ᐊᐸᔅᑕᓚᒃ 18:18 - ᐅᔅᑭ ᑎᔅᑌᒥᓐᑦ

¹⁸ ᐹᓪ ᒫᑲ ᐹᑎᒪ ᐅᒪ ᑫᔮᐸᒡ ᑭᓉᔥ ᓇᐗᒡ ᐊᓐᑕ ᑮ ᑕᔑᑫᐤ, ᐁᑯ ᒫᑲ ᑳ ᓇᑲᑖᑦ ᐊᓂᐃ ᑳ ᐎᒋᔕᓂᑐᓕᒋ, ᓀᔥᑕ ᑮ ᐃᑖᔑᐤ ᐊᓐᑕ ᓰᕆᐊᐃᒃ, ᑮ ᐎᒉᐎᑯ ᒫᑲ ᐊᓂᐃ ᑉᕆᓯᓚ ᓀᔥᑕ ᐋᑶᓚ; ᐁ ᑮ ᑳᔥᑭᐹᑕᒃ ᐅᔅᑎᒀᓐ ᐊᓐᑕ ᓯᓐᒃᕆᐊᐃᒃ: ᐌᓴ ᑮ ᑭᔅᑭᒧ᙮

ᐊᐸᔅᑕᓚᒃ 18:18 Iomraidhean Croise

ᐊᐸᔅᑕᓚᒃ 21:24

ᐅᑯ ᐅᑎᓂᒃ, ᓀᔥᑕ ᐎᒋᐹᔦᑭᐃᑎᓱᒥᒃ, ᓀᔥᑕ ᐎᒋᑎᐸᐊᒫᑫᒥᒃ, ᑭᒋ ᑳᔥᑭᐹᑕᑭᒃ ᐅᔅᑎᒀᓂᐙᐗ: ᒥᓯᐌ ᒫᑲ ᑭᒋ ᑭᔅᑫᓕᑕᑭᒃ ᐊᓂᐃ ᑫᒀᓇ ᑳ ᑮ ᐎᑕᒪᐙᑲᓂᐎᒋᒃ ᐁ ᐃᑖᒋᒥᑳᐎᔭᓐ ᐁᑳ ᐙᔦᔥ ᐁ ᐃᑖᐸᑕᑭ; ᒫᑲ ᑭᓚ ᑫᒋᐙᒃ ᒀᔭᔉ ᐁ ᐱᒧᑌᔭᓐ, ᓀᔥᑕ ᐁ ᑲᓇᐌᓕᑕᒪᓐ ᐅᓚᔓᐌᐎᓐ᙮

ᓂᔥᑕᒻ ᑯᕆᓐᑎᐊᓇ 9:20

ᑭᑭ ᒎᐗᒃ ᓂ ᑮ ᒎᐎᓐ ᑭᒋ ᐃᔑ ᑲᔥᑭᐊᑭᒃ ᒎᐗᒃ; ᑭᑭ ᐊᓂᑭ ᐅᓚᔓᐌᐎᓂᒃ ᑳ ᐃᑖᒋᒃ, ᑖᐱᔅᑯᒡ ᓂᓚ ᓀᔥᑕ ᐅᓚᔓᐌᐎᓂᒃ ᐁ ᐃᑖᔮᓐ, ᑭᒋ ᑲᔥᑭᐊᑭᒃ ᐊᓂᑭ ᑳ ᐃᑖᒋᒃ ᐅᓚᔓᐌᐎᓂᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:1

ᑭ ᒥᓗᐋᓕᒧᑕᒫᑎᓇᐗᐤ ᐱᐱ ᑭ ᐎᒋᔖᓂᔅᑴᒥᓇᐤ ᑳ ᐅᑦ ᐊᑑᔅᑫᓛᑲᓂᒥᑯᑦ ᒫᒪᐎᐗᔭᒥᐋᐗ ᑳ ᐃᑖᓕᒋ ᔭᓐᒃᕆᐊᐃᒃ:

ᐊᐸᔅᑕᓚᒃ 18:2

ᑮ ᒥᔅᑲᐌᐤ ᒫᑲ ᐯᔭᒃ ᒎᐗ ᐋᑶᓚ ᐁ ᐃᔑᓂᑳᓱᓕᒋ, ᑳ ᑮ ᓂᑕᐎᑭᓕᒋ ᐳᓐᑕᓯᒃ, ᐊᓄᒋᑫ ᐃᑖᓕᐃᒃ ᑳ ᑮ ᐅᒌᓕᒋ, ᐊᓯᒋ ᐎᐎᓕᐗ ᑉᕆᓯᓚ (ᐌᓴ ᒃᓚᑎᐊᔅ ᑮ ᐅᓚᔓᐗᑌᐤ ᒥᓯᐌ ᒎᐗ ᑭᒋ ᑭᑐᑌᓕᒋ ᕈᒥᒃ ᐅᒋ;) ᐅᐅ ᒫᑲ ᑮ ᐯᒋ ᓈᑌᐤ᙮

ᑲᓓᔕᐊᓇ 1:21

ᐹᑎᒫ ᒫᑲ ᓂ ᑮ ᐯᒋ ᐃᑐᑖᓐ ᐊᓐᑕ ᓯᕆᔭᐃᒃ ᓀᔥᑕ ᓯᓕᓯᔭᐃᒃ:

ᐊᐸᔅᑕᓚᒃ 15:23

ᑮ ᒪᓯᓇᐊᒪᐌᐗᒃ ᒫᑲ ᐎᓚᐊᐤ ᐅᒋ ᐅᒪ ᐃᔑ; ᐊᓂᑭ ᐊᐸᔅᑕᓚᒃ, ᓀᔥᑕ ᑳ ᓂᑳᓀᓕᑖᑯᓯᒋᒃ ᓀᔥᑕ ᑳ ᐎᒋᔕᓂᑐᒋᒃ, ᐃᔑᑎᔕᐊᒫᑫᐗᒃ ᐁ ᐊᑕᒥᔅᑲᐙᒋᒃ ᐊᓂᐃ ᑳ ᐎᒋᔕᓂᑐᓕᒋ ᑳ ᒉᓐᑕᐃᓕᐎᓕᒋ ᐋᓐᑎᐊᑭᒃ ᑳ ᐃᑖᓕᒋ, ᓀᔥᑕ ᓯᕆᐊᐃᒃ, ᓀᔥᑕ ᓯᓕᓯᐊᐃᒃ;

ᐊᐸᔅᑕᓚᒃ 21:3

ᐃᔅᐱ ᒫᑲ ᑳ ᑮ ᐙᐸᑕᒫᒃ ᓴᐃᑉᕋᔅ, ᓇᒪᑎᓂᔉ ᐃᑌᑫ ᓂ ᑮ ᓇᑲᑕᐁᓈᓐ, ᐊᓐᑕ ᓯᕆᔭ ᒫᑲ ᓂ ᑮ ᐃᑖᔑᓈᓐ, ᓀᔥᑕ ᐊᓐᑕ ᑖᐃᕐ ᓂ ᑮ ᑲᐹᓈᓐ: ᐌᓴ ᐁᑯᑕ ᑫ ᑲᐸᑌᓈᓱᓈᓂᐗᒃ ᓈᐱᒀᓂᒃ ᐅᒋ᙮

ᐊᐸᔅᑕᓚᒃ 18:26

ᑮ ᒫᒋ ᓱᑭᑌᐁᐎ ᐋᔭᒥᐤ ᒫᑲ ᐋᔭᒥᐁᐎᑲᒥᑯᒃ: ᐊᓇ ᐃᔅᐱ ᐊᓂᐃ ᐊᑶᓚ ᓀᔥᑕ ᑉᕆᓯᓚ ᑳ ᑮ ᐯᑖᑯᑦ, ᑮ ᐅᑎᓂᑯ, ᓀᔥᑕ ᐊᐙᓯᑌ ᐯᔭᑕᒃ ᑮ ᑭᔅᑭᓄᐊᒫᑯ ᑭᒋᒪᓂᑐ ᐅᑦ ᐃᔑᑣᐎᓂᓕᐤ᙮

