ᐊᐸᔅᑕᓚᒃ 2:4 - ᐅᔅᑭ ᑎᔅᑌᒥᓐᑦ

⁴ ᒥᓯᐌ ᒫᑲ ᑮ ᓵᑲᔥᑭᓀᔅᑳᑯᐗᒃ ᐸᓓᑭ ᐊᒑᑾ, ᑮ ᒫᒋ ᐊᔭᒥᐗᒃ ᒫᑲ ᑯᑕᑭᔭ ᐃᔑᑭᔗᐎᓂᒃ, ᑳ ᐃᔑ ᒥᓕᑯᒋᒃ ᐊᒑᑾ᙮

ᐊᐸᔅᑕᓚᒃ 2:4 Iomraidhean Croise

ᐅᐸᓓᑭᔅ ᒫᑎᐤ 10:19

ᒫᑲ ᐃᔅᐱ ᐸᑭᑎᓂᑖᑾᐌ, ᐁᑳᐎᓚ ᒫᒥᑐᓀᓕᑕᒧᒃ ᑖᓀ ᓀᔥᑕᐱᑯ ᑖᓀ ᐃᔑ ᑫ ᐃᑗᔦᒃ: ᐌᓴ ᐁᐗᑯ ᑎᐹᔨᑲᓂᒃ ᐱᓯᒧᑳᓂᒃ ᑭ ᑳ ᒥᓕᑲᐎᓇᐗᐤ ᑫᒀᓐ ᑫ ᐃᑗᔦᒃ᙮

ᐅᐸᓓᑭᔅ ᒫᕐᒃ 16:17

ᐅᐅ ᑭᒋᑭᓄᐙᒋ ᐙᐸᑎᓕᐌᐎᓇ ᒫᑲ ᑲᑕ ᐎᒉᐎᑯᐗᒃ ᐊᓂᑭ ᑫ ᑖᐺᑕᑭᒃ: ᓂᑦ ᐃᔑᓂᑳᓱᐎᓂᒃ ᑲᑕ ᐗᓕᐎᐌᐱᓀᐗᒃ ᒪᒋ ᐊᒑᑾ; ᐅᔥᑭ ᐃᔑ ᑭᔗᐎᓇ ᑲᑕ ᐋᔭᒥᐗᒃ;

ᐅᐸᓓᑭᔅ ᓘᒃ 1:15

ᐌᓴ ᑲᑕ ᑭᔅᑌᓕᑖᑯᓯᐤ ᐅᔅᑭᔑᑯᓕᒃ ᐅᑎᐯᓕᒋᑫᐗ, ᓇᒪᐎᓚ ᓀᔥᑕ ᑲᑕ ᒥᓂᑴᐤ ᔓᒥᓈᐳᓕᐤ ᓇᒪ ᓀᔥᑕ ᑫᒀᓕᐤ ᐁ ᓱᑳᑲᒥᓂᓕᒃ, ᑲᑕ ᓵᑲᔅᑭᓀᔅᑳᑯ ᒫᑲ ᐸᓓᑭ ᐊᒑᑾ ᐙᐙᒡ ᐅᑳᐎᔭ ᐅᔅᐹᔮᓕᒃ ᐅᒋ᙮

ᐅᐸᓓᑭᔅ ᓘᒃ 1:41

ᑮ ᐃᑭᓐ ᒫᑲ, ᐃᔅᐱ ᐃᓕᓴᐱᑦ ᐱᐁᑕᒸᑦ ᒣᕆᔭ ᐅᑦ ᐊᑕᒥᔅᑲᑫᐎᓂᓕᐤ, ᐊᐙᔑᔕ ᑮ ᑳᔥᑯᑎᓕᐗ ᐅᔅᐹᔮᒃ: ᐃᓕᓴᐱᑦ ᒫᑲ ᑮ ᐊᑎ ᓵᑲᔅᑭᓀᔅᑳᑯ ᐸᓓᑭ ᐊᒑᑾ᙮

