ᐊᐸᔅᑕᓚᒃ 4:13 - ᐅᔅᑭ ᑎᔅᑌᒥᓐᑦ

¹³ ᐁᑯ ᐃᔅᐱ ᐎᐋᐸᑕᑭᒃ ᐅ ᓱᑭᑌᐁᐎᓂᓕᐤ ᐊᓂᐃ ᐱᑕᕋ ᓀᔥᑕ ᒑᓇ, ᓀᔥᑕ ᐁ ᑭᔅᑫᓕᑕᑭᒃ ᐁᑳ ᐁ ᑭᔅᑫᓕᑕᒪᐎᓯᓕᒋ ᓀᔥᑕ ᐁᑳ ᐁ ᑭᔅᑭᓄᐊᒫᑯᓯᓕᒋ ᐃᓕᓕᐗ ᒫᑲ, ᑮ ᒫᒪᔅᑳᑕᒶᒃ; ᓀᔥᑕ ᑮ ᓇᓈᑲᑕᐌᓕᒣᐗᒃ ᐁ ᑮ ᐎᒉᐙᒋᒃ ᒋᓴᓴ᙮

ᐊᐸᔅᑕᓚᒃ 4:13 Iomraidhean Croise

ᐅᐸᓓᑭᔅ ᒫᑎᐤ 11:25

ᐁᑯᔅᐱ, ᒋᓴᔅ ᑮ ᑭᑐ, ᐁ ᐃᑗᑦ, ᑭ ᓇᓈᔅᑯᒥᑎᓐ, ᐅ ᐌᐅᑖᐎᒪᐎᔭᓐ, ᑌᐯᓕᒋᑫᔭᓐ ᑭᒋᑭᔑᑯᒃ ᓀᔥᑕ ᐊᔅᑮᒃ, ᐅᐅ ᑫᒀᓇ ᐁ ᑮ ᑳᑕᐗᒋᒃ ᐅᑲᑫᑕᐌᓕᑕᒶᒃ ᓀᔥᑕ ᐅᓕᑆᑳᐗᒃ, ᐁ ᑮ ᐙᐸᑎᓚᒋᒃ ᒫᑲ ᐅᔥᑲᐙᔑᔕᒃ᙮

ᐅᐸᓓᑭᔅ ᒫᑎᐤ 26:71

ᐃᔅᐱ ᒫᑲ ᑳ ᐗᓚᐐᑦ ᐱᔅᑭᒋ ᐙᔅᑳᔨᑲᓂᒃ, ᑮ ᐙᐸᒥᑯ ᑯᑕᑭᔭ ᐆᔅᑭᓂᑭᔅᑴᐗ, ᑮ ᐃᑌᓕᐗ ᒫᑲ ᐊᓂᐃ ᐁᑯᑕ ᑳ ᐃᑖᓕᒋ, ᐊᐗ ᓀᔥᑕ ᑮ ᐎᒉᐌᐤ ᒋᓴᓴ ᓈᓭᕋᑎᒃ ᑳ ᐅᒋᓕᒋ᙮

ᐅᐸᓓᑭᔅ ᒫᑎᐤ 26:73

ᓈᑫ ᒫᑲ ᑮ ᐯᒋ ᓈᑎᑯ ᐊᓂᐃ ᐊᓐᑕ ᐁ ᓂᐸᐎᓕᒋ, ᐱᑕᕐ ᒫᑲ ᑮ ᐃᑎᑯ, ᐅᒋᑕᐤ ᑭᓚ ᓀᔥᑕ ᐯᔭᒃ ᐊᓂᑭ, ᐌᓴ ᑭᑦ ᐃᔑᑭᔗᐎᓂᒃ ᑭᑦ ᐅᒋ ᓂᓯᑐᑖᑯᓯᓐ᙮

