ᐊᐸᔅᑕᓚᒃ 14:1 - ᐅᔅᑭ ᑎᔅᑌᒥᓐᑦ

¹ ᑮ ᐃᑭᓐ ᒫᑲ ᐊᓐᑕ ᐋᐃᑯᓂᐊᒥᒃ, ᑖᐱᔅᑯᒡ ᐁ ᑮ ᐱᑐᑫᒋᒃ ᒎᐗ ᐅᑦ ᐋᔭᒥᐁᐎᑲᒥᑯᓕᒃ ᓀᔥᑕ ᐁ ᑮ ᐃᔑ ᐊᔭᒥᒋᒃ, ᓈᔅᐱᒡ ᒥᒉᑦ ᑳ ᒪᐗᒋᐃᑐᓕᒋ, ᑖᐱᔅᑯᒡ ᒎᐗ ᓀᔥᑕ ᒃᕆᑲ ᑳ ᐅᒋ ᑖᐺᑕᒥᓕᒋ᙮

ᐊᐸᔅᑕᓚᒃ 14:1 Iomraidhean Croise

ᐅᐸᓓᑭᔅ ᒫᕐᒃ 7:26

ᐊᓇ ᐃᔅᑴᐤ ᑮ ᒉᓐᑖᐃᓕᐎᐤ ᐁ ᓵᐃᕈᐸᓂᔑᔮᓂᐎᑦ ᐃᑕ ᐁ ᐅᒌᑦ ᐅᒋ; ᑮ ᓇᑐᑕᒪᐌᐤ ᒫᑲ ᑭᒋ ᐗᓚᐎᐌᐱᓈᓕᒋ ᒪᒋ ᐊᒑᑾ ᐅᑖᓇᓴ ᐎᔮᐎᓕᒃ ᐅᒋ᙮

ᐅᐸᓓᑭᔅ ᒑᓐ 12:20

ᐋᑎᑦ ᒫᑲ ᒃᕆᑲᒃ ᑮ ᐎᒉᐌᐗᒃ ᐊᓂᐃ ᑳ ᑮ ᐯᒋ ᐃᑐᑌᓕᒋ ᑭᒋ ᐋᔭᒥᐁᔅᑖᑫᓕᒋ ᒣᒀᒡ ᑳ ᒪᑯᔖᓂᐗᓂᓕᒃ:

ᐅᐸᓓᑭᔅ ᒑᓐ 7:35

ᐁᑯ ᒎᐗᒃ ᐁᑎᑐᒋᒃ, ᑖᓐᑌ ᑫ ᐃᑐᑌᑦ ᐁᑳ ᑫ ᒥᔅᑲᐗᒃ? ᑲᑕ ᓇᑕᐙᐸᒣᐤ ᓈ ᐊᓂᐃ ᓇᓈᓂᔅ ᑳ ᐃᑖᓕᒋ ᒣᑴᔭᔥ ᒉᓐᑖᐃᓚ, ᓀᔥᑕ ᑲᑕ ᑭᔅᑭᓄᐊᒪᐌᐤ ᒉᓐᑖᐃᓚ?

ᐊᐸᔅᑕᓚᒃ 11:21

ᐅᑎᐯᓕᒋᑫᐤ ᐅᒋᒋᓕᐤ ᒫᑲ ᑮ ᐎᒋᐃᑯᐗᒃ: ᓈᔅᐱᒡ ᒥᒉᑦ ᒫᑲ ᑮ ᑖᐺᑕᒶᒃ, ᓀᔥᑕ ᑮ ᑴᔅᑲᑎᓯᔅᑕᐌᐗᒃ ᐅᑎᐯᓕᒋᑫᐗ᙮

ᐊᐸᔅᑕᓚᒃ 13:43

ᐃᔅᐱ ᒫᑲ ᐊᓂᑭ ᑳ ᒫᐗᒋᐃᑐᒋᒃ ᑳ ᑭᑐᑌᒋᒃ, ᒥᒉᑦ ᐊᓂᑭ ᒎᐗᒃ ᓀᔥᑕ ᑳ ᐋᔭᒥᐁᐗᑎᓯᐎ ᐅᑴᔅᑳᑎᓴᒃ ᑮ ᓄᓱᓀᐌᐗᒃ ᐹᓚ ᓀᔥᑕ ᐹᕐᓇᐸᓴ; ᐊᓂᐃ, ᐁ ᐋᔭᒥᐃᑯᒋᒃ ᑮ ᔑᑭᒥᑯᐗᒃ ᑭᒋ ᐄᑖᒋᒃ ᑭᒋᒪᓂᑐᐗ ᐅ ᔓᐌᓂᒋᑫᐎᓂᓕᒃ᙮