ᐊᐸᔅᑕᓚᒃ 15:41

ᑮ ᐸᐹᒥᔕᐳᔥᑲᒻ ᒫᑲ ᓯᕆᐊ ᓀᔥᑕ ᓯᓕᓯᐊ, ᐁ ᐋᔨᒋᐋᑦ ᒫᒪᐎᐋᔭᒥᐋᐗ᙮

ᐅᐸᓓᑭᔅ ᒫᑎᐤ 4:24

ᑮ ᐸᐹᑎᐹᒋᒫᑲᓂᐎᐤ ᒫᑲ ᒥᓯᐌ ᓯᕆᔭᐃᒃ: ᑮ ᐯᑐᐌᐗᒃ ᒫᑲ ᒥᓯᐌ ᑮ ᐋᑯᓯᓕᒋ ᐃᓕᓕᐗ ᓇᓈᑲᐤ ᑳ ᐃᑖᔅᐱᓀᓕᒋ ᓀᔥᑕ ᐃᔑ ᐙᐎᓴᑫᓕᑕᒥᓕᒋ, ᐊᓂᐃ ᓀᔥᑕ ᑳ ᐱᒋᔅᑳᑯᓕᒋ ᒪᒋ ᐊᒑᑾ, ᐊᓂᐃ ᓀᔥᑕ ᑳ ᑮᔥᑴᓕᒋ, ᐊᓂᐃ ᓀᔥᑕ ᑳ ᓇᓇᒫᔅᐱᓀᓕᒋ; ᑮ ᒥᓇᐙᒋᐁᐤ ᒫᑲ᙮

ᐅᐸᓓᑭᔅ ᒫᕐᒃ 6:46

ᐃᔅᐱ ᒫᑲ ᑳ ᑭᒋᑎᔕᐙᑦ, ᐗᒌᒃ ᑮ ᐃᑐᑌᐤ ᑭᒋ ᐋᔭᒥᐋᑦ᙮

ᐊᐸᔅᑕᓚᒃ 1:15

ᒣᒀᒡ ᒫᑲ ᐊᓂᐃ ᑭᔑᑳᐗ ᐱᑕᕐ ᑮ ᓂᐸᐎᐤ ᑌᑖᐎᒡ ᑭᔅᑭᓄᐊᒪᐙᑲᓇ, ᑮ ᐃᑗᐤ ᒫᑲ (ᐁ ᐃᑕᑎᓂᓕᑭ ᐅᑦ ᐃᔑᓂᑳᓱᐎᓂᐗᐗ ᓈᓐᑕᐤ ᒥᑖᑐᒥᑕᓇᐤ ᓂᔑᑎᓇᐤ ᓀᔥᑕ):

ᐊᐸᔅᑕᓚᒃ 18:27

ᐃᔅᐱ ᒫᑲ ᑳ ᐃᑌᓕᑕᒃ ᑭᒋ ᐃᑐᑌᑦ ᐊᓐᑕ ᐊᑳᐃᐊᐃᒃ, ᐊᓂᑭ ᑳ ᐎᒋᔖᓂᑐᒋᒃ ᑮ ᒪᓯᓇᐃᑫᐗᒃ ᐁ ᔑᑭᒫᒋᒃ ᐊᓂᐃ ᑭᔅᑭᓄᐊᒪᐗᑲᓇ ᑭᒋ ᐅᑎᓈᓕᒋ: ᐊᓇ ᐃᔅᐱ ᑳ ᑕᑯᔑᒃ ᒥᔅᑕᐃ ᑮ ᐎᒋᐁᐤ ᐊᓂᐃ ᑳ ᑮ ᑕᐺᑕᒥᓕᒋ ᔕᐌᓕᒋᑫᐎᓂᓕᐤ ᐅᒋ:

ᐊᐸᔅᑕᓚᒃ 21:23

ᐁᐗᑯ ᐅᒋ ᑐᑕ ᐅᒪ ᐁ ᐃᑎᑖᒃ: ᓂᑦ ᐋᔭᐙᓈᓇᒃ ᓀᐤ ᐃᓕᓕᐗᒃ ᑳ ᑮ ᑭᔅᑭᒧᒋᒃ;