ᐊᐸᔅᑕᓚᒃ 16:5 - ᐅᔅᑭ ᑎᔅᑌᒥᓐᑦ

⁵ ᐁᑯ ᒫᑲ ᒫᒪᐎᐋᔭᒥᐊᐗᒃ ᑳ ᒫᔥᑲᐎᐋᑲᓂᐎᒋᒃ ᑖᐺᔦᓕᑕᒧᐎᓂᒃ, ᓀᔥᑕ ᑮ ᓚᑭᐅᐗᒃ ᐁ ᐃᑕᓯᒋᒃ ᑕᑡᐤ ᐁ ᑭᔑᑳᓕᒃ᙮

ᐊᐸᔅᑕᓚᒃ 16:5 Iomraidhean Croise

ᐊᐸᔅᑕᓚᒃ 11:21

ᐅᑎᐯᓕᒋᑫᐤ ᐅᒋᒋᓕᐤ ᒫᑲ ᑮ ᐎᒋᐃᑯᐗᒃ: ᓈᔅᐱᒡ ᒥᒉᑦ ᒫᑲ ᑮ ᑖᐺᑕᒶᒃ, ᓀᔥᑕ ᑮ ᑴᔅᑲᑎᓯᔅᑕᐌᐗᒃ ᐅᑎᐯᓕᒋᑫᐗ᙮

ᐊᐸᔅᑕᓚᒃ 12:24

ᒫᑲ ᑭᒋᒪᓂᑐ ᐅᑦ ᐋᔭᒥᐎᓐ ᑮ ᓂᑕᐎᑭᒪᑲᓂᓕᐤ ᓀᔥᑕ ᑮ ᓚᑭᐆᒪᑲᓂᓕᐤ᙮

ᐊᐸᔅᑕᓚᒃ 15:41

ᑮ ᐸᐹᒥᔕᐳᔥᑲᒻ ᒫᑲ ᓯᕆᐊ ᓀᔥᑕ ᓯᓕᓯᐊ, ᐁ ᐋᔨᒋᐋᑦ ᒫᒪᐎᐋᔭᒥᐋᐗ᙮

ᐊᐸᔅᑕᓚᒃ 2:47

ᐁ ᒫᒥᒋᒫᒋᒃ ᑭᒋᒪᓂᑐᐗ, ᓀᔥᑕ ᐁ ᐎ ᐙᑯᒥᑯᒋᒃ ᒥᓯᐌ ᐃᓕᓕᐗ᙮ ᐅᑎᐯᓕᒋᑫᐤ ᒫᑲ ᑕᑣᐤ ᐁ ᑭᔑᑳᒃ ᑮ ᑕᑯᐁᐤ ᒫᒪᐎᐋᔭᒥᐋᐗ ᐊᓂᐃ ᑫ ᐱᒪᒋᐋᑲᓂᐎᓕᒋ᙮

ᐊᐸᔅᑕᓚᒃ 4:4

ᑫᔮᐸᒡ ᒫᑲ ᒥᒉᑦ ᐊᓂᑭ ᑳ ᐯᑕᑭᒃ ᐋᔭᒥᐎᓂᓕᐤ ᑭ ᑖᐺᑕᒶᒃ; ᓀᔥᑕ ᐊᓂᑭ ᐃᓕᓕᐗᒃ ᓈᓐᑕᐤ ᓂᔭᓚᐗᐤ ᑭᒋᒥᑖᑐᒥᑕᓇᐤ ᑮ ᐃᑕᔑᐗᒃ᙮

ᐊᐸᔅᑕᓚᒃ 5:14

ᐅᑖᐺᑕᒧᐗᒃ ᒫᑲ ᐊᐙᓯᑌ ᑮ ᑕᑯᑕᒪᐙᑲᓂᐎᐤ ᐅᑎᐯᓕᒋᑫᐤ, ᐁ ᒥᒉᑎᒋᒃ ᑖᐱᔅᑯᒡ ᓈᐯᐗᒃ ᓀᔥᑕ ᐃᔅᑴᐗᒃ᙮)

