ᓂᔓ ᑎᒧᑎ 3:15 - ᐅᔅᑭ ᑎᔅᑌᒥᓐᑦ

¹⁵ ᓀᔥᑕ ᐁ ᐊᐙᔑᔑᐎᔭᓐ ᐁ ᑮ ᐯᒋ ᑭᔅᑫᓕᑕᒪᓐ ᐸᓓᑭ ᒪᓯᓇᐃᑫᐎᓇ, ᑫ ᑮ ᑲᑫᑕᐌᓕᑕᒥᐃᑯᔭᓐ ᐱᒫᒋᐃᐌᐎᓂᒃ ᐃᔑ, ᑖᐺᔦᓕᑕᒧᐎᓐ ᐅᒋ ᙭ ᒋᓴᓯᒃ ᑳ ᐃᑕᑾᒃ᙮

ᓂᔓ ᑎᒧᑎ 3:15 Iomraidhean Croise

ᐅᐸᓓᑭᔅ ᒫᑎᐤ 22:29

ᒋᓴᔅ ᒫᑲ ᐁ ᓇᔥᑴᐗᔑᐃᐌᑦ, ᑮ ᐃᑌᐤ, ᑭ ᓇᔅᐹᒡ ᐃᑌᓕᑌᓇᐗᐤ, ᐁᑳ ᐁ ᑭᔅᑫᓕᑕᒣᒃ ᑭᒋ ᒪᓯᓇᐃᑫᐎᓇ, ᐁᑳ ᓀᔥᑕ ᐅ ᑲᔥᑭᐅᐎᓐ ᑭᒋᒪᓂᑐ᙮

ᐅᐸᓓᑭᔅ ᓘᒃ 1:15

ᐌᓴ ᑲᑕ ᑭᔅᑌᓕᑖᑯᓯᐤ ᐅᔅᑭᔑᑯᓕᒃ ᐅᑎᐯᓕᒋᑫᐗ, ᓇᒪᐎᓚ ᓀᔥᑕ ᑲᑕ ᒥᓂᑴᐤ ᔓᒥᓈᐳᓕᐤ ᓇᒪ ᓀᔥᑕ ᑫᒀᓕᐤ ᐁ ᓱᑳᑲᒥᓂᓕᒃ, ᑲᑕ ᓵᑲᔅᑭᓀᔅᑳᑯ ᒫᑲ ᐸᓓᑭ ᐊᒑᑾ ᐙᐙᒡ ᐅᑳᐎᔭ ᐅᔅᐹᔮᓕᒃ ᐅᒋ᙮

ᐅᐸᓓᑭᔅ ᓘᒃ 2:40

ᐊᐙᔑᔥ ᒫᑲ ᑮ ᐊᑎ ᐅᐱᑭᐤ, ᓀᔥᑕ ᐋᒋᐱᑯ ᑮ ᓵᐱᐤ ᐅᑦ ᐊᒑᑯᒃ, ᐁ ᓵᑲᔅᑭᓀᔅᑳᑯᑦ ᑲᑫᑕᐌᓕᑕᒧᐎᓂᓕᐤ: ᑮ ᑭᑭᔥᑳᑯᐌᐤ ᒫᑲ ᑭᒋᒪᓂᑐᐗ ᐅ ᔕᐌᓕᒋᑫᐎᓂᓕᐤ᙮

ᐅᐸᓓᑭᔅ ᓘᒃ 24:27

ᐁ ᑭᑐᐌᑦ ᒫᑲ ᒧᓯᔅ ᐅᒋ, ᓀᔥᑕ ᒥᓯᐌ ᐅᑭᔅᑭᐙᐃᑫᐗᒃ, ᑮ ᑭᔅᑫᓕᑕᒥᐁᐤ ᒥᓯᐌ ᑭᒋ ᒪᓯᓇᐃᑫᐎᓂᒃ ᐊᓂᐃ ᑫᒀᓇ ᑳ ᐃᔑ ᐃᑖᒋᒫᑲᓂᐎᑦ᙮

ᐅᐸᓓᑭᔅ ᓘᒃ 24:32

ᑮ ᐃᑎᑐᐗᒃ ᒫᑲ, ᓇᒪ ᓈ ᑭᑌᐃᓇᐤ ᑮ ᐸᓯᑌᐤ ᐱᒋ ᑭᔭᐎᓈᒃ, ᒣᒀᒡ ᑳ ᐋᔭᒥᐃᑕᒃ ᐁ ᐱᒧᑌᔭᒃ, ᓀᔥᑕ ᒣᒀᒡ ᑳ ᐋᐸᐊᒫᑕᒃ ᑭᒋ ᒪᓯᓇᐃᑫᐎᓇ᙮

ᐅᐸᓓᑭᔅ ᓘᒃ 24:45

ᐁᑯ ᐃᐋᐸᐊᒸᑦ ᐅ ᓂᓯᑐᑕᒧᐎᓂᓕᐤ, ᑭᒋ ᓂᓯᑐᑕᒥᓕᒋ ᑭᒋ ᒪᓯᓇᐃᑫᐎᓇ,

ᐅᐸᓓᑭᔅ ᒑᓐ 5:47

ᒫᑲ ᑮᔥᐱᓐ ᐁᑳ ᑎᐋᐺᑕᒬᑴ ᐅ ᒪᓯᓇᐃᑫᐎᓇ, ᑖᓐᑌ ᑫ ᑮ ᐅᒋ ᑖᐺᑕᒣᒃ ᓂᑦ ᐊᔭᒥᐎᓇ?

