ᐊᐸᔅᑕᓚᒃ 26:22 - ᐅᔅᑭ ᑎᔅᑌᒥᓐᑦ

²² ᐁ ᑮ ᐎᒋᐃᑦ ᒫᑲ ᑭᒋᒪᓂᑐ, ᐱᓕᔥ ᐊᓄᒡ ᐁ ᑭᔑᑳᒃ ᓂᑦ ᐃᑎᓐ, ᐁ ᑎᐹᒋᒧᔅᑕᐗᑭᒃ ᑳ ᐋᐱᔅᑌᓕᑖᑯᓯᒋᒃ ᓀᔥᑕ ᑳ ᑭᔅᑌᓕᑖᑯᓯᒋᒃ, ᐁᑳ ᐱᑐᔥ ᑫᒀᓐ ᐁ ᐃᑗᔮᓐ ᐱᑯ ᐊᓂᐃ ᑳ ᑮ ᐃᑗᒋᒃ ᐅᑭᔅᑭᐙᐃᑫᐗᒃ ᓀᔥᑕ ᒧᓯᔅ ᑭᒋ ᐅᑎᒋᐸᓕᑭ:

ᐊᐸᔅᑕᓚᒃ 26:22 Iomraidhean Croise

ᐅᐸᓓᑭᔅ ᒫᑎᐤ 26:24

ᐃᓕᓕᐎᑯᓯᓵᓐ ᑭᑐᑌᐤ ᐁ ᐃᔑ ᒪᓯᓇᐃᑳᑌᓕᒃ; ᒫᑲ ᑲᑕ ᑲᒀᑕᑭᓯᐤ ᐊᓇ ᐃᓕᓕᐤ ᑳ ᐋᔦᔑᐸᑭᑎᓈᑦ ᐃᓕᓕᐎᑯᓯᓵᓇ! ᑲᑕ ᑮ ᒥᓨᔑᓂᓕᐸᓐ ᐊᓇ ᐃᓕᓕᐤ ᑮᔥᐱᓐ ᐁᑳ ᑮ ᐅᒋ ᓂᑖᐎᑭᑦ᙮

ᐅᐸᓓᑭᔅ ᓘᒃ 16:28

ᐌᓴ ᓂᔮᓚᓕᐗᒃ ᓂᒋᔖᓇᒃ; ᑭᒋ ᐃᑖᒋᒧᔅᑕᐙᑦ, ᐁᑳ ᐎᓚᐗᐤ ᐊᓯᒋ ᐅᑕ ᑭᒋ ᐯᒋ ᐃᑐᑌᒋᒃ ᐃᑕ ᐁ ᐙᐎᓴᑫᓕᒋᑳᑌᒃ᙮

ᐅᐸᓓᑭᔅ ᓘᒃ 24:27

ᐁ ᑭᑐᐌᑦ ᒫᑲ ᒧᓯᔅ ᐅᒋ, ᓀᔥᑕ ᒥᓯᐌ ᐅᑭᔅᑭᐙᐃᑫᐗᒃ, ᑮ ᑭᔅᑫᓕᑕᒥᐁᐤ ᒥᓯᐌ ᑭᒋ ᒪᓯᓇᐃᑫᐎᓂᒃ ᐊᓂᐃ ᑫᒀᓇ ᑳ ᐃᔑ ᐃᑖᒋᒫᑲᓂᐎᑦ᙮

