ᐊᐸᔅᑕᓚᒃ 4:1 - ᐅᔅᑭ ᑎᔅᑌᒥᓐᑦ

¹ ᒣᒀᒡ ᒫᑲ ᐁ ᐋᔭᒥᐋᒋᒃ ᐃᓕᓕᐗ, ᐊᓂᑭ ᓵᓵᑭᐎᓕᐌᐎᓕᓕᐗᒃ, ᓀᔥᑕ ᐊᓇ ᑳ ᑎᐯᓕᑕᒃ ᑭᒋᐊᔭᒥᐁᐎᑲᒥᑯᓕᐤ, ᓀᔥᑕ ᐊᓂᑭ ᓵᑦᔫᓯᔭᒃ, ᑮ ᐯᒋ ᓈᑌᐗᒃ

ᐊᐸᔅᑕᓚᒃ 4:1 Iomraidhean Croise

ᐅᐸᓓᑭᔅ ᒫᑎᐤ 16:12

ᐁᑯ ᓀᓯᑐᑕᑭᒃ ᐁᑳ ᐁ ᑮ ᐎᑕᒫᑯᒋᒃ ᑭᒋ ᔮᒀᒥᔅᑕᑭᒃ ᐊᓚᑯᓇᐤ ᐅᐱᓯᑲᓂᓕᐤ, ᒫᑲ ᐸᕋᓯᔭᒃ ᓀᔥᑕ ᓵᑦᔫᓯᔭᒃ ᐅ ᑭᔅᑭᓄᐊᒫᑫᐎᓂᓕᐤ᙮

ᐅᐸᓓᑭᔅ ᒫᑎᐤ 22:16

ᑮ ᐃᔑᑎᔕᐊᒪᐌᐗᒃ ᒫᑲ ᐅ ᑭᔅᑭᓄᐊᒪᐙᑲᓂᐙᐗ ᐊᓯᒋ ᐦᐁᕈᑎᔭᓇ, ᐁ ᐃᑗᓕᒋ, ᐅᑭᔅᑭᓄᐊᒫᑫᐤ, ᓂ ᑭᔅᑫᓕᑌᓈᓐ ᐁ ᑖᐺᔭᓐ, ᓀᔥᑕ ᐁ ᑭᔅᑭᓄᐊᒫᑫᐗᑦ ᑭᒋᒪᓂᑐ ᐅᑦ ᐃᔑᑣᐎᓐ ᑖᐺᐎᓂᒃ, ᐁᑳ ᓀᔥᑕ ᐊᐌᓇ ᐁ ᑯᔅᑕᑦ; ᐌᓴ ᓇᒪᐎᓚ ᑮ ᐱᓯᔅᑫᓕᑕᒸᓐ ᐃᓕᓕᐗᒃ ᐁ ᐃᔑᓈᑯᓯᒋᒃ᙮

ᐅᐸᓓᑭᔅ ᒫᑎᐤ 27:20

ᒫᑲ ᑭᒋ ᓵᓵᑭᐎᓕᐌᐎᓕᓕᐗᒃ ᓀᔥᑕ ᑳ ᓂᑳᓀᓕᑖᑯᓯᒋᒃ ᑮ ᔖᑯᒋᒣᐗᒃ ᒥᔮᒪᐎᒥᒉᑎᓕᒋ ᐃᓕᓕᐗ ᑭᒋ ᓇᑐᑕᒫᓕᒋ ᐸᕌᐸᓴ, ᑭᒋ ᓂᔑᐗᓈᒋᐃᒥᒋ ᒫᑲ ᒋᓴᓴ᙮

ᐅᐸᓓᑭᔅ ᒫᑎᐤ 27:41

ᑖᐱᔅᑯᒡ ᓀᔥᑕ ᑭᒋ ᓵᓵᑭᐎᓕᐌᐎᓕᓕᐗᒃ, ᐁ ᐋᔭᓵᒋᐋᒋᒃ, ᐊᓯᒋ ᐅᒪᓯᓇᐃᑫᐗᒃ ᓀᔥᑕ ᑳ ᓂᑳᓀᓕᑖᑯᓯᒋᒃ ᐃᓕᓕᐗᒃ, ᑮ ᐃᑗᐗᒃ,

ᐅᐸᓓᑭᔅ ᒫᑎᐤ 3:7

ᒫᑲ ᐃᔅᐱ ᐎᐋᐸᒫᑦ ᒥᒉᑦ ᐸᕋᓯᔭ ᓀᔥᑕ ᓵᑦᔫᓯᔭ ᐁ ᐯᒋ ᓈᑕᒪᓕᒋ ᐅ ᓯᑲᐋᑖᑫᐎᓐ, ᑮ ᐃᑌᐤ, ᐅ ᐋᔭᓂᔅᑫ ᑭᓀᐱᑯᐎᔦᒃ, ᐊᐌᓇ ᑳ ᐎᑕᒫᑖᒃ ᑭᒋ ᐅᔑᑕᒣᒃ ᐋᑯᓚᐌᓯᐎᓐ ᑫ ᐅᑎᒋᐸᓕᒃ?

