ᐊᐸᔅᑕᓚᒃ 18:3 - ᐅᔅᑭ ᑎᔅᑌᒥᓐᑦ

³ ᐎᓚ ᒫᑲ ᓀᔥᑕ ᐁᒀᓂ ᐁ ᐃᑖᐸᑎᓯᑦ, ᑮ ᐎᒋᑕᔑᑫᒣᐤ, ᓀᔥᑕ ᑮ ᐊᑐᔅᑫᐤ; ᐌᓴ ᐅᑦ ᐃᑖᐸᑎᓯᐎᓂᐙᒃ ᐅᒋ ᑮ ᐅᒥᑭᐗᒥᑫᐗᒃ᙮

ᐊᐸᔅᑕᓚᒃ 18:3 Iomraidhean Croise

ᓂᔥᑕᒻ ᑯᕆᓐᑎᐊᓇ 4:12

ᓂᑦ ᐊᑐᔅᑳᓈᓐ ᓂᒋᒋᓈᒃ ᐁ ᐅᒋ ᐋᐸᑎᓯᔮᒃ: ᐁ ᒫᒪᒋᐃᑎᑲᐎᔮᒃ, ᓂ ᒥᓦᑭᒥᐙᓈᓐ; ᐁ ᑲᒀᑕᑭᐃᑲᐎᔮᒃ, ᑳᔮᒻ ᐁᑯᔑ ᓂᑦ ᐃᑌᓕᑌᓈᓐ:

ᓂᔥᑕᒻ ᑯᕆᓐᑎᐊᓇ 9:14

ᐁᑯ ᓀᔥᑕ ᑳ ᐃᔑ ᐅᓚᑭᑕᒃ ᐅᑎᐯᓕᒋᑫᐤ, ᐊᓂᑭ ᑳ ᐎᑕᒫᑫᒋᒃ ᒥᓗᐋᒋᒧᐎᓂᓕᐤ ᑭᒋ ᐅᒋ ᐱᒫᑎᓯᒋᒃ ᒥᓗᐋᒋᒧᐎᓂᓕᐤ᙮

ᓂᔥᑕᒻ ᑯᕆᓐᑎᐊᓇ 9:15

ᒫᑲ ᓂᓚ ᓇᒪᐎᓚ ᓂ ᑮ ᐅᒋ ᐋᐸᒋᑖᓐ ᐅᐅ ᑫᒀᓇ: ᓇᒪ ᓀᔥᑕ ᐅᐅ ᓂ ᑮ ᒪᓯᓇᐁᓐ ᑭᒋ ᐃᔑ ᑐᑕᒫᑲᐎᔮᓐ: ᐌᓴ ᐊᐙᓯᑌ ᑲᑕ ᒥᓨᔒᓄᐸᐤ ᑭᒋ ᓂᐱᔮᓐ, ᐃᔥᐱᔥ ᐊᐌᓇ ᐃᓕᓕᐤ ᑭᒋ ᐋᑕᐌᓕᑖᑯᑕᒃ ᓂ ᒫᒪᑖᑯᒧᐎᓂᓕᐤ᙮

ᓂᔥᑕᒻ ᑯᕆᓐᑎᐊᓇ 9:18

ᑫᒀᓐ ᒫᑲ ᓂ ᑎᐸᐊᒫᑯᓯᐎᓐ? ᑖᐺ ᐅᒪ, ᐃᔅᐱ ᐙᐎᑕᒫᓀ ᒥᓗᐋᒋᒧᐎᓐ, ᑭᒋ ᐙᐎᑕᒶᒃ ᐅ ᒥᓗᐋᒋᒧᐎᓐ ᙭ ᐁᑳ ᐁ ᑎᐸᐊᒫᑲᐎᔮᓐ ᐁᑳ ᑭᒋ ᒪᒋᐋᐸᒋᑖᔮᓐ ᓂ ᑲᔥᑭᐅᐎᓐ ᒥᓗᐋᒋᒧᐎᓂᒃ᙮

ᓂᔓ ᑯᕆᓐᑎᐊᓇ 11:7

ᓂ ᑮ ᓈᔦᑕᐎᑐᑌᓐ ᓈ ᐁ ᑮ ᑕᐸᑌᓕᑖᑯᐃᑎᓯᔮᓐ ᑭᓚᐗᐤ ᑭᒋ ᐃᔅᐯᓕᑖᑯᓯᔦᒃ, ᒧᔐ ᐁ ᑮ ᑲᑫᔅᑭᒥᑕᑾᒃ ᑭᒋᒪᓂᑐ ᐅ ᒥᓗᐋᒋᒧᐎᓐ?