ᐅᐸᓓᑭᔅ ᓘᒃ 24:44

ᑮ ᐃᑌᐤ ᒫᑲ, ᐅᐅ ᐁᐗᒀᓂᐃ ᐋᔭᒥᐎᓇ ᑳ ᐃᑎᑖᑾᒃ ᒣᒀᒡ ᑫᔮᐸᒡ ᐁ ᐎᒉᐎᑕᑾᒃ, ᒥᓯᐌ ᑫᒀᓇ ᑭᒋ ᑎᐱᐸᓕᑭ ᑳ ᒪᓯᓇᐃᑳᑌᑭ ᒧᓯᔅ ᐅᑦ ᐅᓚᔓᐌᐎᓂᒃ, ᓀᔥᑕ ᐅᑭᔅᑭᐙᐃᑫᐗᐤ ᐅ ᒪᓯᓇᐃᑲᓂᐗᒃ, ᓀᔥᑕ ᓂᑲᒧᐎᓂ ᒪᓯᓇᐃᑲᓂᒃ ᓂᓚ ᐁ ᐋᔨᑖᒋᒥᑲᐎᔮᓐ᙮

ᐅᐸᓓᑭᔅ ᓘᒃ 24:46

ᑮ ᐃᑌᐤ ᒫᑲ, ᐅᒪ ᐃᑕᓯᓇᐃᑳᑌᐤ, ᐁᑯ ᓀᔥᑕ ᔮᓕᑌᓪ ᐁᑌᓕᑖᑯᓯᑦ ᙭ ᑭᒋ ᐎᓴᑫᓕᑕᒃ, ᓀᔥᑕ ᑭᒋ ᐗᓂᔥᑳᑦ ᐅᓂᐱᐗ ᐅᒋ ᐁ ᓂᔅᑐ ᑭᔑᑳᓕᒃ;

ᐅᐸᓓᑭᔅ ᒑᓐ 1:17

ᐌᓴ ᐅᓚᔓᐌᐎᓐ ᑮ ᒥᓕᐙᓂᐗᓐ ᒧᓯᔅ ᐅᒋ, ᒫᑲ ᒋᓴᔅ ᙭ ᑮ ᐯᑕᐤ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 1:45

ᐱᓕᑉ ᒥᔅᑲᐌᐤ ᓇᑕᓂᔭᓚ, ᓀᔥᑕ ᐃᑌᐤ, ᓂ ᑮ ᒥᔅᑲᐙᓈᓐ ᐊᓇ ᑳ ᐋᓕᒧᒥᑯᑦ ᒧᓯᓴ ᐅᓚᔓᐌᐎᓂᒃ, ᓀᔥᑕ ᐅᑭᔅᑭᐙᐃᑫᐗ, ᒋᓴᔅ ᓈᓴᕋᑎᒃ ᑳ ᐅᒌᑦ, ᒍᓯᑉ ᐅᑯᓯᓴ᙮

ᐅᐸᓓᑭᔅ ᒑᓐ 5:39

ᓈᓇᑕᐙᐸᑕᒧᒃ ᑭᒋ ᒪᓯᓇᐃᑫᐎᓇ; ᐌᓴ ᐁᑯᑕ ᑭᑦ ᐃᑌᓕᑌᓇᐗᐤ ᐁ ᐋᔮᔦᒃ ᑳᑭᑫ ᐱᒫᑎᓯᐎᓐ: ᐅᐅ ᓀᔥᑕ ᐁᐗᒀᓂᐃ ᑳ ᑎᐹᒋᒥᑯᔮᓐ᙮

ᐅᐸᓓᑭᔅ ᒑᓐ 5:46

ᐌᓴ ᑮᔥᐱᓐ ᑮ ᑖᐺᑕᐌᑯᐸᓀ ᒧᓯᔅ, ᓂᓚ ᓀᔥᑕ ᑭ ᑳ ᑭ ᑖᐺᑕᐎᑕᐗᐤ: ᐌᓴ ᓂ ᑮ ᐋᓕᒧᒥᒃ ᐁ ᒪᓯᓇᐃᑫᑦ᙮

ᐊᐸᔅᑕᓚᒃ 10:43

ᐎᓚ ᑎᐹᒋᒥᑯ ᒥᓯᐌ ᐅᑭᔅᑭᐗᐃᑫᐗ, ᐎᓚ ᐅᑦ ᐃᔑᓂᑳᓱᐎᓐ ᐅᒋ ᐱᑯ ᐊᐌᓇ ᑫ ᑖᐺᔦᓕᒫᑴ ᑲᑕ ᒥᓛᑲᓂᐎᐤ ᐊᔐᓇᒫᑫᐎᓐ ᒪᒋᑣᐎᓇ ᐅᒋ᙮