ᐅᐸᓓᑭᔅ ᓘᒃ 22:8

ᑮ ᑭᒋᑎᔕᐌᐤ ᒫᑲ ᐱᑕᕋ ᓀᔥᑕ ᒑᓇ, ᐁ ᐃᑗᑦ, ᓇᑕᐎ ᐋᔦᔅᑲᐎᑕᒪᐎᓈᓐ ᒥᔮᔥᑳᑫᐎ ᒪᑯᔐᐎᓐ, ᑭᒋ ᒥᒋᓱᔭᒃ᙮

ᐅᐸᓓᑭᔅ ᒑᓐ 19:26

ᐃᔅᐱ ᒫᑲ ᒋᓴᔅ ᐎᐋᐸᒫᑦ ᐅᑳᐎᔭ, ᓀᔥᑕ ᐊᓂᐃ ᑭᔅᑭᓄᐊᒪᐙᑲᓇ ᑳ ᓵᑭᐋᑦ ᐊᓐᑕ ᐁ ᓂᐸᐎᓕᒋ, ᐃᑌᐤ ᐅᑳᐎᔭ, ᐃᔅᑴᐤ, ᐙᐸᒻ ᑭᑯᓯᔅ!

ᐅᐸᓓᑭᔅ ᒑᓐ 7:15

ᒎᐗᒃ ᒫᑲ ᑮ ᒫᒪᔅᑳᑕᒶᒃ, ᐁ ᐃᑗᒋᒃ, ᑖᓐᑌ ᐌᒋ ᑭᔅᑫᓕᑕᒃ ᐊᐗ ᐃᓕᓕᐤ ᒪᓯᓇᐃᑲᓇ, ᐁᑳᐐᔅᑳᑦ ᑳ ᐅᒋ ᑭᔅᑭᓄᐊᒫᑦ?

ᐅᐸᓓᑭᔅ ᒑᓐ 7:49

ᒫᑲ ᐅᑯ ᐃᓕᓕᐗᒃ ᐁᑳ ᑳ ᑭᔅᑫᓕᑕᑭᒃ ᐅᓚᔓᐌᐎᓂᓕᐤ ᓂᔑᐗᓈᒋᒫᑲᓂᐎᐗᒃ᙮

ᐊᐸᔅᑕᓚᒃ 4:14

ᐁ ᑲᓇᐙᐸᒫᒋᒃ ᒫᑲ ᐊᓂᐃ ᐃᓕᓕᐗ ᑳ ᑮ ᒥᓇᐙᒋᐃᒥᑦ ᐁ ᐎᒋᑳᐸᐎᔅᑖᑯᒋᒃ, ᓇᒪᐎᓚ ᐗᔦᔥ ᑮ ᐃᑗᐗᒃ ᑭᒋ ᐊᓉᑕᑭᒃ᙮

ᐊᐸᔅᑕᓚᒃ 4:19

ᒫᑲ ᐱᑕᕐ ᓀᔥᑕ ᒑᓐ ᑮ ᓇᔥᑴᐗᔑᐁᐗᒃ ᓀᔥᑕ ᑮ ᐃᑌᐗᒃ, ᑮᔥᐱᓐ ᒀᔭᔉ ᐁ ᐃᑌᓕᑖᑾᓄᑴ ᐁ ᐙᐸᑕᒃ ᑭᒋᒪᓂᑐ ᑭᒋ ᓇᑐᑖᑲᐎᔦᒃ ᑭᓚᐗᐤ ᐃᔥᐱᔥ ᑭᒋᒪᓂᑐ, ᑎᐹᔅᑯᓇᒧᒃ ᐅᒪ᙮

ᐊᐸᔅᑕᓚᒃ 4:29

ᐊᓄᒡ ᒫᑲ, ᑌᐯᓕᒋᑫᔭᓐ, ᐙᐸᑕᒻ ᐅ ᑭᓯᔅᑕᑭᐎᓂᐗᐤ: ᒥᓕᒃ ᒫᑲ ᑭᑦ ᐋᑐᔅᑫᓛᑲᓇᒃ, ᒥᓯᐌ ᓱᑫᓕᒧᐎᓂᒃ ᑭᒋ ᑮ ᐋᓕᒧᑕᑭᒃ ᑭᑦ ᐋᔭᒥᐎᓂᓕᐤ᙮

