3 ᑮ ᐃᑌᐤ ᒫᑲ, ᑖᓂ ᑳ ᐃᔑ ᓯᑲᐋᑖᑲᐎᔦᒃ? ᑮ ᐃᑗᐗᒃ ᒫᑲ ᒑᓐ ᐅ ᓯᑲᐋᑖᑫᐃᓂᒃ᙮
ᐁᐗᑯ ᐅᒋ ᒫᑲ ᑭᑐᑌᒃ, ᑭᔅᑭᓄᐊᒫᑯᒃ ᒫᑲ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ, ᐁ ᓯᑲᐋᑕᐌᑾᒃ ᐅᑖᐎᒪᐤ ᐅᑦ ᐃᔑᓂᑳᓱᐎᓂᒃ, ᓀᔥᑕ ᐅᑯᓯᓯᒪᐤ, ᓀᔥᑕ ᐯᓓᑭᓯᑦ ᐊᒑᒃ᙮
ᒥᓯᐌ ᒫᑲ ᐃᓕᓕᐗᒃ ᑳ ᐯᑕᐙᒋᒃ ᓀᔥᑕ ᐸᑉᓕᑳᓇᒃ ᑮ ᒥᓗᑣᐌᓕᒣᐗᒃ ᑭᒋᒪᓂᑐᐗ, ᐁ ᑮ ᓯᑲᐋᑕᐙᑲᓂᐎᒋᒃ ᒑᓐ ᐅ ᓯᑲᐋᑖᑫᐎᓂᓕᐤ ᐅᒋ᙮
ᐊᐗ ᐃᓕᓕᐤ ᑮ ᑭᔅᑭᓄᐊᒪᐙᑲᓂᐎᐤ ᐅᑦ ᐃᔑᑣᐎᓂᓕᒃ ᐅᑎᐯᓕᒋᑫᐗ; ᐁ ᑮ ᒫᔥᑲᐌᓕᑕᒃ ᒫᑲ ᐅᑦ ᐊᒑᑯᒃ, ᑮ ᐊᔭᒥᐤ ᓀᔥᑕ ᐯᔮᑕᒃ ᑮ ᑭᔅᑭᓄᐊᒫᑫᐌᐤ ᐅᑎᐯᓕᒋᑫᐗ ᐅᑦ ᐊᔨᑎᐎᓂᓕᐗ, ᐁ ᑭᔅᑫᓕᑕᒃ ᐱᑯ ᒑᓐ ᐅ ᓯᑲᐊᑖᑫᐎᓐ᙮
(ᐌᓴ ᓇᒪᐎᓚ ᐁᔥᑾ ᐅᒋ ᐅᑎᑎᑯᐗᒃ ᐊᐌᓂᑳᓇᒃ ᐁ ᐃᑕᔑᒋᒃ: ᐱᑯ ᐁ ᑮ ᓯᑲᐊᑕᐙᑲᓂᐎᒋᒃ ᐅᑦ ᐃᔑᓂᒫᓱᐎᓂᓕᒃ ᐅᑎᐯᓕᒋᑫᐤ ᒋᓴᔅ᙮)
ᐌᓴ ᐯᔭᒃ ᐊᒑᒃ ᐅᒋ ᒥᓯᐌ ᐁ ᐃᑕᔑᔭᒃ ᑭ ᓯᑲᐊᑖᑲᐎᓈᓇᐤ ᐯᔭᒃ ᒥᔭᐎᒃ, ᑮᔥᐱᓐ ᒎᐎᐗᑴ ᓀᔥᑕᐱᑯ ᒉᓐᑖᐃᓕᐗᑴ, ᑮᔥᐱᓐ ᐃᐋᐎᑳᓂᐗᑴ, ᓀᔥᑕᐱᑯ ᑌᐯᓕᒥᑎᓱᐗᑴ; ᓀᔥᑕ ᒥᓯᐌ ᑭ ᑮ ᒥᓂᒀᑕᒧᐃᑲᐎᓈᓇᐤ ᐯᔦᑯ ᐊᒑᑯᒃ ᐃᔑ᙮
ᓯᑲᐋᑖᑫᐎᓂ ᑭᔅᑭᓄᐊᒫᑫᐎᓐ, ᓀᔥᑕ ᐁ ᓵᓵᒥᓂᐙᓂᐗᒃ, ᓀᔥᑕ ᐅ ᐗᓂᔥᑳᐎᓂᐗᐤ ᑳ ᓂᐱᒋᒃ, ᓀᔥᑕ ᑳᑭᑫ ᑎᐹᔅᑯᓂᑫᐎᓐ᙮