ᐅᐸᓓᑭᔅ ᓘᒃ 20:1

ᑮ ᐃᑭᓐ ᒫᑲ ᐯᔭᒃ ᐊᓂᐃ ᐁ ᑭᔑᑳᓕᑭ, ᒣᒀᒡ ᐁ ᑭᔅᑭᓄᐊᒪᐙᑦ ᐃᓕᓕᐗ ᑭᒋᐋᔭᒥᐁᐎᑲᒥᑯᒃ, ᓀᔥᑕ ᐁ ᐙᐎᑕᒃ ᒥᓗ ᐋᒋᒧᐎᓂᓕᐤ, ᑮ ᐯᒋ ᐅᑎᑎᑯ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᐅᒪᓯᓇᐃᑫᐗ, ᐊᓯᒋ ᓀᔥᑕ ᑳ ᓂᑳᓀᓕᑖᑯᓯᓕᒋ,

ᐅᐸᓓᑭᔅ ᓘᒃ 22:4

ᑮ ᑭᑐᑌᐤ ᒫᑲ, ᑮ ᐙᐎᒋᐋᔭᒥᒣᐤ ᒫᑲ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᓇᑐᐸᓕᐎᑭᒫᐗ, ᑫ ᐃᔑ ᐙᔦᔑᐸᑭᑎᓇᒪᐙᑦ᙮

ᐅᐸᓓᑭᔅ ᒑᓐ 15:20

ᑭᔅᑭᓯᒃ ᐊᓂᒪ ᐋᔭᒥᐎᓐ ᑳ ᑮ ᐃᑎᑕᑾᒃ, ᐊᑑᔅᑫᓛᑲᓐ ᓇᒪᐎᓚ ᐊᐙᓯᑌ ᐃᑌᓕᑖᑯᓯᐤ ᐁᑌᓕᑖᑯᓯᓕᒋ ᐅᑦ ᐅᑭᒫᒪ᙮ ᑮᔥᐱᓐ ᓂᓚ ᑳ ᓇᓀᑳᒋᐃᐙᑴ, ᑭᓚᐗᐤ ᓀᔥᑕ ᑭ ᑳ ᓇᓀᑳᒋᐃᑯᐙᐗᒃ; ᑮᔥᐱᓐ ᑳ ᑲᓇᐎᑕᐙᑴ ᓂᑦ ᐃᑗᐎᓂᓕᐤ, ᑭᑦ ᐃᑗᐎᓂᐗᐤ ᓀᔥᑕ ᑲᑕ ᑲᓇᐎᑖᐗᒃ᙮

ᐅᐸᓓᑭᔅ ᒑᓐ 18:3

ᐁᑯ ᒎᑕᔅ, ᑳ ᐅᑎᓈᑦ ᒥᒉᑦ ᐃᓕᓕᐗ ᓀᔥᑕ ᓇᑐᐸᓕᐎᑭᒫᐗ ᑳ ᐸᑭᑎᓇᒫᑯᑦ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᐹᕋᓯᔭ, ᐯᒋ ᐃᑐᑌᐤ ᐊᓐᑕ ᐁ ᐋᔮᓕᒋ ᔖᐳᐙᔅᑌᓂᑲᓇ, ᓀᔥᑕ ᐙᔅᑌᓂᑲᓇ, ᓀᔥᑕ ᐸᑲᒫᑲᓇ᙮

ᐊᐸᔅᑕᓚᒃ 4:6

ᓀᔥᑕ ᐋᓇᔅ ᑳ ᑭᒋ ᓵᓵᑭᐎᓕᐌᐎᓕᓕᐎᑦ, ᓀᔥᑕ ᑲᐃᐊᐸᔅ, ᓀᔥᑕ ᒑᓐ, ᓀᔥᑕ ᐋᓕᒃᓵᓐᑕᕐ, ᓀᔥᑕ ᐱᑯ ᑕᑐ ᑳ ᑮ ᐗᑯᒫᒋᒃ ᑭᒋ ᓵᓵᑭᐎᓕᐌᐎᓕᓕᐗ, ᑮ ᒫᒪᐎ ᒫᐗᒋᐃᑐᐗᒃ ᐊᓐᑕ ᒋᕈᓴᓚᒥᒃ᙮

