ᓂᔓ ᑎᒧᑎ 4:18 - ᐅᔅᑭ ᑎᔅᑌᒥᓐᑦ

¹⁸ ᐅᑎᐯᓕᒋᑫᐤ ᒫᑲ ᓂ ᑳ ᐎᑾᒋᐃᒃ ᒥᓯᐌ ᑕᑐ ᒪᒋ ᐊᑐᔅᑫᐎᓂᒃ ᐅᒋ, ᓀᔥᑕ ᓂ ᑳ ᑲᓇᐌᓕᒥᒃ ᐅ ᑭᒋᑭᔑᑲᐎ ᐅᑭᒫᐎᐎᓂᒃ ᐃᔑ: ᐁᐗᒀᓇ ᑫ ᐎ ᑭᔅᑌᓕᑖᑯᐋᑲᓂᐎᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᓂᔓ ᑎᒧᑎ 4:18 Iomraidhean Croise

ᐅᐸᓓᑭᔅ ᒫᑎᐤ 13:43

ᐁᑯ ᐅᒀᔭᔅᑭᑖᑎᓯᐗᒃ ᑫ ᐙᓯᓱᒋᒃ ᑖᐱᔅᑯᒡ ᐱᓯᒻ ᐅᑖᐎᐙᐗ ᐅᑦ ᐅᑭᒫᐎᐎᓂᓕᒃ᙮ ᐊᐌᓇ ᐌᑖᐗᑳᑴ ᑭᒋ ᐯᑕᒃ, ᐁᑯᔑ ᑲᑕ ᐯᑕᒻ᙮

ᐅᐸᓓᑭᔅ ᒫᑎᐤ 25:34

ᐁᑯ ᑭᒋᐅᑭᒪᐤ ᑫ ᐃᑖᑦ ᐊᓂᐃ ᐅ ᑭᒋᓂᔅᑮᒃ, ᐋᔅᑕᒥᑐᒃ, ᑭᓚᐗᐤ ᑳ ᒥᓦᑭᒥᑖᒃ ᓄᑖᐎ, ᐯᒋ ᐋᔮᒃ ᐊᓂᒪ ᐅᑭᒫᐎᐎᓐ ᑳ ᑮ ᐋᔦᔅᑳᐎᑕᒫᑲᐎᔦᒃ ᐊᔅᐱᓐ ᓃᔥᑕᒻ ᐁ ᐊᔅᑭᐗᒃ:

ᐅᐸᓓᑭᔅ ᒫᑎᐤ 6:13

ᐁᑳᐎᓚ ᒫᑲ ᐃᑐᑕᐃᓈᓐ ᑫ ᐃᔑ ᑲᑴᒋᐃᑲᐎᔮᒃ; ᒫᑲ ᒥᑖᑴᓇᒪᐎᓈᓐ ᒪᒋ ᑫᒀᓇ: ᐌᓴ ᑭᓚ ᑭ ᑎᐱᓚᐌᐎᓯᓐ ᐅᑭᒪᐎᐎᓐ, ᓀᔥᑕ ᑲᔥᑭᐅᐎᓐ, ᓀᔥᑕ ᑭᔅᑌᓖᑖᑯᓯᐎᓐ, ᑳᑭᑫ᙮ ᐁᒣᓐ᙮

ᐅᐸᓓᑭᔅ ᓘᒃ 11:4

ᐌᐯᓕᑕᒪᐎᓈᓐ ᒫᑲ ᓂ ᒪᒋᑐᑕᒧᐎᓂᓈᓇ; ᐌᓴ ᓂᓚᓈᓐ ᓀᔥᑕ ᓂ ᐌᐯᓕᑕᒪᐙᓈᓐ ᒥᓯᐌ ᑕᑐ ᐊᐌᓇ ᑳ ᒪᓯᓇᐃᑫᑐᑕᐎᔭᒥᑦ᙮ ᐁᑳᐎᓚ ᒫᑲ ᐃᑐᑕᐃᓈᓐ ᑫ ᐃᔑ ᑲᑴᒋᐃᑲᐎᔮᒃ; ᒫᑲ ᒥᑖᑴᓇᒪᐎᓈᓐ ᒪᒋ ᑫᒀᓇ᙮

