ᓂᔓ ᑎᒧᑎ 3:2 - ᐅᔅᑭ ᑎᔅᑌᒥᓐᑦ

² ᐌᓴ ᐃᓕᓕᐗᒃ ᐎᓚᐗᐤ ᑫᒋᐙᒃ ᑲᑕ ᓵᑭᐃᑎᓱᐗᒃ, ᐁ ᒧᔅᑌᓇᒫᑫᒋᒃ, ᐁ ᒫᒪᑖᑯᒧᒋᒃ ᐁ ᑭᔅᑌᓕᒧᒋᒃ, ᐁ ᐹᔅᑖᒧᔅᑭᒋᒃ, ᐁ ᐋᓉᑕᐙᒋᒃ ᐅᓂᑭᐃᑯᐗᐗ, ᐁᑳ ᐁ ᓇᓈᔅᑯᒧᒋᒃ, ᐁᑳ ᐁ ᐸᓓᑭᓯᒋᒃ,

ᓂᔓ ᑎᒧᑎ 3:2 Iomraidhean Croise

ᐅᐸᓓᑭᔅ ᒫᑎᐤ 15:6

ᐁᑳ ᒫᑲ ᑫᔅᑌᓕᒫᑴ ᐅᑖᐎᔭ ᓀᔥᑕᐱᑯ ᐅᑳᐎᔭ, ᓇᒪᐎᓚ ᑲᑕ ᐋᓉᓕᑖᑯᓯᐤ᙮ ᐁᐗᑯ ᐅᒋ ᑭ ᑐᑌᓇᐗᐤ ᑭᒋᒪᓂᑐ ᐅ ᑲᑫᔅᑴᐎᓐ ᐸᑾᓐᑕᐤ ᑭᒋ ᐃᑌᓕᑖᑾᓂᓕᒃ ᑭ ᑭᔅᑭᓄᐊᒫᑫᐎᓂᐗᐤ ᐅᒋ᙮

ᐅᐸᓓᑭᔅ ᓘᒃ 12:15

ᑮ ᐃᑌᐤ ᒫᑲ, ᔮᒀᒦᔅᑕᒧᒃ ᓀᔥᑕ ᑯᔅᐸᓂᔅᑕᒧᒃ ᒧᔅᑌᓇᒫᑫᐎᓐ: ᐌᓴ ᐃᓕᓕᐤ ᐅ ᐱᒫᑎᓯᐎᓐ ᓇᒪᐎᓚ ᐁᐗᑴᓕᐤ ᑳ ᐃᔅᐱᒋ ᐌᓗᑎᓰᑦ᙮

ᐅᐸᓓᑭᔅ ᓘᒃ 16:14

ᐹᕋᓯᔭᒃ ᒫᑲ, ᑳ ᒧᔅᑌᓇᒫᑫᒋᒃ, ᑭ ᐯᑕᒶᒃ ᒥᓯᐌ ᐅᐅ ᑫᒀᓇ; ᑮ ᐅᔑᓇᐌᐗᒃ ᒫᑲ᙮

ᐅᐸᓓᑭᔅ ᓘᒃ 6:35

ᒫᑲ ᓵᑭᐃᑯᒃ ᑭᓚᐗᐤ ᐊᓂᑭ ᑳ ᐸᒀᑎᑖᑾᒃ, ᓀᔥᑕ ᒥᓗᑐᑖᑫᒃ, ᓀᔥᑕ ᐋᐎᐃᐌᒃ, ᐁᑳ ᑫᒀᓐ ᒥᓇ ᐁ ᐸᑯᓭᓕᑕᒣᒃ: ᑭ ᑎᐸᐊᒫᑯᓯᐎᓂᐗᐤ ᒫᑲ ᑲᑕ ᒥᔕᐤ, ᓀᔥᑕ ᑭ ᑳ ᐅᑕᐙᔑᒥᔑᒥᑯᐗᐤ ᐊᓇ ᒥᔭᐗᒋ ᐃᔅᐯᓕᑖᑯᓯᑦ: ᐌᓴ ᐎᓚ ᑭᔐᐙᑐᑕᐌᐤ ᐊᓂᐃ ᐁᑳ ᑳ ᓇᓈᔅᑯᒧᓕᒋ ᓀᔥᑕ ᑳ ᒪᒋᑣᓕᒋ᙮

ᐊᐸᔅᑕᓚᒃ 5:36

ᐌᓴ ᐹᒧᔑ ᐅᐅ ᑭᔑᑳᐗ ᑮ ᐸᓯᑯ ᑎᔪᑕᔅ ᐁ ᑮ ᑲᑭᒋᒥᓱᑦ ᑖᐱᔅᑯᒡ ᐊᐌᓇ ᑳ ᑭᔅᑎᓯᑦ; ᐊᓇ ᐋᑎᑦ ᐃᓕᓕᐗ ᑳ ᑮ ᐎᒉᐎᑯᑦ, ᓈᓐᑕᐤ ᓀᐗᐤ ᒥᑖᑐᒥᑕᓇᐤ ᐁ ᐃᑕᓯᓕᒋ: ᑳ ᑮ ᓂᐸᐋᑲᓂᐎᑦ: ᓀᔥᑕ ᒥᓯᐌ, ᐱᑯ ᑕᑐ ᑳ ᑮ ᑖᐺᑖᑯᑦ, ᑮ ᐗᓴᓶᑎᔕᐙᑲᓂᐎᓕᐗ, ᓀᔥᑕ ᑮ ᐊᑎ ᒣᒋᐸᓕᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:18

ᐁᑳᐎᓚ ᑲᑭᒋᒧᑐᑕ ᐗᑎᑾᓇ᙮ ᒫᑲ ᑮᔥᐱᓐ ᑲᑭᒋᒧᔭᓀ, ᓇᒪᐎᓚ ᑭᓚ ᑳ ᐱᒥᑭᑖᔭᓐ ᐅᒉᐱᒃ, ᒫᑲ ᐅᒉᐱᒃ ᑭᓚ ᑭ ᐱᒥᑭᐃᑯᓐ᙮

ᓂᔓ ᑯᕆᓐᑎᐊᓇ 5:15

ᓀᔥᑕ ᐁ ᑮ ᓂᐳᔅᑕᒪᐙᑦ ᒥᓯᐌ, ᐊᓂᑭ ᑳ ᐱᒫᑎᓯᒋᒃ ᐁᑳ ᐊᓄᒡ ᐅᒋ ᑭᒋ ᐱᒫᑎᓰᒻ ᑖᓯᒋᒃ, ᒫᑲ ᐊᓂᐃ ᑳ ᓂᐳᔅᑕᒫᑯᒋᒃ, ᓀᔥᑕ ᒥᓇ ᑳ ᑮ ᐗᓂᔥᑳᓕᒋ᙮

ᐱᓕᐱᔭᓇ 2:21

ᐌᓴ ᒥᓯᐌ ᓈᓇᑕᐌᓕᑕᒶᒃ ᑎᐱᓚᐌ ᐅᑦ ᐋᔮᓂᐗᐗ, ᓇᒪᐎᓚ ᐊᓂᐃ ᒋᓴᔅ ᙭ ᐅᑦ ᐋᔮᓂᓕᐗ᙮

ᑯᓚᔑᔭᓇ 3:5

ᐁᐗᑯ ᐌᒋ ᓂᔑᐗᓈᒋᑖᒃ ᑭᑦ ᐊᔅᑭᐎ ᓇᑕᐌᓕᑕᒧᐎᓂᐗᐗ; ᐱᔑᒀᑎᓯᐎᓐ, ᐎᓂᓯᐎᓐ, ᐱᔑᒀᑎᓯᐎ ᐃᑌᓕᑕᒧᐎᓐ, ᒪᒋ ᓇᑕᐌᓕᑕᒧᐎᓐ, ᓀᔥᑕ ᒧᔅᑌᓇᒫᑫᐎᓐ, ᐁᐗᑯ ᐁ ᓇᐗᑭᔅᑕᐙᑲᓂᐎᑦ ᒪᓂᑐᑳᓐ:

ᓂᔓ ᑌᓴᓗᓂᔭᓇ 2:4

ᐊᓇ ᑳ ᓇᔅᑯᔅᑳᑫᑦ ᓀᔥᑕ ᐊᐙᓯᑌ ᑭᔅᑌᓕᑖᑯᐃᑎᓱᑦ ᐃᔥᐱᔥ ᐊᓂᐃ ᑭᒋᒪᓂᑐ ᑳ ᐃᔑᓂᑳᓱᓕᑭ, ᓀᔥᑕᐱᑯ ᑳ ᓇᐗᑮᔅᑕᐙᑲᓂᐎᓕᒋ; ᓀᔥᑕ ᒫᑲ ᑖᐱᔅᑯᒡ ᑭᒋᒪᓂᑐᐗ ᐊᐱᐤ ᐅᑦ ᐋᔭᒥᐁᐎᑲᒥᑯᓕᒃ ᑭᒋᒪᓂᑐᐗ, ᐁ ᐙᐸᑎᓕᐌᑦ ᐁ ᑭᒋᒪᓂᑐᐎᑦ᙮

ᓂᔥᑕᒻ ᑎᒧᑎ 1:20

ᐅᑯ ᐋᑎᑦ ᐁᐗᒀᓂᑭ ᐦᐊᐃᒥᓂᔭᔅ ᓀᔥᑕ ᐋᓕᒃᓵᓐᑕᕐ; ᑳ ᑮ ᐸᑭᑎᓇᒪᐗᒃ ᓭᑖᓐ, ᑭᒋ ᐎ ᑲᑴ ᑭᔅᑫᓕᑕᑭᒃ ᐁᑳ ᑭᒋ ᐹᔅᑕᒧᒋᒃ᙮

ᓂᔥᑕᒻ ᑎᒧᑎ 1:9

ᐅᒪ ᐁ ᑭᔅᑫᓕᒋᑳᑌᒃ, ᐅᓚᔓᐌᐎᓐ ᐁᑳ ᐁ ᑮ ᐅᔑᑕᒫᑦ ᑳ ᒀᔭᔅᑭᑖᑎᓰᑦ ᐃᓕᓕᐤ, ᒫᑲ ᐁᑳ ᑳ ᑲᓇᐌᓕᑕᑭᒃ ᐅᓚᔓᐌᐎᓂᓕᐤ, ᑳ ᔑᐱᑕᑭᒃ, ᐁᑳ ᑳ ᒪᓂᑐᐙᑎᓯᒋᒃ ᓀᔥᑕ ᑳ ᒪᒋᑣᒋᒃ, ᑳ ᒪᒑᑎᓯᒋᒃ, ᓀᔥᑕ ᑳ ᒪᒋᐃᑗᔅᑭᒋᒃ, ᑳ ᓂᐸᐋᒋᒃ ᐅᑖᐎᐗᐗ, ᓀᔥᑕ ᑳ ᓂᐸᐋᒋᒃ ᐅᑳᐎᐗᐗ, ᓀᔥᑕ ᑳ ᓂᐸᐋᒋᒃ ᐃᓕᓕᐗ,

ᓂᔥᑕᒻ ᑎᒧᑎ 3:3

ᐁᑳ ᐁ ᐅᓵᒥᓂᑴᑦ ᔓᒥᓈᐳᓕᐤ, ᐁᑳ ᐁ ᓄᑎᓂᑫᑦ, ᐁᑳ ᐁ ᓵᑭᐋᑦ ᔔᓕᐋᓇ; ᒫᑲ ᐁ ᔑᐱᓚᐌᓯᑦ, ᐁᑳ ᐁ ᒀᓗᑐᑖᑫᑦ, ᐁᑳ ᐁ ᒧᔅᑌᓇᒫᑫᑦ;

ᓂᔥᑕᒻ ᑎᒧᑎ 6:10

ᐌᓴ ᐁ ᓵᑭᐊᑲᓂᐎᑦ ᔔᓕᐋᓐ ᐁᐗᑯ ᑳ ᐅᒉᐱᑭᐎᒃ ᒥᓯᐌ ᑳ ᒫᓚᑕᒃ: ᐊᓂᒪ ᒣᒀᒡ ᐋᑎᑦ ᐁ ᑮ ᒧᔅᑌᓇᑭᒃ, ᑮ ᐗᓂᔑᓋᒃ ᑖᐺᔦᓕᑕᒧᐎᓂᒃ ᐅᒋ, ᓀᔥᑕ ᑮ ᔖᐳᔅᑕᐅᓱᐗᒃ ᒥᒉᑦ ᒥᒋᓚᐌᓯᐎᓇ ᐅᒋ᙮

