ ᐅ ᓇᓂᒌᔅᑖᑯᓯᐎᓂᓕᒃ, ᓀᔥᑕ ᐸᓓᑭ ᐊᒑᑾ ᐅ ᑳᑭᒋᐃᐌᐎᓂᓕᒃ, ᑮ ᐊᑎ ᒥᒉᑎᐗᒃ᙮

ᐊᐸᔅᑕᓚᒃ 9:35

ᒥᓯᐌ ᒫᑲ ᑳ ᑕᔑᑫᒋᒃ ᐊᓐᑕ ᓕᑕᐃᒃ, ᓀᔥᑕ ᓭᕋᓂᒃ ᑮ ᐙᐸᒣᐗᒃ, ᓀᔥᑕ ᑮ ᑴᔅᑭᔅᑕᐌᐗᒃ ᐅᑎᐯᓕᒋᑫᐗ᙮

ᐊᐸᔅᑕᓚᒃ 9:42

ᑭ ᑭᔅᑫᓕᑕᑾᓐ ᒫᑲ ᒥᓯᐌ ᒐᐸᐃᒃ; ᓀᔥᑕ ᒥᒉᑦ ᑮ ᑖᐺᔦᓕᒣᐗᒃ ᐅᑎᐯᓕᒋᑫᐗ᙮

ᓂᔓ ᑯᕆᓐᑎᐊᓇ 6:15

ᓀᔥᑕ ᑖᓂ ᑫ ᐃᔑ ᒥᓜᓕᒥᑐᒋᒃ ᙭ ᓀᔥᑕ ᐱᓕᔭᓐ? ᓀᔥᑕᐱᑯ ᑖᓂ ᑫ ᐃᔑ ᐎᒉᐙᑦ ᐊᓇ ᑳ ᑖᐺᑕᒃ ᐊᓂᐃ ᐁᑳ ᑳ ᑖᐺᑕᒥᓕᒋ?

ᑲᓓᔕᐊᓇ 3:28

ᓇᒪᐎᓚ ᐃᑖᐤ ᒎ ᓇᒪ ᓀᔥᑕ ᒃᕆᒃ, ᓇᒪᐎᓚ ᐃᑖᐤ ᐊᐗᑳᓐ ᓇᒪ ᓀᔥᑕ ᐅᑎᐯᓕᒥᑎᓱ, ᓇᒪᐎᓚ ᐃᑖᐤ ᓈᐯᐋᔭ ᓇᒪ ᓀᔥᑕ ᐃᔅᑴᐋᔭ: ᐌᓴ ᒥᓯᐌ ᐁ ᐃᑕᔑᔦᒃ ᑭ ᐯᔭᑯᓇᐗᐤ ᙭ ᒋᓴᓯᒃ᙮