ᐅᐸᓓᑭᔅ ᓘᒃ 12:32

ᐁᑳᐎᓚ ᓭᑭᓯᒃ, ᐁ ᒐᑲᐙᔑᔑᔦᒃ ᒫᓂᔥᒑᓂᔑᑐᒃ; ᐌᓴ ᑰᑖᐎᐗᐤ ᒥᓜᓕᑕᒻ ᑭᒋ ᒥᓕᑖᒃ ᐊᓂᐁᓕᐤ ᐅᑭᒫᐎᐎᓂᓕᐤ᙮

ᐅᐸᓓᑭᔅ ᓘᒃ 22:29

ᑭ ᐸᑭᑎᓇᒫᑎᓇᐗᐤ ᒫᑲ ᐅᑭᒫᐎᐎᓐ, ᑖᐱᔅᑯᒡ ᐁ ᑮ ᐸᑭᑎᓇᒪᐎᑦ ᓄᑖᐎ;

ᐅᐸᓓᑭᔅ ᒑᓐ 17:15

ᓇᒪᐎᓚ ᓂᑦ ᐋᔭᒥᐋᓐ ᐊᔅᑮᒃ ᑭᒋ ᐅᒋ ᐅᑎᓇᒋᒃ, ᒫᑲ ᑭᒋ ᑲᓇᐌᓕᒪᒋᒃ ᑳ ᒫᓛᑕᓂᓕᒃ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:36

ᐌᓴ ᐎᓚ ᐅᒋᐸᓕᐗ, ᓀᔥᑕ ᐎᓚ ᐅᒋ, ᓀᔥᑕ ᐎᓚ ᑭᒋ ᐋᔮᑦ, ᐃᑕᒀᓋ ᒥᓯᐌ ᑫᒀᓇ: ᑲᑕ ᐎ ᐋᔭᐤ ᒫᑲ ᑭᔅᑖᒋᒥᑯᓯᐎᓂᓕᐤ ᑳᑭᑫ᙮ ᐁᒣᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:27

ᑭᒋᒪᓂᑐ ᐎᓚ ᐱᑯ ᑳ ᑲᑫᑕᐌᓕᑕᒃ, ᑲᑕ ᐎ ᒫᒥᒋᒫᑲᓂᐎᐤ ᒋᓴᔅ ᙭ ᐅᒋ ᑳᑭᑫ᙮ ᐁᒣᓐ᙮

ᓂᔥᑕᒻ ᑯᕆᓐᑎᐊᓇ 1:21

ᐌᓴ ᐹᑎᒫ, ᐅ ᑲᑫᑕᐌᓕᑕᒧᐎᓂᒃ ᑭᒋᒪᓂᑐ, ᐊᔅᑮᒃ ᑳ ᐃᑖᒋᒃ ᑲᑫᑕᐌᓕᑕᒧᐎᓂᒃ ᐁᑳ ᐁ ᐅᒋ ᑭᔅᑫᓕᒫᒋᒃ ᑭᒋᒪᓂᑐᐗ, ᑮ ᐃᔑ ᒥᓜᓕᑕᒻ ᑭᒋᒪᓂᑐ ᐁ ᐃᔑ ᑮᔥᑴᒪᑲᒃ ᑲᑫᔅᑭᒥᐌᐎᓐ ᐅᒋ ᑭᒋ ᐱᒫᒋᐋᑦ ᐊᓂᐃ ᑳ ᑖᐺᔦᓕᑕᒥᓕᒋ᙮

ᓂᔥᑕᒻ ᑯᕆᓐᑎᐊᓇ 10:13

ᓇᒪᐎᓚ ᑲᑴᒋᐃᐌᐎᓐ ᑭ ᑮ ᐅᒋ ᒫᑯᓂᑯᓇᐗᐤ ᐊᓂᐃ ᐱᑯ ᒧᔕᒃ ᑳ ᐅᑎᑎᑯᒋᒃ ᐃᓕᓕᐗᒃ: ᒫᑲ ᑭᒋᒪᓂᑐ ᒀᔭᔅᑭᑎᐤ, ᓇᒪᐎᓚ ᒫᑲ ᑭ ᑳ ᐸᑭᑎᓂᑯᐗᐤ ᐊᐙᓯᑌ ᑭᒋ ᑲᑴᒋᐃᑲᐎᔦᒃ ᐁ ᐃᔅᐱᒋ ᓱᑳᑎᓯᔦᒃ; ᒫᑲ ᐁ ᑲᑴᒋᐃᑲᐎᔦᒃ ᑭ ᑳ ᐙᐸᑎᓕᑯᐗᐤ ᑫ ᐃᔑ ᐅᔑᒧᔦᒃ, ᑭᒋ ᑮ ᔕᑯᑖᔦᒃ᙮

