ᓂᔓ ᑎᒧᑎ 3:16 - ᐅᔅᑭ ᑎᔅᑌᒥᓐᑦ

¹⁶ ᒥᓯᐌ ᒪᓯᓇᐃᑫᐎᓐ ᒥᓕᐙᓂᐗᓐ ᑭᒋᒪᓂᑐ ᐅ ᓓᓓᑐᑖᑫᐎᓂᒃ ᐅᒋ, ᐃᑖᐸᑕᓐ ᒫᑲ ᑲᑫᔅᑭᒥᐌᐎᓂᒃ, ᓇᑭᒥᐌᐎᓂᒃ, ᒫᒥᓗᒥᐌᐎᓂᒃ, ᓀᔥᑕ ᑭᔅᑭᓄᐊᒫᑫᐎᓂᒃ ᒀᔭᔅᑭᑖᑎᓯᐎᓂᒃ ᐃᔑ:

ᓂᔓ ᑎᒧᑎ 3:16 Iomraidhean Croise

ᐅᐸᓓᑭᔅ ᒫᑎᐤ 13:52

ᐁᑯ ᐁᑖᑦ, ᐁᐗᑯ ᐅᒋ ᒥᓯᐌ ᑕᑐ ᐅᒪᓯᓇᐃᑫᐤ ᑳ ᑭᔅᑭᓄᐊᒫᑦ ᑭᒋᑭᔑᑳᐎ ᐅᑭᒫᐎᐎᓂᒃ, ᓇᔅᐱᑕᐌᐤ ᐃᓕᓕᐗ ᑳ ᑎᐯᓕᑕᒥᓕᒋ ᐙᔅᑳᔨᑲᓂᓕᐤ, ᑳ ᐅᒋ ᐗᓚᐎᑕᑖᑦ ᐅ ᐌᓗᑎᓯᐎᓂᒃ ᐅᔥᑭ ᑫᒀᓇ ᓀᔥᑕ ᑳᔮᔥ ᑫᒀᓇ᙮

ᐅᐸᓓᑭᔅ ᒫᑎᐤ 21:42

ᒋᓴᔅ ᐃᑌᐤ, ᓇᒪ ᓈ ᐐᔅᑳᑦ ᑭ ᐅᒋ ᐋᔭᒥᑖᓇᐗᐤ ᑭᒋ ᒪᓯᓇᐃᑫᐎᓂᒃ, ᐊᓇ ᐊᓯᓂ ᑳ ᑮ ᐋᑕᐌᓕᒥᑯᑦ ᐅᐙᔅᑳᔨᑲᓂᑫᐗ, ᐁᐗᑯ ᑫᔅᑕᓛᑲᓂᐎᑦ ᑭᑫᔮᒃ: ᐁᐗᑯ ᐅᒪ ᐅᑎᐯᓕᒋᑫᐤ ᐅᑦ ᐃᑐᑕᒧᐎᓐ, ᑭ ᒫᒪᔅᑳᓯᓀᓈᓇᐤ ᒫᑲ᙮

ᐅᐸᓓᑭᔅ ᒫᑎᐤ 22:43

ᐃᑌᐤ ᒫᑲ, ᑖᓀᑭ ᐌᒋ ᒫᑲ ᑌᐱᑦ ᐊᒑᑯᒃ ᐅᑎᐯᓕᒋᑫᐤ ᐃᔑᓂᑳᑖᑦ, ᐁ ᐃᑗᑦ,

ᐅᐸᓓᑭᔅ ᒫᑎᐤ 26:54

ᒫᑲ ᑖᓐᑌ ᑫ ᐅᒋ ᑎᐱᐸᓕᒃ ᑳ ᐃᑕᔅᑌᒃ ᑭᒋ ᒪᓯᓇᐃᑫᐎᓂᒃ, ᐁᑯ ᑭᒋ ᐃᔑ ᐃᑭᑭᐸᓐ?

ᐅᐸᓓᑭᔅ ᒫᑎᐤ 26:56

ᒫᑲ ᒥᓯᐌ ᐅᒪ ᑮ ᐃᑭᓐ ᑭᒋ ᑎᐱᐸᓕᓕᑭ ᐅᑭᔅᑭᐙᐃᑫᐗᒃ ᐅ ᑭᒋ ᒪᓯᓇᐃᑫᐎᓂᐙᐗ᙮ ᐁᑯ ᒥᓯᐌ ᑭᔅᑭᓄᐊᒪᐙᑲᓇᒃ ᓀᑲᑖᒋᒃ, ᑮ ᐅᔑᒧᐗᒃ ᒫᑲ᙮

ᐅᐸᓓᑭᔅ ᒫᕐᒃ 12:24

ᒋᓴᔅ ᒫᑲ ᐁ ᓇᔥᑴᐗᔑᐋᑦ ᑮ ᐃᑌᐤ, ᓇᒪ ᓈ ᑭ ᓇᔅᐹᒡ ᐃᑌᓕᑌᓇᐗᐤ, ᐁᑳ ᐁ ᑭᔅᑫᓕᑕᒣᒃ ᑭᒋ ᒪᓯᓇᐃᑫᐎᓇ, ᐁᑳ ᓀᔥᑕ ᐅ ᑲᔥᑭᐅᐎᓐ ᑭᒋᒪᓂᑐ?