ᓂᔥᑕᒻ ᑎᒧᑎ 6:4

ᑭᔅᑌᓕᒧ, ᐁᑳ ᑫᒀᓐ ᐁ ᑭᔅᑫᓕᑕᒃ, ᒫᑲ ᐁ ᑭᔥᑴᓕᑕᒃ ᑲᑴᒋᑫᒧᐎᓇ ᓀᔥᑕ ᐋᔭᒥᐎᓂ ᐋᔑᑌᒥᑐᐎᓇ, ᐃᑕ ᑳ ᐅᒋᐸᓕᒃ ᐅᑌᓕᒥᑐᐎᓐ, ᒀᓗᑐᑖᑐᐎᓐ, ᒪᒋ ᐋᔭᒥᐃᑐᐎᓐ, ᒪᒋ ᐃᑌᓕᒥᑐᐎᓇ,

ᓂᔓ ᑎᒧᑎ 3:4

ᐁ ᑭᓛᔅᑭᑌᐁᔅᑭᒋᒃ, ᐁ ᒪᔥᑲᐎᔅᑎᒀᓂᒋᒃ, ᐁ ᑭᔅᑌᓕᒥᑎᓱᑭᒋᒃ, ᐊᐙᓯᑌ ᐁ ᓵᑭᑖᒋᒃ ᒥᓚᐙᑎᑯᓯᐎᓐ ᐃᔥᐱᔥ ᐁ ᓵᑭᐋᒋᒃ ᑭᒋᒪᓂᑐᐗ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:8

ᑮᔥᐱᓐ ᑎᐱᑐᑕᒣᒃ ᐊᓂᒪ ᑭᒋᐅᑭᒪᐎ ᐅᓚᔓᐌᐎᓐ, ᐁ ᐃᑗᒪᑲᒃ ᒪᓯᓇᐃᑫᐎᓐ, ᑭ ᑳ ᓵᑭᐊᐤ ᑭᒋᐃᓕᓕᐤ ᐁ ᐃᔑ ᓵᑭᐃᑎᓱᔭᓐ, ᑭ ᒥᓗ ᑐᑌᓇᐗᐤ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:16

ᒫᑲ ᐊᓄᒡ ᑭ ᒥᓚᐙᑌᓇᐗᐤ ᑭ ᒫᒪᑖᑯᒧᐎᓂᐙᒃ: ᒥᓯᐌ ᐅᒪ ᐃᔑ ᒥᓚᐙᑕᒧᐎᓐ ᒫᓛᑕᓐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:6

ᒫᑲ ᐊᐙᓯᑌ ᒥᓕᐌᐤ ᔕᐌᓕᒋᑫᐎᓂᓕᐤ: ᐁᐗᑯ ᐌᒋ ᐃᑗᑦ, ᑭᒋᒪᓂᑐ ᓇᔅᑯᔅᑕᐌᐤ ᐅᒥᔕᑭᓯᐗ, ᒫᑲ ᔕᐌᓕᒋᑫᐎᓂᓕᐤ ᒥᓓᐤ ᐅᑕᐸᑌᓕᒧᐗ᙮

ᓂᔥᑕᒻ ᐱᑕᕐ 5:5

ᓀᔥᑕ ᒫᑲ ᑭᓚᐗᐤ ᑳ ᐅᔥᑳᑎᓯᔦᒃ ᓇᓇᐃᑖᑯᒃ ᑳ ᓂᑳᓀᓕᑖᑯᓯᒋᒃ᙮ ᐁᐁ, ᒥᓯᐌ ᐁ ᐃᑕᔑᔦᒃ ᒀᔭᔉ ᐊᑑᔅᑫᔅᑖᑐᒃ, ᓀᔥᑕ ᑭᑭᔥᑲᒧᒃ ᑕᐸᑌᓕᒧᐎᓐ: ᐌᓴ ᑭᒋᒪᓂᑐ ᓇᔅᑯᔅᑕᐌᐤ ᑳ ᑭᔅᑌᓕᒧᓕᒋ, ᒥᓓᐤ ᒫᑲ ᔕᐌᓕᒋᑫᐎᓂᓕᐤ ᑳ ᑕᐸᑌᓕᒧᓕᒋ᙮