ᓂᔥᑕᒻ ᑯᕆᓐᑎᐊᓇ 15:50

ᐅᒪ ᒫᑲ ᓂᑦ ᐃᑣᓐ, ᓂᒋᔖᓂᑐᒃ, ᐎᔮᔅ ᓀᔥᑕ ᒥᑯ ᓇᒪᐎᓚ ᑲᑕ ᑮ ᐱᑐᑫᒪᑲᓋ ᑭᒋᒪᓂᑐ ᐅᑦ ᐅᑭᒪᐎᐎᓂᓐ; ᓇᒪ ᓀᔥᑕ ᐊᓂᒪ ᑳ ᓂᔑᐗᓈᑕᒃ ᑲᑕ ᑮ ᐊᔑᑕᑭᑌᐤ ᐊᓂᒪ ᐁᑳ ᑳ ᓂᔑᐗᓈᑕᒃ᙮

ᓂᔓ ᑯᕆᓐᑎᐊᓇ 1:10

ᑳ ᑮ ᐎᑾᒋᐃᔭᒥᑦ ᑭᒋ ᓂᐱᐎᓂᒃ ᐅᒋ, ᓀᔥᑕ ᑫᔮᐸᒡ ᑳ ᐎᑾᒋᐃᔭᒥᑦ; ᐊᓇ ᓀᔥᑕ ᑳ ᒪᒥᔑᑐᑕᐗᑭᑦ ᑫᔮᐸᒡ ᐁᔥᑾ ᑭᒋ ᐎᑾᒋᐃᔭᒥᑦ;

ᑲᓓᔕᐊᓇ 1:5

ᐊᓇ ᑫ ᐎ ᒫᒥᒋᒫᑲᓂᐎᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᓂᔥᑕᒻ ᑌᓴᓗᓂᔭᓇ 5:23

ᐊᓇ ᒫᑲ ᑖᐺ ᑭᒋᒪᓂᑐ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ ᒥᑐᓂ ᑭ ᑳ ᐎ ᐸᓓᑭᐃᓂᐊᐤ; ᓂ ᓇᑐᑕᒪᐗᐤ ᒫᑲ ᒥᑐᓂ ᑭᑦ ᐊᒑᑯᐗᐤ ᓀᔥᑕ ᑭ ᒥᑐᓀᓕᒋᑲᓂᐗᐤ ᓀᔥᑕ ᑭᔭᐎᐗᐤ ᑭᒋ ᑲᓇᐌᓕᒋᑳᑌᑭ ᐁᑳ ᐋᑕᒣᓕᑖᑯᓯᐎᓂᒃ ᐱᓕᔥ ᑫ ᑕᑯᔑᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᓂᔓ ᑌᓴᓗᓂᔭᓇ 3:3

ᒫᑲ ᐅᑎᐯᓕᒋᑫᐤ ᑖᐺᐎᐤ, ᐊᓇ ᑫ ᐋᔨᒋᐃᑖᒃ, ᓀᔥᑕ ᑫ ᑲᓇᐌᓕᒥᑖᒃ ᑳ ᒫᓛᑕᒃ ᐅᒋ᙮

ᓂᔥᑕᒻ ᑎᒧᑎ 1:17

ᐁᑯ ᑭᒋᐅᑭᒪᐤ ᑳᑭᑫ ᑳ ᐃᑖᑦ, ᑳᑭᑫ ᑳ ᐱᒫᑎᓰᑦ, ᐁᑳ ᑳ ᓄᑯᓯᑦ, ᐎᓚ ᐱᑯ ᑳ ᑲᑫᑕᐌᓕᑕᒃ ᑭᒋᒪᓂᑐ, ᑲᑕ ᐎ ᑭᔅᑌᓕᒪᐤ ᓀᔥᑕ ᑲᑕ ᐎ ᑭᔅᑌᓕᑖᑯᐊᐤ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᓂᔥᑕᒻ ᑎᒧᑎ 6:16

ᐊᓇ ᐱᑯ ᑳ ᐋᔮᑦ ᑳᑭᑫ ᐱᒫᑎᓯᐎᓂᓕᐤ, ᐁ ᑕᔑᑫᑦ ᐙᓭᔮᓯᐎᓂᒃ, ᐃᑕ ᐁᑳ ᐊᐌᓇ ᐃᓕᓕᐤ ᑫ ᑮ ᓈᑕᒃ; ᐊᓇ ᐁᑳ ᑳ ᑮ ᐙᐸᒥᑯᑦ ᐃᓕᓕᐗ, ᐁᑳ ᓀᔥᑕ ᑳ ᑲᔥᑭᑖᓕᒋ ᑭᒋ ᐙᐸᒥᑯᑦ: ᐊᓇ ᑫ ᐋᔮᑦ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑲᔥᑭᐅᐎᓂᓕᐤ ᑳᑭᑫ᙮ ᐁᒣᓐ᙮

ᓂᔓ ᑎᒧᑎ 1:12

ᐁᐗᑯ ᑳ ᐅᒋ ᐎᓴᑫᓕᑕᒫᓐ ᐅᐅ ᑫᒀᓇ: ᐁᓕᐌᒃ ᒫᑲ, ᓇᒪᐎᓚ ᓂ ᓇᓀᐯᐎᓰᓐ, ᐌᓴ ᓂ ᑭᔅᑫᓕᒪᐤ ᐊᓇ ᑳ ᑮ ᑖᐺᔦᓕᒪᒃ, ᓀᔥᑕ ᓂ ᑫᒋᓇᐅᓐ ᐁ ᑲᔥᑭᑖᑦ ᑭᒋ ᑲᓇᐌᓕᑕᒃ ᐊᓂᒪ ᑳ ᑮ ᐸᑭᑎᓇᒪᐗᒃ ᐱᓕᔥ ᐁᐗᑯ ᐁ ᑭᔑᑳᒃ᙮

ᓂᔓ ᑎᒧᑎ 4:1

ᑭᑦ ᐃᑕᔓᒥᑎᓐ ᒫᑲ ᐅᑎᔥᑲᐤ ᑭᒋᒪᓂᑐ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭, ᑫ ᑎᐹᔅᑯᓈᑦ ᑳ ᐱᒫᑎᓯᓕᑭ ᓀᔥᑕ ᑳ ᓂᐱᓕᒋ ᐃᔅᐱ ᐯᒋ ᓄᑯᓯᑌ, ᓀᔥᑕ ᐅᑦ ᐅᑭᒪᐎᐎᓐ;

ᐦᐃᑉᕉᐗ 11:16

ᒫᑲ ᐁᑯ ᓀᑕᐌᓕᑕᑭᒃ ᓇᐗᒡ ᑳ ᒥᓨᔑᓂᓕᒃ ᐊᔅᑭᓕᐤ, ᐁᐗᑴᓕᐤ, ᑳ ᑭᒋᑭᔑᑳᐗᓂᓕᒃ: ᐁᐗᑯ ᒫᑲ ᐅᒋ ᑭᒋᒪᓂᑐ ᓇᒪᐎᓚ ᓇᓀᐯᐎᓯᐤ ᐅ ᑭᒋᒪᓂᑐᒥᐗᐗ ᑭᒋ ᐃᔑᓂᑳᓱᑦ; ᐌᓴ ᑮ ᐋᔦᔅᑲᐎᑕᒪᐌᐤ ᐃᑖᐎᓂᓕᐤ᙮

ᐦᐃᑉᕉᐗ 12:22

ᒫᑲ ᑭ ᑮ ᐯᒋ ᓈᑌᓇᐗᐤ ᓵᐃᐊᓐ ᐗᒋ, ᓀᔥᑕ ᐯᒫᑎᓰᑦ ᑭᒋᒪᓂᑐ ᐅᑦ ᐃᑖᐎᓐ, ᑭᒋᑭᔑᑳᐎ ᒋᕉᓴᓕᒻ, ᓀᔥᑕ ᐁᑳ ᑫ ᑮ ᑌᐸᑭᒫᑲᓂᐎᒋᒃ ᐁᓐᒐᓚᒃ,

