ᐊᐸᔅᑕᓚᒃ 26:16 - ᐅᔅᑭ ᑎᔅᑌᒥᓐᑦ

¹⁶ ᒫᑲ ᐗᓂᔥᑳ, ᓀᔥᑕ ᓂᐸᐎ ᑭᓯᑎᒃ: ᐌᓴ ᐁᐗᑯ ᐌᒋ ᓄᑯᓰᔅᑖᑖᓐ, ᑭᒋ ᐋᔭᒥᐋᐎᐋᑑᔅᑫᓛᑲᓂᐃᑖᓐ ᓀᔥᑕ ᑭᒋ ᑎᐹᑐᑕᒪᓐ ᑖᐱᔅᑯᒡ ᐅᐅ ᑫᒀᓇ ᑳ ᑮ ᐙᐸᑕᒪᓐ, ᓀᔥᑕ ᐊᓂᐃ ᑫᒀᓇ ᑫ ᐅᒋ ᓄᑯᓰᔅᑖᑖᓐ;

ᐊᐸᔅᑕᓚᒃ 26:16 Iomraidhean Croise

ᐅᐸᓓᑭᔅ ᓘᒃ 1:2

ᒬᒋ ᐁ ᑮ ᐃᔑ ᐎᑕᒪᐎᔭᒥᒋᒃ, ᐊᓂᑭ ᓃᔥᑕᒻ ᑳ ᐙᐸᑕᑭᒃ ᐅᔅᑭᔑᑯᐙᐗ ᐅᒋ, ᓀᔥᑕ ᑳ ᑎᐹᑐᑕᑭᒃ ᐋᔭᒥᐎᓂᓕᐤ;

ᐊᐸᔅᑕᓚᒃ 1:17

ᐌᓴ ᑮ ᐃᑕᑭᒫᑲᓂᐎᐤ ᐊᓯᒋ ᑭᓚᓈᓇᐤ, ᓀᔥᑕ ᑮ ᒥᓛᑲᓂᐎᐤ ᐸᔅᑭ ᐅᒪ ᐋᔭᒥᐋᐎ ᐊᑑᔅᑫᐎᓐ᙮

ᐊᐸᔅᑕᓚᒃ 1:25

ᑭᒋ ᐎᒋᐃᐌᑦ ᐅᒪ ᐋᔭᒥᐋᐎ ᐊᑑᔅᑫᐎᓂᒃ, ᓀᔥᑕ ᐊᐸᔅᑕᓕᐎᐎᓂᒃ, ᑳ ᐅᒋ ᐸᑭᔑᒃ ᒎᑕᔅ, ᒪᒋ ᐋᔨᑎᐎᓐ ᐅᒋ, ᑭᒋ ᐃᑐᑌᑦ ᑎᐱᓚᐌ ᐅ ᑕᔑᑫᐎᓂᒃ᙮

ᐊᐸᔅᑕᓚᒃ 20:24

ᒫᑲ ᓇᒪᐎᓚ ᐅᒋ ᐯᔭᒃ ᐅᐅ ᑫᒀᓇ ᓂ ᒥᑯᔅᑳᒋᐃᑯᓐ, ᓇᒪ ᓀᔥᑕ ᓂ ᑭᔅᑕᑭᑕᒫᓱᓐ ᓂ ᐱᒪᑎᓯᐎᓐ, ᑭᒋ ᑭ ᑭᔑᑐᑕᒫᓐ ᓂᑦ ᐃᑖᐸᑎᓯᐎᓐ ᐁ ᓯᑭᓓᓯᔮᓐ, ᓀᔥᑕ ᐊᓂᒪ ᐋᔭᒥᐋᐎ ᐋᑐᔅᑫᐎᓐ, ᑳ ᑮ ᒥᓕᑦ ᐅᑎᐯᓕᒋᑫᐤ ᒋᓴᔅ, ᑭᒋ ᑎᐹᑐᑕᒫᓐ ᐁ ᒥᓗᐋᓕᒧᒋᑲᑌᓕᒃ ᐅ ᔕᐌᓕᒋᑫᐎᓐ ᑭᒋᒪᓂᑐ᙮

ᐊᐸᔅᑕᓚᒃ 21:19

ᐃᔅᐱ ᒫᑲ ᑳ ᑮ ᐋᔭᑕᒥᔅᑲᐙᑦ, ᒥᑐᓂ ᑮ ᐙᐎᑕᒪᐌᐤ ᐊᓂᐃ ᑫᒀᓇ ᑭᒋᒪᓂᑐᐗ ᑳ ᑮ ᑐᑕᒥᓕᒋ ᒣᑴᔭᔥ ᒉᓐᑖᐃᓚ ᐅ ᑲᑫᔅᑭᒥᐌᐎᓐ ᐅᒋ᙮

ᐊᐸᔅᑕᓚᒃ 22:10

ᓂ ᑮ ᐃᑣᓐ ᒫᑲ, ᑫᒀᓐ ᑫ ᑐᑕᒫᓐ ᑌᐯᓕᒋᑫᔭᓐ? ᐅᑎᐯᓕᒋᑫᐤ ᒫᑲ ᓂ ᑮ ᐃᑎᒃ, ᐗᓂᔥᑳ, ᐃᑐᑌ ᒫᑲ ᑕᒫᔅᑲᓯᒃ; ᐁᑯᑕ ᒫᑲ ᑫ ᐎᑕᒫᑲᐎᔭᓐ ᒥᓯᐌ ᑫᒀᓇ ᑳ ᐃᑌᓕᒥᑲᐎᔭᓐ ᑭᒋ ᑐᑕᒪᓐ᙮

ᐊᐸᔅᑕᓚᒃ 23:11

ᐊᓂᐁᓕᐤ ᒫᑲ ᐁ ᑎᐱᔅᑳᓕᒃ ᑮ ᐎᒋᑳᐸᐎᔅᑖᑯ ᐅᑎᐯᓕᒋᑫᐗ, ᑮ ᐃᑎᑯ ᒫᑲ, ᒥᓜᓕᑕ, ᐹᓪ: ᐌᓴ ᑖᐱᔅᑯᒡ ᑳ ᑮ ᐃᑖᒋᒥᔭᓐ ᒋᕉᓴᓚᒥᒃ, ᐁᑯ ᓀᔥᑕ ᑫ ᐃᑖᒋᒧᔭᓐ ᕈᒥᒃ᙮

ᐊᐸᔅᑕᓚᒃ 26:15

ᓂ ᑮ ᐃᑣᓐ ᒫᑲ, ᐊᐌᓇ ᑭᓚ ᑌᐯᓕᒋᑫᔭᓐ? ᑮ ᐃᑗᐤ ᒫᑲ ᓂᓚ ᐁᐗᑯ ᒋᓴᔅ, ᐊᓇ ᑳ ᑲᒀᑕᑭᐊᑦ᙮

ᐊᐸᔅᑕᓚᒃ 6:4

ᒫᑲ ᓂᓚᓈᓐ ᓂ ᑳ ᐸᑭᑎᓂᑎᓱᓈᓐ ᑕᑭᓀ ᑭᒋ ᐋᔭᒥᐋᔮᒃ, ᓀᔥᑕ ᑭᒋ ᑎᐹᑐᑕᒫᒃ ᐋᔭᒥᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:5

ᐁᐗᑯ ᐊᐗ ᑳ ᑮ ᐅᒋ ᒥᓕᑲᐎᔭᒃ ᔕᐌᓕᒋᑫᐎᓐ ᓀᔥᑕ ᐊᐸᔅᑕᓕᐎᐎᓐ, ᑭᒋ ᐅᒋ ᓇᓇᐃᑕᑭᒃ ᑖᐺᔦᓕᑕᒧᐎᓂᓕᐤ ᒥᓯᐌ ᐁ ᐃᑕᑐᔅᑳᓀᓯᒋᒃ ᐃᓕᓕᐗᒃ, ᐅᑦ ᐃᔑᓇᑳᓱᐎᓐ ᐅᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:16

ᑭᒋ ᐋᔭᒥᐙᐎ ᐅᑦ ᐊᑑᔅᑫᓛᑲᓂᒥᑦ ᒋᓴᔅ ᙭ ᐁ ᑮ ᐋᔭᒥᐊᑭᒃ ᒉᓐᑖᐃᓚᒃ, ᐁ ᒫᑎᓇᒶᒃ ᐅ ᒥᓗᐋᒋᒧᐎᓐ ᑭᒋᒪᓂᑐ, ᐁ ᐸᑭᑎᓈᑲᓂᐎᒋᒃ ᒉᓐᑖᐃᓚᒃ ᑭᒋ ᓇᐁᓕᑖᑾᓂᓕᒃ, ᐁ ᑮ ᐸᓓᑭᐋᑲᓂᐎᒋᒃ ᐸᓓᑭ ᐊᒑᑾ ᐅᒋ᙮