ᐊᐸᔅᑕᓚᒃ 13:46

ᐁᑯ ᐹᓪ ᓀᔥᑕ ᐸᕐᓇᐸᔅ ᑳ ᐊᑎ ᓱᑫᓕᒧᒋᒃ, ᑮ ᐃᑗᐗᒃ ᒫᑲ, ᑮ ᓇᑕᐌᓕᑖᑾᓐ ᑭᒋᒪᓂᑐ ᐅᑦ ᐋᔭᒥᐎᓐ ᑭᓚᐙᐤ ᓃᔥᑕᒻ ᑭᒋ ᑮ ᐋᓕᒧᑕᒫᑲᐎᔦᒃ: ᐁ ᓄᑾᒃ ᒫᑲ ᐁ ᐃᑲᑌᓇᒫᓱᔦᒃ, ᓀᔥᑕ ᐁ ᐃᑌᓕᒥᑎᓱᔦᒃ ᐁᑳ ᐁ ᑌᐸᑫᓕᑖᑯᓯᔦᒃ ᑳᑭᑫ ᐱᒫᑎᓯᐎᓐ ᑭᒋ ᐋᔮᔦᒃ, ᒫᑎᑲ ᓂ ᓈᑕᓈᓈᒃ ᒉᓐᑖᐃᓚᒃ᙮

ᐊᐸᔅᑕᓚᒃ 13:5

ᐃᔅᐱ ᒫᑲ ᑳ ᐃᑖᒋᒃ ᐊᓐᑕ ᓵᓚᒥᓯᒃ, ᑮ ᐙᐎᑕᒬᐗᒃ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ ᐱᒋ ᒎᐗ ᐅᑦ ᐋᔭᒥᐁᐎᑲᒥᑯᓕᒃ; ᑮ ᐊᔮᐌᐗᒃ ᒫᑲ ᐊᓂᐃ ᒑᓇ ᐊᓯᒋ ᑭᒋ ᐊᑑᔅᑫᔅᑳᑯᒋᒃ᙮

ᐊᐸᔅᑕᓚᒃ 13:51

ᒫᑲ ᑮ ᐸᐸᐎᐸᓕᑕᒪᐌᐗᒃ ᐊᔑᔥᑭᓕᐤ ᐅᓯᑎᐙᒃ ᐅᒋ, ᓀᔥᑕ ᑮ ᐯᒋ ᐃᑐᑌᐗᒃ ᐋᐃᑯᓂᐊᒥᒃ᙮

ᐊᐸᔅᑕᓚᒃ 14:19

ᐁᑯᑕ ᒫᑲ ᑌᑯᔑᑭᒃ ᐊᑎᑦ ᒎᐗᒃ ᑳ ᐅᑐᑌᒋᒃ ᐊᓐᑎᐊᑭᒃ ᓀᔥᑕ ᐋᐃᑯᓂᐊᒥᒃ, ᑮ ᔕᑯᒋᒣᐗᒃ ᐃᓕᓕᐗ, ᓀᔥᑕ, ᐁ ᑮ ᐱᒧᓯᓈᑕᐙᒋᒃ ᐹᓚ, ᑭ ᐗᓚᐎ ᑖᐹᑌᐗᒃ ᐃᑖᐎᓂᒃ ᐅᒋ, ᓂᐱᐤ ᐁ ᑮ ᐃᑌᓕᒫᒋᒃ᙮

ᐊᐸᔅᑕᓚᒃ 14:2

ᒫᑲ ᐊᓂᑭ ᒎᐗᒃ ᐁᑳ ᑳ ᑖᐺᑕᑭᒃ ᑮ ᒥᑯᔅᑳᒋᐁᐗᒃ ᒉᓐᑖᐃᓚ, ᓀᔥᑕ ᑮ ᑐᑕᐌᐗᒃ ᑭᒋ ᒪᒋ ᒫᒥᑐᓀᓕᒫᒋᒃ ᐊᓂᐃ ᑳ ᐎᒋᔖᓂᑐᓕᑭ᙮

ᐊᐸᔅᑕᓚᒃ 14:21

ᐃᔅᐱ ᒫᑲ ᑳ ᑮ ᐙᐎᑕᑭᒃ ᒥᓗᐋᒋᒧᐎᓂᓕᐤ ᐊᓂᒪ ᐃᑖᐎᓂᒃ, ᓀᔥᑕ ᒥᒉᑦ ᐁ ᑮ ᑭᔅᑭᓄᐊᒪᐙᒋᒃ, ᑮ ᑭᐌᐗᒃ ᒥᓇ ᓕᔅᑕᕋᐃᒃ ᐃᔑ, ᓀᔥᑕ ᐋᐃᑯᓂᐊᒥᒃ ᓀᔥᑕ ᐋᓐᑎᐊᑭᒃ,

ᐊᐸᔅᑕᓚᒃ 16:1

ᐁᑯ ᐱᐁᒋ ᑕᑯᔑᒃ ᑕᕐᐱᐃᒃ ᓀᔥᑕ ᓕᔅᑦᕋᐃᒃ; ᒫᑎᑲ, ᒫᑲ, ᐯᔭᒃ ᑭᔅᑭᓅᐊᒪᐙᑲᓐ ᐊᓐᑕ ᑮ ᐃᑖᐤ, ᑕᐃᒧᑎᐊᔅ ᐁ ᐃᔑᓂᑳᓱᑦ, ᐅᑯᓯᓴ ᐯᔭᒃ ᐃᔅᑴᐤ ᑳ ᒍᐎᐃᔅᑴᐎᑦ, ᑳ ᑖᐺᑕᒃ ᓀᔥᑕ; ᒫᑲ ᐅᑖᐎᔭ ᑳ ᒃᕆᑭᐎᓕᒋ;

ᐊᐸᔅᑕᓚᒃ 16:2

ᑳ ᑮ ᒥᓨᒋᒥᑯᑦ ᐊᓂᐃ ᑳ ᐎᒋᔕᓂᑐᓕᒋ ᑳ ᐃᑖᓕᒋ ᓕᔅᑦᕋᐃᒃ ᓀᔥᑕ ᐊᐃᑯᓂᐊᒥᒃ᙮

ᐊᐸᔅᑕᓚᒃ 17:12

ᐁᐗᑯ ᐅᒋ ᒥᒉᑦ ᑮ ᑖᐺᑕᒶᒃ; ᑳ ᑭᔅᑌᓕᑕᑯᓯᒋᒃ ᐃᔅᑴᐗᒃ ᑳ ᒃᕆᑭᐎᒋᒃ, ᓀᔥᑕ ᐃᓕᓕᐗᒃ ᐅᒋ, ᓇᒪ ᐎᓚ ᒐᑾᐙᔑᔥ᙮

ᐊᐸᔅᑕᓚᒃ 17:17

ᐁᐗᑯ ᐅᒋ ᑮ ᐋᔭᒥᐁᐤ ᐊᓂᐃ ᒎᐗ ᐱᒋ ᐊᔭᒥᐁᐎᑲᒥᑯᒃ, ᓀᔥᑕ ᐊᓂᐃ ᑳ ᐊᔭᒥᐁᐙᑎᓯᓕᒋ ᐃᓕᓕᐗ, ᓀᔥᑕ ᐱᒋ ᐊᓐᑕ ᑳ ᐃᔑ ᐊᑖᒥᑐᓇᓂᐗᒃ ᑕᑣᐤ ᑳᔑᑳᓕᒃ ᐊᓂᐃ ᐊᓐᑕ ᑳ ᓇᑭᔥᑳᑯᑦ᙮