ᐅᐸᓓᑭᔅ ᓘᒃ 1:67

ᐅᑖᐎ ᒫᑲ, ᓵᑲᕌᔭᐗ ᑮ ᓵᑲᔅᑭᓀᔅᑳᑯᓕᐗ ᐸᓓᑭ ᐊᒑᑾ, ᑮ ᑭᔅᑭᐙᐃᑫᐎᐋᔭᒥᐤ ᒫᑲ, ᐁ ᐃᑗᑦ,

ᐅᐸᓓᑭᔅ ᓘᒃ 12:12

ᐌᓴ ᑳ ᐸᓓᑭᓯᑦ ᐊᒑᒃ ᑭ ᑳ ᑭᔅᑭᓄᐊᒫᑯᐗᐤ ᐊᓂᒪ ᑎᐸᔨᑲᓐ ᐱᓯᒧᑳᓂᒃ ᑫᒀᓐ ᑫ ᐃᑗᔦᑯᐸᓐ᙮

ᐅᐸᓓᑭᔅ ᓘᒃ 21:15

ᐌᓴ ᓂᓚ ᑭ ᑳ ᒥᓕᑎᓇᐗᐤ ᒥᑐᓐ ᓀᔥᑕ ᑲᑫᑕᐌᓕᑕᒧᐎᓐ ᐁᑳ ᑫ ᑮ ᐋᓉᑕᑭᒃ ᐁᑳ ᓀᔥᑕ ᑫ ᑮ ᔖᑯᒋᑖᒋᒃ ᒥᓯᐌ ᐊᓂᑭ ᑳ ᐸᒀᑎᑖᑾᒃ᙮

ᐅᐸᓓᑭᔅ ᓘᒃ 4:1

ᒋᓴᔅ ᒫᑲ, ᐁ ᓵᑲᔅᑭᓀᔅᑳᑯᑦ ᐸᓓᑭ ᐊᒑᑾ, ᒐᕐᑕᓂᒃ ᑮ ᐅᒋ ᑭᐌᐤ, ᓀᔥᑕ ᑮ ᐃᑐᑕᐃᑯ ᐊᒑᑾ ᐸᑾᑕᔅᑲᒥᑳᒃ,

ᐅᐸᓓᑭᔅ ᒑᓐ 14:26

ᒫᑲ ᐅᒥᓜᓕᒧᐃᐌᐤ, ᐁᐗᑯ ᐯᓓᑭᓯᑦ ᐊᒑᒃ, ᑫ ᐯᒋᑎᔕᐅᑯᑦ ᐅᑖᐎᒪᐗ ᓂᑦ ᐃᔑᓂᑳᓱᐎᓂᒃ, ᐎᓚ ᑭ ᑳ ᑭᔅᑭᓄᐊᒫᑯᐗᐤ ᒥᓯᐌ ᑭᒀᓇ, ᓀᔥᑕ ᑭ ᑳ ᑭᔅᑭᓯᐃᑯᐗᐤ ᒥᓯᐌ ᑫᒀᓇ ᑳ ᑮ ᐃᑎᑕᑾᒃ᙮

ᐅᐸᓓᑭᔅ ᒑᓐ 20:22

ᐃᔅᐱ ᒫᑲ ᐅᒣᓕᐤ ᑳ ᑮ ᐃᑗᑦ, ᑮ ᓓᓓᑐᑕᐌᐤ, ᓀᔥᑕ ᐃᑌᐤ, ᐅᑎᓂᒃ ᐸᓓᑭ ᐊᒑᒃ:

ᐊᐸᔅᑕᓚᒃ 1:5

ᐌᓴ ᒑᓐ ᑖᐺ ᑮ ᓯᑲᐋᑖᑫᐤ ᓂᐱ ᐅᒋ; ᒫᑲ ᑭᓚᐗᐤ ᑭ ᑳ ᓯᑲᐊᑖᑲᐎᓇᐗᐤ ᐸᓓᑭ ᐊᒑᒃ ᐅᒋ ᐸᒧᔑ ᒥᒉᑐ ᑭᔑᑳᐗ ᐃᓕᑯᒃ᙮

ᐊᐸᔅᑕᓚᒃ 1:8

ᒫᑲ ᑭ ᑳ ᒥᓕᑲᐎᓇᐗᐤ ᓱᑳᑎᓯᐎᓐ ᐃᔅᐱ ᑮ ᐅᑎᑎᑯᔦᑴ ᑳ ᐹᓓᑭᓯᑦ ᐊᒑᒃ: ᓀᔥᑕ ᒫᑲ ᑭ ᑳ ᑎᐹᒋᒥᓇᐗᐤ ᒋᕉᓴᓚᒥᒃ, ᓀᔥᑕ ᒥᓯᐌ ᒎᑎᐊᐃᒃ, ᓀᔥᑕ ᓴᒣᕆᔭᐃᒃ, ᓀᔥᑕ ᐱᓕᔥ ᒫᐗᒡ ᐁ ᐃᔥᒀᔮᒃ ᐊᔅᑭᒃ᙮