ᐊᐸᔅᑕᓚᒃ 13:29

ᐃᔅᐱ ᒫᑲ ᑳ ᑮ ᑎᐱᐸᓕᑖᒋᒃ ᒥᓯᐌ ᑳ ᒪᓯᓇᐃᑳᑌᓕᒃ ᐎᓚ ᐅᒋ, ᑮ ᓂᑎᓀᐗᒃ ᒥᔅᑎᑯᒃ ᐅᒋ, ᓀᔥᑕ ᑮ ᐱᒥᔑᒣᐗᒃ ᒋᐸᔨᑲᒥᑯᒃ᙮

ᐊᐸᔅᑕᓚᒃ 24:14

ᒫᑲ ᐅᒪ ᑭ ᐙᐎᑕᒫᑌᓐ, ᐊᓂᒪ ᐃᔑ ᐎᓚᐗᐤ ᓇᔅᐹᒡ ᐋᔭᒥᐋᐎᓐ ᑳ ᐃᔑᓂᑳᑕᑭᒃ, ᐁᑯ ᐁ ᐃᔑ ᓇᐗᑮᔅᑕᐅᒪᒃ ᐅ ᑭᒋᒪᓂᑐᒥᐙᐗ ᓄᑖᐎᔭᒃ, ᐁ ᑖᐺᑕᒫᓐ ᒥᓯᐌ ᑫᒀᓇ ᑳ ᒪᓯᓇᐃᑳᑌᑭ ᐅᓚᔓᐌᐎᓂᒃ ᓀᔥᑕ ᐅᑭᔅᑭᐙᐃᑫᐗᒃ ᐅ ᒪᓯᓇᐃᑲᓂᐙᒃ:

ᐊᐸᔅᑕᓚᒃ 26:17

ᐁ ᐱᒫᒋᐃᑖᓐ ᐃᓕᓕᐗᒃ ᐅᒋ, ᓀᔥᑕ ᒉᓐᑖᐃᓚᒃ ᐅᒋ, ᐁᐗᒀᓂᑭ ᐊᓄᒡ ᑳ ᐃᑎᔕᐅᑖᓐ ᑭᒋ ᓈᑕᒋᒃ,

ᐊᐸᔅᑕᓚᒃ 26:6

ᐊᓄᒡ ᒫᑲ ᓂ ᓂᐹᐎᓐ ᓀᔥᑕ ᓂᑦ ᐅᒋ ᑎᐹᔅᑯᓂᑳᐎᓐ ᐁ ᐊᔅᐯᓕᒧᑐᑕᒫᓐ ᐊᓂᒪ ᐊᔓᑕᒫᑫᐎᓐ ᑭᒋᒪᓂᑐ ᑳ ᑮ ᐊᔓᑕᒪᐙᑦ ᑯᑖᐎᓇᐗ:

ᐊᐸᔅᑕᓚᒃ 28:23

ᐃᔅᐱ ᒫᑲ ᑳ ᑮ ᐅᓚᑭᑕᒪᐙᒋᒃ ᐯᔭᒃ ᐁ ᑭᔑᑳᒃ, ᒥᒉᑦ ᑮ ᐯᒋ ᓈᑌᐗᒃ ᐎᑭᓕᒃ; ᐅᐅ ᒫᑲ ᑮ ᐙᐎᑕᒪᐌᐤ ᓀᔥᑕ ᑮ ᐋᓕᒧᑕᒪᐌᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ, ᐁ ᑲᑫᔅᑭᒫᑦ ᐁ ᐋᓕᒧᒫᑦ ᒋᓴᓴ, ᑖᐱᔅᑯᒡ ᐅᑦ ᐅᓚᔓᐌᐎᓂᒃ ᒧᓯᔅ ᐅᒋ, ᓀᔥᑕ ᐅ ᒪᓯᓇᐃᑲᓂᐙᒃ ᐅᑭᔅᑭᐙᐃᑫᐗᒃ, ᐁ ᑭᑭᔐᐹᔮᓕᒃ ᐅᒋ ᐱᓕᔥ ᐁ ᐅᑖᑯᔑᓂᓕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:21

