3 ᑮ ᒫᑯᓀᐗᒃ ᒫᑲ, ᓀᔥᑕ ᑮ ᑭᐸᐌᐗᒃ ᐱᓕᔥ ᒥᓇ ᐁ ᐙᐸᒃ: ᐌᓴ ᐋᔕᔾ ᑮ ᐅᑖᑯᔑᓐ᙮
ᐃᔅᐱ ᒫᑲ ᒋᓴᔅ ᑳ ᑮ ᐯᑕᒃ ᒑᓇ ᐁ ᑮ ᐌᐱᓈᑲᓂᐎᓕᒋ ᑭᐸᐅᑐᐎᑲᒥᑯᒃ, ᑮ ᐃᑐᑌᐤ ᑳᓕᓖᒃ;
ᐁᑯ ᒋᓴᔅ ᐁᑖᑦ ᑭᒋ ᓵᓵᑭᐎᓕᐌᐎᓕᓕᐗ, ᓀᔥᑕ ᐊᓂᐃ ᑳ ᑎᐯᓕᑕᒥᓕᒋ ᑭᒋᐋᔭᒥᐁᐎᑲᒥᑯᓕᐤ, ᓀᔥᑕ ᑳ ᓂᑳᓀᓕᑖᑯᓯᓕᒋ, ᑳ ᐯᒋ ᓈᑎᑯᑦ, ᑭ ᐯᒋ ᐃᑐᑖᓇᐗᐤ ᓈ ᑖᐱᔅᑯᒡ ᐁ ᓈᑌᒃ ᑭᒧᑎᔉ, ᐁ ᐋᔮᔦᒃ ᔑᒫᑲᓇ ᓀᔥᑕ ᓴᔅᑲᐅᓇ?
ᐁᑯ ᐌᑎᓈᒋᒃ, ᓀᔥᑕ ᑮ ᐃᑐᑕᐁᐗᒃ, ᑮ ᐱᑐᑲᐁᐗᒃ ᒫᑲ ᒫᐗᒋ ᑭᒋ ᓵᓵᑭᐎᓕᐌᐎᓕᓕᐗ ᐅ ᐙᔅᑳᔨᑲᓂᒥᓕᒃ᙮ ᐱᑕᕐ ᒫᑲ ᑮ ᓄᔅᐱᓇᔑᐌᐤ ᐙᓚᐤ ᐅᒋ᙮
ᐁᑯ ᒥᔮᒪᐎᒥᒉᑎᒋᒃ ᓀᔥᑕ ᓇᑐᐸᓕᐎᑭᒪᐤ ᓀᔥᑕ ᒎᐗᒃ ᐅ ᒫᔑᑫᐎᑭᒫᒥᐙᐗ ᐌᑎᓈᒋᒃ ᒋᓴᓴ, ᓀᔥᑕ ᑮ ᒫᒪᒋᑯᐱᑌᐗᒃ,
ᑮ ᒫᑯᓀᐗᒃ ᒫᑲ ᐊᓂᐃ ᐊᐸᔅᑕᓚ, ᓀᔥᑕ ᑮ ᐸᑭᑎᓀᐙᒃ ᑭᐸᐅᑐᐎᑲᒥᑯᒃ᙮
ᑮ ᔑᑭᒣᐗᒃ ᒫᑲ ᐊᓂᐃ ᐃᓕᓕᐗ, ᓀᔥᑕ ᐊᓂᐃ ᑳ ᓂᑳᓀᓕᑖᑯᓯᓕᒋ, ᓀᔥᑕ ᐅᒪᓯᓇᐃᑫᐗ, ᑮ ᐯᒋ ᐅᑎᑎᑯ ᒫᑲ, ᓀᔥᑕ ᑮ ᒫᑯᓂᑯ, ᑮ ᐯᔑᐌᐗᒃ ᒫᑲ ᑳ ᐃᔑ ᐅᓚᔓᐙᓂᐗᓂᓕᒃ᙮
ᓵᓪ ᒫᑲ ᐎᓚ ᑮ ᓂᔑᐗᓈᒋᐁᐤ ᒫᒪᐎᐋᔭᒥᐋᐗ, ᐁ ᐱᑐᑫᑦ ᑕᑐ ᐗᔅᑳᔨᑲᓂᒃ, ᓀᔥᑕ ᐁ ᑭᑐᑕᐋᑦ ᓈᐯᐗ ᓀᔥᑕ ᐃᔅᑫᐗ, ᑮ ᐸᑭᑎᓀᐤ ᑭᐹᐅᑐᐎᑲᒥᑯᒃ᙮
ᓀᔥᑕ ᑮ ᓇᑐᑕᒪᐌᐤ ᒪᓯᓇᐊᒫᑐᐎᓇ ᐁ ᐎ ᐃᑐᑌᑦ ᑕᒫᔅᑲᓯᒃ ᐅᑦ ᐋᔭᒥᐁᐎᑲᒥᑯᐙᒃ ᑮᔥᐱᓐ ᑮ ᒥᔅᑲᐙᑦ ᐊᐌᓕᐗ ᐊᓂᒪ ᐁ ᐃᔑᑣᓕᒋ, ᑮᔥᐱᓐ ᓈᐯᐎᓕᒋ ᓀᔥᑕᐱᑯ ᐃᔅᑴᐎᓕᒋ, ᑭᒋ ᑮ ᐯᔑᐙᑦ ᐁ ᒫᒫᒋᑯᐱᓱᓕᒋ ᐊᓐᑕ ᒋᕉᓴᓚᒥᒃ᙮