ᐅᐸᓓᑭᔅ ᒫᕐᒃ 12:36

ᐌᓴ ᑌᐱᑦ ᑫᒋᐙᒃ ᑮ ᐃᑌᐤ ᐸᓓᑭ ᐊᒑᑾ ᐅᒋ, ᐅᑎᐯᓕᒋᑫᐤ ᑮ ᐃᑌᐤ ᓂ ᑎᐯᓕᒋᑫᒪ, ᐊᐱ ᑭᓚ ᓂ ᑭᒋᓂᔅᑭᒃ, ᐹᑎᒫ ᑭ ᑐᑕᒫᓀ ᑭᒋ ᐅ ᑕᑯᔅᑳᒋᑲᓂᔭᓐ ᐊᓂᑭ ᑳ ᐸᒀᑎᔅᑭᒃ᙮

ᐅᐸᓓᑭᔅ ᒑᓐ 10:35

ᑮᔥᐱᓐ ᒪᓂᑐᐗᒃ ᑳ ᐃᔑᓂᑳᑖᑴ ᐊᓂᐃ ᑳ ᑮ ᐅᑎᑎᑯᓕᒋ ᑭᒋᒪᓂᑐᐗ ᐅᑦ ᐋᔭᒥᐎᓀᓕᐤ, ᑭᒋ ᒪᓯᓇᐃᑫᐎᓐ ᒫᑲ ᓇᒪᐎᓚ ᑲᑕ ᑮ ᐱᑯᐱᒋᑳᑌᐤ;

ᐅᐸᓓᑭᔅ ᒑᓐ 3:20

ᐌᓴ ᒥᓯᐌ ᑕᑐ ᐊᐌᓇ ᑳ ᒪᒋᑐᑕᒃ, ᐸᒀᑕᒻ ᐙᔅᑌᐎᓂᓕᐤ, ᓇᒪᐎᓚ ᓀᔥᑕ ᐯᒋ ᓈᑕᒻ ᐙᔅᑌᐎᓂᓕᐤ, ᐁᑳ ᑭᒋ ᑭᔅᑫᓕᒋᑳᑌᓕᑭ ᐅᑦ ᐋᔨᑎᐎᓇ᙮

ᐊᐸᔅᑕᓚᒃ 1:16

ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᐅᒪ ᑭᒋᒪᓯᓇᐃᑫᐎᓐ ᔮᓕᑌᓪ ᑮ ᐃᑌᓕᑖᑾᓐ ᑭᒋ ᑎᐱᐸᓕᒃ, ᓇᔮᑲᓇ ᑳ ᐃᔑ ᐋᔭᒥᑦ ᑳ ᐹᓓᑭᓯᑦ ᐋᒑᒃ ᑌᐱᑦ ᐅᑐᓐ ᐅᒋ, ᐁ ᐃᑖᒋᒫᑦ ᒎᑕᓴ, ᐊᓇ ᑳ ᑮ ᑭᔅᑭᓄᑕᐋᑦ ᐊᓂᐃ ᑳ ᑮ ᐅᑎᓈᓕᒋ ᒋᓴᓴ᙮

ᐊᐸᔅᑕᓚᒃ 18:25

ᐊᐗ ᐃᓕᓕᐤ ᑮ ᑭᔅᑭᓄᐊᒪᐙᑲᓂᐎᐤ ᐅᑦ ᐃᔑᑣᐎᓂᓕᒃ ᐅᑎᐯᓕᒋᑫᐗ; ᐁ ᑮ ᒫᔥᑲᐌᓕᑕᒃ ᒫᑲ ᐅᑦ ᐊᒑᑯᒃ, ᑮ ᐊᔭᒥᐤ ᓀᔥᑕ ᐯᔮᑕᒃ ᑮ ᑭᔅᑭᓄᐊᒫᑫᐌᐤ ᐅᑎᐯᓕᒋᑫᐗ ᐅᑦ ᐊᔨᑎᐎᓂᓕᐗ, ᐁ ᑭᔅᑫᓕᑕᒃ ᐱᑯ ᒑᓐ ᐅ ᓯᑲᐊᑖᑫᐎᓐ᙮

ᐊᐸᔅᑕᓚᒃ 20:20

ᓀᔥᑕ ᐁᑳ ᐁ ᑮ ᓇᑲᓇᒪᑕᑾᒃ ᑫᒀᓐ ᑫ ᒥᓗ ᑐᑕᑯᔦᑭᐸᓐ, ᒫᑲ ᑭ ᑮ ᐙᐸᑎᓕᑎᓇᐗᐤ, ᓀᔥᑕ ᑭ ᑮ ᑭᔅᑭᓄᐊᒪᑎᓇᐗᐤ ᒧᔓᔐ, ᓀᔥᑕ ᐊᑭᓀ ᐙᔅᑲᔨᑲᓂᒃ᙮

ᐊᐸᔅᑕᓚᒃ 20:27

ᐌᓴ ᓇᒪᐎᓚ ᓂ ᑮ ᔖᑴᓕᒧᓐ ᑭᒋ ᐎᑕᒪᑕᑾᒃ ᒥᓯᐌ ᑭᒋᒪᓂᑐ ᐅᑦ ᐃᑌᓕᑕᒪᐎᓐ᙮

ᐊᐸᔅᑕᓚᒃ 28:25

ᐃᔅᐱ ᒫᑲ ᐁᑳ ᑖᐱᔅᑯᒡ ᑳ ᐃᑌᓕᑕᑭᒃ, ᑮ ᑭᑐᑌᐗᒃ, ᐃᔅᐱ ᐹᓪ ᐯᔭᒃ ᐋᔭᒥᐎᓂᓕᐤ ᑳ ᑮ ᐃᑗᑦ, ᒀᔭᔉ ᑖᐺ ᐯᓓᑭᓯᑦ ᐊᒑᒃ ᑮ ᐋᔭᒥᐁᐤ ᑯᑖᐎᓈᐗ ᐊᓂᐃ ᐅᑭᔅᑭᐙᐃᑫᐗ ᐋᐃᓭᔭ ᐅᒋ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:4

ᐌᓴ ᑫᒀᓇ ᑳ ᑮ ᒪᓯᓇᐃᑳᑌᑭ ᐌᔅᑲᒡ ᑮ ᒪᓯᓇᐃᑳᑌᐗ ᑭᓚᓈᓇᐤ ᑭᒋ ᑭᔅᑫᓕᑕᒪᒃ, ᑭᓚᓈᓇᐤ ᔑᐱᓚᐌᓯᐎᓂᒃ ᐅᒋ, ᓀᔥᑕ ᐁ ᒥᓜᓕᒧᐃᑯᔭᒃ ᑭᒋ ᒪᓯᓇᐃᑫᐎᓇ, ᑭᒋ ᐅᒋ ᐋᔮᔭᒃ ᐊᔅᐯᓕᒧᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:20

ᐁ ᑭᔅᑭᓄᐊᒪᐗᒋᒃ ᐊᓂᑭ ᑳ ᑲᑫᐹᑎᓯᒋᒃ, ᐁ ᑮ ᑭᔅᑭᓄᐊᒪᐗᒋᒃ ᐅᔥᑲᐙᔑᔕᒃ, ᐁ ᐋᔮᔭᓐ ᐊᓂᒪ ᐁ ᐃᔑᓈᑾᒃ ᑭᔅᑫᓕᑕᒧᐎᓐ ᓀᔥᑕ ᑖᐺᐎᓐ ᐅᓚᔓᐌᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:2

ᒥᔅᑕᐃ ᒥᓯᐌ ᐃᔑ: ᒫᑲ ᐅᓵᒻ, ᐁ ᑮ ᐊᑭᑎᓇᒪᐙᑲᓂᐎᒋᒃ ᑭᒋᒪᓂᑐ ᐅ ᐸᓓᑭ ᒪᓯᓇᐃᑫᐎᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:23

ᓇᒪᐎᓚ ᒫᑲ ᐎᓚ ᐱᑯ ᐁ ᐯᔭᑯᑦ ᑮ ᐅᒋ ᐃᑕᓯᓇᐃᑳᑌᐤ, ᐊᓂᐁᓕᐤ ᐁ ᑮ ᐃᑕᑭᑕᒫᑦ;

