ᐊᐸᔅᑕᓚᒃ 1:8 - ᐅᔅᑭ ᑎᔅᑌᒥᓐᑦ

⁸ ᒫᑲ ᑭ ᑳ ᒥᓕᑲᐎᓇᐗᐤ ᓱᑳᑎᓯᐎᓐ ᐃᔅᐱ ᑮ ᐅᑎᑎᑯᔦᑴ ᑳ ᐹᓓᑭᓯᑦ ᐊᒑᒃ: ᓀᔥᑕ ᒫᑲ ᑭ ᑳ ᑎᐹᒋᒥᓇᐗᐤ ᒋᕉᓴᓚᒥᒃ, ᓀᔥᑕ ᒥᓯᐌ ᒎᑎᐊᐃᒃ, ᓀᔥᑕ ᓴᒣᕆᔭᐃᒃ, ᓀᔥᑕ ᐱᓕᔥ ᒫᐗᒡ ᐁ ᐃᔥᒀᔮᒃ ᐊᔅᑭᒃ᙮

ᐊᐸᔅᑕᓚᒃ 1:8 Iomraidhean Croise

ᐅᐸᓓᑭᔅ ᒫᑎᐤ 24:14

ᐅᒪ ᐅᑭᒫᐎᐎᓂ ᒥᓗᐋᒋᒧᐎᓐ ᒫᑲ ᑲᑕ ᐙᐎᑖᑲᓂᐗᓐ ᒥᓯᐌ ᐊᔅᑮᒃ, ᑭᒋ ᐎᑕᒫᑯᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ; ᐁᑯ ᒫᑲ ᑫ ᐃᔥᒀᐸᓕᒃ᙮

ᐅᐸᓓᑭᔅ ᒫᑎᐤ 28:19

ᐁᐗᑯ ᐅᒋ ᒫᑲ ᑭᑐᑌᒃ, ᑭᔅᑭᓄᐊᒫᑯᒃ ᒫᑲ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ, ᐁ ᓯᑲᐋᑕᐌᑾᒃ ᐅᑖᐎᒪᐤ ᐅᑦ ᐃᔑᓂᑳᓱᐎᓂᒃ, ᓀᔥᑕ ᐅᑯᓯᓯᒪᐤ, ᓀᔥᑕ ᐯᓓᑭᓯᑦ ᐊᒑᒃ᙮

ᐅᐸᓓᑭᔅ ᒫᕐᒃ 16:15

ᑮ ᐃᑌᐤ ᒫᑲ, ᒥᓯᐌ ᐁᔅᐱᑕᔅᑲᒥᑳᒃ ᐃᑐᑌᒃ, ᐙᐎᑕᒫᑯᒃ ᒫᑲ ᒥᓯᐌ ᐯᒫᑎᓯᒋᒃ ᒥᓗᐋᒋᒧᐎᓂᓕᐤ᙮

ᐅᐸᓓᑭᔅ ᓘᒃ 1:35

ᐁᓐᒐᓪ ᒫᑲ ᑮ ᓇᔥᑴᐗᔑᐁᐤ, ᐁ ᐃᑖᑦ, ᐸᓓᑭ ᐊᒑᒃ ᑭ ᑳ ᐯᒋ ᐅᑎᑎᒃ, ᓀᔥᑕ ᒫᐗᒋ ᐁᔅᐯᓕᑖᑯᓯᑦ ᐅ ᑲᔥᑭᐅᐎᓐ ᑭ ᑳ ᐅᑲᐙᔅᑌᔅᑳᑯᐙᓐ: ᐁᐗᑯ ᐌᒋ ᐊᓂᒪ ᐸᓓᑭ ᑫᒀᓐ ᑫ ᓂᑖᐎᑭᑖᔭᓐ ᑭᒋᒪᓂᑐ ᐅᑯᓯᓴ ᑲᑕ ᐃᔑᓂᑳᑌᐤ᙮

ᐅᐸᓓᑭᔅ ᓘᒃ 10:19

ᒫᑎᑲ ᑭ ᒥᓕᑎᓇᐗᐤ ᑲᔥᑭᐅᐎᓐ ᑭᒋ ᑕᑕᑯᔅᑳᑌᑾᒃ ᒥᔑᑭᓀᐱᑾᒃ ᓀᔥᑕ ᔅᑲᕐᐱᔭᓇᒃ, ᓀᔥᑕ ᐅᐸᒀᔑᐌᐤ ᒥᓯᐌ ᐅ ᑲᔥᑭᐅᐎᓂᓕᐤ; ᓇᒪ ᓀᔥᑕ ᑫᒀᓐ ᐙᔦᔥ ᑭ ᑳ ᐃᔑ ᐋᑯᐃᑯᓇᐗᐤ᙮

ᐅᐸᓓᑭᔅ ᓘᒃ 24:29

ᑮ ᔖᑯᒋᒥᑯ ᒫᑲ, ᐁ ᐃᑗᓕᒋ, ᐎᒋᑕᔑᑫᒥᓈᓐ; ᐌᓴ ᐋᔕᔾ ᐊᑎ ᐅᑖᑯᔑᓐ, ᑭᔑᑲᐤ ᒫᑲ ᑫᑳᑦ ᐃᔥᒀᐸᓕᐤ᙮ ᐁᑯ ᐹᑐᑫᑦ ᑭᒋ ᐎᒋᑕᔑᑫᒫᑦ᙮

ᐅᐸᓓᑭᔅ ᒑᓐ 15:27

ᓀᔥᑕ ᑭᓚᐗᐤ ᐊᓯᒋ ᑭ ᑳ ᑎᐹᒋᒥᓇᐗᐤ, ᐁ ᑮ ᐎᒉᐎᔦᒃ ᓃᔥᑕᒻ ᐅᒋ᙮

ᐊᐸᔅᑕᓚᒃ 1:22

ᐁ ᒫᒋ ᐊᑭᑕᒪᒃ ᐅ ᓯᑲᐋᑖᑫᐎᓐ ᒑᓐ, ᐱᓕᔥ ᐊᓂᒪ ᐁ ᑭᔑᑳᒃ ᐃᔅᐱ ᐃᔥᐱᒥᒃ ᑳ ᐅᑎᓈᑲᓂᐎᑦ ᑭᓚᓈᓇᐤ ᐅᒋ, ᑫᒋᓈᔥ ᐯᔭᒃ ᑲᑕ ᐹᑳᓂᐋᑲᓂᐎᐤ ᑭᒋ ᑎᐹᑐᑕᒃ ᐊᓯᒋ ᑭᓚᓈᓇᐤ ᐁ ᑮ ᐗᓂᔥᑳᓕᒋ᙮

ᐊᐸᔅᑕᓚᒃ 1:5

ᐌᓴ ᒑᓐ ᑖᐺ ᑮ ᓯᑲᐋᑖᑫᐤ ᓂᐱ ᐅᒋ; ᒫᑲ ᑭᓚᐗᐤ ᑭ ᑳ ᓯᑲᐊᑖᑲᐎᓇᐗᐤ ᐸᓓᑭ ᐊᒑᒃ ᐅᒋ ᐸᒧᔑ ᒥᒉᑐ ᑭᔑᑳᐗ ᐃᓕᑯᒃ᙮

ᐊᐸᔅᑕᓚᒃ 13:31

ᓀᔥᑕ ᑮ ᐗᐸᒥᑯ ᒥᒉᑐ ᑭᔑᑳᐗ ᐊᓂᐃ ᑳᓕᓕᒃ ᑳ ᑮ ᐅᒋ ᐯᒋ ᐎᒉᐎᑯᑦ ᒋᕉᓴᓚᒥᒃ ᐃᔅᑯ, ᐊᓂᑭ ᑳ ᑎᐸᒋᒧᔅᑕᐙᒋᒃ ᐃᓕᓕᐗ ᐁ ᐊᓕᒧᒫᒋᒃ᙮

ᐊᐸᔅᑕᓚᒃ 2:32

ᐅᐅ ᒋᓴᓴ ᒫᑲ ᑭᒋᒪᓂᑐ ᒥᓇ ᑮ ᐗᓂᔥᑳᓀᐤ, ᐁᐗᒀᓂᒪ ᒫᑲ ᒥᓯᐌ ᐁ ᐃᑕᔑᔮᒃ ᓂ ᑎᐸᑐᑌᓈᓐ᙮

ᐊᐸᔅᑕᓚᒃ 22:15

ᐌᓴ ᐁ ᐅᑎᐹᒋᒧᐎᓕᓕᒥᔉ ᑭ ᑳ ᐋᓕᒧᑕᒪᐙᐗᒃ ᒥᓯᐌ ᐃᓕᓕᐗᒃ ᐊᓂᒪ ᑳ ᑮ ᐙᐸᑕᒪᓐ ᓀᔥᑕ ᑳ ᑮ ᐯᑕᒪᓐ᙮

ᐊᐸᔅᑕᓚᒃ 3:15

ᑭ ᑮ ᓂᐸᐋᐗᐤ ᒫᑲ ᐊᓇ ᑳ ᑎᐯᓕᑕᒃ ᐱᒫᑎᓯᐎᓂᓕᐤ, ᐊᓇ ᑭᒋᒪᓂᑐᐗ ᑳ ᑮ ᐗᓂᔥᑳᓂᑯᑦ ᐅᓂᐱᐗ ᐅᒋ; ᐁᐗᒀᓇ ᑳ ᑎᐸᒋᒪᑭᑦ᙮

ᐊᐸᔅᑕᓚᒃ 4:33

ᓀᔥᑕ ᑭᒋ ᓱᑳᑎᓯᐎᓇᒃ ᐊᐸᔅᑕᓚᒃ ᑮ ᑎᐹᑐᑕᒬᐗᒃ ᐅ ᐗᓂᔥᑳᐎᓂᓕᐤ ᑳ ᐅᑎᐯᓕᒋᑫᐗ ᒋᓴᓴ: ᑮ ᑭᒋ ᔕᐌᓕᑖᑯᓯᐗᒃ ᒫᑲ ᒥᓯᐌ ᐁ ᐃᑕᓯᒋᒃ᙮

ᐊᐸᔅᑕᓚᒃ 5:32

ᓂᓚᓈᓐ ᒫᑲ ᓂ ᑎᐸᒋᒨᔅᑕᒪᐙᓇᓐ ᐅᐅ ᑫᒀᓇ; ᐁᒀᓂ ᓀᔥᑕ ᐁ ᑐᑕᒃ ᑳ ᐸᓓᑭᓯᑦ ᐊᒑᒃ, ᐊᓂᐃ ᑭᒋᒪᓂᑐ ᑳ ᑮ ᒥᓛᑦ ᒥᓯᐌ ᑕᑐ ᑳ ᓇᓇᐃᑖᑯᑦ᙮

ᐊᐸᔅᑕᓚᒃ 6:8

ᔅᑎᐱᓐ ᒫᑲ, ᐁ ᓴᑲᔅᑭᓀᔅᑳᑯᑦ ᑖᐺᔦᓕᑕᒧᐎᓂᓕᐤ ᓀᔥᑕ ᑲᔥᑭᐅᐎᓂᓕᐤ, ᑮ ᑭᒋ ᑭᒋ ᒫᒪᔅᑲᒋᑐᑕᒻ ᓀᔥᑕ ᑮ ᒫᒪᔅᑳᒋᐃᓯᒋᑫᐤ ᐃᑕ ᐁ ᐃᑖᓕᒋ ᐃᓕᓕᐗ᙮

ᐊᐸᔅᑕᓚᒃ 8:1

ᓵᓪ ᒫᑲ ᑮ ᓇᔅᑯᒧ ᑭᒋ ᓂᐸᐃᒥᒋ᙮ ᐁᑯᔅᐱ ᒫᑲ ᓈᔅᐱᒡ ᑮ ᓇᓀᑲᒋᐋᑲᓂᐎᐙᒃ ᒫᒪᐎᐋᔭᒥᐋᐗᒃ ᒋᕉᓴᓚᒥᒃ ᑳ ᐃᑖᒋᒃ; ᓀᔥᑕ ᒥᓯᐌ ᑮ ᐗᓴᓶᑎᔕᐗᑲᓂᐎᐗᒃ ᒥᓯᐌ ᐁᔅᐱᔖᒃ ᒍᑎᐊᐃᒃ, ᓀᔥᑕ ᓵᒣᕆᔭᐃᒃ, ᐱᑯ ᐊᓂᑭ ᐊᐸᔅᑕᓚᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:18

ᒫᑲ ᓂᑦ ᐃᑣᓐ, ᓇᒪ ᓈ ᑮ ᐅᒋ ᐯᑕᒶᒃ? ᐁᐁ, ᑖᐺ, ᐅ ᐯᑖᑯᓯᐎᓂᐗᐤ ᑮ ᐃᔅᐸᓂᓕᐤ ᒥᓯᐌ ᐊᔅᑮᒃ, ᓀᔥᑕ ᐅᑦ ᐋᔭᒥᐎᓂᐙᐗ ᐁ ᐃᔅᒀᔮᒃ ᐊᔅᑮᒃ ᐃᔥᐱᔥ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:19

ᑭᒋ ᒫᒪᑖᐎ ᐃᓯᒋᑫᐎᓇ ᐅᒋ ᓀᔥᑕ ᒥᐋᒥᔅᑳᑌᓕᑖᑾᑭ, ᐅ ᑲᔥᑭᐅᐎᓂᓕᒃ ᐅᑦ ᐊᒑᑾ ᑭᒋᒪᓂᑐ; ᓀᔥᑕ ᒫᑲ ᒋᕉᓴᓚᒥᒃ ᐅᒋ, ᓀᔥᑕ ᒥᓯᐌ ᐙᔅᑲ ᐃᓕᕆᑲᒥᒃ ᐃᔅᑯ, ᒥᑐᓂ ᓂ ᑮ ᐙᐎᑕᒸᓐ ᐅ ᒥᓗᐋᒋᒧᐎᓐ ᙭᙮

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