ᓂᔓ ᑯᕆᓐᑎᐊᓇ 11:9

ᐃᔅᐱ ᒫᑲ ᑳ ᐎᒉᐎᑕᑾᒃ, ᐁ ᑮ ᑶᑕᒫᔮᓐ ᒫᑲ, ᓇᒪᐎᓚ ᐊᐌᓇ ᐃᓕᓕᐤ ᓂ ᑮ ᐅᑎᓇᒫᒃ: ᐌᓴ ᐊᓂᒪ ᑳ ᐃᔑ ᓄᑌᐸᓕᔮᓐ ᐊᓂᑭ ᐎᒋᔖᓂᒪᐗᒃ ᒪᓯᑐᓂᔭᐃᒃ ᑳ ᑮ ᐯᒋ ᐅᑐᑌᒋᒃ ᓂ ᑮ ᐅᑎᓇᒫᑾᒃ: ᓀᔥᑕ ᒥᓯᐌ ᐃᔑ ᓂ ᑮ ᑲᓇᐌᓕᒥᑎᓱᓐ ᐁᑳ ᑭᒋ ᑄᐗᑌᐃᑕᑾᒃ, ᐁᑯ ᓀᔥᑕ ᑫᔮᐸᒡ ᑫ ᐃᔑ ᑲᓇᐌᓕᒥᑎᓯᔮᓐ᙮

ᓂᔓ ᑯᕆᓐᑎᐊᓇ 12:13

ᐌᓴ ᑫᑾᓄᒃ ᑳ ᓄᑌᐸᓕᔦᒃ ᑭᓚᐗᐤ ᐃᔥᐱᔥ ᑯᑕᑭᔭᒃ ᒫᒪᐎᐋᔭᒥᐋᐗᒃ, ᐱᑯ ᓂᓚ ᐁᑳ ᐁ ᑮ ᐅᒋ ᑄᐗᑌᐃᑕᑾᒃ? ᐳᓀᓕᑕᒪᐎᒃ ᐅᒪ ᐗᓂᐃᑎᐎᓐ᙮

ᓂᔥᑕᒻ ᑌᓴᓗᓂᔭᓇ 2:9

ᐌᓴ ᑮ ᑭᔅᑭᓯᓇᐗᐤ, ᓂᒋᔖᓂᑐᒃ, ᓂᑦ ᐊᑑᔅᑫᐎᓂᓈᓐ ᓀᔥᑕ ᓂ ᑲᒀᑕᑭᓯᐎᓂᓈᓐ; ᐌᓴ, ᐁ ᐊᑑᔅᑫᔮᒃ ᐁ ᑎᐱᔅᑳᒃ ᓀᔥᑕ ᐁ ᑭᔑᑳᒃ, ᐁᑳ ᐊᐌᓇ ᐁ ᐃᑕᔑᔦᒃ ᐁ ᐎ ᐅᒋ ᐅᑎᓇᒶᑭᑦ ᑎᐸᐊᒫᑯᓯᐎᓐ, ᑭ ᑮ ᑲᑫᔅᑭᒥᑎᓈᓐ ᑭᒋᒪᓂᑐ ᐅ ᒥᓗᐋᒋᒧᐎᓐ᙮

ᓂᔥᑕᒻ ᑌᓴᓗᓂᔭᓇ 4:11

ᓀᔥᑕ ᑭᒋ ᐎᑲᑴᑭᔅᑫᓕᑕᒣᒃ ᑭᒋ ᑳᔮᒪᐱᔦᒃ, ᓀᔥᑕ ᑭᒋ ᑐᑕᒣᒃ ᑎᐱᓚᐌ ᑭᑦ ᐊᑑᔅᑫᐎᓂᐗᐤ, ᓀᔥᑕ ᑎᐱᓚᐌ ᑭᒋᒋᐙᐗ ᑭᒋ ᐅᒋ ᐊᑑᔅᑫᔦᒃ, ᑳ ᑮ ᐃᑕᔓᐙᑎᑖᒃ,