ᓂᔅᑐ ᒑᓐ 1:10 - ᐅᔅᑭ ᑎᔅᑌᒥᓐᑦ

¹⁰ ᐁᐗᑯ ᐅᒋ, ᑮᔥᐱᓐ ᑕᑯᔑᓂᔮᓀ, ᓂ ᑳ ᑭᔅᑭᓯᑐᑕᒸᓐ ᐅᑦ ᐃᓯᒋᑫᐎᓇ ᑳ ᑐᑕᒃ, ᐁ ᐸᑾᓄᒥᔭᒥᑦ ᑭᒧᒋᐸᒀᔑᐌᐎ ᐋᔭᒥᐎᓇ ᐅᒋ: ᐁᑳ ᒫᑲ ᐅᒣᓕᐤ ᐁ ᑌᐯᓕᑕᒃ ᐱᑯ, ᓇᒪᐎᓚ ᑫᒋᐙᒃ ᐅᑎᓀᐤ ᑳ ᐋᔭᒥᐋᐎ ᐎᒋᔖᓂᑐᓕᒋ, ᑭᑕᐊᒪᐌᐤ ᒫᑲ ᐊᓂᐃ ᑳ ᐎ ᐅᑎᓈᓕᒋ, ᐁ ᐗᓚᐎᐌᐱᓈᑦ ᓀᔥᑕ ᒫᒪᐎᐋᔭᒥᐊᐗ ᐅᒋ᙮

ᓂᔅᑐ ᒑᓐ 1:10 Iomraidhean Croise

ᐅᐸᓓᑭᔅ ᓘᒃ 6:22

ᑭ ᔕᐌᓕᑖᑯᓯᓇᐗᐤ ᐃᔅᐱ ᐗᑳᑎᑖᑾᐌ ᐃᓕᓕᐗᒃ, ᓀᔥᑕ ᐹᑳᓂᐃᑖᑾᐌ ᐁᑳ ᑭᒋ ᐎᒉᐌᑾᒃ, ᓀᔥᑕ ᒪᒋ ᐋᔭᒥᐃᑖᑾᐌ, ᓀᔥᑕ ᐗᓚᐎᐌᐱᓇᑾᐌ ᑭᑦ ᐃᔑᓂᑳᓱᐎᓂᐙᐗ ᑖᐱᔅᑯᒡ ᐁ ᒫᓛᑕᑲ, ᐃᓕᓕᐎᑯᓯᓵᓐ ᐅᒋ᙮

ᐅᐸᓓᑭᔅ ᒑᓐ 9:22

ᐅᐅ ᐋᔭᒥᐎᓇ ᑮ ᐃᑗᓕᐗ ᐅᓂᑭᐃᑾ, ᐁ ᑯᔅᑖᓕᒋ ᒎᐗ: ᐌᓴ ᒎᐗᒃ ᐋᔕᔾ ᑮ ᓇᔅᑯᒥᑐᐗᒃ, ᑮᔥᐱᓐ ᐊᐌᓇ ᑫ ᐃᑗᑴ ᐁ ᐋᐎᓕᒋ ᙭, ᐋᔭᒥᐁᐎᑲᒥᑯᒃ ᑭᒋ ᐅᒋ ᐗᓚᐎᑎᔑᓈᑲᓂᐎᑦ᙮

ᐊᐸᔅᑕᓚᒃ 1:15

ᒣᒀᒡ ᒫᑲ ᐊᓂᐃ ᑭᔑᑳᐗ ᐱᑕᕐ ᑮ ᓂᐸᐎᐤ ᑌᑖᐎᒡ ᑭᔅᑭᓄᐊᒪᐙᑲᓇ, ᑮ ᐃᑗᐤ ᒫᑲ (ᐁ ᐃᑕᑎᓂᓕᑭ ᐅᑦ ᐃᔑᓂᑳᓱᐎᓂᐗᐗ ᓈᓐᑕᐤ ᒥᑖᑐᒥᑕᓇᐤ ᓂᔑᑎᓇᐤ ᓀᔥᑕ):

ᓂᔓ ᑯᕆᓐᑎᐊᓇ 13:2

ᐋᔕᔾ ᑭ ᑮ ᐎᑕᒫᑎᓇᐗᐤ, ᓀᔥᑕ ᓂᑳᓐ ᑭ ᐎᑕᒫᑎᓇᐗᐤ᙮ ᑖᐱᔅᑯᒡ ᐁ ᐎᒉᐎᑕᑾᒃ, ᐁᑯ ᓂᔡᐤ; ᓀᔥᑕ, ᐁ ᐃᑖᐱᒋᔮᓐ, ᐊᓄᒡ ᓂ ᒪᓯᓇᐊᒪᐙᐗᒃ ᐊᓂᑭ ᐋᔕᔾ ᑳ ᑮ ᒫᒪᒋᑐᑕᑭᒃ, ᓀᔥᑕ ᒥᓯᐌ ᑯᑕᑭᔭᒃ, ᑮᔥᐱᓐ ᒥᓇ ᑕᑯᔑᓂᔮᓀ ᓇᒪᐎᓚ ᓂ ᑳ ᒪᓈᒋᐃᐙᓐ:

ᑲᓓᔕᐊᓇ 6:10

ᒣᒀᒡ ᒫᑲ ᐁ ᓇᐃᐸᓕᐃᑯᔭᒃ, ᐁᑯᔑ ᒥᓄᑐᑕᐙᑖᓇᒃ ᒥᓯᐌ ᐃᓕᓕᐗᒃ, ᐅᓵ ᒫᑲ ᐊᓂᑭ ᑳ ᐊᔑᑕᑭᒫᑲᓂᐎᒋᒃ ᐊᓂᐃ ᑳ ᑖᐺᔦᓕᑕᒥᓕᒋ᙮

ᓂᔥᑕᒻ ᑎᒧᑎ 5:13

ᐊᓯᒋ ᓀᔥᑕ ᑲᑕ ᐎ ᑭᑎᒥᐗᒃ, ᐹᐱᑐᔥ ᐙᔅᑲᔨᑲᓂᒃ ᐁ ᐸᐹᐃᑐᑌᒋᒃ; ᓇᒪᐎᓚ ᓀᔥᑕ ᐁ ᑭᑎᒥᒋᒃ ᐱᑯ, ᒫᑲ ᐁ ᐅᓵᒥᑐᓂᒋᒃ ᐊᓯᒋ, ᓀᔥᑕ ᐁ ᑭᐅᑫᔅᑭᒋᒃ, ᐁ ᐋᓕᒧᑕᑭᒃ ᐊᓂᐃ ᑫᒀᓇ ᐁᑳ ᑫ ᑮ ᐋᓕᒧᑕᒧᐙᔅᐸᓐ᙮

ᓂᔓ ᒑᓐ 1:10

ᑮᔥᐱᓐ ᐯᒋ ᓈᑎᑖᑴ ᐊᐌᓇ ᐁᑳ ᐁ ᐯᑖᑦ ᐅᒣᓕᐤ ᑭᔅᑭᓄᐊᒫᑫᐎᓂᓕᐤ, ᐁᑳᐎᓚ ᐱᑐᑲᐃᒃ ᑭᑭᐙᒃ, ᐁᑳᐎᓚ ᓀᔥᑕ ᐎᑕᒫᒃ ᑭᒋ ᒥᓨᐸᒣᐎᓯᑦ᙮

ᓂᔓ ᒑᓐ 1:12

ᐁ ᐋᔮᔮᓐ ᒥᒉᑦ ᑫᒀᓇ ᑭᒋ ᒪᓯᓇᐊᒫᑕᑾᒃ, ᓇᒪᐎᓚ ᓂ ᑳ ᐎᑌᓐ ᐁ ᐋᐸᒋᑖᔮᓐ ᒪᓯᓇᐃᑲᓍᓐ ᓀᔥᑕ ᒪᓯᓇᐃᑲᓇᐳ: ᒫᑲ ᓂ ᐸᑯᓭᓕᑌᓐ ᑭᒋ ᓈᑎᑖᑾᒃ, ᐁᑯ ᑭᑐᓂᓈᒃ ᑭᒋ ᐋᔭᒥᐃᑐᔭᒃ, ᑭ ᒥᓚᐙᑕᒧᐎᓂᐗᐤ ᑭᒋ ᓵᑲᔅᑭᓀᒃ᙮

ᓂᔅᑐ ᒑᓐ 1:3

ᐌᓴ ᓈᔅᐱᒡ ᓂ ᑮ ᒥᓚᐙᑌᓐ ᐃᔅᐱ ᐎᒋᔖᓂᒪᐗᒃ ᑳ ᑕᑯᔑᑭᒃ ᐁ ᐋᓕᒧᑕᑭᒃ ᐁ ᐃᔑ ᐱᒋᔅᑳᑯᔭᓐ ᑖᐺᐎᓐ, ᑖᐱᔅᑯᒡ ᓀᔥᑕ ᐁ ᐃᔑ ᐱᒧᑌᔭᓐ ᑖᐺᐎᓂᒃ᙮

ᓂᔅᑐ ᒑᓐ 1:5

ᓯᐋᑭᐃᑖᓐ, ᒀᔭᔉ ᑭᑦ ᐃᑐᑌᓐ ᒥᓯᐌ ᑫᒀᓐ ᑳ ᑐᑕᒪᐗᒋᒃ ᑳ ᐋᔭᒥᐋᐎ ᐎᒋᔖᓂᑐᒋᒃ, ᓀᔥᑕ ᒫᓐᑌᐗᒃ;