ᐦᐃᑉᕉᐗ 13:21

ᑭ ᑳ ᐎ ᒥᑐᓂᐎᐃᑯᐗᐤ ᒥᓯᐌ ᑕᑐ ᒥᓗ ᐊᑑᔅᑫᐎᓂᒃ ᑭᒋ ᑐᑕᒬᒃ ᐅᑦ ᐃᑌᓕᑕᒧᐎᓐ, ᐁ ᐃᔑᒋᑫᑦ ᐱᒋ ᑭᔭᐎᐙᒃ ᐊᓂᐁᓕᐤ ᑳ ᒥᓗ ᑲᓇᐙᐸᑕᒃ, ᐎᓚ ᐅᒋ ᒋᓴᔅ ᙭: ᐊᓇ ᑫ ᑭᔅᑌᓕᑖᑯᐋᑲᓂᐎᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:5

ᓇᑐᑕᒧᒃ, ᓯᐋᑭᐃᑕᑾᒃ ᓂᒋᔖᓂᑐᒃ, ᓇᒪ ᓈ ᑭᒋᒪᓂᑐ ᑮ ᐙᐌᓛᐸᒣᐤ ᐊᓂᐃ ᑳ ᑭᑎᒫᑭᓯᓕᑭ ᐅᑕ ᐊᔅᑮᒃ, ᐁ ᒥᔕᑭᓯᓕᑭ ᑖᐺᔦᓕᑕᒧᐎᓂᒃ, ᓀᔥᑕ ᑫ ᐊᑎ ᐋᔮᓕᒋ ᐊᓂᐁᓕᐤ ᐅᑭᒫᐎᐎᓂᓕᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ?

ᓂᔥᑕᒻ ᐱᑕᕐ 1:5

ᑭᒋᒪᓂᑐ ᐅ ᑲᔥᑭᐅᐎᓐ ᑳ ᐅᒋ ᑲᓇᐌᓕᒥᑲᐎᔦᒃ ᐁ ᑖᐺᔦᓕᑕᒣᒃ ᐱᒫᒋᐃᐌᐎᓂᒃ ᐃᔑ ᑳ ᐋᔦᔅᑯᐗᒃ ᒫᒋᒡ ᐁ ᑭᔑᑳᑭ ᑭᒋ ᓄᑯᑖᓂᐗᒃ᙮

ᓂᔥᑕᒻ ᐱᑕᕐ 5:11

ᐁᐗᒀᓇ ᑫ ᐎ ᒫᒥᒋᒫᑲᓂᐎᑦ ᓀᔥᑕ ᑎᐯᓕᒋᑫᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᓂᔓ ᐱᑕᕐ 1:11

ᐌᓴ ᐁᑯ ᑫ ᐃᔑ ᐌᓗᒋ ᐹᔅᑭᑌᓇᒫᑲᐎᔦᒃ ᐅ ᑳᑭᑫ ᐅᑭᒪᐎᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴᔅ ᙭᙮

ᓂᔓ ᐱᑕᕐ 3:18

ᒫᑲ ᓂᑕᐎᑭᒃ ᔕᐌᓕᒋᑫᐎᓂᒃ, ᓀᔥᑕ ᐅ ᑭᔅᑫᓕᒥᑯᓯᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴ ᙭᙮ ᐎᓚ ᒫᑲ ᑲᑕ ᐎ ᒫᒥᒋᒫᑲᓂᐎᐤ ᐊᓄᒡ ᓀᔥᑕ ᑳᑭᑫ᙮ ᐁᒣᓐ᙮

ᒎᑦ 1:1

ᒎᑦ, ᐅᑦ ᐊᑑᔅᑫᓛᑲᓇ ᒋᓴᔅ ᙭, ᓀᔥᑕ ᐎᒋᔖᓇ ᒉᒻᔅ, ᐁ ᒪᓯᓇᐊᒪᐙᑦ ᐊᓂᐃ ᑳ ᐸᓓᑭᐃᑯᓕᒋ ᑭᒋᒪᓂᑐᐗ ᐌᐅᑕᐎᒪᐎᓕᒋ, ᓀᔥᑕ ᑳ ᑲᓇᐌᓕᒫᑲᓂᐎᓕᒋ ᒋᓴᔅ ᙭ᑎᒃ, ᓀᔥᑕ ᑳ ᓇᑐᒫᑲᓂᐎᓕᒋ᙮