23 ᒣᒀᒡ ᒫᑲ ᑳ ᑌᐺᒋᒃ, ᓀᔥᑕ ᑳ ᑫᒋᑯᐌᐸᐊᑭᒃ ᐅ ᐎᓛᒋᑲᓂᐙᐗ, ᓀᔥᑕ ᑳ ᐃᔥᐹᑫᐌᐸᐊᑭᒃ ᒪᒋᑾᓛᔕ,
ᒋᓴᔅ ᒫᑲ ᐁ ᐱᒧᑌᑦ ᔑᔓᒡ ᑳᓕᓕ ᑭᒋᑭᒦᒃ, ᑮ ᐙᐸᒣᐤ ᓂᔓ ᐁ ᐎᒋᔖᓂᑐᓕᒋ, ᓵᐃᒪᓐ ᑳ ᐃᔑᓂᑳᓱᑉ ᐱᑕᕐ, ᓀᔥᑕ ᐋᓐᑦᕈ ᐎᒋᔖᓇ, ᐁ ᐸᑭᑕᐙᓕᒋ ᑭᒋᑲᒦᒃ: ᐌᓴ ᐅᓄᑐᒣᓭᐎᐗᒃ᙮
ᓀᔥᑕ ᒥᓯᐌ ᑕᑐ ᐋᔭᒥᐁᐎᑲᒥᑯᒃ ᒥᒉᑡᐤ ᓂ ᑮ ᑲᒀᑕᑭᐋᐗᒃ, ᓀᔥᑕ ᓂ ᑮ ᔖᑯᒋᒫᐗᒃ ᑭᒋ ᐸᐹᔅᑕᒧᒋᒃ; ᓀᔥᑕ ᓈᔅᐱᒡ ᐁ ᐋᑯᓚᐌᓯᔅᑕᐗᑭᒃ, ᓂ ᑮ ᑲᒀᑕᑭᐋᐗᒃ ᐙᐙᒡ ᐹᐱᑐᔥ ᐃᑖᐎᓂᒃ᙮
ᑳ ᑮ ᐅᑎᓇᒣᒃ ᐅᓚᔓᐌᐎᓐ ᐁᓐᒐᓚᒃ ᐁ ᑮ ᒥᓕᐌᒋᒃ, ᐁᑳ ᒫᑲ ᑳ ᑮ ᑲᓇᐌᓕᑕᒣᒃ᙮
ᑮ ᐗᓚᐎᐌᐱᓀᐙᒃ ᒫᑲ ᐃᑖᐎᓂᒃ ᐅᒋ, ᓀᔥᑕ ᑮ ᐱᒧᓯᓈᑕᐌᐗᒃ: ᐅᑎᐹᒋᒧᐗᒃ ᒫᑲ ᑮ ᐊᔅᑖᐗᒃ ᐅ ᐎᓛᒋᑲᓂᐙᐗ ᐅᔥᑭᓂᑭᐗ ᐅᓯᑎᓕᒃ ᓵᓪ ᑳ ᐃᔑᓂᑳᓱᓕᒋ᙮