ᐊᐸᔅᑕᓚᒃ 10:46

ᐌᓴ ᑮ ᐯᑕᐌᐗᒃ ᐁ ᐋᔭᒥᓕᒋ ᓇᓈᑲᐤ ᑭᔗᐎᓂᒃ, ᓀᔥᑕ ᐁ ᑭᔅᑖᒋᒫᒋᒃ ᑭᒋᒪᓂᑐᐗ᙮ ᐁᑯ ᓀᔥᑴᐗᔑᐃᐌᑦ ᐱᑕᕐ,

ᐊᐸᔅᑕᓚᒃ 10:47

ᐊᐌᓇ ᐃᓕᓕᐤ ᓈ ᑲᑕ ᑮ ᐅᒋᐃᐌᐤ ᓂᐱᓕᐤ, ᐅᑯ ᐁᑳ ᑭᒋ ᑮ ᓯᑲᐊᑕᐗᑲᓂᐃᒋᒃ, ᑳ ᑮ ᒥᓛᑲᓂᐎᒋᒃ ᐸᓓᑭ ᐊᒑᑾ ᑖᐱᔅᑯᒡ ᑭᓚᓈᓇᐤ?

ᐊᐸᔅᑕᓚᒃ 11:15

ᒣᒀᒡ ᒫᑲ ᐁ ᒫᒋ ᐋᔭᒥᔮᓐ, ᐸᓓᑭ ᐊᒑᑾ ᑮ ᐅᑎᑎᑯᐗᒃ, ᑖᐱᔅᑯᒡ ᑭᓚᓈᓇᐤ ᐅᔅᑲᒡ᙮

ᐊᐸᔅᑕᓚᒃ 11:24

ᐌᓴ ᑮ ᒥᓗ ᐃᓕᓕᐎᐤ, ᓀᔥᑕ ᑮ ᓵᑲᔅᑭᓀᔅᑳᑯ ᐸᓓᑭ ᐊᒑᑾ ᓀᔥᑕ ᑖᐺᔦᓕᑕᒧᐎᓂᓕᐤ: ᒥᒉᑦ ᒫᑲ ᐃᓕᓕᐗ ᑮ ᑕᑯᑕᒪᐙᑲᓂᐎᐤ ᐅᑎᐯᓕᒋᑫᐤ᙮

ᐊᐸᔅᑕᓚᒃ 13:52

ᑭᔅᑭᓄᐊᒪᐗᑲᓇᒃ ᒫᑲ ᑭ ᓵᑲᔅᑭᓀᔅᑲᑯᐗᒃ ᓯᑭᓓᓯᐎᓂᓕᐤ, ᓀᔥᑕ ᑳ ᐸᓓᑭᓯᓕᒋ ᐊᒑᑾ᙮

ᐊᐸᔅᑕᓚᒃ 13:9

ᐁᑯ ᓵᓪ (ᐊᓇ ᐹᓪ ᐊᓯᒋ ᑳ ᐃᔑᓂᑲᑖᑲᓂᐎᑦ) ᐁ ᓵᑲᔅᑭᓀᔅᑲᑯᑦ ᐸᓓᑭ ᐊᒑᑾ, ᑮ ᑲᓇᐙᐸᒣᐤ,

ᐊᐸᔅᑕᓚᒃ 15:8

ᑭᒋᒪᓂᑐ ᒫᑲ ᑳ ᑭᔅᑫᓕᑕᒃ ᒥᑌᐊ, ᑮ ᑎᐹᒋᒣᐤ, ᐁ ᒥᓛᑦ ᑳ ᐸᓓᑭᓯᓕᒋ ᐊᒑᑾ ᑖᐱᔅᑯᒡ ᑭᓚᓈᓇᐤ ᑳ ᑮ ᑐᑖᑕᒃ:

ᐊᐸᔅᑕᓚᒃ 19:6

ᐃᔅᐱ ᒫᑲ ᐹᓪ ᑳ ᓵᓵᒥᓈᑦ, ᐸᓓᑭ ᐊᒑᑾ ᑮ ᐅᑎᑎᑯᐗᒃ; ᑮ ᐊᔭᒥᐗᒃ ᒫᑲ ᓇᓈᑲᐤ ᐃᔑᑭᔗᐎᓇ ᐅᒋ, ᓀᔥᑕ ᑮ ᑭᔅᑭᐗᐃᑫᐗᒃ᙮

ᐊᐸᔅᑕᓚᒃ 2:11

ᒃᕆᑕᒃ ᓀᔥᑕ ᐊᕃᐱᐊᓇᒃ, ᑮ ᐯᑕᐙᓇᐗᒃ ᑭᓚᓈᓇᐤ ᑭᑦ ᐃᔑᑭᔗᐎᓂᓈᒃ ᐁ ᐋᓕᒧᑕᒸᒋᒃ ᑭᒋᒪᓂᑐᐗ ᐅ ᒫᒪᔅᑳᒋ ᐊᔨᑎᐎᓂᓕᐗ᙮

ᐊᐸᔅᑕᓚᒃ 2:3

ᑮ ᓄᑯᓯᔅᑖᑯᐗᒃ ᒫᑲ ᐁ ᑖᔥᑳᓕᑭ ᒥᑌᓕᓕᐊ, ᑖᐱᔅᑯᒡ ᐃᔥᑯᑌᐤ ᐁ ᐃᔑᓈᑾᓂᓕᒋ, ᑮ ᑗᐅᑖᑯᐗᒃ ᒫᑲ ᒥᓯᐌ ᑕᑐ ᐁ ᐃᑕᓯᒋᒃ᙮

ᐊᐸᔅᑕᓚᒃ 4:31

ᐃᔅᐱ ᒫᑲ ᑳ ᑮ ᐋᔭᒥᐋᒋᒃ, ᐃᑕ ᑳ ᐃᔑ ᒫᐗᒋᐃᑐᒋᒃ ᑮ ᓇᓇᒥᐸᓕᐤ; ᒥᓯᐌ ᒫᑲ ᑮ ᓵᑲᔅᑭᓀᔅᑳᑯᐗᒃ ᐸᓓᑭ ᐊᒑᑾ, ᓀᔥᑕ ᑮ ᐋᓕᒨᑕᒶᒃ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ ᒥᓯᐌ ᓱᑫᓕᒧᐎᓂᒃ᙮

ᐊᐸᔅᑕᓚᒃ 4:8

ᐁᑯ ᒫᑲ ᐱᑕᕐ, ᐁ ᓴᑲᔅᑭᓀᔅᑳᑯᑦ ᑳ ᐸᓓᑭᓯᓕᒋ ᐊᒑᑾ, ᑮ ᐃᑌᐤ, ᑭᓚᐗᐤ ᑳ ᑎᐯᓕᒣᑾᒃ ᐃᓕᓕᐗᒃ, ᓀᔥᑕ ᑳ ᓂᑳᓀᓕᑖᑯᓯᔦᒃ ᐃᔅᕃᐃᓕᒃ,

ᐊᐸᔅᑕᓚᒃ 6:3

ᐁᐗᑯ ᐌᒋ, ᓂᒋᔖᓂᑐᒃ, ᐗᐌᓚᐸᒥᑯᒃ ᑭᓚᐗᐤ ᐁ ᐃᑕᔑᔦᒃ ᐅᒋ ᓂᔂᔅ ᐃᓕᓕᐗᒃ ᑳ ᒀᔭᔅᑭᑖᑎᓯᐎ ᐋᓕᒧᒥᒋᒃ, ᑳ ᓴᑲᔅᑭᓀᔅᑳᑯᒋᒃ ᑳ ᐸᓓᑭᓯᓕᑭ ᐊᒑᑾ ᓀᔥᑕ ᑲᑫᑕᐌᓕᑕᒧᐎᓂᓕᐤ, ᐊᓂᑭ ᑫ ᑮ ᑎᐯᓕᑕᒥᐊᑭᒋᒃ ᐅᒪ ᐃᑖᐸᑎᓯᐎᓐ᙮