ᓂᔓ ᑯᕆᓐᑎᐊᓇ 4:1

ᐁ ᐙᐸᑕᒫᒃ ᒫᑲ ᐁ ᐋᔮᔮᒃ ᐅᒪ ᐋᔭᒥᐋᐎ ᐊᑐᔅᑫᐎᓐ, ᑳ ᑮ ᐃᔑ ᒥᓕᑲᐎᔮᒃ ᔕᐌᓕᒋᑫᐎᓐ, ᓇᒪᐎᓚ ᓂ ᔖᑯᑌᐋᓈᓐ;

ᓂᔓ ᑯᕆᓐᑎᐊᓇ 5:18

ᓀᔥᑕ ᒥᓯᐌ ᑫᒀᓇ ᐃᑕᑾᓂᓕᐤ ᑭᒋᒪᓂᑐ ᐅᒋ, ᑳ ᑮ ᐅᑐᑌᒥᒥᑕᒃ ᒋᓴᔅ ᙭ ᐅᒋ, ᓀᔥᑕ ᑳ ᑮ ᒥᓕᑕᒃ ᐅᑐᑌᒥᐃᐌᐎ ᐊᑑᔅᑫᐎᓐ;

ᑲᓓᔕᐊᓇ 1:12

ᐌᓴ ᓇᒪᐎᓚ ᓂ ᑮ ᐅᒋ ᒥᓕᒃ ᐃᓕᓕᐤ, ᓇᒪ ᓀᔥᑕ ᓂ ᑮ ᑭᔅᑭᓄᐊᒫᑲᐎᓐ, ᒫᑲ ᑳ ᐃᔑ ᑭᔅᑫᓕᑕᒥᐃᑦ ᒋᓴᔅ ᙭᙮

ᑲᓓᔕᐊᓇ 2:2

ᓂ ᑮ ᐃᑐᑖᓐ ᒫᑲ ᑭᔅᑫᓕᑖᑯᑖᑫᐎᓂᒃ ᐃᔑ, ᓂ ᑮ ᐎᑕᒪᐙᐗᒃ ᒫᑲ ᐊᓂᒪ ᒥᓗᐋᒋᒧᐎᓐ ᑳ ᑲᑫᔅᑭᒥᐌᔮᓐ ᐃᑕ ᐁ ᐃᑖᒋᒃ ᒉᓐᑖᐃᓚᒃ, ᒫᑲ ᐯᐯᔭᒃ ᓂ ᑮ ᐎᑕᒪᐙᐗᒃ ᐊᓂᑭ ᑳ ᑭᔅᑌᓕᑖᑯᓯᒋᒃ, ᐁᑳ ᔐᔥᑾᑦ ᑭᒋ ᐱᒥᐸᑖᔮᓐ, ᓀᔥᑕᐱᑯ ᐋᔕᔾ ᐁ ᑮ ᐱᒥᐸᑖᔮᓐ᙮

ᐃᐱᓯᔭᓇ 3:3

ᑳ ᐃᔑ ᑭᔅᑫᓕᑕᒥᐃᑲᐎᔮᓐ ᐊᓂᒪ ᑳ ᒫᒪᔅᑳᑌᓕᑖᑾᒃ ᑭᔅᑫᓕᑖᑯᑖᑫᐎᓂᒃ; ᑖᐱᔅᑯᒡ ᐊᓄᒋᑫ ᐁ ᑮ ᒪᓯᓇᐊᒫᓐ ᒐᑲᐙᔑᔥ ᐋᔭᒥᐎᓂᒃ;

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮

ᑯᓚᔑᔭᓇ 1:25

ᐁᐗᑯ ᑳ ᐅᒋ ᐋᔭᒥᐊᐎ ᐊᑑᒃᑫᓛᑲᓂᐃᑲᐎᔮᓐ, ᑖᐱᔅᑯᒡ ᑳ ᐃᑕᔅᑌᓕᒃ ᐅ ᒫᑎᓇᒫᑫᐎᓐ ᑭᒋᒪᓂᑐ, ᑳ ᒥᓕᑲᐎᔮᓐ ᑭᓚᐗᐤ ᐅᒋ, ᑭᒋ ᑎᐱ ᑲᑫᔅᑭᒥᐌᐗᒃ ᐅᑦ ᐋᔭᒥᐎᓐ ᑭᒋᒪᓂᑐ;

ᑯᓚᔑᔭᓇ 1:7

ᑖᐱᔅᑯᒡ ᓀᔥᑕ ᑳ ᑮ ᐃᔑ ᑭᔅᑭᓄᐊᒫᑖᒃ ᐃᐸᑉᕌᔅ, ᑳ ᓵᑭᐊᑭᑦ ᓂᒋ ᐊᑑᔅᑫᓛᑲᓂᓈᓐ, ᐊᓇ ᑭᓚᐗᐤ ᐅᒋ ᑳ ᐋᐎᑦ ᑳ ᒀᔭᔅᑭᑎᑦ ᐅᑦ ᐊᔭᒥᐊᐎ ᐊᑑᔅᑫᓛᑲᓂᒪ ᙭;

ᓂᔥᑕᒻ ᑌᓴᓗᓂᔭᓇ 3:2

ᓀᔥᑕ ᒫᑲ ᓂ ᑮ ᐃᔑᑎᔕᐙᓈᓐ ᑎᒧᑎ, ᓂᒋᔖᓂᓈᓐ, ᓀᔥᑕ ᐅᑦ ᐋᔭᒥᐋᐎ ᐊᑑᔅᑫᓛᑲᓂᒪ ᑭᒋᒪᓂᑐ, ᓀᔥᑕ ᓂᒋᐊᑑᔅᑫᓛᑲᓂᓈᓐ ᐅ ᒥᓗᐋᒋᒧᐎᓂᒃ ᙭, ᑭᒋ ᐊᔨᒋᐃᑖᒃ ᓀᔥᑕ ᑭᒋ ᑳᑭᒋᐃᑖᒃ ᑭ ᑖᐺᔦᓕᑕᒧᐎᓂᐗᐤ ᐅᒋ:

ᓂᔥᑕᒻ ᑎᒧᑎ 1:12

ᓀᔥᑕ ᒫᑲ ᓂ ᓇᓈᔅᑯᒫᐤ ᙭ ᒋᓴᔅ ᑭ ᑎᐯᓕᒋᑫᒥᓇᐤ, ᑳ ᑮ ᑲᔥᑭᑕᒥᐃᑦ, ᒀᔭᔅᑭᑎᐤ ᐁ ᑮ ᐃᑕᑭᒥᑦ, ᐁ ᐸᑭᑎᓂᑦ ᐋᔭᒥᐋᐎ ᐊᑑᔅᑫᐎᓂᒃ;

ᓂᔥᑕᒻ ᑎᒧᑎ 4:6

ᑮᔥᐱᓐ ᐅᐅ ᑭᔅᑭᓯᑐᑕᒥᐊᑡᐌ ᐎᒋᔖᓂᒪᐗᒃ, ᑭ ᑳ ᒥᓗ ᐋᔭᒥᐊᐎ ᐊᑑᔅᑫᓛᑲᓂᒥᒥᒃ ᒋᓴᔅ ᙭, ᐁ ᐅᐱᑭᔭᓐ ᑖᐺᔦᓕᑕᒧᐎᓂ ᐋᔭᒥᐎᓂᒃ ᓀᔥᑕ ᒥᓗ ᑭᔅᑭᓄᐊᒫᑫᐎᓂᒃ, ᐁᐗᑯ ᑳ ᑮ ᓄᔅᐱᓈᑕᒪᓐ᙮

ᓂᔓ ᑎᒧᑎ 4:5

ᒫᑲ ᑭᓚ ᒥᓯᐌ ᑫᒀᓇ ᐊᔕᐙᐸᑕ, ᔑᐯᓕᑕ ᑲᒀᑕᑭᓯᐎᓇ, ᑐᑕᒻ ᐅᑦ ᐊᑑᔅᑫᐎᓐ ᒥᓗᐋᒋᒧᐎᓕᓕᐤ, ᒥᑐᓂ ᑭᔅᑫᓕᑖᑯᑖ ᑭᑦ ᐊᑑᔅᑫᐎᓐ᙮