ᐊᐸᔅᑕᓚᒃ 10:43

ᐎᓚ ᑎᐹᒋᒥᑯ ᒥᓯᐌ ᐅᑭᔅᑭᐗᐃᑫᐗ, ᐎᓚ ᐅᑦ ᐃᔑᓂᑳᓱᐎᓐ ᐅᒋ ᐱᑯ ᐊᐌᓇ ᑫ ᑖᐺᔦᓕᒫᑴ ᑲᑕ ᒥᓛᑲᓂᐎᐤ ᐊᔐᓇᒫᑫᐎᓐ ᒪᒋᑣᐎᓇ ᐅᒋ᙮

ᐊᐸᔅᑕᓚᒃ 13:29

ᐃᔅᐱ ᒫᑲ ᑳ ᑮ ᑎᐱᐸᓕᑖᒋᒃ ᒥᓯᐌ ᑳ ᒪᓯᓇᐃᑳᑌᓕᒃ ᐎᓚ ᐅᒋ, ᑮ ᓂᑎᓀᐗᒃ ᒥᔅᑎᑯᒃ ᐅᒋ, ᓀᔥᑕ ᑮ ᐱᒥᔑᒣᐗᒃ ᒋᐸᔨᑲᒥᑯᒃ᙮

ᐊᐸᔅᑕᓚᒃ 16:1

ᐁᑯ ᐱᐁᒋ ᑕᑯᔑᒃ ᑕᕐᐱᐃᒃ ᓀᔥᑕ ᓕᔅᑦᕋᐃᒃ; ᒫᑎᑲ, ᒫᑲ, ᐯᔭᒃ ᑭᔅᑭᓅᐊᒪᐙᑲᓐ ᐊᓐᑕ ᑮ ᐃᑖᐤ, ᑕᐃᒧᑎᐊᔅ ᐁ ᐃᔑᓂᑳᓱᑦ, ᐅᑯᓯᓴ ᐯᔭᒃ ᐃᔅᑴᐤ ᑳ ᒍᐎᐃᔅᑴᐎᑦ, ᑳ ᑖᐺᑕᒃ ᓀᔥᑕ; ᒫᑲ ᐅᑖᐎᔭ ᑳ ᒃᕆᑭᐎᓕᒋ;

ᐊᐸᔅᑕᓚᒃ 17:2

ᐹᓪ ᒫᑲ, ᑖᐱᔅᑯᒡ ᒧᔕᒃ ᑳ ᐃᔑ ᑐᑕᒃ, ᑮ ᐱᑐᑲᐌᐤ, ᓀᔥᑕ ᓂᔅᑐ ᐋᔭᒥᐁᑭᔑᑳᐗ ᑮ ᐎᒋᐋᔭᒥᒣᐤ ᑭᒋᒪᓯᓇᐃᑫᐎᓂᒃ ᐅᒋ,

ᐊᐸᔅᑕᓚᒃ 26:24

ᒣᒀᒡ ᒫᑲ ᐅᒪ ᑳ ᐃᔑ ᐋᔭᒥᔅᑕᒫᓱᑦ, ᐯᔅᑕᔅ ᑮ ᐃᑗᐤ ᐁ ᑭᔗᐌᑦ, ᐹᓪ, ᑭ ᐗᓂᒥᑲᐎᓐ; ᒥᔅᑕᐃ ᑭᔅᑫᓕᑕᒧᐎᓐ ᑭ ᑭᔥᑴᐃᑯᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:2

ᐌᔅᑲᒡ ᑳ ᑮ ᐊᔓᑕᒫᑫᔅᐸᓐ ᐅᑦ ᐅᑭᔅᑭᐙᐃᑫᒪ ᐅᒋ ᐸᓓᑭ ᒪᓯᓇᐃᑲᓂᒃ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:26

ᒫᑲ ᐊᓄᒡ ᑳ ᑭᔅᑫᓕᑖᑯᑖᑲᓂᐗᒃ, ᓀᔥᑕ ᐅ ᒪᓯᓇᐃᑫᐎᓂᐗᐗ ᐅᒋ ᐊᓂᑭ ᐅᑭᔅᑭᐙᐃᑫᐗᒃ, ᑳ ᑮ ᐃᑕᔓᐌᑦ ