ᐊᐸᔅᑕᓚᒃ 24:25 - ᐅᔅᑭ ᑎᔅᑌᒥᓐᑦ

²⁵ ᒣᒀᒡ ᒫᑲ ᐁ ᐋᓕᒧᑕᒥᓕᒋ ᒀᔭᔅᑭᑖᑎᓯᐎᓂᓕᐤ, ᓇᐃᓕᑯᒀᑎᓯᐎᓂᓕᐤ, ᓀᔥᑕ ᑎᐹᔅᑯᓂᑫᐎᓂᓕᐤ ᑫ ᐅᑎᒋᐸᓕᓕᒃ, ᐱᓕᒃᔅ ᑮ ᓇᓇᒥᐸᓕᐤ, ᓀᔥᑕ ᑮ ᓇᔥᑴᐗᔑᐃᐌᐤ, ᑭᑐᑌ ᐊᓄᒡ, ᐃᔅᐱ ᓇᐗᒡ ᓇᐃᐸᓕᐃᑯᔮᓀ, ᑭ ᑳ ᓇᑐᒥᑎᓐ᙮

ᐊᐸᔅᑕᓚᒃ 24:25 Iomraidhean Croise

ᐅᐸᓓᑭᔅ ᒫᑎᐤ 22:5

ᒫᑲ ᑮ ᐋᑕᐌᓕᑕᒸᒃ, ᑮ ᐃᑐᑌᐗᒃ ᒫᑲ, ᐯᔭᒃ ᐅ ᓂᑖᐎᑭᒋᑲᓂᒃ, ᑯᑕᒃ ᒫᑲ ᑮ ᓈᑕᒻ ᐅᑦ ᐊᑖᐙᑲᓇ᙮

ᐅᐸᓓᑭᔅ ᒑᓐ 16:8

ᐃᔅᐱ ᒫᑲ ᑕᑯᔑᑫ, ᑲᑕ ᑭᑐᑕᒻ ᐊᔅᑭᓕᐤ ᒪᒋᑣᐎᓂᓕᐤ ᐅᒋ, ᓀᔥᑕ ᒀᔭᔅᑭᑖᑎᓯᐎᓂᓕᐤ ᐅᒋ, ᓀᔥᑕ ᑎᐹᔅᑯᓂᑫᐎᓂᓕᐤ ᐅᒋ:

ᐊᐸᔅᑕᓚᒃ 10:42

ᓂ ᑮ ᐅᓚᔓᐗᑎᑯᓈᓐ ᒫᑲ ᑭᒋ ᑲᑫᔅᑭᒪᑭᒋᒃ ᐃᓕᓕᐗᒃ, ᓀᔥᑕ ᑭᒋ ᑎᐹᑐᑕᒫᒃ ᐎᓚ ᐁᐗᑯ ᑳ ᑮ ᐊᐌᓛᐸᒥᑯᑦ ᑭᒋᒪᓂᑐᐗ ᑭᒋ ᑎᐸᔅᑯᓈᑦ ᑳ ᐱᒪᑎᓯᓕᑭ ᓀᔥᑕ ᑳ ᓂᐱᓕᒋ᙮

ᐊᐸᔅᑕᓚᒃ 17:13

ᒫᑲ ᐃᔅᐱ ᐊᓂᑭ ᒎᐗᒃ ᐊᓐᑕ ᑌᓴᓗᓈᐃᑲ ᑳ ᐃᑖᒋᒃ ᑳ ᑭᔅᑫᓕᑕᑭᒃ ᑭᒋᒪᓂᑐ ᐅᑦ ᐋᔭᒥᐎᓐ ᐁ ᑮ ᐙᐎᑕᒥᓕᒋ ᐹᓚ ᐊᓐᑕ ᐱᕆᐊᐃᒃ, ᐎᓚᐗᐤ ᐊᓯᒋ ᐊᓐᑕ ᑮ ᐯᒋ ᐃᑐᑌᐗᒃ, ᓀᔥᑕ ᑮ ᒥᑯᔅᑳᒋᐁᐗᒃ ᐃᓕᓕᐗ᙮

ᐊᐸᔅᑕᓚᒃ 17:2

ᐹᓪ ᒫᑲ, ᑖᐱᔅᑯᒡ ᒧᔕᒃ ᑳ ᐃᔑ ᑐᑕᒃ, ᑮ ᐱᑐᑲᐌᐤ, ᓀᔥᑕ ᓂᔅᑐ ᐋᔭᒥᐁᑭᔑᑳᐗ ᑮ ᐎᒋᐋᔭᒥᒣᐤ ᑭᒋᒪᓯᓇᐃᑫᐎᓂᒃ ᐅᒋ,

ᐊᐸᔅᑕᓚᒃ 17:32

ᐃᔅᐱ ᒫᑲ ᐱᐁᑕᑭᒃ ᒥᓇ ᑭᒋ ᐗᓂᔥᑲᓕᒋ ᐊᓂᐃ ᑳ ᓂᐱᓕᒋ, ᐊᑎᑦ ᑮ ᐹᐱᓄᑕᑫᐗᒃ: ᑯᑕᑭᔭᒃ ᒫᑲ ᑮ ᐃᑗᐗᒃ, ᒥᓇ ᑭ ᑳ ᐯᑖᑎᓈᓐ ᐅᒪ ᑫᒀᓐ ᐅᒋ᙮

ᐊᐸᔅᑕᓚᒃ 2:37

ᐃᔅᐱ ᒫᑲ ᐅᒪ ᑳ ᑮ ᐯᑕᑭᒃ ᑮ ᒥᑯᔥᑲᑌᓕᑕᒸᒃ ᐅᑌᐃᐙᒃ, ᑮ ᐃᑌᐙᒃ ᒫᑲ ᐱᑕᕋ ᓀᔥᑕ ᑯᑕᑭᔭ ᐊᐸᔅᑎᓚ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᑖᓂ ᑫ ᑐᑕᒫᒃ?

ᐊᐸᔅᑕᓚᒃ 24:15

ᓀᔥᑕ ᓂᑦ ᐊᔅᐯᓕᒧᑐᑕᐗᐤ ᑭᒋᒪᓂᑐ, ᐎᓚᐗᐤ ᓀᔥᑕ ᑳ ᑲᓇᐌᓕᑕᑭᒃ, ᑭᒋ ᐗᓂᔥᑳᒋᒃ ᐅᓂᐱᐗᒃ, ᑖᐱᔅᑯᒡ ᐊᓂᑭ ᑳ ᒀᔭᔅᑭᑎᒋᒃ ᓀᔥᑕ ᐁᑳ ᑳ ᒀᔭᔅᑭᑎᒋᒃ᙮

ᐊᐸᔅᑕᓚᒃ 24:26

ᑮ ᐸᑯᓭᓕᑕᒻ ᓀᔥᑕ ᔔᓕᐋᓇ ᑭᒋ ᒥᓕᑯᑦ ᐹᓚ, ᑭᒋ ᐋᐸᐙᑦ: ᐁᐗᑯ ᒫᑲ ᐅᒋ ᓇᐗᒡ ᒥᒉᑡᐤ ᑮ ᓇᑐᒣᐤ, ᓀᔥᑕ ᑮ ᐎᒋᐋᔭᒥᒣᐤ᙮

ᐊᐸᔅᑕᓚᒃ 26:28

ᐁᑯ ᐋᒃᕆᐸ ᐁᑖᑦ ᐹᓚ, ᑫᑳᑦ ᑭ ᔖᑯᒋᒥᓐ ᑭᒋ ᒃᕆᔅᑎᔮᓂᐎᔮᓐ᙮

ᐊᐸᔅᑕᓚᒃ 9:6

ᐁ ᓇᓂᑭᐸᓕᑦ ᒫᑲ, ᓀᔥᑕ ᐁ ᒫᒪᔅᑳᑌᓕᑕᒃ ᑮ ᐃᑗᐤ, ᑌᐯᓕᒋᑫᔭᓐ, ᑫᒀᓐ ᓀᑕᐌᓕᒥᔭᓐ ᑭᒋ ᑑᑕᒫᓐ? ᐅᑎᐯᓕᒋᑫᐤ ᒫᑲ ᑮ ᐃᑌᐤ, ᐗᓂᔥᑳ, ᐃᑐᑌ ᒫᑲ ᐃᑖᐎᓂᒃ, ᓀᔥᑕ ᑭ ᑳ ᐎᑕᒫᑲᐎᓐ ᑫᒀᓐ ᑫ ᑑᑕᒪᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:1

ᐁᐗᑯ ᐅᒋ ᒫᑲ ᑭ ᐸᑯᓭᓕᒥᑎᓇᐗᐤ, ᓂᒋᔖᓂᑐᒃ, ᐅ ᔕᐌᓕᒋᑫᐎᓇ ᐅᒋ ᑭᒋᒪᓂᑐ, ᑭᒋ ᐸᑭᑎᓇᒣᒃ ᑭᔭᐙᐗ ᐁ ᐱᒫᑕᒃ ᓵᓵᑭᐎᓕᐌᐎᓐ, ᐁ ᐸᓓᑲᒃ, ᐁ ᓇᐃᓚᐌᐃᑯᑦ ᑭᒋᒪᓂᑐ, ᐁᐗᒀᓂᒪ ᐁ ᒀᔭᔅᑭᑌᓕᑖᑾᒃ ᑭᑦ ᐋᔭᒥᐊᐎ ᐊᑑᔅᑫᐎᓂᐗᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:12

ᒥᓯᐌ ᑕᑐ ᐊᐌᓇ ᐁ ᐃᑕᔑᔭᒃ ᒫᑲ ᑲᑕ ᑎᐹᒋᒥᑎᓱᔅᑕᐌᐤ ᑭᒋᒪᓂᑐᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:16

ᐊᓂᒪ ᑫ ᑭᔑᑳᒃ ᐃᔅᐱ ᑭᒋᒪᓂᑐ ᑫ ᑎᐹᔅᑯᓇᒸᑦ ᐃᓕᓕᐗ ᐅ ᑭᒧᑎᓯᐎᓂᓕᐗ ᐎᓚ ᐅᒋ ᒋᓴᔅ ᙭, ᐁ ᐃᑗᒪᑲᒃ ᓂ ᒥᓗᐋᒋᒧᐎᓐ᙮

ᓂᔥᑕᒻ ᑯᕆᓐᑎᐊᓇ 4:5

ᐁᐗᑯ ᐅᒋ ᐁᑳᐎᓚ ᑫᒀᓐ ᓂᑳᓐ ᑎᐹᔅᑯᓇᒧᒃ, ᐹᑎᒫ ᐯᒋ ᑕᑯᔑᑫ ᐅᑎᐯᓕᒋᑫᐤ, ᑫ ᓄᑯᑖᑦ ᐊᓂᐃ ᑫᒀᓇ ᐗᓂᑎᐱᔅᑭᓯᐎᓂᒃ ᑳ ᑳᑖᓂᐗᑭ, ᓀᔥᑕ ᑫ ᑭᔅᑫᓕᑖᑯᑖᑦ ᒥᑐᓀᓕᒋᑫᐎᓇ ᒥᑌᐃᒃ ᑳ ᐅᒋᐸᓕᑭ: ᐁᑯ ᒫᑲ ᒥᓯᐌ ᐃᓕᓕᐗᒃ ᑫ ᒀᔭᔅᑯ ᐋᒋᒥᑯᒋᒃ ᑭᒋᒪᓂᑐᐗ᙮

ᓂᔓ ᑯᕆᓐᑎᐊᓇ 5:10

ᐌᓴ ᒥᓯᐌ ᐁ ᐃᑕᔑᔭᒃ ᑭ ᑳ ᓄᑯᓯᓈᓇᐤ ᐅᑎᔥᑲᐤ ᙭ ᐅ ᑎᐹᔅᑯᓂᑫᐎ ᐊᐱᐃᓂᒃ; ᒥᓯᐌ ᑕᑐ ᐊᐌᓇ ᑭᒋ ᒥᓚᑲᓂᐎᑦ ᐊᓂᐃ ᑳ ᑮ ᑐᒋᑳᑌᓕᑭ ᐎᔭᐎᒃ, ᒬᒋ ᐊᓂᐁᓕᐤ ᑳ ᑳ ᑐᑕᒃ, ᑮᔥᐱᓐ ᒣᓨᔑᓂᓕᑴ ᓀᔥᑕᐱᑯ ᒥᐋᓛᑕᓂᓕᑴ᙮

ᓂᔓ ᑯᕆᓐᑎᐊᓇ 6:2

ᐌᓴ ᐃᑗᐤ, ᑭ ᑮ ᐯᑖᑎᓐ ᐊᓂᒪ ᐃᔅᐱ ᑳ ᓇᐃᐸᓕᒃ, ᓀᔥᑕ ᐁ ᐱᒫᒋᐃᐌᐎ ᑭᔑᑳᒃ ᑭ ᑮ ᓂᔓᑲᒫᑎᓐ: ᒫᑎᑲ, ᐊᓄᒡ ᐁᑯ ᑳ ᓇᐃᐸᓕᒃ; ᒫᑎᑲ, ᐊᓄᒡ ᐁᐗᑯ ᐱᒫᒋᐃᐌᐎ ᑭᔑᑳᐤ᙮

ᑲᓓᔕᐊᓇ 3:22

ᒫᑲ ᑭᒋ ᒪᓯᓇᐃᑫᐎᓐ ᐃᑗᒪᑲᓐ ᒥᓯᐌ ᐁ ᑎᐯᓕᒥᑯᒋᒃ ᒪᒋᑣᐎᓂᓕᐤ, ᐁ ᑖᐺᔦᓕᒫᒋᒃ ᒋᓴᔅ ᙭ᑕ, ᐊᓂᐁᓕᐤ ᐊᔓᑕᒫᑫᐎᓂᓕᐤ ᑭᒋ ᒥᓛᑲᓂᐎᒋᒃ ᐊᓂᑭ ᑳ ᑖᐺᑕᑭᒃ᙮

ᑲᓓᔕᐊᓇ 5:23

ᓗᔅᐹᑎᓯᐎᓐ, ᑎᐯᓕᒧᐎᓐ: ᓇᒪᐎᓚ ᐃᑕᑾᓐ ᐅᓚᔓᐌᐎᓐ ᐃᑕ ᐅᐅ ᐁ ᑭᑖᔅᑕᒫᓂᐗᑭ᙮

ᓂᔓ ᑎᒧᑎ 4:1

ᑭᑦ ᐃᑕᔓᒥᑎᓐ ᒫᑲ ᐅᑎᔥᑲᐤ ᑭᒋᒪᓂᑐ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭, ᑫ ᑎᐹᔅᑯᓈᑦ ᑳ ᐱᒫᑎᓯᓕᑭ ᓀᔥᑕ ᑳ ᓂᐱᓕᒋ ᐃᔅᐱ ᐯᒋ ᓄᑯᓯᑌ, ᓀᔥᑕ ᐅᑦ ᐅᑭᒪᐎᐎᓐ;

ᑕᐃᑕᔅ 1:8

ᒫᑲ ᐁ ᑭᔐᐙᑐᑕᐙᑦ ᒫᓐᑌᐗ, ᐁ ᓵᑭᐋᑦ ᑳ ᒥᓗᑣᓕᒋ, ᐁ ᐯᑳᒡ ᐃᑖᑎᓰᑦ, ᐁ ᒀᔭᔅᑭᑎᑦ, ᐁ ᐸᓓᑭᓯᑦ, ᐁ ᑖᐱᑕᐙᑎᓰᑦ:

ᐦᐃᑉᕉᐗ 12:21

ᑮ ᐃᔅᐱᒋ ᑯᔅᑕᓯᓈᑾᓐ ᒫᑲ, ᐌᒋ ᑮ ᐃᑗᑦ ᒧᓯᔅ, ᓈᔅᐱᒡ ᓂ ᑯᔅᑖᒋᓐ ᓀᔥᑕ ᓂ ᓇᓇᒥᐸᓕᓐ:)

ᐦᐃᑉᕉᐗ 3:13

ᒫᑲ ᒧᔕᒃ ᑲᑫᔅᑭᒥᑐᒃ, ᒣᒀᒡ ᐊᓄᒡ ᐁ ᑭᔑᑳᒃ ᐁ ᐃᔑᓂᑳᑌᒃ, ᐁᑳ ᐊᐌᓇ ᐁ ᐃᑕᔑᔦᒃ ᑭᒋ ᒪᔥᑲᐎᑌᐁᔅᑳᑯᑦ ᐁ ᐃᔑ ᑲᑳᔦᓕᓯᒪᑲᓂᓕᒃ ᒪᒋᑣᐎᓐ᙮