ᐊᐸᔅᑕᓚᒃ 17:4

ᐋᑎᑦ ᒫᑲ ᑮ ᑖᐺᑕᒶᒃ, ᓀᔥᑕ ᑮ ᐗᐎᒉᐌᐗᒃ ᐹᓚ ᓀᔥᑕ ᓴᓚᓴ; ᐊᓂᑭ ᑳ ᐋᔭᒥᐁᐗᑎᓯᒋᒃ ᒃᕆᑲᒃ ᒫᑲ ᐅᒋ ᓈᔅᐱᒡ ᒥᒉᑦ ᐃᓕᓕᐗᒃ, ᓀᔥᑕ ᑭᒋ ᐃᔅᑴᐗᒃ ᐅᒋ ᓇᒪᐎᓚ ᒐᑲᐙᔑᔥ᙮

ᐊᐸᔅᑕᓚᒃ 18:4

ᑮ ᐋᔭᒥᐤ ᒫᑲ ᐊᓐᑕ ᐋᔭᒥᐁᐎᑲᒥᑯᒃ ᑕᑣᐤ ᐁ ᐋᔭᒥᐁᑭᔑᑲᓕᒃ, ᓀᔥᑕ ᑮ ᔑᑭᒣᐤ ᒎᐗ ᓀᔥᑕ ᒃᕆᑲ᙮

ᐊᐸᔅᑕᓚᒃ 18:8

ᒃᕆᔅᐸᔅ ᒫᑲ, ᑳ ᒫᐗᒋ ᓂᑳᓂᑎᐯᓕᑕᒃ ᐋᔭᒥᐁᐎᑲᒥᑯᓕᐤ, ᑮ ᑖᐺᔦᓕᒣᐤ ᐅᑎᐯᓕᒋᑫᐗ ᐊᓯᒋ ᒥᓯᐌ ᑳ ᐃᑕᔑᑦ ᐎᑭᓕᒃ; ᓀᔥᑕ ᒥᒉᑦ ᐊᓂᑭ ᑯᕆᓐᑎᐎᓕᓕᐗᒃ ᐁ ᐯᑕᑭᒃ, ᑮ ᑖᐺᑕᒶᒃ, ᓀᔥᑕ ᑮ ᓯᑲᐊᑕᐙᑲᓂᐎᐗᒃ᙮

ᐊᐸᔅᑕᓚᒃ 19:10

ᐅᒪ ᒫᑲ ᑮ ᑐᒋᑲᑌᐤ ᓂᔓ ᐱᐳᓋ ᐃᔥᐱᔥ; ᐁᐗᑯ ᐅᒋ ᒥᓯᐌ ᑳ ᑖᔑᑫᒋᒃ ᐁᔕᐃᒃ ᑮ ᐯᑕᒬᐗᒃ ᐅᑦ ᐋᔭᒥᐎᓂᓕᐤ ᐅᑎᐯᓕᒋᑫᐗ ᒋᓴᔅ, ᑖᐱᔅᑯᒡ ᒎᐗᒃ ᓀᔥᑕ ᒃᕆᑲᒃ᙮

ᐊᐸᔅᑕᓚᒃ 19:17

ᐅᒣᓕᐤ ᒫᑲ ᑮ ᑭᔅᑫᓕᑕᒶᒃ ᒥᓯᐌ ᐊᓂᑭ ᒎᐗᒃ ᓀᔥᑕ ᒃᕆᑲᒃ ᐊᓯᒋ ᑳ ᑖᔑᑫᒋᒃ ᐃᐱᓴᓯᒃ; ᓭᑭᓯᐎᓂᓕᐤ ᒫᑲ ᑮ ᐅᑎᑎᑯᐗᒃ ᒥᓯᐌ ᐁ ᐃᑕᓯᒋᒃ, ᓀᔥᑕ ᐅᑦ ᐃᔑᓂᑲᓱᐎᓐ ᐅᑎᐯᓕᒋᑫᐤ ᒋᓴᔅ ᑮ ᑭᔅᑌᓕᑕᑯᑕᓂᐗᓂᓕᐤ᙮