ᓂᔥᑕᒻ ᑯᕆᓐᑎᐊᓇ 12:7

ᒫᑲ ᐊᒑᒃ ᐅ ᐙᐸᑎᓕᐌᐎᓐ ᒥᓛᑲᓂᐎᐤ ᒥᓯᐌ ᑕᑐ ᐃᓕᓕᐤ ᑭᒋ ᐅᒋ ᐋᓕᐗᒃ ᐅᑎ᙮

ᑲᓓᔕᐊᓇ 3:8

ᓀᔥᑕ ᒪᓯᓇᐃᑫᐎᓐ, ᓂᑳᓐ ᐁ ᐙᐸᑕᒧᒪᑲᒃ ᑭᒋᒪᓂᑐ ᑭᒋ ᒀᔭᔅᑳᑎᓯᐋᑦ ᐁᑳ ᑳ ᐋᔭᒥᐋᓕᒋ ᑖᐺᔦᓕᑕᒧᐎᓐ ᐅᒋ, ᓂᑳᓐ ᒥᓗᐋᒋᒧᐎᓂᓕᐤ ᑮ ᑲᑫᔅᑭᒥᑯ ᐁᑉᕃᐊᒻ, ᐁ ᐃᑎᑯᑦ, ᑭᓚ ᐅᒋ ᑲᑕ ᒥᓦᑭᒪᐗᒃ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮

ᓂᔓ ᑎᒧᑎ 2:25

ᓗᔅᑳᑎᓯᐎᓂᒃ ᐁ ᑭᔅᑭᓄᐊᒪᐙᑦ ᐊᓂᐃ ᑳ ᐸᓯᑯᔅᑕᓱᓕᒋ; ᑮᔥᐱᓐ ᑭᒋᒪᓂᑐ ᐃᑌᓕᑕᑭ ᑭᒋ ᒥᓛᑦ ᑴᔅᑳᑎᓯᐎᓂᓕᐤ ᑭᒋ ᐙᐎᑕᒥᓕᑭ ᑖᐺᐎᓂᓕᐤ;

ᓂᔓ ᑎᒧᑎ 4:2

ᑲᑫᔅᑭᒥᐌ ᐊᔭᒥᐎᓐ; ᑭᓯᓴᐎᓯ ᐌᑎᒋᐸᓕᑭ, ᓀᔥᑕ ᐁᑳ ᐌᑎᒋᐸᓕᑭ; ᓇᑭᒥᐌ, ᑭᑕᐊᒫᑫ, ᔑᑭᑫᒧ, ᒥᓯᐌ ᔑᐯᓕᑕᒧᐎᓂᒃ ᓀᔥᑕ ᑭᔅᑭᓄᐊᒫᑫᐎᓂᒃ᙮

ᐦᐃᑉᕉᐗ 11:1

ᑖᐺᔦᓕᑕᒧᐎᓐ ᒫᑲ ᑫᒋᓇᐅᐎᓂᐗᓐ ᐊᓂᐃ ᑫᒀᓇ ᑳ ᐊᔅᐯᓕᒧᒋᑳᑌᑭ, ᐌᒋ ᑫᒋᓈᔦᓕᒋᑳᑌᑭ ᐊᓂᐃ ᐁᑳ ᑳ ᓄᑾᑭ᙮

ᐦᐃᑉᕉᐗ 3:7

ᐁᐗᑯ ᐌᒋ, ᑖᐱᔅᑯᒡ ᑳ ᐃᑗᑦ ᐯᓓᑭᓯᑦ ᐊᒑᒃ, ᐊᓄᒡ ᐁ ᑭᔑᑳᒃ ᑮᔥᐱᓐ ᐎ ᓇᑐᑕᒬᒃ ᑳ ᐃᑗᑦ,

ᐦᐃᑉᕉᐗ 4:12

ᐌᓴ ᑭᒋᒪᓂᑐ ᐅᑦ ᐋᔭᒥᐎᓐ ᐱᒫᑎᓯᒪᑲᓂᓕᐤ, ᓀᔥᑕ ᓱᑳᑎᓯᒪᑲᓂᓕᐤ, ᓀᔥᑕ ᐊᐙᓯᑌ ᑳᔖᓕᐤ ᐃᔥᐱᔥ ᐁ ᓂᔓᐱᔅᑲᒧᑭ ᔑᒫᑲᓐ, ᐁ ᔖᐳᐸᓕᓕᒃ ᐃᔥᐱᔥ ᑮ ᐅᒋ ᓀᓇᐎᓂᑳᑌᒃ ᐊᒑᒃ ᓀᔥᑕ ᒥᑐᓀᓕᒋᑲᓐ, ᓀᔥᑕ ᐋᓂᔅᑲᐎᑲᓇᓇ ᓀᔥᑕ ᐅᔅᑲᓂᐱᒥ, ᓀᔥᑕ ᓂᓯᑕᐌᓕᑕᒧᒪᑲᓂᓕᐤ ᑳ ᒥᑐᓀᓕᒋᑳᑌᒃ ᓀᔥᑕ ᑳ ᐃᑌᓕᒋᑳᑌᒃ ᒥᑌᐃᒃ᙮