ᐦᐃᑉᕉᐗ 4:1

ᐁᑯᔑ ᒫᑲ ᑯᔅᐹᓀᓕᑖᑕᐤ, ᐋᑕ ᐁ ᑮ ᐊᔓᑕᒫᑲᐎᔭᒃ ᑭᒋ ᐱᑐᑫᐗᒃ ᐅᑦ ᐋᓜᓯᐎᓂᒃ ᐊᐌᓂᑳᓇᒃ ᐁ ᐃᑕᔑᔦᒃ ᑭᒋ ᓄᑌᔥᑲᑭᒃ᙮

ᐦᐃᑉᕉᐗ 6:2

ᓯᑲᐋᑖᑫᐎᓂ ᑭᔅᑭᓄᐊᒫᑫᐎᓐ, ᓀᔥᑕ ᐁ ᓵᓵᒥᓂᐙᓂᐗᒃ, ᓀᔥᑕ ᐅ ᐗᓂᔥᑳᐎᓂᐗᐤ ᑳ ᓂᐱᒋᒃ, ᓀᔥᑕ ᑳᑭᑫ ᑎᐹᔅᑯᓂᑫᐎᓐ᙮

ᐦᐃᑉᕉᐗ 9:27

ᓀᔥᑕ ᒫᑲ ᐁ ᐃᑕᔓᐙᒋᑳᑌᓕᒃ ᐃᓕᓕᐗᒃ ᐯᔮᑾᐤ ᑭᒋ ᓂᐱᒋᒃ, ᑭᐃᔥᑾ ᐊᓂᒪ ᒫᑲ ᑭᒋ ᑎᐹᔅᑯᓈᑲᓂᐎᒋᒃ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:19

ᑭ ᑖᐺᑌᓐ ᐁ ᐃᑖᑦ ᐯᔭᒃ ᑭᒋᒪᓂᑐ; ᒀᔭᔉ ᑭ ᑐᑌᓐ: ᒪᒋᐊᒑᑾᒃ ᓀᔥᑕ ᑕᐺᑕᒶᒃ, ᓇᓇᒥᐸᓕᐗᒃ ᒫᑲ᙮

ᓂᔥᑕᒻ ᐱᑕᕐ 3:15

ᒫᑲ ᐸᓓᑫᓕᒥᒃ ᑭᒋᒪᓂᑐ ᑭᑌᐃᐙᒃ: ᒧᔕᒃ ᓀᔥᑕ ᐋᔦᔅᑲᐎᓯᒃ ᑭᒋ ᓇᔥᑴᐗᔑᐁᐤ ᒥᓯᐌ ᑕᑐ ᐃᓕᓕᐤ ᑳ ᑲᑴᒋᒥᑖᒃ ᐌᒋ ᐋᔮᔦᒃ ᐊᓂᒪ ᐊᔅᐯᓕᒧᐎᓐ ᑳ ᐱᒋᔅᑳᑯᔦᒃ ᓗᔅᑳᑎᓯᐎᓂᒃ ᓀᔥᑕ ᓇᓂᒋᐎᓂᒃ:

ᓂᔓ ᐱᑕᕐ 1:6

ᓀᔥᑕ ᑭᔅᑫᓕᑕᒧᐎᓂᒃ, ᐯᑳᒡ ᐃᑖᑎᓯᐎᓐ; ᓀᔥᑕ ᐯᑳᒡ ᐃᑖᑎᓯᐎᓂᒃ, ᔑᐱᓚᐌᓯᐎᓐ; ᓀᔥᑕ ᔑᐱᓚᐌᓯᐎᓂᒃ, ᒪᓂᑐᐙᑎᓯᐎᓐ;

ᓂᔥᑕᒻ ᒑᓐ 3:10

ᐁᐗᑯ ᐁ ᐃᔑ ᑭᔅᑫᓕᑖᑯᓯᓕᒋ ᑭᒋᒪᓂᑐ ᐅᑦ ᐊᐙᔑᒥᔕ ᓀᔥᑕ ᒪᒋᒪᓂᑐ ᐅᑦ ᐊᐙᔑᒥᔕ: ᐊᐌᓇ ᐁᑳ ᑎᐅᑕᒧᑴ ᒀᔭᔅᑭᑖᑎᓯᐎᓂᓕᐤ, ᓇᒪᐎᓚ ᑭᒋᒪᓂᑐᒃ ᐅᒋᐤ, ᓇᒪ ᓀᔥᑕ ᐊᓇ ᐁᑳ ᑳ ᓵᑭᐋᑦ ᐎᒋᔖᓇ᙮

ᓂᔥᑕᒻ ᒑᓐ 3:7

ᐊᐱᔅᑕᐙᔑᔑᑐᒃ, ᐁᑯᔑ ᐁᑳᐎᓚ ᐊᐌᓇ ᐃᓕᓕᐤ ᑭ ᑳ ᐙᔦᔑᒥᑯᐗᐤ: ᐊᓇ ᑳ ᑐᑕᒃ ᒀᔭᔅᑭᑖᑎᓯᐎᓂᓕᐤ ᒀᔭᔅᑭᑖᑎᓯᐤ, ᑖᐱᔅᑯᒡ ᐎᓚ ᐁ ᐃᔑ ᒀᔭᔅᑭᑖᑎᓯᓕᒋ᙮