ᐊᐸᔅᑕᓚᒃ 5:17

ᐁᑯ ᒫᐗᒋ ᑭᒋ ᓵᓵᑭᐎᓕᐌᐎᓕᓕᐤ ᑮ ᐹᓯᑯ, ᓀᔥᑕ ᒥᓯᐌ ᐊᓂᐃ ᑳ ᐎᒉᐎᑯᑦ, (ᐁᐗᒀᓂᑭ ᐊᓂᑭ ᓵᑦᔪᓯᔭᒃ,) ᓀᔥᑕ ᑮ ᓵᑲᔅᑭᓀᔅᑳᑯᐗᒃ ᑭᓯᐙᓯᐎᓂᓕᐤ,

ᐊᐸᔅᑕᓚᒃ 5:24

ᐁᑯ ᐃᔅᐱ ᒫᐗᒋ ᑭᒋ ᓵᓵᑭᐎᓕᐌᐎᓕᓕᐤ, ᓀᔥᑕ ᐊᓇ ᐅᑭᒫᐤ ᑳ ᑎᐯᓕᑕᒃ ᑭᒋᐊᔭᒥᐁᐎᑲᒥᑯᓕᐤ, ᓀᔥᑕ ᑭᒋ ᓵᓵᑭᐎᓕᐌᐎᓕᓕᐗᒃ ᑳ ᐯᑕᑭᒃ ᐅᐅ ᑫᒀᓇ ᑮ ᐙᐙᓀᓕᑕᒶᒃ ᑖᓂ ᑫ ᐊᑎ ᐃᑭᓂᓕᒃ ᐅᒪ᙮

ᐊᐸᔅᑕᓚᒃ 5:26

ᐁᑯ ᐃᑐᑌᑦ ᓇᑐᐸᓕᐎᑭᒫᐤ ᐅᑭᒫᐗᒃ ᐊᓯᒋ, ᑮ ᐯᔑᐌᐗᒃ ᒫᑲ ᐁᑳ ᐗᔦᔥ ᐁ ᑐᑕᐙᒋᒃ: ᐌᓴ ᑮ ᑯᔅᑌᐗᒃ ᐃᓕᓕᐗ, ᐁᑳ ᑭᒋ ᐱᒧᓯᓈᑕᐅᑯᒋᒃ᙮

ᐊᐸᔅᑕᓚᒃ 6:12

ᑮ ᔑᑭᒣᐗᒃ ᒫᑲ ᐊᓂᐃ ᐃᓕᓕᐗ, ᓀᔥᑕ ᐊᓂᐃ ᑳ ᓂᑳᓀᓕᑖᑯᓯᓕᒋ, ᓀᔥᑕ ᐅᒪᓯᓇᐃᑫᐗ, ᑮ ᐯᒋ ᐅᑎᑎᑯ ᒫᑲ, ᓀᔥᑕ ᑮ ᒫᑯᓂᑯ, ᑮ ᐯᔑᐌᐗᒃ ᒫᑲ ᑳ ᐃᔑ ᐅᓚᔓᐙᓂᐗᓂᓕᒃ᙮

ᐊᐸᔅᑕᓚᒃ 6:7

ᐅᑦ ᐋᔭᒥᐎᓐ ᒫᑲ ᑭᒋᒪᓂᑐ ᑮ ᓛᑭᐸᓕᓕᐤ; ᓀᔥᑕ ᐁ ᐃᑕᓯᒋᒃ ᑭᔅᑭᓄᐊᒪᐙᑲᓇᒃ ᓈᔅᐱᒡ ᐊᐙᓯᑌ ᑮ ᓚᑭᐅᐗᒃ ᒋᕉᓴᓚᒥᒃ; ᓈᔅᐱᒡ ᒥᒉᑦ ᓀᔥᑕ ᐊᓂᑭ ᓵᓵᑭᐎᓕᐌᐎᓕᓕᐗᒃ ᑮ ᓇᓈᐃᑕᒶᒃ ᑖᐺᔦᓕᑕᒧᐎᓂᓕᐤ᙮