ᐊᐸᔅᑕᓚᒃ 19:9 - ᐅᔅᑭ ᑎᔅᑌᒥᓐᑦ

⁹ ᒫᑲ ᐃᔅᐱ ᐊᑎᑦ ᑳ ᒫᔥᑳᐎᑌᐁᒋᒃ ᓀᔥᑕ ᐁᑳ ᑳ ᑖᐺᑕᑭᒃ, ᒫᑲ ᑳ ᒪᒋ ᐊᓕᒧᑕᑭᒃ ᐅᒣᓕᐤ ᐃᔑᑣᐎᓂᓕᐤ ᐅᑎᔥᑲᐤ ᑳ ᒥᒉᑎᓕᒋ ᐃᓕᓕᐗ, ᑮ ᓇᑲᑌᐤ, ᓀᔥᑕ ᑮ ᐸᑳᓂᐁᐤ ᐊᓂᐃ ᑭᔅᑭᓄᐊᒪᐗᑲᓇ, ᐁ ᑭᔅᑭᓄᐊᒫᑫᑦ ᑕᑡᐤ ᐁ ᑭᔑᑳᓕᒃ ᐅ ᑭᔅᑭᓄᐊᒫᑫᐎᑳᒥᑯᓕᒃ ᑕᐃᕋᓇᓴ᙮

ᐊᐸᔅᑕᓚᒃ 19:9 Iomraidhean Croise

ᐅᐸᓓᑭᔅ ᒫᑎᐤ 15:14

ᐁᑳᐎᓚ ᐱᒣᓕᒥᒃ; ᐁᑳ ᐁ ᐙᐱᒋᒃ ᑭᔅᑭᓄᑕᐁᐗᒃ ᐁᑳ ᑳ ᐙᐱᓕᒋ᙮ ᑮᔥᐱᓐ ᒫᑲ ᐁᑳ ᑳ ᐙᐱᑦ ᑫᔅᑭᓄᑕᐋᑴ ᐁᑳ ᑳ ᐙᐱᓕᒋ, ᑖᐱᔅᑯᒡ ᑲᑕ ᐸᑭᔑᓋᒃ ᒧᓇᐃᐹᓂᒃ᙮

ᐅᐸᓓᑭᔅ ᒫᑎᐤ 16:4

ᒪᒋ ᓀᔥᑕ ᐱᔑᒀᑎᓯᐎ ᐃᓕᓕᐗᒃ ᓈᓇᑕᐌᓕᑕᒶᒃ ᑭᔅᑭᓄᐙᒋ ᐙᐸᑎᓕᐌᐎᓂᓕᐤ; ᒫᑲ ᓇᒪᐎᓚ ᑲᑕ ᒥᓛᐗᒃ ᑭᔅᑭᓄᐙᒋ ᐙᐸᑎᓕᐌᐎᓂᓕᐤ, ᐱᑯ ᐊᓇ ᐅᑭᔅᑭᐙᐃᑫᐤ ᒍᓇ ᐅ ᑭᔅᑭᓄᐙᒋ ᐙᐸᑎᓕᐌᐎᓐ᙮ ᐁᑯ ᒫᑲ ᓀᑲᑖᑦ, ᑮ ᑭᑐᑌᐤ ᒫᑲ᙮

ᐅᐸᓓᑭᔅ ᒫᑎᐤ 26:55

ᒣᒀᒡ ᐊᓂᒪ ᑎᐹᔨᑲᓐ ᐱᓯᒧᑳᓂᒃ ᒋᓴᔅ ᑮ ᐃᑌᐤ ᒥᔮᒪᐎᒥᒉᑎᓕᒋ ᐃᓕᓕᐗ, ᑭ ᐯᒋ ᐃᑐᑖᓇᐗᐤ ᓈ ᑖᐱᔅᑯᒡ ᐁ ᓈᑌᒃ ᑭᒧᑎᔉ, ᐁ ᐋᔮᔦᒃ ᔑᒫᑲᓇ ᓀᔥᑕ ᓴᔅᑲᐅᓇ ᐁ ᐎ ᐅᑎᓂᔦᒃ? ᑭ ᑮ ᐎᑕᐱᒥᑎᓇᐗᐤ ᑕᑡᐤ ᑳᔑᑳᑭ ᐁ ᑭᔅᑭᓄᐊᒫᑫᔮᓐ ᑭᒋᐋᔭᒥᐁᐎᑲᒥᑯᒃ, ᓇᒪᐎᓚ ᒫᑲ ᑭ ᐅᒋ ᐅᑎᓂᓇᐗᐤ᙮