ᐊᐸᔅᑕᓚᒃ 6:7

ᐅᑦ ᐋᔭᒥᐎᓐ ᒫᑲ ᑭᒋᒪᓂᑐ ᑮ ᓛᑭᐸᓕᓕᐤ; ᓀᔥᑕ ᐁ ᐃᑕᓯᒋᒃ ᑭᔅᑭᓄᐊᒪᐙᑲᓇᒃ ᓈᔅᐱᒡ ᐊᐙᓯᑌ ᑮ ᓚᑭᐅᐗᒃ ᒋᕉᓴᓚᒥᒃ; ᓈᔅᐱᒡ ᒥᒉᑦ ᓀᔥᑕ ᐊᓂᑭ ᓵᓵᑭᐎᓕᐌᐎᓕᓕᐗᒃ ᑮ ᓇᓈᐃᑕᒶᒃ ᑖᐺᔦᓕᑕᒧᐎᓂᓕᐤ᙮

ᐊᐸᔅᑕᓚᒃ 9:31

ᐁᑯ ᐁ ᐋᔮᒋᒃ ᐊᓜᐱᐎᓂᓕᐤ ᒫᒪᐎᐊᔭᒥᐋᐗᒃ ᒥᓯᐌ ᒎᑎᐊᐃᒃ ᓀᔥᑕ ᑳᓚᓕᒃ ᓀᔥᑕ ᓵᒣᕆᔭᐃᒃ, ᓀᔥᑕ ᑮ ᑭᔅᑭᓄᐊᒪᐗᑲᓂᐎᐗᒃ; ᐁ ᐱᒧᑌᒋᒃ ᒫᑲ ᐅᑎᐯᓕᒋᑫᐗ ᐅ ᓇᓂᒌᔅᑖᑯᓯᐎᓂᓕᒃ, ᓀᔥᑕ ᐸᓓᑭ ᐊᒑᑾ ᐅ ᑳᑭᒋᐃᐌᐎᓂᓕᒃ, ᑮ ᐊᑎ ᒥᒉᑎᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:25

ᐁᑯ ᐊᓇ ᑳ ᑲᔥᑭᑖᑦ ᑭᒋ ᐋᔨᒋᐃᑖᒃ ᐁ ᐃᑗᒪᑲᒃ ᓂ ᒥᓗᐋᒋᒪᐎᓐ, ᓀᔥᑕ ᐁ ᐃᔑ ᑎᐹᒋᒫᑲᓂᐎᑦ ᒋᓴᔅ ᙭, ᑳ ᑮ ᐃᔑ ᑭᔅᑫᓕᑖᑯᑖᓂᐗᒃ ᑳ ᒫᒪᔅᑳᑕᒃ, ᐊᓂᒪ ᑳ ᑮ ᑭᒧᒡ ᑲᓇᐌᓕᒋᑳᑌᒃ ᐊᔅᐱᓐ ᑳ ᐯᒋ ᐊᔅᑭᐗᒃ,

ᓂᔥᑕᒻ ᑯᕆᓐᑎᐊᓇ 15:58

ᐁᐗᑯ ᐅᒋ, ᓯᐋᑭᐃᑕᑾᒃ ᓂᒋᔖᓂᑐᒃ, ᐋᐃᒋᑳᐸᐎᒃ, ᒥᒋᒥᑳᐸᐎᒃ, ᒧᔕᒃ ᐁ ᑎᐱᑐᑕᒬᒃ ᐅᑎᐯᓕᒋᑫᐤ ᐅᑦ ᐊᑑᔅᑫᐎᓐ, ᐁ ᑭᔅᑫᓕᑕᒣᒃ ᐁᑳ ᐸᑾᓐᑕᐤ ᐁ ᐃᑌᓕᑖᑾᒃ ᑭᑦ ᐊᑑᔅᑫᐎᓇᐗᐤ ᐅᑎᐯᓕᒋᑫᒃ᙮

ᑲᓓᔕᐊᓇ 5:1

ᐋᔨᒋᑳᐸᐎᒃ ᒫᑲ ᐊᓂᒪ ᑎᐯᓕᒥᑎᓱᐎᓂᒃ ᑳ ᑮ ᐃᔑ ᑎᐯᓕᒥᑎᓱᐃᑖᒃ ᙭, ᐁᑳᐎᓚ ᒫᑲ ᒥᓇ ᓇᒀᑕᐅᓱᒃ ᐊᐗᑳᔑᐌᐎ ᑖᐱᔅᑳᑲᓂᒃ᙮

ᑯᓚᔑᔭᓇ 2:6

ᑳ ᑮ ᐃᔑ ᐅᑎᓀᒃ ᙭ ᒋᓴᔅ ᐅᑎᐯᓕᒋᑫᐤ, ᐁᑯ ᐃᔑ ᐱᒧᑖᑎᒃ;

