ᐊᐸᔅᑕᓚᒃ 15:2 - ᐅᔅᑭ ᑎᔅᑌᒥᓐᑦ

² ᐁᐗᑯ ᐅᒋ ᐃᔅᐱ ᐹᓪ ᓀᔥᑕ ᐹᕐᓇᐸᔅ ᐁᑳ ᐊᐱᔑᔥ ᑳ ᐋᓉᑕᐙᒌᒃ ᓀᔥᑕ ᐋᔑᑌᒫᒋᒃ, ᑮ ᐃᑌᓕᑕᒶᒃ ᐊᓇ ᐹᓪ ᓀᔥᑕ ᐸᕐᓇᐸᔅ ᓀᔥᑕ ᐊᑎᑦ ᑯᑕᑭᔭᒃ ᐁ ᐃᑕᔑᒋᒃ, ᑭᒋ ᐃᑐᑌᒋᒃ ᒋᕉᓴᓚᒥᒃ, ᑭᒋ ᓈᑖᒋᒃ ᐋᐸᔅᑎᓚ ᓀᔥᑕ ᑳ ᓂᑳᓀᓕᑖᑯᓯᓕᒋ, ᐅᒪ ᑲᑴᒋᑫᒧᐎᓐ ᐅᒋ᙮

ᐊᐸᔅᑕᓚᒃ 15:2 Iomraidhean Croise

ᐊᐸᔅᑕᓚᒃ 10:23

ᐁᑯ ᑳ ᐱᑐᑫ ᓇᑐᒫᑦ, ᓀᔥᑕ ᑮ ᐎᒋᑕᔑᑫᒥᑯ᙮ ᐎᐋᐸᒃ ᒫᑲ ᐱᑕᕐ ᑮ ᐎᒉᐌᐤ, ᓀᔥᑕ ᐋᑎᑦ ᑳ ᐎᒋᔖᓂᑐᒋᒃ ᒐᐸᐃᒃ ᐅᒋ ᑭ ᐎᒉᐎᑯ᙮

ᐊᐸᔅᑕᓚᒃ 11:12

ᐊᒑᒃ ᒫᑲ ᓂ ᑮ ᐃᑎᒃ ᑭᒋ ᐎᒉᐗᑭᒃ, ᐁᑳ ᐁ ᐙᐙᓀᓕᑕᒫᓐ᙮ ᓀᔥᑕ ᐅᑯ ᓂᑯᑣᔅ ᑭᒋᔖᓂᓇᐗᒃ ᓂ ᑮ ᐎᒉᐎᑾᒃ, ᓂ ᑮ ᐱᑐᑳᓈᓐ ᒫᑲ ᐊᓇ ᐃᓕᓕᐤ ᐎᑭᒃ:

ᐊᐸᔅᑕᓚᒃ 11:30

ᐊᓂᐁᓕᐤ ᓀᔥᑕ ᑳ ᑮ ᑐᑕᑭᒃ, ᑮ ᐃᔑᑎᔕᐊᒪᐌᐗᒃ ᒫᑲ ᐊᓂᐃ ᑳ ᓂᑳᓀᓕᑖᑯᓯᓕᒋ ᐅᒋᒋᐙᒃ ᐅᒋ ᐊᓂᑭ ᐸᕐᓇᐸᔅ ᓀᔥᑕ ᓵᓪ᙮

ᐊᐸᔅᑕᓚᒃ 15:25

ᒥᓨᔑᓐ ᓂ ᑮ ᐃᑌᓕᑌᓈᓐ, ᐁ ᑮ ᒫᐗᒋᐃᑐᔮᒃ ᐯᔭᑾᓐ ᐁ ᐃᑌᓕᑕᒫᒃ, ᑭᒋ ᐃᔑᑎᔕᐊᒪᑖᒃ ᐃᓕᓕᐗᒃ ᑳ ᐗᐌᓚᐸᒥᒋᒃ, ᐊᓯᒋ ᑳ ᓵᑭᐊᑭᒋᒃ ᐹᕐᓇᐸᔅ ᓀᔥᑕ ᐹᓪ᙮

ᐊᐸᔅᑕᓚᒃ 15:27

ᐁᐗᑯ ᐅᒋ ᓂ ᑮ ᐃᔑᑎᔕᐙᓈᓇᒃ ᒎᑕᔅ ᓀᔥᑕ ᓵᐃᓚᔅ, ᐎᓚᐗᐤ ᓀᔥᑕ ᑭ ᑳ ᐎᑕᒫᑯᐙᐗᒃ ᐅᐅ ᑫᒀᓇ᙮

ᐊᐸᔅᑕᓚᒃ 15:4

ᐃᔅᐱ ᒫᑲ ᑳ ᑕᑯᔑᑭᒃ ᒋᕉᓴᓚᒥᒃ, ᑮ ᐅᑎᓂᑯᐗᒃ ᒫᒪᐎᐋᔭᒥᐋᐗ, ᓀᔥᑕ ᐊᐸᔅᑎᓚ, ᓀᔥᑕ ᐊᓂᐃ ᑳ ᓂᑳᓀᓕᑖᑯᓯᓕᒋ, ᑮ ᑎᐹᑐᑕᒶᒃ ᒫᑲ ᒥᓯᐌ ᑫᒀᓇ ᑭᒋᒪᓂᑐᐗ ᑳ ᑮ ᑐᑕᒫᑯᒋᒃ᙮

ᐊᐸᔅᑕᓚᒃ 16:4

ᐁ ᐊᑎ ᔕᐳᔥᑲᑭᒃ ᒫᑲ ᒥᓯᐌ ᐃᑖᐎᓇ, ᑮ ᐸᑭᑎᓇᒪᐌᐗᒃ ᐅᓚᔓᐌᐎᓇ ᑭᒋ ᑲᓇᐌᓕᑕᒥᓕᒋ ᑳ ᑮ ᐅᓚᑭᑕᒥᓕᒋ ᐊᐸᔅᑕᓚ ᓀᔥᑕ ᑳ ᓂᑳᓀᓕᑖᑯᓯᓕᒋ ᑳ ᐃᑖᓕᒋ ᐊᓐᑕ ᒋᕉᓴᓚᒥᒃ᙮

ᐊᐸᔅᑕᓚᒃ 21:18

ᐎᐋᐸᒃ ᒫᑲ ᐹᓪ ᓂ ᑮ ᐎᒋᐱᑐᑫᒥᑯᓈᓐ ᐁ ᓇᑕᑭᑦ ᒉᒻᔅ; ᒥᓯᐌ ᒫᑲ ᐅᓂᑳᓀᓕᑖᑯᓯᐗᒃ ᐊᓐᑕ ᑮ ᐃᑖᐗᒃ᙮

ᓂᔥᑕᒻ ᑯᕆᓐᑎᐊᓇ 1:1

ᐹᓪ, ᑳ ᑮ ᓇᑕᒫᑲᓂᐎᑦ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᐃᑌᓕᑕᒃ ᑭᒋᒪᓂᑐ, ᓀᔥᑕ ᓱᔅᑐᓃᔅ ᑭᒋᔖᓂᓇᐤ:

ᓂᔓ ᑯᕆᓐᑎᐊᓇ 11:5

ᐌᓴ ᓂᑦ ᐃᑌᓕᑌᓐ ᐁᑳ ᒥᑐᓂ ᐁ ᓄᑌᐸᓕᔮᓐ ᐃᔥᐱᔥ ᒫᐗᒡ ᑳ ᓂᑳᓀᓕᑖᑯᓯᒋᒃ ᐊᐸᔅᑕᓚᒃ᙮

ᑲᓓᔕᐊᓇ 2:5

ᐁᑯ ᒫᑲ ᓇᒪᐎᓚ ᓂ ᑮ ᐸᑭᑎᓂᑎᓱᔅᑕᐙᓈᓐ, ᓇᒪᐎᓚ ᐃᔥᐱᔥ ᐯᔭᒃ ᑎᐹᔨᑲᓐ ᐱᓯᒧᑳᓂᒃ; ᒥᓗᐋᒋᒧᐎᓂ ᑖᐺᐎᓐ ᑫᔮᐸᒡ ᑭᒋ ᐋᔮᔦᒃ᙮

ᒎᑦ 1:3

ᓯᐋᑭᐃᑕᑾᒃ, ᐃᔅᐱ ᓈᔅᐱᒡ ᒥᐋᒥᑐᓀᓕᑕᒫᓐ ᑭᒋ ᒪᓯᓇᐊᒫᑕᑾᒃ ᐁ ᐋᓕᒧᑕᒫᓐ ᒫᒪᐎ ᐱᒫᒋᐃᐌᐎᓐ, ᑮ ᓇᑕᐌᓕᑖᑾᓐ ᑭᒋ ᒪᓯᓇᐊᒫᑕᑾᒃ ᑭᒋ ᔑᑭᒥᑕᑾᒃ ᐁᓕᑯᒃ ᑭᒋ ᐎ ᑲᑴ ᑲᓇᐁᓕᑕᒣᒃ ᐊᓂᒪ ᑖᐺᔦᓕᑕᒧᐎᓐ ᐯᔭᑾᐤ ᑳ ᑮ ᐸᑭᑎᓇᒪᐙᑲᓂᐎᒋᒃ ᐅᐸᓓᑭᓴᒃ᙮