11 ᑭᒋᒪᓂᑐ ᒫᑲ ᑮ ᑐᑕᒻ ᑭᒋ ᒫᒪᔅᑲᒋᐃᓯᒋᑫᐎᓇ ᐅᒋᒋᓕᒃ ᐅᒋ ᐹᓚ:
ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᑖᐺᔦᓕᒥᑦ, ᐋᔨᑎᐎᓇ ᑳ ᑐᑕᒶᒃ ᐎᓚ ᓀᔥᑕ ᑲᑕ ᑐᑐᒻ; ᓀᔥᑕ ᑲᑕ ᑐᑕᒻ ᐋᔨᑎᐎᓇ ᐊᐙᓯᑌ ᐁ ᐃᑌᓕᑖᑾᓂᓕᑭ ᐃᔥᐱᔥ ᐅᐅ; ᐁ ᓈᑕᒃ ᓄᑖᐎ᙮
ᐁᐗᑯ ᐅᒋ ᑭᓉᔥ ᑭ ᑕᔑᑫᐗᒃ ᐁ ᓱᑭᑌᐁᐎ ᐋᔭᒥᒋᒃ ᐅᑎᐯᓕᒋᑫᒃ, ᑳ ᑮ ᐋᑐᑕᒃ ᐅ ᔕᐌᓕᒋᑫᐎᓂ ᐋᔭᒥᐎᓐ, ᐁ ᑮ ᒥᓕᐌᑦ ᒫᑲ ᑭᔅᑭᓄᐗᒋᒋᑲᓇ ᓀᔥᑕ ᒫᒪᔅᑲᒋᐃᓯᒋᑫᐎᓇ ᑭᒋ ᑐᒋᑲᑌᓕᒋ ᐅᒋᒋᓕᒃ ᐅᒋ᙮
ᐁᑯ ᒥᓯᐌ ᑳ ᒫᒪᐎᒥᒉᑎᒋᒃ ᐃᓕᓕᐗᒃ ᑭ ᑭᐱᑐᐌᐗᒃ, ᓀᔥᑕ ᑮ ᓇᑐᑕᐌᐗᒃ ᐹᕐᓇᐸᓴ ᓀᔥᑕ ᐹᓚ, ᐁ ᐙᐎᑕᒥᓕᒋ ᐊᓂᐃ ᒫᒪᔅᑳᒋᐃᓯᒋᑫᐎᓇ ᓀᔥᑕ ᒫᒪᑖᐎ ᐊᑑᔅᑫᐎᓇ ᑭᒋᒪᓂᑐ ᑳ ᑮ ᑐᑕᒪᐙᑦ ᐊᓂᐃ ᒉᓐᑖᐃᓚ, ᐎᓚᐗᐤ ᐅᒋ᙮
ᐅᒣᓕᐤ ᒫᑲ ᑮ ᑐᑕᒻ ᒥᒉᑦ ᑭᔑᑳᐗ᙮ ᐹᓪ ᒫᑲ, ᐁ ᒪᒥᔕᒣᓕᑕᒃ, ᑮ ᑴᔅᑭᑳᐸᐎᐤ, ᓀᔥᑕ ᑮ ᐃᑌᐤ ᐊᓂᐃ ᐊᒑᑾ, ᑭᑦ ᐃᑕᔓᐙᑎᑎᓐ ᐅᑦ ᐃᔑᓂᑳᓱᐎᓂᒃ ᐊᓇ ᒋᓴᔅ ᙭, ᑭᒋ ᐯᒋ ᐗᓚᐎᔭᓐ ᐎᔭᐎᒃ ᐅᒋ᙮ ᑮ ᐯᒋ ᐗᓚᐎᐤ ᒫᑲ ᐊᓂᒪ ᑎᐸᐃᑲᓐ ᐱᓯᒧᑳᓂᒃ᙮
ᐅᒋᒋᐙᒃ ᒫᑲ ᐅᒋ ᐊᐸᔅᑕᓚᒃ ᒥᒉᑦ ᑭᔅᑭᓄᐙᒋᒋᑲᓇ ᓀᔥᑕ ᒫᒪᔅᑳᒋᐃᓯᒋᑫᐎᓇ ᑮ ᑐᑕᒪᐙᑲᓂᐎᐙᒃ ᐃᓕᓕᐗᒃ; (ᒥᓯᐌ ᒫᑲ ᐁ ᐯᔭᑯ ᒥᑐᓀᓕᒋᑳᓂᒋᒡ ᑮ ᒫᒪᐤ ᐃᑖᐗᒃ ᐱᒋ ᓵᓚᒪᓐ ᐅ ᐱᔅᑭᒋᐙᔅᑲᔨᑲᓂᒃ᙮
ᐁᑯ ᓵᐃᒪᓐ ᐎᓚ ᑫᒋᐙᒃ ᑎᐋᐺᑕᒃ ᐊᓯᒋ: ᐃᔅᐱ ᒫᑲ ᑳ ᑮ ᓯᑲᐊᑕᐙᑲᓂᐎᑦ, ᑮ ᐎᒉᐌᐤ ᐱᓕᐸ, ᓀᔥᑕ ᑮ ᒫᒪᔅᑳᑕᒻ, ᐁ ᐙᐸᑕᒃ ᐊᓂᐃ ᒫᒪᑕᐎᐃᓯᒋᑫᐎᓇ ᓀᔥᑕ ᑭᔅᑭᓄᐙᒋᒋᑲᓇ ᑳ ᑐᒋᑳᑌᓕᑭ᙮
ᐊᓇ ᒫᑲ ᑳ ᒫᑎᓇᒫᑖᒃ ᐊᒑᒃ, ᓀᔥᑕ ᑳ ᒫᒪᑖᐎ ᐃᔑᒋᑫᑦ ᐃᑕ ᐁ ᐃᑖᔦᒃ, ᑐᑕᒻ ᓈ ᐅᓚᔓᐌᐎᓂ ᐃᔑᒋᑫᐎᓇ ᐅᒋ, ᓀᔥᑕᐱᑯ ᐁ ᐯᒋᑳᑌᒃ ᑖᐺᔦᓕᑕᒧᐎᓐ ᐅᒋ?
ᑭᒋᒫᓂᑐ ᓀᔥᑕ ᐁ ᑎᐹᒋᒧᑦ, ᑭᔅᑭᓄᐙᒋᒋᑲᓇ ᐅᒋ ᓀᔥᑕ ᓇᓈᑲᐤ ᒫᒪᑖᐎ ᐃᔑᒋᑫᐎᓇ, ᓀᔥᑕ ᐹᐱᑐᔥ ᒫᒪᔅᑳᒋ ᐋᔨᑎᐎᓇ, ᓀᔥᑕ ᐁ ᒫᒥᓕᐌᑦ ᐸᓓᑭ ᐊᒑᑾ, ᑳ ᐃᑕᔅᑌᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ?
