ᐊᐸᔅᑕᓚᒃ 26:2 - ᐅᔅᑭ ᑎᔅᑌᒥᓐᑦ

² ᓂ ᒥᓚᐙᑎᑴᓕᒥᑎᓱᓐ, ᑭᒋᐅᑭᒪᐤ ᐊᒃᕆᐸ, ᐁ ᓇᔥᑴᐗᔑᑕᒫᓱᔮᓐ ᐁ ᑖᔅᑕᒪᐱᔭᓐ ᐊᓄᒡ ᐁ ᑭᔑᑳᒃ ᐊᓂᐃ ᑫᒀᓇ ᐅᒋ ᑳ ᒫᒥᔑᒥᒋᒃ ᒎᐗᒃ:

ᐊᐸᔅᑕᓚᒃ 26:2 Iomraidhean Croise

ᐅᐸᓓᑭᔅ ᒫᑎᐤ 10:19

ᒫᑲ ᐃᔅᐱ ᐸᑭᑎᓂᑖᑾᐌ, ᐁᑳᐎᓚ ᒫᒥᑐᓀᓕᑕᒧᒃ ᑖᓀ ᓀᔥᑕᐱᑯ ᑖᓀ ᐃᔑ ᑫ ᐃᑗᔦᒃ: ᐌᓴ ᐁᐗᑯ ᑎᐹᔨᑲᓂᒃ ᐱᓯᒧᑳᓂᒃ ᑭ ᑳ ᒥᓕᑲᐎᓇᐗᐤ ᑫᒀᓐ ᑫ ᐃᑗᔦᒃ᙮

ᐅᐸᓓᑭᔅ ᓘᒃ 12:11

ᐃᔅᐱ ᒫᑲ ᐯᒋ ᐃᑐᑕᐃᑖᑾᐌ ᐋᔭᒥᐁᐎᑲᒥᑯᒃ, ᓀᔥᑕ ᐅᑎᔥᑳᐤ ᐅᑎᐹᔅᑯᓂᑫᐗᒃ ᓀᔥᑕ ᐅᑭᒫᐗᒃ, ᐁᑳᐎᓚ ᒪᒥᑐᓀᓕᑕᒧᒃ ᑖᓂ ᑫ ᐃᔑ ᓀᔥᑕ ᑫᒀᓐ ᑫ ᓇᔥᑴᐗᔑᐃᐌᔦᒃ, ᓀᔥᑕᐱᑯ ᑫᒀᓐ ᑫ ᐃᑗᔦᒃ᙮

ᐅᐸᓓᑭᔅ ᓘᒃ 21:12

ᒫᑲ ᐸᒧᔑ ᒥᓯᐌ ᐅᐅ, ᑭ ᑳ ᒫᑯᓂᑯᐙᐗᒃ, ᓀᔥᑕ ᑭ ᑳ ᑲᒀᑕᑭᐃᑯᐙᐗᒃ, ᐁ ᐸᑭᑎᓂᑖᑾᒃ ᐋᔭᒥᐁᐎᑲᒥᑯᒃ, ᓀᔥᑕ ᑭᐸᐅᑐᐎᑲᒥᑯᒃ, ᐁ ᐃᑐᑕᐃᑲᐎᔦᒃ ᐅᑎᔥᑳᐤ ᑭᒋᐅᑭᒫᐗᒃ ᓀᔥᑕ ᐅᑎᐯᓕᒋᑫᐗᒃ ᓂᑦ ᐃᔑᓂᑳᓱᐎᓐ ᐅᒋ᙮

ᐊᐸᔅᑕᓚᒃ 25:26

ᐊᐗ ᐅᒋ ᒫᑲ ᓇᒪᐎᓚ ᑫᒀᓐ ᑫᒌᓐ ᓂᑦ ᐋᔮᓐ ᑭᒋ ᒪᓯᓇᐊᒪᐗᒃ ᓂᑦ ᐅᑭᒫᒻ᙮ ᐁᐗᑯ ᐌᒋ ᐯᔑᐗᒃ ᐁ ᑖᔅᑕᒪᐱᔦᒃ, ᒫᑲ ᐅᓵᒻ ᑭᓚ ᐁ ᑖᔅᑕᒪᐱᔭᓐ, ᐅ ᑭᒋᐅᑭᒪᐤ ᐋᒃᕆᐸ, ᐃᔅᐱ ᑮ ᑲᑴᒋᑫᒧᓈᓂᐗᑫ, ᑭᒋ ᐋᔮᔮᓐ ᑫ ᐃᔑ ᒪᓯᓇᐃᑫᔮᓐ᙮