ᓂᔥᑕᒻ ᑌᓴᓗᓂᔭᓇ 3:13

ᑭᒋ ᐋᔨᒋᑖᑦ ᑭᑌᐃᐙᐗ ᐁᑳ ᑭᒋ ᐊᑕᒣᓕᑖᑯᓯᔦᒃ ᐸᓕᑭᓯᐎᓂᒃ, ᐅᑎᔥᑲᐤ ᑭᒋᒪᓂᑐ, ᑯᑖᐎᓇᐤ ᐅᑎ, ᐯᒋ ᑕᑯᔑᑫ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓯᒋ ᒥᓯᐌ ᐅ ᐸᓓᑭᓯᒪ᙮

ᓂᔥᑕᒻ ᑌᓴᓗᓂᔭᓇ 3:2

ᓀᔥᑕ ᒫᑲ ᓂ ᑮ ᐃᔑᑎᔕᐙᓈᓐ ᑎᒧᑎ, ᓂᒋᔖᓂᓈᓐ, ᓀᔥᑕ ᐅᑦ ᐋᔭᒥᐋᐎ ᐊᑑᔅᑫᓛᑲᓂᒪ ᑭᒋᒪᓂᑐ, ᓀᔥᑕ ᓂᒋᐊᑑᔅᑫᓛᑲᓂᓈᓐ ᐅ ᒥᓗᐋᒋᒧᐎᓂᒃ ᙭, ᑭᒋ ᐊᔨᒋᐃᑖᒃ ᓀᔥᑕ ᑭᒋ ᑳᑭᒋᐃᑖᒃ ᑭ ᑖᐺᔦᓕᑕᒧᐎᓂᐗᐤ ᐅᒋ:

ᓂᔓ ᑌᓴᓗᓂᔭᓇ 2:16

ᐁᑯ ᐎᓚ ᑫᒋᐙᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᑭᒋᒪᓂᑐ, ᑯᑖᐎᓇᐤ ᐅᑎ, ᑳ ᑮ ᓵᑭᐃᑕᒃ, ᓀᔥᑕ ᑳ ᑮ ᒥᓕᑕᒃ ᑳᑭᑫ ᒥᓜᓕᒧᐎᓐ, ᓀᔥᑕ ᒥᓗ ᐊᔅᐯᓕᒧᐎᓐ ᔕᐌᓕᒋᑫᐎᓐ ᐅᒋ᙮

ᐦᐃᑉᕉᐗ 13:9

ᐁᑳᐎᓚ ᑭ ᑳ ᐸᐱᒥᐎᓕᑯᓇᐗᐤ ᓇᓈᑲᐤ ᓀᔥᑕ ᐹᐱᑐᔥ ᑭᔅᑭᓄᐊᒫᑫᐎᓇ; ᐌᓴ ᒥᓨᔑᓐ ᒥᑌᐃ ᑭᒋ ᐋᔨᒋᑖᓂᐗᒃ ᔕᐌᓕᒋᑫᐎᓂᒃ, ᓇᒪᐎᓚ ᒥᒋᒥᒃ, ᐁᑳ ᓈᓐᑕᐤ ᑳ ᑮ ᐃᑖᐸᒋᐃᑯᒋᒃ ᐊᓂᑭ ᐁᑯᑕ ᑳ ᑮ ᐱᒧᑌᒋᒃ᙮

ᓂᔥᑕᒻ ᐱᑕᕐ 5:10

ᒫᑲ ᑭᒋᒪᓂᑐ ᑳ ᐋᔮᑦ ᒥᓯᐌ ᔕᐌᓕᒋᑫᐎᓂᓕᐤ, ᑳ ᑮ ᓇᑐᒥᑕᒃ ᑭᒋ ᐋᔭᐗᒃ ᐅ ᑳᑭᑫ ᑭᔅᑌᓕᑖᑯᓯᐎᓐ ᒋᓴᔅ ᙭ ᐅᒋ, ᐎᓕᐱᔉ ᑮ ᐎᓴᑫᓕᑕᒣᑴ, ᑭ ᑳ ᐎ ᒥᑐᓂᐎᐃᑯᐗᐤ, ᐋᔨᒋᐃᑯᐗᐤ ᒪᔥᑲᐎᐃᑯᐗᐤ, ᓱᑭᑳᐸᐎᐃᑯᐗᐤ᙮