ᐅᐸᓓᑭᔅ ᒑᓐ 12:40

ᑮ ᐋᑲᐙᐱᓀᐤ, ᓀᔥᑕ ᑮ ᒪᔥᑲᐎᑕᐌᐤ ᐅᑌᐃᓕᐗ; ᐁᑳ ᑭᒋ ᐙᐱᓕᒋ ᐅᔅᑭᔑᑯᓕᐗ ᐅᒋ, ᐁᑳ ᓀᔥᑕ ᑭᒋ ᓂᓯᑐᑕᒥᓕᒋ ᐅᑌᐃᓕᐗ ᐅᒋ, ᓀᔥᑕ ᐁᑳ ᑭᒋ ᑴᔅᑳᑎᓯᐋᑲᓂᐎᓕᒋ, ᐁᑳ ᒫᑲ ᑭᒋ ᒥᓇᐙᒋᐊᑭᒃ᙮

ᐊᐸᔅᑕᓚᒃ 11:26

ᐃᔅᐱ ᒫᑲ ᑳ ᑮ ᒥᔅᑲᐙᑦ, ᑮ ᐯᔑᐌᐤ ᐊᓐᑕ ᐊᓐᑎᐊᑭᒃ᙮ ᑮ ᐃᑭᓐ ᒫᑲ ᒥᑐᓂ ᐯᔭᑾᐤ ᐁ ᐱᐳᒃ ᑮ ᒫᐗᒋᐃᑐᐗᒃ ᐊᓯᒋ ᒫᒪᐎᐋᔭᒥᐋᐗ, ᓀᔥᑕ ᑮ ᑭᔅᑭᓄᐊᒪᐌᐗᒃ ᒥᒉᑦ ᐃᓕᓕᐗ᙮ ᑭᔅᑭᓄᐊᒪᐗᑲᓇᒃ ᒫᑲ ᓃᔥᑕᒻ ᒃᕆᔅᑎᔮᓇᒃ ᑮ ᐃᔑᓂᑲᑖᑲᓂᐎᐗᒃ ᐊᓐᑕ ᐊᓐᑎᐊᑭᒃ᙮

ᐊᐸᔅᑕᓚᒃ 14:4

ᒫᑲ ᑳ ᒥᒉᑎᒋᒃ ᐃᓕᓕᐗᒃ ᐃᑖᐎᓂᒃ ᑳ ᐃᑖᒋᒃ ᑮ ᓂᔓᑣᑐᐗᒃ; ᐋᑎᑦ ᒫᑲ ᑮ ᐎᒋᐁᐗᒃ ᐊᓂᐃ ᒎᐗ, ᐋᑎᑦ ᓀᔥᑕ ᐊᓂᐃ ᐊᐸᔅᑕᓚ᙮

ᐊᐸᔅᑕᓚᒃ 17:4

ᐋᑎᑦ ᒫᑲ ᑮ ᑖᐺᑕᒶᒃ, ᓀᔥᑕ ᑮ ᐗᐎᒉᐌᐗᒃ ᐹᓚ ᓀᔥᑕ ᓴᓚᓴ; ᐊᓂᑭ ᑳ ᐋᔭᒥᐁᐗᑎᓯᒋᒃ ᒃᕆᑲᒃ ᒫᑲ ᐅᒋ ᓈᔅᐱᒡ ᒥᒉᑦ ᐃᓕᓕᐗᒃ, ᓀᔥᑕ ᑭᒋ ᐃᔅᑴᐗᒃ ᐅᒋ ᓇᒪᐎᓚ ᒐᑲᐙᔑᔥ᙮