ᐊᐸᔅᑕᓚᒃ 19:8

ᑮ ᐱᑐᑫᐤ ᒫᑲ ᐋᔭᒥᐁᐎᑲᒥᑯᒃ, ᓀᔥᑕ ᑮ ᓱᑫᓕᒧᐎᐊᔭᒥᐤ ᓂᔅᑐ ᐱᓯᒶ ᐃᔥᐱᔥ, ᐁ ᐗᐎᑕᒪᑫᑦ, ᓀᔥᑕ ᐁ ᔑᑭᒥᐌᑦ ᐊᓂᐃ ᑫᒀᓇ ᐅᒋ ᑳ ᐃᑕᑾᓂᓕᑭ ᑭᒋᒪᓂᑐ ᐅᑦ ᐅᑭᒫᐎᐎᓂᒃ᙮

ᐊᐸᔅᑕᓚᒃ 2:47

ᐁ ᒫᒥᒋᒫᒋᒃ ᑭᒋᒪᓂᑐᐗ, ᓀᔥᑕ ᐁ ᐎ ᐙᑯᒥᑯᒋᒃ ᒥᓯᐌ ᐃᓕᓕᐗ᙮ ᐅᑎᐯᓕᒋᑫᐤ ᒫᑲ ᑕᑣᐤ ᐁ ᑭᔑᑳᒃ ᑮ ᑕᑯᐁᐤ ᒫᒪᐎᐋᔭᒥᐋᐗ ᐊᓂᐃ ᑫ ᐱᒪᒋᐋᑲᓂᐎᓕᒋ᙮

ᐊᐸᔅᑕᓚᒃ 20:21

ᐁ ᐙᐎᑕᒫᐗᑭᒃ ᒎᐗᒃ, ᓀᔥᑕ ᒃᕆᑲᒃ ᑖᐱᔅᑯᒡ, ᑭᒋ ᑴᔅᑳᑎᓰᔅᑕᐙᒋᒃ ᑭᒋᒪᓂᑐᐗ, ᓀᔥᑕ ᑭᒋ ᑖᐺᔦᓕᒫᒋᒃ ᑭ ᑎᐯᓕᒋᑫᒥᓇᐗ ᒋᓴᔅ ᙭ᑕ᙮

ᐊᐸᔅᑕᓚᒃ 21:28

ᐁ ᑌᐺᒋᒃ, ᑭᓚᐗᐤ ᐃᔅᕃᐃᓪ ᐃᓕᓕᑐᒃ, ᐎᒋᐃᐌᒃ; ᐊᐗ ᐁᐗᒀᓇ ᐃᓕᓕᐤ ᑳ ᑭᔅᑭᓄᐊᒪᐙᑦ ᒥᓯᐌ ᐃᓕᓕᐗ ᒥᓯᐌ ᐃᑕ ᑭᒋ ᐋᑕᐌᓕᒫᓕᒋ ᐅᐅ ᐃᓕᓕᐗ, ᓀᔥᑕ ᐅᓚᔓᐌᐎᓂᓕᐤ, ᓀᔥᑕ ᐅᑕ: ᐊᓯᒋ ᓀᔥᑕ ᑮ ᐯᔑᐌᐤ ᒃᕆᑲ ᐅᑕ ᑭᒋᐋᔭᒥᐁᐎᑲᒥᑯᒃ, ᓀᔥᑕ ᑮ ᒪᒉᓕᑖᑯᑕᐤ ᐅᒣᓕᐤ ᐸᓓᑭᑲᒥᑯᓕᐤ᙮

ᐊᐸᔅᑕᓚᒃ 9:20

ᑣᔦᒃ ᒫᑲ ᑮ ᑲᑫᔅᑭᒥᐌᐤ ᐱᒋ ᐋᔭᒥᐁᐎᑲᒥᑾ ᐊᓂᐃ ᙭ᑕ ᐁ ᐋᐎᓕᒋ ᑭᒋᒪᓂᑐ ᐅᑯᓯᓴ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:16

ᐌᓴ ᓇᒪᐎᓚ ᓂ ᓇᓀᐯᐎᓰᔅᑕᒸᓐ ᐅ ᒥᓗᐋᒋᒧᐎᓐ ᙭: ᐌᓴ ᐁᐗᑯ ᐅ ᑲᔥᑭᐅᐎᓐ ᑭᒋᒪᓂᑐ ᐁ ᐱᒫᒋᐃᑯᒋᒃ ᒥᓯᐌ ᐊᓂᑭ ᑳ ᑖᐺᑕᑭᒃ; ᓃᔥᑕᒻ ᐊᓇ ᑳ ᒎᐎᑦ, ᐊᓯᒋ ᓀᔥᑕ ᐊᓇ ᑳ ᒃᕆᑭᐎᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:12

