ᐊᐸᔅᑕᓚᒃ 4:12 - ᐅᔅᑭ ᑎᔅᑌᒥᓐᑦ

¹² ᓇᒪᐎᓚ ᑯᑕᒃ ᐊᐌᓇ ᐱᒫᒋᐃᐌᐎᓐ ᐊᔮᐤ; ᐌᓴ ᓇᒪᐎᓚ ᐃᑕᑾᓐ ᑯᑕᒃ ᐃᔑᓂᑳᓱᐎᓐ ᔑᐸ ᑭᔑᑯᒃ ᑳ ᒥᓕᒋᒃ ᐃᓕᓕᐗᒃ, ᑫ ᑮ ᐅᒋ ᐱᒫᒋᐃᑲᐎᔭᒃ᙮

ᐊᐸᔅᑕᓚᒃ 4:12 Iomraidhean Croise

ᐅᐸᓓᑭᔅ ᒫᑎᐤ 1:21

ᑲᑕ ᐅᑯᓯᓯᐤ ᒫᑲ, ᓀᔥᑕ ᒋᓴᔅ ᑭ ᑳ ᐃᔑᓂᑳᑎᒪᐗ: ᐌᓴ ᑲᑕ ᐱᒫᒋᐁᐤ ᐅᑦ ᐃᓕᓕᒪ ᐅ ᒪᒋᑣᐎᓂᓕᒃ ᐅᒋ᙮

ᐅᐸᓓᑭᔅ ᓘᒃ 24:47

ᓀᔥᑕ ᑴᔅᑳᑎᓯᐎᓐ, ᓀᔥᑕ ᐁ ᐊᔐᓂᑳᑌᑭ ᒪᒋᑐᑕᒧᐎᓇ ᑭᒋ ᐙᐎᒋᑳᑌᒃ ᐅᑦ ᐃᔑᓂᑳᓱᐎᓂᒃ, ᐃᑕ ᐁ ᐃᑖᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᓃᔥᑕᒻ ᒋᕉᓴᓚᒥᒃ ᐁ ᐙᐎᒋᑳᑌᒃ᙮

ᐅᐸᓓᑭᔅ ᒑᓐ 14:6

ᒋᓴᔅ ᐃᑌᐤ, ᓂᓚ ᐁᐗᑯ ᒣᔅᑲᓇᐤ, ᓀᔥᑕ ᑖᐺᐎᓐ, ᓀᔥᑕ ᐱᒫᑎᓯᐎᓐ: ᓇᒪᐎᓚ ᐊᐌᓇ ᓈᑌᐤ ᐅᑖᐎᒪᐗ, ᐱᑯ ᓂᓚ ᐅᒋ᙮

ᐅᐸᓓᑭᔅ ᒑᓐ 3:36

ᐊᓇ ᑳ ᑖᐺᔦᓕᒫᑦ ᐅᑯᓯᓯᒫᐗ ᐋᔭᐤ ᑳᑭᑫ ᐱᒫᑎᓯᐎᓂᓕᐤ: ᐊᓇ ᒫᑲ ᐁᑳ ᑳ ᑖᐺᑕᐙᑦ ᐅᑯᓯᓯᒫᐗ ᓇᒪᐎᓚ ᑲᑕ ᐙᐸᑕᒻ ᐱᒫᑎᓯᐎᓂᓕᐤ; ᒫᑲ ᑭᒋᒪᓂᑐᐗ ᐅᑦ ᐊᑯᓚᐌᓯᐎᓂᓕᐤ ᒫᑕᑯᔅᑳᑯᐌᐤ᙮

ᐊᐸᔅᑕᓚᒃ 13:26

ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᑳ ᐅᑦ ᐊᐙᔑᒥᔑᒥᑖᒃ ᐊᓇ ᐁᑉᕃᐋᒻ, ᓀᔥᑕᐱᑯ ᐊᐌᓇ ᐁ ᐃᑕᔑᔦᒃ ᑳ ᓇᓂᒋᔅᑕᐙᑴ ᑭᒋᒪᓂᑐᐗ, ᑭᓚᐗᐤ ᐃᓴ ᑭᑦ ᐃᔑᑎᔕᐊᒪᑲᐎᓇᐗᐤ ᐅᒪ ᐱᒫᒋᐃᐌᐎᓂ ᐋᔭᒥᐎᓐ᙮

ᐊᐸᔅᑕᓚᒃ 2:5

ᑮ ᑕᔑᑫᐗᒃ ᒫᑲ ᒋᕉᓴᓚᒥᒃ, ᒎᐗᒃ, ᐁ ᐋᔭᒥᐁᐙᑎᓯᐎ ᐃᓕᓕᐎᒋᒃ, ᒥᓯᐌ ᐁ ᑕᑐᔅᑲᓀᓯᓕᒋ ᐃᓕᓕᐗ ᔑᐸ ᑭᒋᑭᔑᑯᒃ ᐅᒋ᙮

ᓂᔥᑕᒻ ᑯᕆᓐᑎᐊᓇ 3:11

ᐌᓴ ᑯᑕᑭᓕᐤ ᐅᓚᔅᑖᒋᑲᓂᓕᐤ ᓇᒪᐎᓚ ᐊᐌᓇ ᑲᑕ ᑮ ᐅᓚᔅᑕᐤ, ᐱᑯ ᐊᓂᒪ ᑳ ᑮ ᐅᓚᔅᑖᓂᐗᒃ, ᐁᐗᑯ ᒋᓴᔅ ᙭᙮

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮

ᐦᐃᑉᕉᐗ 12:25

ᔮᒀᒃ ᐁᑳ ᐋᑕᐌᓕᒣᒃ ᐊᓇ ᑳ ᐋᔭᒥᑦ, ᐌᓴ ᑮᔥᐱᓐ ᐁᑳ ᑮ ᐱᒫᒋᐅᒋ ᐊᓂᑭ ᑳ ᑮ ᐋᑕᐌᓕᒫᒋᒃ ᐊᓂᐃ ᑳ ᑮ ᐋᔭᒥᓕᒋ ᐅᑕ ᐊᔅᑮᒃ, ᐙᐐᔅ ᓇᒪᐎᓚ ᑭᓚᓈᓇᐤ ᑭ ᑳ ᐱᒫᒋᐅᓈᓇᐤ, ᑮᔥᐱᓐ ᐃᑲᑌᓂᑌᓱᔅᑕᐗᒃ ᐊᓇ ᑭᒋᑭᔑᑯᒃ ᑳ ᐅᒋ ᐋᔭᒥᑦ:

ᐦᐃᑉᕉᐗ 2:3

ᑖᓂ ᑫ ᐃᔑ ᐅᔑᒧᔭᒃ, ᑮᔥᐱᓐ ᐋᑕᐌᓕᑕᒪᒃ ᐁᔅᐱᒋ ᑭᒋ ᐱᒫᒋᐃᐌᐎᓐ; ᐊᓂᒪ ᓂᔥᑕᒻ ᑳ ᑮ ᒫᒋ ᐋᓕᒧᑕᒃ ᐅᑎᐯᓕᒋᑫᐤ, ᓀᔥᑕ ᑳ ᑮ ᐊᔨᒋ ᐎᑕᒫᑕᑾᒃ ᐊᓂᑭ ᑳ ᑮ ᐯᑕᐙᒋᒃ;

ᑭᔅᑫᓕᑖᑯᑖᑫᐎᓐ 20:15

ᒥᓯᐌ ᑕᑐ ᐊᐌᓇ ᒫᑲ ᐁᑳ ᑳ ᒥᔅᑲᐙᑲᓂᐎᑦ ᐁ ᒪᓯᓇᐃᑳᓱᑦ ᐱᒫᑎᓯᐎᓂ ᒪᓯᓇᐃᑲᓂᒃ ᐃᔥᑯᑌᐎ ᓵᑲᐃᑲᓂᒃ ᑮ ᐃᔑ ᐌᐱᓇᐤ᙮