ᐊᐸᔅᑕᓚᒃ 19:23

ᐁᑯᔅᐱ ᒫᑲ ᒣᒀᒡ ᓈᔅᐱᒡ ᑮ ᒫᒋ ᐋᔑᑌᒥᑐᓈᓂᐗᓐ ᐊᓂᒪ ᐃᔑᑣᐎᓐ ᐅᒋ᙮

ᐊᐸᔅᑕᓚᒃ 19:30

ᐃᔅᐱ ᒫᑲ ᐹᓪ ᐙ ᐱᑐᑲᐙᔅᐸᓐ ᐊᓂᐃ ᐃᓕᓕᐗ, ᑭᔅᑭᓄᐊᒪᐗᑲᓇ ᓇᒪᐎᓚ ᐅᒋ ᐸᑭᑎᓂᑯ᙮

ᐊᐸᔅᑕᓚᒃ 20:31

ᐁᐗᑯ ᐅᒋ ᐊᔕᐙᐱᒃ, ᑭᔅᑭᓯᒃ ᒫᑲ, ᓂᔅᑐ ᐱᐳᓋ ᐃᔥᐱᔥ ᐁᑳ ᐁ ᐅᒋ ᑭᐱᒋᔮᓐ ᐁ ᔮᒀᒥᒪᒃ ᒥᓯᐌ ᑕᑐ ᐊᐌᓇ ᐁ ᑎᐱᔅᑲᒃ ᓀᔥᑕ ᐁ ᑭᔑᑳᒃ ᐁ ᐅᒋᑲᐙᐱᔮᓐ᙮

ᐊᐸᔅᑕᓚᒃ 22:4

ᐅᒪ ᐃᔑᑣᐎᓐ ᒫᑲ ᓂ ᑮ ᑲᒀᑕᑭᑖᓐ ᓂᐱᐎᓂᒃ ᐃᔅᑯ, ᐁ ᒫᒫᒋᑯᐱᑕᑭᒃ ᓀᔥᑕ ᐸᑭᑎᓇᑭᒃ ᑭᐸᐅᑐᐎᑲᒥᑯᒃ ᓈᐯᐗᒃ ᓀᔥᑕ ᐃᔅᑴᐗᒃ᙮

ᐊᐸᔅᑕᓚᒃ 24:21

ᐯᔭᒃ ᐱᑯ ᐅᒪ ᐃᑗᐎᓐ ᐅᒋ, ᑳ ᑮ ᑌᐺᔮᓐ ᐁ ᐅᑎᔥᑲᐎᑳᐸᐎᔅᑕᐗᑭᒃ, ᐁ ᑎᐹᑐᑕᒫᓐ ᐁ ᐗᓂᔥᑳᒋᒃ ᐅᓂᐱᐗᒃ ᑭᑦ ᐅᒋ ᑎᐹᔅᑯᓂᓇᐗᐤ ᐊᓄᒡ ᐁ ᑭᔑᑳᒃ᙮

ᐊᐸᔅᑕᓚᒃ 28:22

ᒫᑲ ᓂ ᓇᑕᐌᓕᑌᓈᓐ ᑭᒋ ᐯᑖᑖᒃ ᑖᓂ ᐁᑌᓕᑕᒪᓐ: ᐌᓴ ᐅᒪ ᐋᔭᒥᐋᐎᓐ ᐁ ᐋᓕᒧᒋᑳᑌᒃ, ᓂ ᑭᔅᑫᓕᑌᓈᓐ ᒥᓯᐌ ᐃᑕ ᐁ ᒪᒋ ᐋᓕᒧᒋᑳᑌᒃ᙮

ᐊᐸᔅᑕᓚᒃ 7:51

ᑭᓚᐗᐤ ᑳ ᓵᓯᐱᑕᒣᒃ ᓀᔥᑕ ᐁᑳ ᑳ ᑭᔅᑭᓄᐗᒋᔓᑳᐎᔦᒃ ᑭᑌᐃᐗᒃ ᓀᔥᑕ ᑭᑕᐗᑳᐗᒃ, ᒧᔕᒃ ᑮ ᓇᔅᑯᔅᑕᐙᐗᐤ ᑳ ᐸᓓᑭᓯᑦ ᐊᒑᒃ; ᑖᐱᔅᑯᒡ ᑯᑖᐎᐙᐗᒃ ᑳ ᑮ ᑑᑕᑭᒃ, ᐁᒀᓂ ᑭᓚᐗᐤ ᓀᔥᑕ ᐁ ᑑᑕᒣᒃ᙮