ᐊᐸᔅᑕᓚᒃ 4:31

ᐃᔅᐱ ᒫᑲ ᑳ ᑮ ᐋᔭᒥᐋᒋᒃ, ᐃᑕ ᑳ ᐃᔑ ᒫᐗᒋᐃᑐᒋᒃ ᑮ ᓇᓇᒥᐸᓕᐤ; ᒥᓯᐌ ᒫᑲ ᑮ ᓵᑲᔅᑭᓀᔅᑳᑯᐗᒃ ᐸᓓᑭ ᐊᒑᑾ, ᓀᔥᑕ ᑮ ᐋᓕᒨᑕᒶᒃ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ ᒥᓯᐌ ᓱᑫᓕᒧᐎᓂᒃ᙮

ᐊᐸᔅᑕᓚᒃ 9:27

ᒫᑲ ᐹᕐᓇᐸᔅ ᑮ ᐅᑎᓀᐤ ᓀᔥᑕ ᑮ ᐯᑐᐌᐤ ᐊᓂᐃ ᐊᐸᔅᑎᓚ, ᑮ ᐎᑕᒪᐌᐤ ᒫᑲ ᑖᓂ ᑳ ᐃᔑ ᐙᐸᒫᑦ ᐅᑎᐯᓕᒋᑫᐗ ᐊᓐᑕ ᒣᔅᑲᓈᒃ, ᐁ ᑮ ᐋᔭᒥᐃᑯᑦ ᒫᑲ, ᓀᔥᑕ ᑳ ᑮ ᐃᔑ ᓱᑫᓕᒧᐎ ᐙᐎᑕᒸᓕᒋᑦ ᐊᓐᑕ ᑕᒫᔅᑲᓯᒃ ᒋᓴᓴ ᐅᑦ ᐃᔑᓂᑳᓱᐎᓂᓕᒃ᙮

ᐊᐸᔅᑕᓚᒃ 9:28

ᓀᔥᑕ ᑮ ᐗᐎᒉᐌᐤ ᐁ ᐸᐱᑐᑫᓕᒋ ᓀᔥᑕ ᐁ ᐙᐗᓚᐎᓕᒋ ᐊᓐᑕ ᒋᕉᓴᓚᒥᒃ᙮

ᓂᔥᑕᒻ ᑯᕆᓐᑎᐊᓇ 1:27

ᒫᑲ ᑭᒋᒪᓂᑐ ᑮ ᐙᐌᓛᐊᑕᒻ ᑳ ᑲᑫᐹᑎᓯᒪᑲᑭ ᐅᑕ ᐊᔅᑭᒃ ᑭᒋ ᐗᓀᓕᑕᒥᐃᐌᒪᑲᑭ ᐊᓂᐃ ᑳ ᑲᑫᑕᐌᓕᑕᒧᒪᑯᑭ; ᑭᒋᒪᓂᑐ ᓀᔥᑕ ᑮ ᐙᐌᓛᐸᑕᒻ ᑳ ᓕᓚᒥᓯᒥᑲᑭ ᑭᒋ ᐗᓀᓕᑕᒥᐃᐌᒪᑲᑭ ᐊᓂᐃ ᑳ ᒪᔥᑲᐎᓯᒪᑲᑭ;

ᓂᔥᑕᒻ ᑯᕆᓐᑎᐊᓇ 14:25

ᐁᑯ ᐃᔑ ᓀᔥᑕ ᓂᐅᑯᑖᓂᐗᓂᓕᑭ ᑭᒧᑎᓯᐎᓇ ᐅᑌᐃᒃ; ᐁᑯ ᒫᑲ, ᐁ ᐅᑎᐱᐸᓕᐅᑦ, ᑲᑕ ᐋᔭᒥᐁᔅᑕᐌᐤ ᑭᒋᒪᓂᑐᐗ, ᓀᔥᑕ ᑲᑕ ᐎᑕᒻ ᑖᐺ ᐁ ᐎᒉᐅᑖᒃ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 3:12

ᐁ ᐙᐸᑕᒫᒃ ᒫᑲ ᐁ ᐋᔮᔮᒃ ᐅᒪ ᑐᐎ ᐊᔅᐯᓕᒧᐎᓐ, ᓂ ᓱᑭᑌᐁᐎ ᐋᔭᒥᓈᓐ: