ᐊᐸᔅᑕᓚᒃ 26:3 - ᐅᔅᑭ ᑎᔅᑌᒥᓐᑦ

³ ᒫᑲ ᐅᓵᒻ ᐁ ᑭᔅᑫᓕᒥᑖᓐ ᐁ ᓇᐃᑭᔅᑫᓕᑕᒪᓐ ᒥᓯᐌ ᐅᑦ ᐋᔨᑎᐎᓂᐙᐗ ᓀᔥᑕ ᐅ ᑲᑴᒋᑫᒧᐎᓂᐙᐗ ᒎᐗᒃ: ᐁᐗᑯ ᐌᒋ ᐸᑯᓭᓕᒥᑖᓐ ᔑᐱᓚᐌᓯᐎᓂᒃ ᑭᒋ ᓇᑐᑖᐎᔭᓐ᙮

ᐊᐸᔅᑕᓚᒃ 26:3 Iomraidhean Croise

ᐊᐸᔅᑕᓚᒃ 21:21

ᑮ ᐎᑕᒪᐙᑲᓂᐎᐗᒃ ᒫᑲ ᑭᓚ ᐅᒋ ᐁ ᑭᔅᑭᓄᐊᒪᐗᒋᒃ ᒥᓯᐌ ᒎᐗᒃ ᑳ ᐃᑖᒋᒃ ᒣᑴᔭᔥ ᒉᓐᑖᐃᓚ ᑭᒋ ᐌᐱᓈᒋᒃ ᒣᓯᓴ, ᐁ ᐃᑗᔭᓐ ᐁᑳ ᑭᒋ ᑭᔅᑭᓄᐙᒋᔣᒋᒃ ᐅᑦ ᐊᐙᔑᒥᔑᐙᐗ, ᐁᑳ ᓀᔥᑕ ᑭᒋ ᓄᔅᐱᓇᑕᑭᒃ ᐊᓂᐃ ᐋᔨᑎᐎᓇ᙮

ᐊᐸᔅᑕᓚᒃ 24:10

ᐁᑯ ᐹᓪ, ᐃᔅᐱ ᑳ ᑮ ᐃᑎᑯᑦ ᐅᑎᐯᓕᒋᑫᐗ ᑭᒋ ᐋᔭᒥᑦ, ᑮ ᓇᔥᑴᐗᔑᐃᐌᐤ: ᐁ ᑭᔅᑫᓕᑕᒫᓐ ᐋᔕᔾ ᒥᒉᑦ ᐱᐳᓋ ᐁ ᑮ ᑎᐹᔅᑯᓇᒋᒃ ᐅᑯ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᐊᐙᓯᑌ ᓂ ᒥᓜᓕᑌᓐ ᐁ ᓇᔥᑴᐗᔑᑕᒫᓱᔮᓐ:

ᐊᐸᔅᑕᓚᒃ 24:4

ᐁᓕᐌᒃ ᒫᑲ, ᐁᑳ ᐊᐙᓯᑌ ᑭᒋ ᐋᔦᔅᑯᐃᑖᓐ, ᑭ ᐸᑯᓭᓕᒥᑎᓐ ᒐᑲᐙᔑᔥ ᐋᔭᒥᐎᓇ ᑭᒋ ᓇᑐᑕᐎᔮᒃ ᑭ ᑭᔐᐙᑎᓯᐎᓂᒃ᙮

ᐊᐸᔅᑕᓚᒃ 25:26

ᐊᐗ ᐅᒋ ᒫᑲ ᓇᒪᐎᓚ ᑫᒀᓐ ᑫᒌᓐ ᓂᑦ ᐋᔮᓐ ᑭᒋ ᒪᓯᓇᐊᒪᐗᒃ ᓂᑦ ᐅᑭᒫᒻ᙮ ᐁᐗᑯ ᐌᒋ ᐯᔑᐗᒃ ᐁ ᑖᔅᑕᒪᐱᔦᒃ, ᒫᑲ ᐅᓵᒻ ᑭᓚ ᐁ ᑖᔅᑕᒪᐱᔭᓐ, ᐅ ᑭᒋᐅᑭᒪᐤ ᐋᒃᕆᐸ, ᐃᔅᐱ ᑮ ᑲᑴᒋᑫᒧᓈᓂᐗᑫ, ᑭᒋ ᐋᔮᔮᓐ ᑫ ᐃᔑ ᒪᓯᓇᐃᑫᔮᓐ᙮

ᐊᐸᔅᑕᓚᒃ 26:2

ᓂ ᒥᓚᐙᑎᑴᓕᒥᑎᓱᓐ, ᑭᒋᐅᑭᒪᐤ ᐊᒃᕆᐸ, ᐁ ᓇᔥᑴᐗᔑᑕᒫᓱᔮᓐ ᐁ ᑖᔅᑕᒪᐱᔭᓐ ᐊᓄᒡ ᐁ ᑭᔑᑳᒃ ᐊᓂᐃ ᑫᒀᓇ ᐅᒋ ᑳ ᒫᒥᔑᒥᒋᒃ ᒎᐗᒃ:

ᐊᐸᔅᑕᓚᒃ 26:26

ᐌᓴ ᑭᒋᐅᑭᒪᐤ ᑭᔅᑫᓕᑕᒻ ᐅᐅ ᑫᒀᓇ, ᐎᓚ ᐁ ᑖᔅᑕᒪᐱᑦ ᒧᔑᔐ ᑳ ᐋᔭᒥᔮᓐ: ᐌᓴ ᓂ ᑫᒋᓇᐅᓐ ᐁᑳ ᐙᐙᒡ ᐯᔭᒃ ᐅᐅ ᑫᒀᓇ ᐁ ᑳᑕᐙᑲᓂᐎᑦ; ᐌᓴ ᐅᒪ ᓇᒪᐎᓚ ᐁ ᐃᔑ ᑭᑫᔮᒃ ᑮ ᐃᑐᒋᑳᑌᐤ᙮

ᐊᐸᔅᑕᓚᒃ 26:7

ᐊᓂᒣᓕᐤ ᐊᔓᑕᒫᑫᐎᓂᓕᐤ ᐊᓂᑭ ᓂᔓᔖᑉ ᐁ ᑕᑐᑌᐎᓯᒋᒃ ᐁ ᐃᑕᔑᔭᒃ, ᑕᑭᓀ ᐁ ᐊᑑᔅᑫᔅᑕᐙᒋᒃ ᑭᒋᒪᓂᑐᐗ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᐊᔅᐯᓕᒧᐗᒃ ᑭᒋ ᐅᑎᒋᐸᓕᓕᒃ᙮ ᐁᐗᑯ ᐊᔅᐯᓕᒧᐎᓐ ᐅᒋ, ᑭᒋᐅᑭᒪᐤ ᐋᒃᕆᐸ, ᓂᑦ ᐅᒋ ᒫᒥᔑᒥᑾᒃ ᒎᐗᒃ᙮

ᐊᐸᔅᑕᓚᒃ 28:17

ᑮ ᐃᑭᓐ ᒫᑲ, ᑳ ᐳᓂᐸᓕᑭ ᓂᔅᑐ ᑭᔑᑳᐗ ᐹᓪ ᑮ ᒫᒪᐎ ᓇᑐᒣᐤ ᑳ ᓂᑳᓀᓕᑖᑯᓯᓕᒋ ᒎᐗ: ᐃᔅᐱ ᒫᑲ ᑳ ᒫᒪᐎ ᐯᒋ ᐃᑐᑌᓕᒋ, ᑮ ᐃᑌᐤ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᐋᑕ ᐁᑳ ᑫᒀᓐ ᐁ ᑮ ᐗᓂᑐᑕᐗᑭᒃ ᐃᓕᓕᐗᒃ, ᓀᔥᑕᐱᑯ ᐅᑦ ᐃᑖᑎᓯᐎᓂᐙᐗ ᑯᑖᐎᓈᐗᒃ, ᐁᓕᐌᒃ ᒫᑲ ᓂ ᑮ ᐸᑭᑎᓂᑳᐎᓐ ᐁ ᑭᐸᐙᑲᓂᔮᓐ ᐅᒋᒋᐙᒃ ᕈᒥᐎᓕᓕᐗᒃ᙮

ᐊᐸᔅᑕᓚᒃ 6:14

ᐌᓴ ᓂ ᑮ ᐯᑕᐗᓈᓐ ᐁ ᐃᑗᑦ, ᐊᐗ ᒋᓴᔅ ᓈᓴᕆᑎᒃ ᑳ ᐅᒌᑦ ᑲᑕ ᓂᔑᐗᓈᒋᑕᐤ ᐅᒣᓕᐤ ᐃᑖᐎᓂᓕᐤ, ᓀᔥᑕ ᑲᑕ ᑴᔅᑭᓇᒻ ᐊᓂᐃ ᐃᔑᑣᐎᓇ ᒧᓯᔅ ᑳ ᑮ ᐸᑭᑎᓇᒫᑕᒃ᙮

ᓂᔥᑕᒻ ᑯᕆᓐᑎᐊᓇ 13:2

ᐋᑕ ᒫᑲ ᐁ ᐋᔮᔮᓐ ᒥᓕᑯᓯᐎᓐ ᑭᒋ ᑭᔅᑭᐙᐃᑫᔮᓐ, ᓀᔥᑕ ᓂᓯᑐᑕᒫᓐ ᒥᓯᐌ ᑳᒋ ᑫᒀᓇ, ᓀᔥᑕ ᒥᓯᐌ ᑭᔅᑫᓕᑕᒧᐎᓐ; ᐋᑕ ᒫᑲ ᐁ ᐋᔮᔮᓐ ᒥᓯᐌ ᑖᐺᔦᓕᑕᒧᐎᓐ, ᐃᔥᐱᔥ ᑭᒋ ᑮ ᐋᑕᔅᑖᔮᓐ ᐗᒋᔭ, ᐁᑳ ᒫᑲ ᐋᔮᔮᓐ ᓵᑭᐃᐌᐎᓐ, ᓇᒪᐎᓚ ᑫᒀᓐ ᓂᑦ ᐃᑌᓕᑖᑯᓯᓐ᙮