ᓂᔓ ᑎᒧᑎ 3:6 - ᐅᔅᑭ ᑎᔅᑌᒥᓐᑦ

⁶ ᐌᓴ ᐅᒪ ᑐᐎᑳᓇᒃ ᐁᐗᑾᓂᑭ ᑳ ᐹᐱᑐᑫᑖᒋᒧᒋᒃ ᐙᔅᑳᔨᑲᓂᒃ, ᓀᔥᑕ ᑳ ᐊᐗᑳᓂᐋᒋᒃ ᑲᑫᐹᑎᔅᑴᐗ ᐁ ᓇᔭᑕᒥᓕᒋ ᒪᒋᑣᐎᓂᓕᐤ ᐁ ᐋᐃᔑᐎᓕᑯᒋᒃ ᓇᓈᑲᐤ ᒪᒋ ᓇᑕᐌᓕᑕᒧᐎᓇ,

ᓂᔓ ᑎᒧᑎ 3:6 Iomraidhean Croise

ᐅᐸᓓᑭᔅ ᒫᑎᐤ 11:28

ᐯᒋ ᓈᔒᒃ, ᒥᓯᐌ ᑭᓚᐗᐤ ᑳ ᐋᑑᔅᑫᔦᒃ, ᓀᔥᑕ ᑳ ᑄᐗᑌᔦᒃ, ᑭ ᑳ ᒥᓕᑎᓇᐗᐤ ᒫᑲ ᑭᒋ ᐋᓜᐱᔦᒃ᙮

ᐅᐸᓓᑭᔅ ᒫᑎᐤ 23:13

ᒫᑲ ᑭ ᑳ ᑲᒀᑕᑭᓯᓇᐗᐤ, ᐅᒪᓯᓇᐃᑫᑐᒃ ᓀᔥᑕ ᐸᕋᓯᔨᑐᒃ, ᐅᑕᔭᒥᐁᑳᓱᑐᒃ!! ᐌᓴ ᑭ ᑭᐸᐁᓇᐗᐤ ᑭᒋᑭᔑᑳᐎ ᐅᑭᒫᐎᐎᓐ ᐃᓕᓕᐗᒃ ᐁᑳ ᑭᒋ ᐱᑐᑫᒋᒃ: ᐌᓴ ᑭᓚᐗᐤ ᓇᒪᐎᓚ ᑭ ᐱᑐᑳᓇᐗᐤ, ᓇᒪᐎᓚ ᓀᔥᑕ ᑭᑦ ᐃᓕᓇᐗᐗᐗᒃ ᑭᒋ ᐱᑐᑫᒋᒃ ᐊᓂᑭ ᐙ ᐱᑐᑫᒋᒃ᙮

ᐅᐸᓓᑭᔅ ᒫᑎᐤ 23:14

ᑭ ᑳ ᑲᒀᑕᑫᓯᓇᐗᐤ, ᐅᒪᓯᓇᐃᑫᑐᒃ ᓀᔥᑕ ᐸᕋᓯᔨᑐᒃ, ᐅᑕᔭᒥᐁᑲᓱᑐᒃ! ᐌᓴ ᑭ ᒣᔅᑎᓇᒸᓈᐗᐤ ᑭᑎᒪᑭᔅᑴᐗᒃ ᐎᑭᐙᐗ, ᓀᔥᑕ ᐙᔦᔑᐃᐌᐎᓂᒃ ᑭ ᑭᓄᑖᓇᐗᐤ ᑭᑦ ᐋᔭᒥᐋᐎᓂᐗᐗ: ᐁᐗᑯ ᐅᒋ ᑭ ᑳ ᐋᔮᓇᐗᐤ ᐊᐙᓯᑌ ᓂᔑᐗᓈᒋᒥᑯᓯᐎᓂᓕᐤ᙮

ᐅᐸᓓᑭᔅ ᒫᑎᐤ 4:24

ᑮ ᐸᐹᑎᐹᒋᒫᑲᓂᐎᐤ ᒫᑲ ᒥᓯᐌ ᓯᕆᔭᐃᒃ: ᑮ ᐯᑐᐌᐗᒃ ᒫᑲ ᒥᓯᐌ ᑮ ᐋᑯᓯᓕᒋ ᐃᓕᓕᐗ ᓇᓈᑲᐤ ᑳ ᐃᑖᔅᐱᓀᓕᒋ ᓀᔥᑕ ᐃᔑ ᐙᐎᓴᑫᓕᑕᒥᓕᒋ, ᐊᓂᐃ ᓀᔥᑕ ᑳ ᐱᒋᔅᑳᑯᓕᒋ ᒪᒋ ᐊᒑᑾ, ᐊᓂᐃ ᓀᔥᑕ ᑳ ᑮᔥᑴᓕᒋ, ᐊᓂᐃ ᓀᔥᑕ ᑳ ᓇᓇᒫᔅᐱᓀᓕᒋ; ᑮ ᒥᓇᐙᒋᐁᐤ ᒫᑲ᙮

ᐅᐸᓓᑭᔅ ᒫᕐᒃ 4:19

ᐁ ᐅᑕᒣᓕᑕᑭᒃ ᒫᑲ ᐅᒣᓕᐤ ᐊᔅᑭᓕᐤ, ᓀᔥᑕ ᐁ ᐙᔦᔑᐃᑯᒋᒃ ᒥᔕᑭᓯᐎᓇ, ᓀᔥᑕ ᐁ ᓇᑕᐌᓕᒋᑳᑌᑭ ᑯᑕᑭᔭ ᑫᒀᓇ ᐁ ᐱᑐᑫᒪᑲᑭ, ᑭᐱᔅᑲᒶᒃ ᐋᔭᒥᐎᓂᓕᐤ, ᓇᒪᐎᓚ ᒫᑲ ᒥᓂᔑᐗᓐ᙮

ᓂᔥᑕᒻ ᑯᕆᓐᑎᐊᓇ 12:2

ᑭ ᑭᔅᑫᓕᑌᓇᐗᐤ ᐁ ᑮ ᒉᓐᑖᐃᓕᐎᔦᒃ, ᐁ ᐗᓂᐎᓕᑲᐎᔦᒃ ᑭᒋ ᐊᑑᔅᑲᐌᑾᒃ ᐅᑯ ᐁᑳ ᑳ ᓂᑕᐌᒋᒃ ᒪᓂᑐᑳᓇᒃ, ᑖᐱᔅᑯᒡ ᑳ ᑮ ᐃᔑ ᑭᔅᑭᓄᑕᐃᑲᐎᔦᒃ᙮

ᓂᔥᑕᒻ ᑎᒧᑎ 5:6

ᒫᑲ ᐊᓇ ᑳ ᐱᒫᑎᓰᑦ ᒥᓚᐙᑎᑾᑲᒥᑭᓯᐎᓕᒃ ᓂᐱᐤ ᒣᒀᒡ ᐁ ᐱᒫᑎᓰᑦ᙮

ᓂᔥᑕᒻ ᑎᒧᑎ 6:9

ᒫᑲ ᐊᓂᑭ ᑫ ᐎ ᐌᓗᑎᓯᑭᒃ, ᐸᑭᔑᓋᒃ ᑲᑴᒋᐃᐌᐎᓂᒃ, ᓀᔥᑕ ᓇᒀᑲᓂᒃ, ᓀᔥᑕ ᒥᒉᑦ ᑲᑫᐹᑎᓯᐎ ᓀᔥᑕ ᐋᑯ ᒪᒋᓇᑕᐌᓕᑕᒧᐎᓂᒃ, ᐊᓂᐃ ᑳ ᓂᔅᑖᐸᐗᓕᑯᒋᒃ ᐃᓕᓕᐗᒃ ᓂᔑᐗᓈᑎᓯᐎᓂᒃ ᓀᔥᑕ ᐗᓂᔑᓄᐎᓂᒃ᙮

ᑕᐃᑕᔅ 1:11

ᐅᑐᓂᐗᐗ ᑫ ᑭᐸᐃᑲᑌᓕᑭ, ᑳ ᑴᑎᐱᓇᑭᒃ ᑳ ᒥᓯᐌᔮᑭ ᐙᔅᑳᔨᑲᓇ, ᐁ ᑭᔅᑭᓄᐊᒫᑫᒋᒃ ᑫᒀᓇ ᐁᑳ ᑫ ᑮ ᑭᔅᑭᓄᐊᒫᑫᐙᔅᐸᓐ, ᒪᒋ ᐅᑎᓯᐎᓐ ᐅᒋ᙮

ᑕᐃᑕᔅ 3:3

ᐌᓴ ᑭᓚᓈᓇᐤ ᑫᒋᐙᒃ ᐊᓯᒋ ᐌᔅᑲᒃ ᑭ ᑮ ᑲᑫᐹᑎᓯᓈᓇᐤ, ᐁ ᑮ ᔑᐱᑕᒪᒃ, ᐁ ᐙᔦᔑᐃᑲᐎᔭᒃ, ᐁ ᑮ ᐊᑑᔅᑳᑕᒪᒃ ᓇᓈᑲᐤ ᒪᒋ ᓇᑕᐌᓕᒋᑫᐎᓇ ᓀᔥᑕ ᒥᓚᐙᑎᑾᑲᒥᑭᓯᐎᓇ, ᐁ ᑮ ᐱᒫᑎᓯᔭᒃ ᑭᒧᒋ ᐸᒀᑎᑐᐎᓂᒃ ᓀᔥᑕ ᐅᑌᓕᒥᑐᐎᓂᒃ, ᐁ ᑮ ᐸᒀᑎᑯᓯᔭᒃ ᓀᔥᑕ ᐁ ᑮ ᐸᒀᑎᑐᔭᒃ᙮

ᓂᔓ ᐱᑕᕐ 2:18

ᐌᓴ ᐃᔅᐱ ᐋᔭᒥᒋᒃ ᑭᒋ ᑭᔅᑌᓕᒥᑎᓱᐎ ᐋᔭᒥᐎᓇ, ᐙᔦᔑᒣᐗᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᐎᔮᓯᐎᓐ ᐅᒋ, ᒥᔅᑕᐃ ᐎᓂᓯᐎ ᐃᑌᓕᑕᒧᐎᓐ ᐅᒋ, ᐊᓂᐃ ᐊᑳᐙᒡ ᑳ ᑮ ᐅᔑᒫᓕᒋ ᐊᓂᐃ ᐗᓀᓕᑕᒧᐎᓂᒃ ᑳ ᐱᒫᑎᓯᓕᒋ᙮

ᓂᔓ ᐱᑕᕐ 3:17

ᑭᓚᐗᐤ ᒫᑲ, ᓯᐋᑭᐃᑕᑾᒃ, ᓂᑳᓐ ᐁ ᑭᔅᑫᓕᑕᒣᒃ ᐅᐅ ᑫᒀᓇ, ᔮᒀᒡ ᑭᓚᐗᐤ ᓀᔥᑕ, ᐁᑳ ᑭᒋ ᑭᒋᐎᓕᑲᐎᔦᒃ ᐅᒪᒋᑖᐗᒃ ᐅ ᐗᓀᓕᑕᒧᐎᓂᐗᐤ ᐅᒋ, ᑭᒋ ᐸᑭᔑᓂᔦᒃ ᑎᐱᓚᐌ ᑭ ᒪᔥᑲᐌᓕᑕᒧᐎᓂᐙᒃ ᐅᒋ᙮

ᒎᑦ 1:16

ᐅᑯ ᐁᐗᒀᓂᑭ ᐅᒥᑕᐌᔅᑲᒃ, ᐅᑕᑖᒥᒥᐌᔅᑲᒃ, ᐁ ᓄᔅᐱᓇᑕᑭᒃ ᑎᐱᓚᐌ ᐅ ᒪᒋ ᓇᑕᐌᓕᑕᒧᐎᓂᐙᐗ; ᐅᑐᓂᐗᐗ ᒫᑲ ᐋᔭᒥᒪᑲᓂᓕᐗ ᑭᒋ ᑭᔅᑌᓕᒧᐎ ᐋᔭᒥᐎᓇ, ᐁ ᒥᓨᐸᒫᒋᒃ ᐃᓕᓕᐗ ᐁ ᐃᔑᓈᑯᓯᓕᒋ ᑭᒋ ᐅᒋ ᐅᑎᓯᒋᒃ᙮

ᒎᑦ 1:18

ᐁ ᑮ ᐎᑕᒫᑖᑾᒃ ᒣᒀᒡ ᒫᒋᒃ ᐁ ᑭᔑᑳᑭ ᑭᒋ ᐃᑖᒋᒃ ᐅᐹᐱᓄᑕᑫᔅᑲᒃ, ᑫ ᓄᔅᐱᓈᑕᑭᒃ ᑎᐱᓚᐌ ᐅ ᒪᒑᑎᓯᐎ ᒪᒋ ᓇᑕᐌᓕᑕᒧᐎᓂᐙᐗ᙮

ᒎᑦ 1:4

ᐌᓴ ᐋᑎᑦ ᐃᓕᓕᐗᒃ ᑭᒧᒡ ᑮ ᐱᑐᑫᑖᒋᒧᐗᒃ, ᐌᔅᑲᒡ ᑳ ᑮ ᐅᓚᑭᒫᑲᓂᐎᒋᒃ ᑭᒋ ᐋᔮᒋᒃ ᐅᒣᓕᐤ ᓂᔑᐗᓈᒋᒥᐌᐎᓂᓕᐤ; ᑳ ᒪᒋᑣᒋᒃ ᐃᓕᓕᐗᒃ, ᐁ ᑴᔅᑭᓇᒸᒋᒃ ᑭ ᑭᒋᒪᓂᑐᒥᓇᐗ ᐅ ᔕᐌᓕᒋᑫᐎᓂᓕᐤ ᑮᔥᑴᐙᑎᓯᐎᓂᒃ ᐃᔑ, ᓀᔥᑕ ᐁ ᐋᓉᑕᐙᒋᒃ ᐱᔦᔭᑯᓕᒋ ᐅᑎᐯᓕᒋᑫᐗ ᑭᒋᒪᓂᑐᐗ, ᓀᔥᑕ ᑭ ᑎᐯᓕᒋᑫᒥᓇᐗ ᒋᓴᔅ ᙭᙮