ᐌᓴ ᓇᒪᐎᓚ ᐋᔭᒡ ᐃᑌᓕᑖᑯᓯᐤ ᐊᐌᓇ ᑳ ᒎᐎᑦ ᓀᔥᑕ ᐊᐌᓇ ᑳ ᒃᕆᑭᐎᑦ; ᐌᓴ ᐊᓇ ᑫᔮᐸᒡ ᑳ ᑎᐯᓕᒫᑦ ᒥᓯᐌ ᒥᔕᑭᐁᐤ ᒥᓯᐌ ᐊᓂᐃ ᑳ ᓈᓈᑐᒥᑯᑦ᙮

ᑲᓓᔕᐊᓇ 2:3

ᒫᑲ ᓇᒪᐎᓚ ᑖᐃᑕᔅ, ᑳ ᑮ ᐎᒉᐎᑦ, ᐁ ᒃᕆᑭᐎᑦ, ᑮ ᑫᒋᓀᓕᑖᑯᓯᐤ ᑭᒋ ᑭᔅᑭᓄᐙᒋᔣᑲᓂᐎᑦ:

ᑲᓓᔕᐊᓇ 3:28

ᓇᒪᐎᓚ ᐃᑖᐤ ᒎ ᓇᒪ ᓀᔥᑕ ᒃᕆᒃ, ᓇᒪᐎᓚ ᐃᑖᐤ ᐊᐗᑳᓐ ᓇᒪ ᓀᔥᑕ ᐅᑎᐯᓕᒥᑎᓱ, ᓇᒪᐎᓚ ᐃᑖᐤ ᓈᐯᐋᔭ ᓇᒪ ᓀᔥᑕ ᐃᔅᑴᐋᔭ: ᐌᓴ ᒥᓯᐌ ᐁ ᐃᑕᔑᔦᒃ ᑭ ᐯᔭᑯᓇᐗᐤ ᙭ ᒋᓴᓯᒃ᙮

ᑯᓚᔑᔭᓇ 3:11

ᐃᑕ ᐁᑳ ᐁ ᐃᑖᑦ ᒃᕆᒃ, ᐁᑳ ᓀᔥᑕ ᒎ, ᑭᔅᑭᓄᐙᒋᔓᐎᓐ, ᓇᒪ ᓀᔥᑕ ᓇᒪᑭᔅᑭᓄᐗᒋᔓᐎᓐ, ᐹᕐᐯᕆᔭᓐ, ᓯᑎᔭᓐ, ᐊᐗᑳᓐ, ᓇᒪ ᓀᔥᑕ ᑳ ᑎᐯᓕᒥᑎᓱᑦ: ᒫᑲ ᙭ ᒥᓯᐌ ᐁ ᑎᐯᓕᒫᑦ, ᓀᔥᑕ ᒥᓯᐌ ᐁ ᐱᒋᔅᑲᐙᑦ᙮

ᓂᔓ ᑎᒧᑎ 3:11

ᓂ ᑲᒀᑕᑭᐃᑯᓯᐎᓇ, ᓂᑦ ᐊᓕᒥᓯᐎᓇ ᑳ ᑮ ᐅᑎᑎᑯᔮᓐ ᐊᓐᑕ ᐋᓐᑎᐊᑭᒃ, ᓀᔥᑕ ᐋᐃᑯᓂᔭᒥᒃ, ᓀᔥᑕ ᓕᔅᑦᕋᐃᒃ: ᑫᑯ ᑲᒀᑕᑭᐃᑯᓯᐎᓇ ᐁ ᑮ ᓇᔭᑕᒫᓐ: ᒫᑲ ᒥᓯᐌ ᐁᐗᒀᓂᐃ ᐅᒋ ᐅᑎᐯᓕᒋᑫᐤ ᓂ ᑮ ᐎᑾᒋᐃᒃ᙮