ᓂᔓ ᐱᑕᕐ 2:10

ᒫᑲ ᐅᓵᒻ ᐊᓂᐃ ᑳ ᐱᒧᑖᑕᒥᓕᒋ ᐁ ᐃᔑᑡᒪᑲᓂᓕᒃ ᐎᔮᓯᓕᐤ, ᐎᓂᓯᐎ ᐃᑌᓕᑕᒧᐎᓂᒃ, ᓀᔥᑕ ᑳ ᐋᑕᐌᓕᑕᒥᓕᒋ ᑎᐯᓕᒋᑫᐎᓂᓕᐤ᙮ ᓱᑭᑌᐁᐗᒃ, ᐎ ᑎᐯᓕᒥᑎᓱᐗᒃ; ᓇᒪ ᓀᔥᑕ ᓭᑭᓯᐗᒃ ᑭᒋ ᒪᒋ ᐋᓕᒧᑕᑭᒃ ᑭᔅᑌᓕᑖᑯᓯᐎᓇ᙮

ᓂᔓ ᐱᑕᕐ 2:12

ᒫᑲ ᐅᑯ, ᑖᐱᔅᑯᒡ ᐃᓚᑐ ᐊᐌᓯᓴᒃ, ᐁ ᑮ ᐅᔑᐋᑲᓂᐎᒋᒃ ᑭᒋ ᐅᑎᓈᑲᓂᐎᒋᒃ ᓀᔥᑕ ᑭᒋ ᓂᔑᐗᓈᒋᐋᑲᓂᐎᒋᒃ, ᒪᒋ ᐋᓕᒧᑕᒶᒃ ᐊᓂᐃ ᑫᒀᓇ ᐁᑳ ᑳ ᓂᓯᑐᑕᑭᒃ; ᒥᑐᓂ ᒫᑲ ᑲᑕ ᓂᔑᐗᓈᑎᓯᐗᒃ ᑎᐱᓚᐌ ᐅ ᒪᒑᑎᓯᐎᓂᐙᒃ;

ᓂᔓ ᐱᑕᕐ 2:18

ᐌᓴ ᐃᔅᐱ ᐋᔭᒥᒋᒃ ᑭᒋ ᑭᔅᑌᓕᒥᑎᓱᐎ ᐋᔭᒥᐎᓇ, ᐙᔦᔑᒣᐗᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᐎᔮᓯᐎᓐ ᐅᒋ, ᒥᔅᑕᐃ ᐎᓂᓯᐎ ᐃᑌᓕᑕᒧᐎᓐ ᐅᒋ, ᐊᓂᐃ ᐊᑳᐙᒡ ᑳ ᑮ ᐅᔑᒫᓕᒋ ᐊᓂᐃ ᐗᓀᓕᑕᒧᐎᓂᒃ ᑳ ᐱᒫᑎᓯᓕᒋ᙮

ᓂᔓ ᐱᑕᕐ 2:3

ᓀᔥᑕ ᒧᔅᑌᓇᒫᑫᐎᓂᒃ, ᐁ ᑲᑳᔦᓕᓯᐎ ᐊᔭᒥᒋᒃ, ᑭ ᑳ ᐊᑖᐌᑐᑖᑯᐗᐗᒃ: ᐅ ᑎᐹᔅᑯᓂᑯᓯᐎᓂᐗᐤ ᑳᔮᔥ ᐅᒋ ᐁᑳ ᐁ ᑆᔅᑕᐎᐸᓕᓕᐤ, ᓀᔥᑕ ᐅ ᓂᔑᐗᓈᒋᐃᑯᓯᐎᓂᐗᐤ ᐁᑳ ᐁ ᓂᐹᒪᑲᓂᓕᒃ᙮

ᒎᑦ 1:16

ᐅᑯ ᐁᐗᒀᓂᑭ ᐅᒥᑕᐌᔅᑲᒃ, ᐅᑕᑖᒥᒥᐌᔅᑲᒃ, ᐁ ᓄᔅᐱᓇᑕᑭᒃ ᑎᐱᓚᐌ ᐅ ᒪᒋ ᓇᑕᐌᓕᑕᒧᐎᓂᐙᐗ; ᐅᑐᓂᐗᐗ ᒫᑲ ᐋᔭᒥᒪᑲᓂᓕᐗ ᑭᒋ ᑭᔅᑌᓕᒧᐎ ᐋᔭᒥᐎᓇ, ᐁ ᒥᓨᐸᒫᒋᒃ ᐃᓕᓕᐗ ᐁ ᐃᔑᓈᑯᓯᓕᒋ ᑭᒋ ᐅᒋ ᐅᑎᓯᒋᒃ᙮