ᐊᐸᔅᑕᓚᒃ 26:1

ᐁᑯ ᐊᒃᕆᐸ ᐁᑖᑦ ᐹᓚ, ᑭᑦ ᐃᓕᓈᑲᐎᓐ ᑭᒋ ᐋᔭᒥᔅᑕᒫᓱᔭᓐ᙮ ᐁᑯ ᐹᓪ ᔑᐅᐎᓂᔅᑫᓕᑦ, ᓀᔥᑕ ᑭ ᓇᔥᑴᐗᔑᑕᒫᓱ᙮

ᐊᐸᔅᑕᓚᒃ 26:19

ᐁᐗᑯ ᐅᒋ, ᐅ ᑭᒋᐅᑭᒪᐤ ᐋᒃᕆᐸ, ᓇᒪᐎᓚ ᓂ ᑮ ᐋᓉᑌᓐ ᐊᓂᒪ ᑭᒋᑭᔑᑳᐎ ᐃᔑᓇᒧᐎᓐ:

ᐊᐸᔅᑕᓚᒃ 26:26

ᐌᓴ ᑭᒋᐅᑭᒪᐤ ᑭᔅᑫᓕᑕᒻ ᐅᐅ ᑫᒀᓇ, ᐎᓚ ᐁ ᑖᔅᑕᒪᐱᑦ ᒧᔑᔐ ᑳ ᐋᔭᒥᔮᓐ: ᐌᓴ ᓂ ᑫᒋᓇᐅᓐ ᐁᑳ ᐙᐙᒡ ᐯᔭᒃ ᐅᐅ ᑫᒀᓇ ᐁ ᑳᑕᐙᑲᓂᐎᑦ; ᐌᓴ ᐅᒪ ᓇᒪᐎᓚ ᐁ ᐃᔑ ᑭᑫᔮᒃ ᑮ ᐃᑐᒋᑳᑌᐤ᙮

ᐊᐸᔅᑕᓚᒃ 26:3

ᒫᑲ ᐅᓵᒻ ᐁ ᑭᔅᑫᓕᒥᑖᓐ ᐁ ᓇᐃᑭᔅᑫᓕᑕᒪᓐ ᒥᓯᐌ ᐅᑦ ᐋᔨᑎᐎᓂᐙᐗ ᓀᔥᑕ ᐅ ᑲᑴᒋᑫᒧᐎᓂᐙᐗ ᒎᐗᒃ: ᐁᐗᑯ ᐌᒋ ᐸᑯᓭᓕᒥᑖᓐ ᔑᐱᓚᐌᓯᐎᓂᒃ ᑭᒋ ᓇᑐᑖᐎᔭᓐ᙮

ᐊᐸᔅᑕᓚᒃ 26:7

ᐊᓂᒣᓕᐤ ᐊᔓᑕᒫᑫᐎᓂᓕᐤ ᐊᓂᑭ ᓂᔓᔖᑉ ᐁ ᑕᑐᑌᐎᓯᒋᒃ ᐁ ᐃᑕᔑᔭᒃ, ᑕᑭᓀ ᐁ ᐊᑑᔅᑫᔅᑕᐙᒋᒃ ᑭᒋᒪᓂᑐᐗ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᐊᔅᐯᓕᒧᐗᒃ ᑭᒋ ᐅᑎᒋᐸᓕᓕᒃ᙮ ᐁᐗᑯ ᐊᔅᐯᓕᒧᐎᓐ ᐅᒋ, ᑭᒋᐅᑭᒪᐤ ᐋᒃᕆᐸ, ᓂᑦ ᐅᒋ ᒫᒥᔑᒥᑾᒃ ᒎᐗᒃ᙮