ᐊᐸᔅᑕᓚᒃ 1:2 - ᐅᔅᑭ ᑎᔅᑌᒥᓐᑦ

² ᐱᓕᔥ ᐊᓂᒪ ᐁ ᑭᔑᑳᒃ ᑳ ᑮ ᐅᑎᓈᑲᓂᐎᑦ ᐃᔥᐱᒥᒃ, ᐹᑎᒪ ᐎᓚ ᐸᓓᑭ ᐊᒑᑾ ᐅᒋ ᑳ ᑮ ᒥᓛᑦ ᐅᓚᔓᐌᐎᓚ ᐊᓂᐃ ᐊᐸᔅᑕᓚ ᑳ ᑮ ᐙᐌᓛᐸᒫᑦ;

ᐊᐸᔅᑕᓚᒃ 1:2 Iomraidhean Croise

ᐅᐸᓓᑭᔅ ᒫᑎᐤ 12:28

ᒫᑲ ᑮᔥᐱᓐ ᑭᒋᒪᓂᑐ ᐅᑦ ᐊᒑᑾ ᐅᒋ ᐗᓚᐎᐌᐱᓇᑭᒃ ᒪᒋ ᐊᒑᑾᒃ, ᐁᑯ ᐌᑎᑎᑯᐌᒃ ᑭᒋᒪᓂᑐ ᐅᑦ ᐅᑭᒫᐎᐎᓐ᙮

ᐅᐸᓓᑭᔅ ᒫᑎᐤ 3:16

ᒋᓴᔅ ᒫᑲ, ᐃᔅᐱ ᑳ ᑮ ᓯᑲᐋᑕᐙᑲᓂᐎᑦ, ᑣᔦᒃ ᑮ ᑲᐸᐤ; ᒫᑎᑲ ᒫᑲ, ᑭᒋᑭᔑᒃ ᑮ ᐹᔅᑭᑌᐸᓕᓕᐤ, ᑮ ᐙᐸᒥᒣᐤ ᒫᑲ ᑭᒋᒪᓂᑐ ᐅᑦ ᐊᒑᑾ ᐁ ᐸᑭᒋᓕᒋ ᑖᐱᔅᑯᒡ ᐅᒥᒦᒃ ᐁ ᐃᔑᓈᑯᓕᒋ, ᓀᔥᑕ ᐁ ᑗᐅᑖᑯᑦ:

ᐅᐸᓓᑭᔅ ᒫᕐᒃ 6:30

ᐊᐸᔅᑕᓚᒃ ᒫᑲ ᑮ ᒪᐗᓴᑯᓈᑌᐗᒃ ᒋᓴᓴ, ᓀᔥᑕ ᒥᓯᐌ ᑫᒀᓇ ᑮ ᐎᑕᒪᐌᐗᒃ, ᐙᐙᒡ ᑳ ᑮ ᑐᑕᑭᒃ, ᓀᔥᑕ ᑳ ᑮ ᑭᔅᑭᓄᐊᒫᑫᒋᒃ᙮

ᐅᐸᓓᑭᔅ ᓘᒃ 24:51

ᑮ ᐃᑭᓐ ᒫᑲ, ᒣᒀᒡ ᐁ ᒥᓦᑭᒫᑦ, ᑮ ᐹᑳᓈᐸᒣᐤ, ᓀᔥᑕ ᑮ ᐃᔑᐎᓚᐤ ᑭᒋᑭᔑᑯᒃ᙮

ᐅᐸᓓᑭᔅ ᓘᒃ 9:51

ᑮ ᐃᑭᓐ ᒫᑲ, ᐃᔅᐱ ᐌᑎᒋᐸᓕᒃ ᐃᔅᐱ ᑭᒋ ᐅᑎᓈᑲᓂᐎᑦ, ᑮ ᐃᔑᔅᑴᓕᐤ ᔮᓕᑌᓪ ᑭᒋ ᐃᑐᑌᑦ ᒋᕉᓴᓚᒥᒃ᙮

ᐅᐸᓓᑭᔅ ᒑᓐ 1:16

ᓀᔥᑕ ᐅ ᐱᓵᑯᓯᐎᓂᒃ ᐅᒋ ᒥᓯᐌ ᑭᓚᓈᓇᐤ ᑭ ᑮ ᐅᑎᓀᓈᓇᐤ, ᓀᔥᑕ ᔕᐌᓕᒋᑫᐎᓐ ᔕᐌᓕᒋᑫᐎᓐ ᐅᒋ᙮

ᐅᐸᓓᑭᔅ ᒑᓐ 13:1

ᐸᒧᔑ ᒫᑲ ᒥᔮᔥᑳᑫᐎ ᒪᑯᔖᓂᐗᓂᓕᒃ, ᐃᔅᐱ ᒋᓴᔅ ᑫᔅᑫᓕᑕᒃ ᐅ ᑎᐹᔨᑲᓐ ᐱᓯᒧᑳᓂᒃ ᐁ ᐅᑎᒋᐸᓕᓕᒃ ᐅᑕ ᐊᔅᑮᒃ ᑭᒋ ᐅᒋ ᑭᑐᑌᑦ ᐅᑖᐎᒪᐗ ᑭᒋ ᓈᑖᑦ, ᐁ ᑮ ᓵᑭᐋᑦ ᐊᓂᐃ ᑳ ᑎᐱᓚᐌᐎᓯᑦ ᐊᔅᑮᒃ ᑳ ᐃᑖᓕᒋ, ᑮ ᓵᑭᐁᐤ ᐱᓕᔥ ᐃᔅᒀᔮᒡ᙮

ᐅᐸᓓᑭᔅ ᒑᓐ 13:18

ᓇᒪᐎᓚ ᒥᓯᐌ ᐁ ᐃᑕᔑᔦᒃ ᑭᑦ ᐋᓕᒧᒥᑎᓇᐗᐤ: ᓂ ᑭᔅᑫᓕᒫᐗᒃ ᐊᓂᑭ ᑳ ᑮ ᐙᐌᓛᐸᒪᑭᒃ: ᒫᑲ ᑭᒋ ᒪᓯᓇᐃᑫᐎᓐ ᑭᒋ ᑎᐱᐸᓕᒃ, ᐊᓇ ᑳ ᐎᒋᒥᒋᓱᒥᑦ ᐊᓚᑯᓇᐗ, ᑮ ᐅᐱᓇᒻ ᐅᑐᑕᓐ ᑭᒋ ᒪᒋᑐᑖᐎᑦ᙮

ᐅᐸᓓᑭᔅ ᒑᓐ 13:3

ᒋᓴᔅ ᐁ ᑭᔅᑫᓕᑕᒃ ᐅᑖᐎᒪᐗ ᐁ ᑮ ᒥᓕᑯᑦ ᒥᓯᐌ ᑫᒀᓇ ᐅᒋᒌᒃ, ᓀᔥᑕ ᑭᒋᒪᓂᑐᒃ ᐁ ᐅᒌᑦ, ᓀᔥᑕ ᑭᒋᒪᓂᑐᐗ ᐁ ᓈᑖᑦ;

ᐅᐸᓓᑭᔅ ᒑᓐ 16:28

ᐅᑖᐎᒫᒃ ᓂ ᑮ ᐅᒌᓐ, ᓀᔥᑕ ᓂ ᑮ ᐯᒋ ᐃᑐᑖᓐ ᐊᔅᑮᒃ: ᒥᓇ, ᓂ ᓇᑲᑌᓐ ᐊᔅᑭ, ᓂ ᓈᑕᐤ ᒫᑲ ᐅᑖᐎᒪᐤ᙮

ᐅᐸᓓᑭᔅ ᒑᓐ 17:13

ᐊᓄᒡ ᒫᑲ ᑭ ᐯᒋ ᓈᑎᑎᓐ; ᓀᔥᑕ ᐅᐅ ᑫᒀᓇ ᓂᑦ ᐋᔭᒥᓐ ᐊᔅᑮᒃ, ᑭᒋ ᓵᑲᔅᑭᓀᔅᑳᑯᒋᒃ ᓂ ᒥᓚᐙᑕᒧᐎᓂᓕᐤ᙮

ᐅᐸᓓᑭᔅ ᒑᓐ 20:17

ᒋᓴᔅ ᐃᑌᐤ ᐁᑳᐎᓚ ᓵᒥᓂᓐ; ᐌᓴ ᓇᒪᐎᓚ ᐁᔥᑾ ᓂ ᑮ ᐅᐱᔅᑳᓐ ᑭᒋ ᓈᑕᒃ ᓄᑖᐎ: ᒫᑲ ᓇᑕᐙᐸᒥᒃ ᓂᒋᔖᓇᒃ, ᓀᔥᑕ ᐃᔑᒃ, ᓂᑦ ᐅᐱᔅᑳᓐ ᑭᒋ ᓈᑕᒃ ᓄᑖᐎ, ᓀᔥᑕ ᑯᑖᐎᐗᐤ; ᓀᔥᑕ ᓂ ᑭᒋᒪᓂᑐᒻ, ᑭ ᑭᒋᒪᓂᑐᒥᐗᐤ ᒫᑲ᙮

ᐅᐸᓓᑭᔅ ᒑᓐ 20:21

ᐁᑯ ᒋᓴᔅ ᒥᓇ ᐁᑖᑦ, ᑳᔮᒣᓕᑕᒧᐎᓐ ᑭ ᑳ ᐎ ᐋᔮᓇᐗᐤ: ᑖᐱᔅᑯᒡ ᓄᑖᐎ ᐁ ᑮ ᐯᒋᑎᔕᐅᑦ, ᐁᑯ ᓀᔥᑕ ᐁ ᐃᔑᑎᔕᐅᑕᑾᒃ᙮

ᐅᐸᓓᑭᔅ ᒑᓐ 3:34

ᐌᓴ ᐊᓇ ᑳ ᐃᑎᔕᐅᑯᑦ ᑭᒋᒪᓂᑐᐗ, ᐋᔭᒥᐌᐤ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐗ: ᐌᓴ ᑭᒋᒪᓂᑐᐗ ᓇᒪᐎᓚ ᑎᐯᓕᑕᒫᑯ ᐊᒑᑾ᙮

ᐅᐸᓓᑭᔅ ᒑᓐ 6:62

ᑫᒀᓐ ᒫᑲ ᑮᔥᐱᓐ ᑫ ᐙᐸᒣᑴ ᐃᓕᓕᐎᑯᓯᓵᓐ ᐁ ᐅᐱᔅᑳᑦ ᐃᑕ ᓃᔥᑕᒻ ᑳ ᑭ ᐃᑖᑦ᙮

ᐅᐸᓓᑭᔅ ᒑᓐ 6:70

ᒋᓴᔅ ᑮ ᓇᔥᑴᐗᔑᐁᐤ, ᓇᒪ ᓈ ᑭ ᑮ ᐙᐌᓛᐸᒥᑎᓇᐗᐤ ᑭᓚᐗᐤ ᐁ ᓂᔓᔖᐱᔦᒃ, ᐯᔭᒃ ᐁ ᐃᑕᔑᔦᒃ ᒫᑲ ᐁ ᒪᒋᒪᓂᑐᐎᑦ?

ᐊᐸᔅᑕᓚᒃ 1:11

ᑳ ᐃᑗᒋᒃ ᒫᑲ, ᑭᓚᐗᐤ ᐃᓕᓕᑐᒃ ᑲᓕᓖᒃ ᐅᒋ, ᑖᓀᑭ ᐌᒋ ᐃᔑᑳᐸᐎᔦᒃ ᐁ ᐃᑖᐱᔦᒃ ᑭᒋᑭᔑᑯᒃ? ᐊᐗ ᑫᔮᐸᒡ ᒋᓴᔅ, ᑳ ᐅᑎᓈᑲᓂᐎᑦ ᐃᔥᐱᒥᒃ ᐃᔑ ᑭᓚᐗᐤ ᐅᒋ, ᐁᑯ ᑖᐱᔅᑯᒡ ᑫ ᐃᔑ ᑕᑯᔑᒃ, ᑳ ᐃᔑ ᐙᐸᒣᒃ ᐁ ᐃᑐᑌᑦ ᑭᒋᑭᔑᑯᒃ᙮

ᐊᐸᔅᑕᓚᒃ 1:13

ᐃᔅᐱ ᒫᑲ ᑳ ᐱᑐᑫᒋᒃ, ᑮ ᑯᔅᐹᑕᐎᐗᒃ ᐃᔥᐱᒥᒃ ᐱᔅᑭᒋᐙᔅᑳᔨᑲᓂᒃ, ᑳ ᐃᔑ ᑕᔑᑫᒋᒃ ᐱᑕᕐ, ᓀᔥᑕ ᒉᒻᔅ, ᓀᔥᑕ ᒑᓐ, ᓀᔥᑕ ᐋᓐᑦᕉ, ᐱᓕᑉ, ᓀᔥᑕ ᑕᒪᔅ, ᐹᕐᑕᓚᒻᔫ, ᓀᔥᑕ ᒫᑎᐤ, ᒉᒻᔅ, ᐋᓪᐱᔭᔅ ᐅᑯᓯᓴ, ᓀᔥᑕ ᓵᐃᒪᓐ ᓯᓗᑎᔅ, ᓀᔥᑕ ᒎᑕᔅ ᐎᒋᔖᓇ ᒉᒻᔅ᙮

ᐊᐸᔅᑕᓚᒃ 1:22

ᐁ ᒫᒋ ᐊᑭᑕᒪᒃ ᐅ ᓯᑲᐋᑖᑫᐎᓐ ᒑᓐ, ᐱᓕᔥ ᐊᓂᒪ ᐁ ᑭᔑᑳᒃ ᐃᔅᐱ ᐃᔥᐱᒥᒃ ᑳ ᐅᑎᓈᑲᓂᐎᑦ ᑭᓚᓈᓇᐤ ᐅᒋ, ᑫᒋᓈᔥ ᐯᔭᒃ ᑲᑕ ᐹᑳᓂᐋᑲᓂᐎᐤ ᑭᒋ ᑎᐹᑐᑕᒃ ᐊᓯᒋ ᑭᓚᓈᓇᐤ ᐁ ᑮ ᐗᓂᔥᑳᓕᒋ᙮

ᐊᐸᔅᑕᓚᒃ 1:9

ᐃᔅᐱ ᒫᑲ ᐅᐅ ᑫᒀᓇ ᑳ ᑮ ᐃᑗᑦ, ᒣᒀᒡ ᐁ ᑲᓇᐙᐱᓕᒋ, ᑮ ᐅᐱᓈᑲᓂᐎᐤ, ᓀᔥᑕ ᐗᔅᑯᒃ ᑮ ᐅᑎᓈᑲᓂᐎᐤ, ᑮ ᐹᔑᑯᓈᑯᓰᔅᑖᑯᐗᒃ ᒫᑲ᙮

ᐊᐸᔅᑕᓚᒃ 10:38

ᑭᒋᒪᓂᑐ ᑳ ᐃᔑ ᑕᒫᔅᑯᓈᑦ ᒋᓴᓴ ᓈᓴᕋᑎᒃ ᑳ ᐅᒌᓕᒋ ᑳ ᐸᓓᑭᓯᓕᒋ ᐊᒑᑾ ᓀᔥᑕ ᓱᑳᑎᓯᐎᓂᓕᐤ ᐅᒋ; ᐊᓇ ᑳ ᐸᐹᐃᑐᑌᑦ ᐁ ᒥᓗᑐᑖᑫᑦ, ᓀᔥᑕ ᐁ ᒥᓇᐙᒋᐋᑦ ᒥᓯᐌ ᐊᓂᐃ ᑳ ᓇᓀᑳᒋᐃᑯᓕᒋ ᒪᒋᒪᓂᑐᐗ: ᐌᓴ ᑭᒋᒪᓂᑐᐗ ᑮ ᐎᒉᐎᑯ᙮

ᑲᓓᔕᐊᓇ 1:1

ᐹᓪ, ᐯᔭᒃ ᐊᐸᔅᑕᓪ, ᓇᒪᐎᓚ ᐃᓕᓕᐗᒃ ᐅᒋ, ᓇᒪ ᓀᔥᑕ ᐃᓕᓕᐤ ᐅᒋ, ᒫᑲ ᒋᓴᔅ ᙭ ᐅᒋ, ᓀᔥᑕ ᑭᒋᒪᓂᑐ ᐌᐅᑖᐎᒪᐎᑦ, ᐊᓇ ᑳ ᑮ ᐗᓂᔥᑳᓈᑦ ᐅᓂᐱᐗ ᐅᒋ;

ᐃᐱᓯᔭᓇ 2:20

ᓀᔥᑕ ᐁ ᒋᒪᓕᑲᐎᔦᒃ ᐃᑕ ᐁ ᐋᒋᔪᑖᓂᐗᒃ ᐁᐗᑯ ᐊᐸᔅᑕᓚᒃ ᓀᔥᑕ ᐅᑭᔅᑭᐙᐃᑫᐗᒃ, ᒋᓴᔅ ᙭ ᑫᒋᐙᒃ ᐁ ᐋᐎᑦ ᒫᐗᒋ ᑭᒋ ᐊᓯᓂ ᑭᑫᔮᒃ;

ᓂᔥᑕᒻ ᑎᒧᑎ 3:16

ᓀᔥᑕ ᐁᑳ ᐁ ᑶᑕᐎᐃᑌᓕᒋᑳᑌᒃ ᑭᔅᑌᓕᑖᑾᓐ ᐁ ᐃᔑ ᒫᒪᔅᑳᑌᓕᑖᑾᒃ ᒪᓂᑐᐙᑎᓯᐎᓐ: ᑭᒋᒪᓂᑐ ᑮ ᓄᑯᐊᐤ ᐎᔮᓯᒃ, ᑭ ᒀᔭᔅᑲᑎᓯᐊᐤ ᐊᒑᑯᒃ, ᑮ ᐙᐸᒥᑯ ᐁᓐᒐᓚ, ᑮ ᐋᓕᒧᑕᒧᐗᐗᒃ ᒉᓐᑖᐃᓚᒃ, ᑮ ᑖᐺᔦᓕᒪᐤ ᐊᔅᑮᒃ, ᐃᔥᐱᒥᒃ ᑮ ᐅᑎᓇᐤ ᑭᔅᑌᓕᑖᑯᓯᐎᓂᒃ᙮

ᐦᐃᑉᕉᐗ 9:24

ᐌᓴ ᙭ ᓇᒪᐎᓚ ᑮ ᐱᑐᑫᐤ ᐃᑕ ᑳ ᐸᓓᑲᑭ ᒥᒋᒋᔭ ᑳ ᐅᒋ ᐅᔑᑖᓂᐗᑭ, ᑳ ᓇᔅᐱᑕᒧᒪᑲᑭ ᐃᑕ ᑖᐺ ᑳ ᐸᓓᑲᒃ; ᒫᑲ ᑭᒋᑭᔑᑯᒃ ᑫᒋᐙᒃ ᐁᑯᑕ ᐊᓄᒡ ᑭᒋ ᓄᑯᓯᔅᑕᒫᑕᒃ ᐅᑎᔥᑲᐤ ᑭᒋᒪᓂᑐᐗ:

ᓂᔥᑕᒻ ᐱᑕᕐ 3:22

ᐊᓇ ᑭᒋᔑᑯᒃ ᑳ ᐃᑐᑌᑦ, ᓀᔥᑕ ᑳ ᐃᑖᑦ ᑭᒋᒪᓂᑐᐗ ᐅ ᑭᒋᓂᔅᑭᓕᒃ: ᐁᓐᒐᓚ, ᓀᔥᑕ ᑎᐯᓕᒋᑫᐎᓇ, ᓀᔥᑕ ᑲᔥᑭᐅᐎᓇ ᐁ ᑎᐯᓕᑕᒥᐋᑲᓂᐎᑦ᙮

ᓂᔓ ᐱᑕᕐ 3:2

ᑭᒋ ᒥᑐᓀᓕᑕᒣᒃ ᐊᓂᐃ ᐋᔭᒥᐎᓇ ᐌᔅᑳᒡ ᑳ ᑮ ᐃᑗᒋᒃ ᐊᓂᑭ ᐸᓓᑭ ᐅᑭᔅᑭᐙᐃᑫᐗᒃ, ᓀᔥᑕ ᐊᓂᐃ ᑳ ᑮ ᐃᑕᔓᐌᔮᒃ ᓂᓚᓈᓐ ᐅᑦ ᐊᐸᔅᑕᓕᒪ ᐅᑎᐯᓕᒋᑫᐤ ᐯᒫᒋᐃᐌᑦ;

ᑭᔅᑫᓕᑖᑯᑖᑫᐎᓐ 1:1

ᐅ ᑭᔅᑫᓕᑖᑯᑖᑫᐎᓐ ᒋᓴᔅ ᙭, ᑳ ᑮ ᒥᓕᑯᑦ ᑭᒋᒪᓂᑐᐗ, ᑭᒋ ᐙᐸᑎᓛᑦ ᐅᑦ ᐊᑑᔅᑫᓛᑲᓂᒪ ᑫᒀᓇ ᐎᐸᒡ ᑫ ᐯᒋ ᐅᑎᒋᐸᓕᑭ; ᑮ ᐃᔑᑎᔕᐊᒪᐌᐤ ᒫᑲ, ᓀᔥᑕ ᑮ ᐋᓕᒧᑕᒪᐌᐤ ᐅᑦ ᐊᑑᔅᑫᓚᑲᓂᒪ ᒑᓇ, ᐅᑦ ᐁᓐᒐᓕᒪ ᐅᒋ;

ᑭᔅᑫᓕᑖᑯᑖᑫᐎᓐ 2:11

ᐊᓇ ᑳ ᐅᑖᐗᑳᑦ, ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐊᐗ; ᐊᓇ ᑳ ᔖᑯᒋᐃᐌᑦ ᓇᒪᐎᓚ ᑲᑕ ᐊᑯᐃᑯ ᐊᓂᐁᓕᐤ ᓂᔓ ᓂᐱᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 2:17

ᐊᓇ ᑳ ᐅᑖᐗᑳᑦ ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐊᐗ! ᐊᓇ ᑳ ᔖᑯᒋᐃᐌᑦ ᓂ ᑳ ᒥᓚᐤ ᑭᒋ ᒥᒋᑦ ᑳ ᑳᒋᑳᑌᓕᒃ ᒫᓇ, ᓂ ᑳ ᒥᓚᐤ ᓀᔥᑕ ᐙᐸᓯᓂᔭ, ᓀᔥᑕ ᐊᓯᓂᒃ ᐅᔥᑭ ᐃᔑᓂᑳᓱᐎᓐ ᐁ ᒪᓯᓇᐃᑳᑌᒃ, ᐁᑳ ᐊᐌᓇ ᐃᓕᓕᐤ ᑳ ᑭᔅᑫᓕᑕᒃ, ᐊᓇ ᐱᑯ ᑳ ᐅᑎᓇᒃ᙮

ᑭᔅᑫᓕᑖᑯᑖᑫᐎᓐ 2:29

ᐊᓇ ᑳ ᐅᑖᐗᑳᑦ, ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐋᐗ᙮

ᑭᔅᑫᓕᑖᑯᑖᑫᐎᓐ 2:7

ᐊᓇ ᑳ ᐅᑖᐗᑳᑦ, ᐁᑯᔑ ᑲᑕ ᐯᑕᒻ ᐋᒑᒃ ᑳ ᐃᑖᑦ ᒫᒪᐎᐋᔭᒥᐋᐗ; ᐊᓇ ᑳ ᔖᑯᒋᐃᐌᑦ, ᓂ ᑳ ᒥᓚᐤ ᐱᒫᑎᓯᐎᓂ ᒥᔅᑎᑯᒃ ᑭᒋ ᐅᒋ ᒥᒋᓱᑦ, ᑳ ᐃᑖᓕᒋ ᑌᑖᐎᒡ ᐅ ᐹᕋᑕᐃᓯᒥᒃ ᑭᒋᒪᓂᑐ᙮

ᑭᔅᑫᓕᑖᑯᑖᑫᐎᓐ 21:14

ᐊᓂᒪ ᐃᑖᐎᓂ ᒣᓂᑲᓐ ᒫᑲ ᑮ ᐋᔮᒪᑲᓐ ᓂᔓᔖᑉ ᐅᓚᔅᑕᒋᑫᐎᓇ, ᐁᑯᑕ ᒫᑳ ᐁᑕᑾᓂᓕᑭ ᐅᑦ ᐃᔑᓂᑳᓱᐎᓂᐙᐗ ᓂᔓᔖᑉ ᐅᑦ ᐊᐸᔅᑕᓕᒪ ᒫᓂᔥᒑᓂᔑᔥ᙮

ᑭᔅᑫᓕᑖᑯᑖᑫᐎᓐ 3:13

ᐊᓇ ᑳ ᐅᑖᐗᑳᑦ ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐊᐗ᙮

ᑭᔅᑫᓕᑖᑯᑖᑫᐎᓐ 3:16

ᐁᑯᔑ ᒫᑲ ᐁ ᑭᔓᔭᒥᓯᔭᓐ, ᐁᑳ ᒫᑲ ᐁ ᑕᑭᓯᔭᓐ ᐁᑳ ᓀᔥᑕ ᐁ ᑭᓯᓱᔭᓐ, ᑭ ᑳ ᐹᑯᒧᑐᑖᑎᓐ ᓂᑐᓂᒃ ᐅᒋ᙮

ᑭᔅᑫᓕᑖᑯᑖᑫᐎᓐ 3:22

ᐊᓇ ᑳ ᐅᑖᐗᑳᑦ, ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐊᐗ᙮