15 ᑳ ᐳᓂᐸᓕᑭ ᒫᑲ ᐅᐅ ᑭᔑᑳᐗ ᓂ ᑮ ᓂᓵᐎᓈᓐ, ᐁᑯ ᑳ ᐃᑐᑌᔮᒃ ᒋᕉᓴᓚᒥᒃ᙮
ᐃᔅᐱ ᒫᑲ ᑳ ᑮ ᑲᐹᑦ ᐊᓐᑕ ᓯᓴᕆᐊᐃᒃ, ᓀᔥᑕ ᑳ ᑯᔅᐱᑦ, ᓀᔥᑕ ᑳ ᐊᑕᒥᔅᑲᐙᑦ ᒫᒪᐎᐋᔭᒥᐋᐗ, ᑮ ᐃᑐᑌᐤ ᐊᓐᑕ ᐊᓐᑎᐊᑭᒃ᙮
ᐹᑎᒪ ᐅᐅ ᑫᒀᓇ ᑳ ᑮ ᑐᒋᑲᑌᑭ, ᐹᓪ ᑮ ᐃᑌᓕᑕᒻ ᐅᑦ ᐊᒑᑯᒃ, ᐃᔅᐱ ᑳ ᑮ ᔖᐳᔥᑲᒃ ᒫᓯᑐᓂᐊ ᓀᔥᑕ ᐊᑳᐃᐊ ᑭᒋ ᐃᑐᑌᑦ ᒋᕉᓴᓚᒥᒃ, ᐁ ᐃᑗᑦ, ᐹᑎᒪ ᐊᓐᑕ ᑮ ᐃᑐᑌᔮᓀ, ᓂ ᑳ ᐎ ᐙᐸᑌᓐ ᕈᒻ ᐊᓯᒋ᙮
ᐃᔅᐱ ᒫᑲ ᐅᐅ ᑫᒀᓇ ᐱᐁᑕᒫᒃ, ᑖᐱᔅᑯᒡ ᓂᓚᓈᓐ, ᐊᓂᑭ ᓀᔥᑕ ᐁᑯᑕ ᑳ ᑕᔑᑫᒋᒃ ᓂ ᑮ ᐸᑯᓭᓕᒫᓈᓐ ᐁᑳ ᑭᒋ ᐃᑐᑌᑦ ᒋᕉᓴᓚᒥᒃ᙮
ᐃᔅᐱ ᒫᑲ ᐯᔅᑕᔅ ᑳ ᑕᑯᔑᒃ ᐊᓂᒪ ᑎᐯᓕᒋᑫᐎᓂᒃ, ᑳ ᐳᓂᐸᓕᑭ ᓂᔅᑐ ᑭᔑᑳᐗ ᓯᓴᕆᐊᐃᒃ ᐁ ᐅᒋ ᑭᑐᑌᑦ ᑭ ᐃᑐᑌᐤ ᒋᕉᓴᓚᒥᒃ᙮
ᐃᔅᐱ ᒫᑲ ᑳ ᑮ ᐎᒋᑕᔑᑫᒫᑦ ᐊᐙᓯᑌ ᐃᔥᐱᔥ ᒥᑖᑐ ᑭᔑᑳᐗ, ᐊᔥᑕ ᓯᓴᕆᐊᐃᒃ ᑮ ᐃᑐᑌᐤ; ᐎᐋᐸᓂᓕᒃ ᒫᑲ ᐁ ᐊᐱᑦ ᑎᐹᔅᑯᓂᑫᐎ ᐊᐱᐎᓂᒃ ᑮ ᐃᑕᔓᐙᑌᐤ ᐹᓚ ᑭᒋ ᐯᔑᒥᒋ᙮
ᒫᑲ ᐯᔅᑕᔅ, ᐁ ᐎ ᓇᐃᓚᐌᐋᑦ ᒎᐗ, ᐁ ᓇᔥᑴᐗᔑᐋᑦ ᐹᓚ ᑮ ᐃᑌᐤ, ᑭ ᑳ ᐃᑐᑖᓐ ᓈ ᒋᕉᓴᓚᒥᒃ, ᐁᑯᑕ ᒫᑲ ᐁ ᑖᔅᑕᒪᐱᔮᓐ ᑭᒋ ᑎᐹᔅᑯᓂᑳᐎᔭᓐ ᐅᐅ ᑫᒀᓇ ᐅᒋ?