ᐊᓄᒡ ᐁᑯ ᐅ ᒀᔭᔅᑭᑖᑎᓯᐎᓐ ᑭᒋᒪᓂᑐ ᑭᔅᑫᓕᑖᑾᓂᓕᐤ ᐅᓚᔓᐌᐎᓐ ᐁᑳ ᐁ ᐃᑕᑾᒃ ᐁ ᐃᑖᒋᒧᒥᑲᒃ ᐅᓚᔓᐌᐎᓐ ᓀᔥᑕ ᐅᑭᔅᑭᐙᐃᑫᐗᒃ;

ᓂᔥᑕᒻ ᑯᕆᓐᑎᐊᓇ 15:3

ᐌᓴ ᓃᔥᑕᒻ ᑭ ᑮ ᐸᑭᑎᓇᒫᑎᓇᐊᐤ ᐊᓂᒪ ᑳ ᑮ ᑭᔅᑫᓕᑕᒥᐃᑳᐎᔮᓐ, ᙭ ᐁ ᑮ ᓂᐱᑦ ᑭ ᒪᒋᑣᐎᓂᓇᐗ ᐅᒋ ᐁ ᐃᔑ ᐃᑗᒪᑲᑭ ᑭᒋ ᒪᓯᓇᐃᑫᐎᓇ;

ᓂᔥᑕᒻ ᑯᕆᓐᑎᐊᓇ 15:4

ᓀᔥᑕ ᐁ ᑮ ᓇᐃᑲᐙᑲᓂᐎᑦ, ᓀᔥᑕ ᐁ ᑮ ᐗᓂᔥᑳᑦ ᑳ ᓂᔅᑐ ᑭᔑᑳᓕᒃ ᐁ ᐃᔑ ᐃᑗᒪᑲᑭ ᑭᒋ ᒪᓯᓇᐃᑫᐎᓇ;

ᓂᔓ ᑎᒧᑎ 3:11

ᓂ ᑲᒀᑕᑭᐃᑯᓯᐎᓇ, ᓂᑦ ᐊᓕᒥᓯᐎᓇ ᑳ ᑮ ᐅᑎᑎᑯᔮᓐ ᐊᓐᑕ ᐋᓐᑎᐊᑭᒃ, ᓀᔥᑕ ᐋᐃᑯᓂᔭᒥᒃ, ᓀᔥᑕ ᓕᔅᑦᕋᐃᒃ: ᑫᑯ ᑲᒀᑕᑭᐃᑯᓯᐎᓇ ᐁ ᑮ ᓇᔭᑕᒫᓐ: ᒫᑲ ᒥᓯᐌ ᐁᐗᒀᓂᐃ ᐅᒋ ᐅᑎᐯᓕᒋᑫᐤ ᓂ ᑮ ᐎᑾᒋᐃᒃ᙮