ᐊᐸᔅᑕᓚᒃ 6:5

ᐊᓂᒪ ᐃᑗᐎᓐ ᒫᑲ ᑮ ᓇᐃᓚᐌᐃᑯᐗᒃ ᒥᓯᐌ ᐁ ᐃᑕᓯᒋᒃ: ᑮ ᐗᐌᓚᐸᒣᐗᒃ ᒫᑲ ᐊᓂᐃ ᔅᑎᐱᓐ, ᐃᓕᓕᐤ ᑳ ᓴᑲᔅᑭᓀᔅᑳᑯᑦ ᑖᐺᔦᓕᑕᒧᐎᓂᓕᐤ ᓀᔥᑕ ᑳ ᐸᓓᑭᓯᓕᒋ ᐊᒑᑾ, ᓀᔥᑕ ᐱᓕᑉ, ᓀᔥᑕ ᑉᕈᑯᕋᔅ ᓀᔥᑕ ᓈᐃᑫᓇᕐ, ᓀᔥᑕ ᑕᐃᒪᓐ, ᓀᔥᑕ ᐹᕐᒥᓇᔅ, ᓀᔥᑕ ᓂᑯᓚᔅ ᐅᑴᔅᑳᑎᔅ ᐋᓐᑎᐊᑭᒃ ᐅᒋ;

ᐊᐸᔅᑕᓚᒃ 6:8

ᔅᑎᐱᓐ ᒫᑲ, ᐁ ᓴᑲᔅᑭᓀᔅᑳᑯᑦ ᑖᐺᔦᓕᑕᒧᐎᓂᓕᐤ ᓀᔥᑕ ᑲᔥᑭᐅᐎᓂᓕᐤ, ᑮ ᑭᒋ ᑭᒋ ᒫᒪᔅᑲᒋᑐᑕᒻ ᓀᔥᑕ ᑮ ᒫᒪᔅᑳᒋᐃᓯᒋᑫᐤ ᐃᑕ ᐁ ᐃᑖᓕᒋ ᐃᓕᓕᐗ᙮

ᐊᐸᔅᑕᓚᒃ 7:55

ᒫᑲ ᐎᓚ, ᐁ ᓵᑲᔅᑭᓀᔅᑳᑯᑦ ᐸᓓᑭ ᐊᒑᑾ, ᑭᒋᑭᔑᑯᒃ ᓲᑲ ᑮ ᐃᔑ ᑖᔅᑕᓵᐱᐤ, ᑮ ᐋᐸᑕᒬᐤ ᒫᑲ ᑭᒋᒪᓂᑐᐗ ᐅ ᑭᔅᑌᓕᑖᑯᓯᐎᓂᓕᐤ, ᓀᔥᑕ ᒋᓴᓴ ᐁ ᓂᐸᐎᓕᒋ ᑭᒋᒪᓂᑐᐗ ᐅ ᑭᒋᓂᔅᑭᓕᒃ,

ᐊᐸᔅᑕᓚᒃ 8:17

ᐁᑯ ᑳ ᓵᓵᒥᓈᒋᒃ, ᑮ ᐅᑎᑎᑯᐗᒃ ᒫᑲ ᑳ ᐸᓓᑭᓯᓕᒋ ᐊᒑᑾ᙮

ᐊᐸᔅᑕᓚᒃ 9:17

ᐋᓇᓈᐃᐊᔅ ᒫᑲ ᑮ ᑭᑐᑌᐤ, ᑮ ᐱᑐᑫᐤ ᒫᑲ ᐙᔅᑳᔨᑲᓂᒃ, ᓀᔥᑕ ᐁ ᓵᒥᓈᑦ, ᑮ ᐃᑌᐤ, ᓂᒋᔖᓐ ᓵᓪ, ᐅᑎᐯᓕᒋᑫᐤ, ᒋᓴᔅ, ᐅᑎ, ᑳ ᑮ ᓄᑯᓯᔅᑖᔉ ᐊᓐᑕ ᒣᔅᑲᓈᒃ ᐁ ᐊᑎ ᐯᒋ ᐃᑐᑌᔭᓐ, ᓂ ᑮ ᐯᒋᑎᔕᐅᒃ, ᑭᒋ ᑮ ᒥᓕᑳᐎᔭᓐ ᑭ ᐙᐱᐎᓐ, ᓀᔥᑕ ᑭᒋ ᓵᑲᔅᑭᓀᔅᑲᔉ ᑳ ᐸᓓᑭᓯᑦ ᐊᒑᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:13

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᐊᔅᐯᓕᒧᐎᓂᓕᐤ ᑭ ᑳ ᐎ ᓵᑲᔅᑭᓇᐃᑯᐗᐤ ᒥᓯᐌ ᒥᓚᐙᑕᒧᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᐁ ᑖᐺᑕᒣᒃ, ᑭᒋ ᐌᓗᑎᓯᔦᒃ ᐊᔅᐯᓕᒧᐎᓐ, ᑳ ᐸᓓᑭᓯᑦ ᐊᒑᒃ ᐅ ᓱᑳᑎᓯᐎᓐ ᐅᒋ᙮

ᓂᔥᑕᒻ ᑯᕆᓐᑎᐊᓇ 12:10

ᑯᑕᒃ ᑭᒋ ᒫᒪᔅᑳᒋᐃᔑᒋᑫᑦ; ᑯᑕᒃ ᑭᔅᑭᐙᐃᑫᐎᓂᓕᐤ; ᑯᑕᒃ ᑭᒋ ᓂᓯᑕᐌᓕᒫᑦ ᐊᒑᑾ; ᑯᑕᒃ ᓇᓈᑲᐤ ᐃᔑᑭᔗᐎᓇ; ᑯᑕᒃ ᑭᒋ ᐃᑗᔅᑕᒃ ᐃᔑᑭᔗᐎᓇ᙮

ᓂᔥᑕᒻ ᑯᕆᓐᑎᐊᓇ 13:1

ᐋᑕ ᐁ ᐋᔭᒥᔮᓐ ᐃᓕᓕᐗᒃ ᓀᔥᑕ ᐁᓐᒐᓚᒃ ᐅᑦ ᐃᔑᑭᔗᐎᓂᐙᒃ, ᑮᔥᐱᓐ ᐁᑳ ᐋᔮᔮᓐ ᓵᑭᐃᐌᐎᓐ, ᑖᐱᔅᑯᒡ ᐅᓵᐙᐱᔉ ᐁ ᒫᑗᑎᒃ, ᓀᔥᑕᐱᑯ ᑭᑐᒋᑲᓐ ᐁ ᓄᑖᑯᓯᒪᑲᒃ ᓂᑦ ᐃᑌᓕᑖᑯᓯᓐ᙮

ᓂᔥᑕᒻ ᑯᕆᓐᑎᐊᓇ 13:8

ᓵᑭᐃᐌᐎᓐ ᓇᒪᐎᔅᑳᑦ ᐃᔥᒀᐸᓕᐤ: ᐋᑕᐁᐃᑕᑾᑭ ᑭᔅᑭᐙᐃᑫᐎᓇ, ᑲᑕ ᐃᔥᒀᐸᓕᐗ; ᐋᑕ ᐁ ᐃᑕᑾᑭ ᐃᔑᑭᔗᐎᓇ, ᑲᑕ ᐳᓂᒪᑲᓋ: ᐋᑕ ᐁ ᐃᑕᑾᒃ ᑭᔅᑫᓕᑕᒧᐎᓐ, ᑲᑕ ᐹᔑᑯᓈᑾᓐ᙮

ᓂᔥᑕᒻ ᑯᕆᓐᑎᐊᓇ 14:18

ᓂ ᓇᓈᔅᑯᒪᐤ ᓂ ᑭᒋᒪᓂᑐᒻ, ᐊᐙᓯᑌ ᓇᓈᑲᐤ ᓂᑦ ᐃᔑᑭᔣᓐ ᐃᔥᐃᔥ ᒥᓯᐌ ᐁ ᐃᑕᔑᔦᒃ:

ᓂᔥᑕᒻ ᑯᕆᓐᑎᐊᓇ 14:5

ᓂ ᑳ ᓇᑕᐌᓕᑌᑖᔾ ᒥᓯᐌ ᐁ ᐃᑕᔑᔦᒃ ᓇᓈᑲᐤ ᑭᒋ ᐃᔑᑭᔗᔦᒃ, ᓇᐗᒡ ᒫᑲ ᑭᒋ ᑭᔅᑭᐙᐃᑫᔦᒃ: ᐌᓴ ᐊᐙᓯᑌ ᑭᔅᑌᓕᑖᑯᓯᐤ ᐊᓇ ᑳ ᑭᔅᑭᐙᐃᑫᑦ ᐃᔥᐱᔥ ᐊᓇ ᓇᓈᑲᐤ ᐁ ᐃᔑᑭᔗᑦ, ᐱᑯ ᑮᔥᐱᓐ ᐃᑗᔅᑕᒃ, ᒫᒪᐎᐋᔭᒥᐋᐗ ᑭᒋ ᑭᔅᑭᓄᐊᒫᓕᒋ᙮