ᐊᐸᔅᑕᓚᒃ 9:2

ᓀᔥᑕ ᑮ ᓇᑐᑕᒪᐌᐤ ᒪᓯᓇᐊᒫᑐᐎᓇ ᐁ ᐎ ᐃᑐᑌᑦ ᑕᒫᔅᑲᓯᒃ ᐅᑦ ᐋᔭᒥᐁᐎᑲᒥᑯᐙᒃ ᑮᔥᐱᓐ ᑮ ᒥᔅᑲᐙᑦ ᐊᐌᓕᐗ ᐊᓂᒪ ᐁ ᐃᔑᑣᓕᒋ, ᑮᔥᐱᓐ ᓈᐯᐎᓕᒋ ᓀᔥᑕᐱᑯ ᐃᔅᑴᐎᓕᒋ, ᑭᒋ ᑮ ᐯᔑᐙᑦ ᐁ ᒫᒫᒋᑯᐱᓱᓕᒋ ᐊᓐᑕ ᒋᕉᓴᓚᒥᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:7

ᑫᒀᓐ ᒫᑲ? ᐃᔅᕃᐃᓪ ᓇᒪᐎᓚ ᑮ ᒥᓛᑲᓂᐎᐤ ᐊᓂᐁᓕᐤ ᑳ ᓈᓇᑕᐌᓕᑕᒃ: ᒫᑲ ᐊᓂᑭ ᑳ ᑮ ᐙᐌᓛᐸᒫᑲᓂᐎᒋᒃ ᑮ ᒥᓛᑲᓂᐎᐗᒃ, ᑯᑕᑭᔭᒃ ᒫᑲ ᓇᒪᐎᓚ ᑮ ᐋᐱᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:18

ᐁᐗᑯ ᐅᒋ ᔕᐌᓕᒣᐤ ᐊᓂᐃ ᐙ ᔕᐌᓕᒫᑦ, ᓀᔥᑕ ᐊᓂᐃ ᐁᑌᓕᒫᑦ ᒪᔥᑲᐎᑌᐁᐁᐤ᙮

ᓂᔥᑕᒻ ᑯᕆᓐᑎᐊᓇ 16:9

ᐌᓴ ᑭᒋ ᐃᔥᒀᑌᒻ ᓀᔥᑕ ᑳ ᐋᐸᑕᒃ ᓂ ᐹᔅᑭᑌᓇᒫᑲᐎᓐ, ᓀᔥᑕ ᒥᒉᑎᐗᒃ ᐅᓄᑎᓂᑫᐗᒃ᙮

ᓂᔥᑕᒻ ᑎᒧᑎ 6:5

ᐃᓕᓕᐗᒃ ᐁ ᒪᒋᑡᒪᑲᓂᓕᑭ ᐅ ᒥᑐᓀᓕᒋᑲᓂᐗᐗ ᐁ ᒪᒋ ᐋᔑᑌᒥᑐᒋᒃ, ᐁᑳ ᓀᔥᑕ ᐁ ᐋᔮᒋᒃ ᑖᐺᐎᓂᓕᐤ, ᐅᑎᓯᐎᓐ ᐁᐗᑯ ᒪᓂᑐᐙᑎᓯᐎᓐ ᐁ ᐃᑌᓕᑕᑭᒃ: ᐁᑯ ᑐᐎ ᓇᑲᔑᒃ᙮

ᓂᔓ ᑎᒧᑎ 1:15

ᐅᒪ ᑭ ᑭᔅᑫᓕᑌᓐ, ᒥᓯᐌ ᐊᓂᑭ ᐁᔕᐃᒃ ᑳ ᐃᑖᒋᒃ ᐁ ᑮ ᓇᑲᔑᒋᒃ; ᐅᑯ ᐋᑎᑦ ᐊᓂᑭ ᐸᐃᒋᓚᔅ ᓀᔥᑕ ᐦᐊᕐᒪᒋᓃᔅ᙮

ᓂᔓ ᑎᒧᑎ 3:5

ᐁ ᐋᔮᒋᒃ ᐁ ᐃᑌᓕᑖᑾᓂᓕᒃ ᒪᓂᑐᐙᑎᓯᐎᓂᓕᐤ, ᒫᑲ ᐁ ᐋᓉᑕᑭᒃ ᐁ ᐃᔑ ᑲᔥᑭᐅᒪᑲᓂᓕᒃ: ᐅᑯ ᑐᐎ ᒫᑲ ᓇᑲᔑᒃ᙮

ᓂᔓ ᑎᒧᑎ 4:2

ᑲᑫᔅᑭᒥᐌ ᐊᔭᒥᐎᓐ; ᑭᓯᓴᐎᓯ ᐌᑎᒋᐸᓕᑭ, ᓀᔥᑕ ᐁᑳ ᐌᑎᒋᐸᓕᑭ; ᓇᑭᒥᐌ, ᑭᑕᐊᒫᑫ, ᔑᑭᑫᒧ, ᒥᓯᐌ ᔑᐯᓕᑕᒧᐎᓂᒃ ᓀᔥᑕ ᑭᔅᑭᓄᐊᒫᑫᐎᓂᒃ᙮

ᐦᐃᑉᕉᐗ 3:13

ᒫᑲ ᒧᔕᒃ ᑲᑫᔅᑭᒥᑐᒃ, ᒣᒀᒡ ᐊᓄᒡ ᐁ ᑭᔑᑳᒃ ᐁ ᐃᔑᓂᑳᑌᒃ, ᐁᑳ ᐊᐌᓇ ᐁ ᐃᑕᔑᔦᒃ ᑭᒋ ᒪᔥᑲᐎᑌᐁᔅᑳᑯᑦ ᐁ ᐃᔑ ᑲᑳᔦᓕᓯᒪᑲᓂᓕᒃ ᒪᒋᑣᐎᓐ᙮

ᓂᔓ ᐱᑕᕐ 2:12

ᒫᑲ ᐅᑯ, ᑖᐱᔅᑯᒡ ᐃᓚᑐ ᐊᐌᓯᓴᒃ, ᐁ ᑮ ᐅᔑᐋᑲᓂᐎᒋᒃ ᑭᒋ ᐅᑎᓈᑲᓂᐎᒋᒃ ᓀᔥᑕ ᑭᒋ ᓂᔑᐗᓈᒋᐋᑲᓂᐎᒋᒃ, ᒪᒋ ᐋᓕᒧᑕᒶᒃ ᐊᓂᐃ ᑫᒀᓇ ᐁᑳ ᑳ ᓂᓯᑐᑕᑭᒃ; ᒥᑐᓂ ᒫᑲ ᑲᑕ ᓂᔑᐗᓈᑎᓯᐗᒃ ᑎᐱᓚᐌ ᐅ ᒪᒑᑎᓯᐎᓂᐙᒃ;

ᓂᔓ ᐱᑕᕐ 2:2

ᒥᒉᑦ ᒫᑲ ᑲᑕ ᓇᔅᐱᑕᒬᐗᒃ ᐅ ᒪᒋ ᐃᔑᑡᐎᓂᓕᐗ; ᐅᑯ ᐅᒋ ᒫᑲ ᑖᐺᐎᓂ ᐃᔑᑡᐎᓐ ᑕ ᒪᒋ ᐋᓕᒧᒋᑳᑌᐤ᙮

ᒎᑦ 1:10

ᒫᑲ ᐅᑯ ᒪᒋ ᐋᓕᒧᑕᒶᒃ ᐊᓂᐃ ᑫᒀᓇ ᐁᑳ ᑳ ᑭᔅᑫᓕᑕᑭᒃ: ᒫᑲ ᑫᒀᓐ ᐅᒋᑕᐤ ᑳ ᑭᔅᑫᓕᑕᑭᒃ, ᑖᐱᔅᑯᒡ ᐃᓚᑐ ᐊᐌᓯᓴᒃ, ᐅᐅ ᑫᒀᓇ ᐅᒋ ᐎᓂᐃᑎᓱᐗᒃ᙮