ᐊᐸᔅᑕᓚᒃ 23:7 - ᐅᔅᑭ ᑎᔅᑌᒥᓐᑦ

⁷ ᐃᔅᐱ ᒫᑲ ᐅᒪ ᑳ ᑮ ᐃᑗᑦ, ᑮ ᒫᒋ ᒀᓗᑐᑖᑐᐗᒃ ᐹᕋᓯᔭᒃ ᓀᔥᑕ ᓵᑦᔪᓯᔭᒃ: ᑳ ᒫᒪᐎᒥᒉᑎᒋᒃ ᐃᓕᓕᐗᒃ ᒫᑲ ᑮ ᓀᓈᐎᐸᓕᐗᒃ᙮

ᐊᐸᔅᑕᓚᒃ 23:7 Iomraidhean Croise

ᐅᐸᓓᑭᔅ ᒫᑎᐤ 10:34

ᐁᑳᐎᓚ ᐃᑌᓕᑕᒧᒃ ᐁ ᐯᒋ ᑕᑯᔑᓂᔮᓐ ᑭᒋ ᐃᑎᔕᐊᒫᓐ ᑳᔮᒣᓕᑕᒧᐎᓐ ᐅᑕ ᐊᔅᑮᒃ: ᓇᒪᐎᓚ ᓂ ᑮ ᑕᑯᔑᓂᓐ ᑭᒋ ᐃᑎᔕᐊᒫᓐ ᑳᔮᒣᓕᑕᒧᐎᓐ ᒫᑲ ᔑᒫᑲᓐ᙮

ᐊᐸᔅᑕᓚᒃ 14:4

ᒫᑲ ᑳ ᒥᒉᑎᒋᒃ ᐃᓕᓕᐗᒃ ᐃᑖᐎᓂᒃ ᑳ ᐃᑖᒋᒃ ᑮ ᓂᔓᑣᑐᐗᒃ; ᐋᑎᑦ ᒫᑲ ᑮ ᐎᒋᐁᐗᒃ ᐊᓂᐃ ᒎᐗ, ᐋᑎᑦ ᓀᔥᑕ ᐊᓂᐃ ᐊᐸᔅᑕᓚ᙮

ᐊᐸᔅᑕᓚᒃ 23:6

ᒫᑲ ᐃᔅᐱ ᐹᓪ ᐯᓯᔅᑫᓕᑕᒃ ᐋᑎᑦ ᐁ ᓵᑦᔪᓯᐎᓕᒋ, ᓀᔥᑕ ᑯᑕᑭᔭ ᐁ ᐹᕋᓯᐎᓕᒋ, ᑮ ᑌᐺᐤ ᐊᓐᑕ ᐁ ᐃᔑ ᒪᐗᒋᐃᑐᓕᒋ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᓂᓚ ᓂ ᐹᕋᓯᐎᓐ, ᐁ ᐅᑯᓯᓯᒥᑦ ᓀᔥᑕ ᐹᕋᓯ: ᐅᑦ ᐊᔅᐯᓕᒧᐎᓂᐗᐤ ᓀᔥᑕ ᐅ ᐗᓂᔥᑲᐎᓂᐗᐤ ᐊᓂᑭ ᑳ ᓂᐱᒋᒃ ᐅᒋ ᓂ ᑎᐹᔅᑯᓂᑳᐎᓐ᙮

ᐊᐸᔅᑕᓚᒃ 23:8

ᐌᓴ ᓵᑦᔪᓯᔭᒃ ᐃᑗᐗᒃ ᐁᑳ ᐁ ᐃᑕᑾᒃ ᐗᓂᔥᑳᐎᓐ, ᐁᑳ ᓀᔥᑕ ᐁ ᐃᑖᑦ ᐁᓐᒐᓪ, ᐁᑳ ᓀᔥᑕ ᐊᒑᒃ: ᒫᑲ ᐹᕋᓯᔭᒃ ᒥᓯᐌ ᐅᐅ ᑖᐺᑕᒶᒃ᙮