ᐃᐱᓯᔭᓇ 3:19

ᓀᔥᑕ ᑭᒋ ᑭᔅᑫᓕᑕᒬᒃ ᙭ ᐅ ᓵᑭᐃᐌᐎᓐ, ᑳ ᒥᔮᔥᑲᒧᒪᑲᐤ ᑭᔅᑫᓕᑕᒧᐎᓐ, ᑭᒋ ᐅᒋ ᓵᑲᔅᑭᓇᐃᑲᐎᔦᒃ ᒥᓯᐌ ᐅ ᓵᑲᔅᑭᓀᐎᓐ ᑭᒋᒪᓂᑐ᙮

ᐃᐱᓯᔭᓇ 5:18

ᐁᑳᐎᓚ ᓀᔥᑕ ᑮᔥᑴᐯᒃ ᔓᒥᓈᐳ ᐅᒋ, ᐁᐗᑯ ᐅᓵᒥᐃᓱᐎᓐ: ᒫᑲ ᑭ ᑳ ᐎ ᓴᑲᔅᑭᓀᔅᑳᑯᐗᐤ ᐊᒑᒃ;

ᐃᐱᓯᔭᓇ 6:18

ᒧᔕᒃ ᐁ ᐋᔭᒥᐋᔦᒃ ᒥᓯᐌ ᐋᔭᒥᐋᐎᓂᒃ ᓀᔥᑕ ᓇᑐᑕᒫᑫᐎᓂᒃ ᐊᒑᑯᒃ, ᐁᑯᑕ ᓀᔥᑕ ᐁ ᐃᔑ ᐊᔕᐙᐱᔦᒃ ᒥᓯᐌ ᐋᔑᑫᓕᑕᒧᐎᓂᒃ, ᓀᔥᑕ ᐁ ᐋᔭᒥᐁᔅᑕᒪᐌᑾᒃ ᒥᓯᐌ ᐅᐸᓓᑭᓴᒃ;

ᓂᔥᑕᒻ ᐱᑕᕐ 1:12

ᐊᓂᑭ ᑳ ᑮ ᐙᐸᑎᓛᑲᓂᐎᒋᒃ, ᓇᒪᐎᓚ ᐎᓚᐗᐤ ᑫᒋᐙᒃ, ᒫᑲ ᑭᓚᓈᓇᐤ ᐊᓂᐃ ᐁ ᑮ ᐊᑐᔅᑫᔅᑕᒫᑕᑾᒃ, ᐊᓂᐃ ᐊᓄᒡ ᑳ ᐎᑕᒫᑖᑾᒃ ᐊᓂᑭ ᑳ ᑮ ᑲᑫᔅᑭᒥᑖᑾᒃ ᒥᓗᐋᒋᒧᐎᓐ ᐯᓓᑭᓯᑦ ᐊᒑᒃ ᐅᒋ ᑭᒋᑭᔑᑯᒃ ᑳ ᑮ ᐯᒋ ᓛᔑᑎᔕᐙᑲᓂᐎᑦ: ᐅᐅ ᑫᒀᓇ ᐁᓐᒐᓚᒃ ᑮ ᐸᑯᓭᓕᒧᐗᒃ ᑭᒋ ᑲᓇᐗᐸᑕᑭᒃ᙮

ᓂᔓ ᐱᑕᕐ 1:21

ᐌᓴ ᑭᔅᑭᐙᐃᑫᐎ ᐋᔭᒥᐎᓐ ᓇᒪᐎᔅᑳᑦ ᑮ ᐹᐸᓕᐤ ᐃᓕᓕᐤ ᐁ ᐃᑌᓕᑕᒃ ᐅᒋ; ᒫᑲ ᐅ ᐸᓓᑭ ᐃᓕᓕᒪ ᑭᒋᒪᓂᑐ ᑮ ᐃᔑ ᐋᔭᒥᓕᐗ ᑳ ᑮ ᐃᔑ ᐃᑌᓕᑕᒥᐃᑯᓕᒋ ᐸᓓᑭ ᐊᒑᑾ᙮