ᑭᔅᑫᓕᑖᑯᑖᑫᐎᓐ 13:1

ᓂ ᑮ ᓂᐸᐎᓐ ᒫᑲ ᓓᑳᒃ ᔑᔓᒡ ᑭᒋᑲᒦᒃ, ᓂ ᑮ ᐙᐸᒪᐤ ᒫᑲ ᐊᐌᓯᔅ ᑭᒋᑲᒥᒃ ᐁ ᐅᒋ ᐸᓯᑯᑦ, ᓂᔂᔅ ᐁ ᑕᑐᔅᑎᒀᓀᑦ ᓀᔥᑕ ᐁ ᒥᑖᑐᑌᔥᑲᓄᑦ, ᓀᔥᑕ ᑕᑯᒡ ᐅᑦ ᐁᔥᑲᓂᒃ ᒥᑖᑦ ᐅᑭᒪᐗᔅᑐᑎᓋ, ᓀᔥᑕ ᐅᔅᑎᒀᓂᒃ ᐹᔅᑖᒧᐎ ᐃᔑᓂᑳᓱᐎᓇ᙮

ᑭᔅᑫᓕᑖᑯᑖᑫᐎᓐ 16:11

ᑮ ᐹᔅᑕᒣᐗᒃ ᒫᑲ ᑭᒋᒪᓂᑐᐗ ᑭᒋᑭᔑᑯᒃ ᑳ ᐃᑖᓕᒋ ᐅ ᐎᓴᑲᐱᓀᐎᓂᐙᐗ ᓀᔥᑕ ᐅ ᐎᓴᑭᓯᐎᓂᐙᐗ ᐅᒋ, ᓇᒪᐎᓚ ᒫᑲ ᑮ ᒥᒋᓚᐌᔦᓕᑕᒶᒃ ᐅᑦ ᐃᓯᒋᑫᐎᓂᐙᐗ᙮

ᑭᔅᑫᓕᑖᑯᑖᑫᐎᓐ 16:21

ᐃᓕᓕᐗᒃ ᒫᑲ ᑮ ᑭᒋ ᓭᓭᑲᓂᔅᑳᑯᐗᒃ ᑭᒋᑭᔑᑯᒃ ᐅᒋ, ᒥᓯᐌ ᑕᑐ ᓭᓭᑲᓇᓯᓂ ᐯᔭᒃ ᑖᓕᓐᑦ ᐁ ᐃᔅᐱᑎᓂᑾᒃ: ᐃᓕᓕᐗᒃ ᒫᑲ ᑮ ᐹᔅᑖᒣᐗᒃ ᑭᒋᒪᓂᑐᐗ ᐊᓂᒪ ᐁ ᐋᑯᐃᑖᔅᐱᓈᓂᐗᒃ ᐁ ᓭᓭᑲᒃ ᐅᒋ; ᐌᓴ ᐊᓂᒪ ᐋᑯᐃᑖᔅᐱᓀᐎᓐ ᓈᔅᐱᒡ ᑮ ᒫᓛᑕᓄᐸᓐ᙮

ᑭᔅᑫᓕᑖᑯᑖᑫᐎᓐ 16:9

ᐃᓕᓕᐗᒃ ᒫᑲ ᑮ ᐃᔅᒀᓱᐗᒃ ᓈᔅᐱᒡ ᐁ ᑭᔑᑌᓕᒃ, ᓀᔥᑕ ᑮ ᐹᔅᑕᒧᑕᒬᐗᒃ ᑭᒋᒪᓂᑐᐗ ᐅᑦ ᐃᔑᓂᑳᓱᐎᓂᓕᐤ, ᐊᓇ ᑳ ᑎᐯᓕᑕᒃ ᐅᐅ ᐋᑯᐃᑖᔅᐱᓀᐎᓇ: ᓇᒪᐎᓚ ᒫᑲ ᑮ ᒥᒋᓚᐌᔦᓕᑕᒶᒃ ᑭᒋ ᒫᒥᒋᒫᒋᒃ᙮