ᑭᔅᑫᓕᑖᑯᑖᑫᐎᓐ 11:18

ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᒫᑲ ᑮ ᑭᓯᐙᓯᐗᒃ, ᑭᑦ ᐋᑯᓚᐌᓯᐎᓐ ᓀᔥᑕ ᐅᑎᒋᐸᓕᐤ, ᓀᔥᑕ ᐅᑎᒋᐸᓕᓕᐤ ᐅᓂᐱᐗᒃ ᑭᒋ ᑎᐹᔅᑯᓈᑲᓂᐎᒋᒃ, ᓀᔥᑕ ᑭᒋ ᑎᐸᐊᒪᐗᒋᒃ ᑭᑦ ᐊᑑᔅᑫᓛᑲᓇᒃ ᐅᑭᔅᑭᐙᐃᑫᐗᒃ, ᓀᔥᑕ ᐅᐸᓓᑭᓴᒃ, ᐊᓂᑭ ᓀᔥᑕ ᑳ ᑯᔅᐸᓀᓕᑕᑭᒃ ᑭᑦ ᐃᔑᓂᑳᓱᐎᓂᓕᐤ, ᐁ ᐋᐱᔅᑌᓕᑖᑯᓯᒋᒃ ᓀᔥᑕ ᐁ ᑭᔅᑎᓯᒋᒃ; ᓀᔥᑕ ᑭᒋ ᓂᔑᐗᓈᒋᐊᒋᒃ ᐊᓂᑭ ᑳ ᓂᔑᐗᓈᒋᑖᒋᒃ ᐊᔅᑭᓕᐤ᙮

ᑭᔅᑫᓕᑖᑯᑖᑫᐎᓐ 15:3

ᓂᑲᒧᐗᒃ ᒫᑲ ᐅ ᓂᑲᒧᐎᓐ ᒧᓯᔅ ᐅᑦ ᐊᑑᔅᑫᓛᑲᓂᒪ ᑭᒋᒪᓂᑐ, ᓀᔥᑕ ᐅ ᓂᑲᒧᐎᓐ ᒫᓂᔥᒑᓂᔑᔥ, ᐁ ᐃᑗᒋᒃ: ᑭᒋᐃᑌᓕᑖᑾᓋ ᓀᔥᑕ ᒫᒪᔅᑳᑌᓕᑖᑾᓋ ᑭᑦ ᐊᑑᔅᑫᐎᓇ, ᑌᐯᓕᒋᑫᔭᓐ ᑭᒋᒪᓂᑐ ᒥᓯᐌ ᓯᔭᑳᑎᓯᔭᓐ; ᒀᔭᔅᑾᓋ ᓀᔥᑕ ᑕᐺᐗᓋ ᑭᑦ ᐃᔑᑣᐎᓇ ᑳ ᐅ ᑭᒋᐅᑭᒫᒥᒥᔅᑭᒃ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮

ᑭᔅᑫᓕᑖᑯᑖᑫᐎᓐ 20:12

ᓂ ᑮ ᐙᐸᒫᐗᒃ ᒫᑲ ᑳ ᓂᐱᒋᒃ, ᐁ ᐋᐱᔑᔑᔑᒋᒃ ᓀᔥᑕ ᐁ ᒥᔑᑭᑎᒋᒃ, ᐁ ᐅᑎᔥᑲᐎᑳᐸᐐᔅᑕᐙᒋᒃ ᑭᒋᒪᓂᑐᐗ: ᒪᓯᓇᐃᑲᓇ ᒫᑲ ᑮ ᐋᐸᐃᑳᑌᐗ; ᑯᑕᒃ ᒪᓯᓇᐃᑲᓐ ᓀᔥᑕ ᑮ ᐋᐸᐃᑳᑌᐤ, ᐁᐗᑯ ᐱᒫᑎᓯᐎᓂ ᒪᓯᓇᐃᑲᓐ; ᑳ ᓂᐱᒋᒃ ᒫᑲ ᑮ ᐅᒋ ᑎᐹᔅᑯᓇᐗᒃ ᐊᓂᐃ ᒪᓯᓇᐃᑲᓂᒃ ᑳ ᒪᓯᓇᐃᑳᑌᓕᑭ, ᒬᒋ ᑳ ᑮ ᐃᔑ ᐊᑑᔅᑫᒋᒃ᙮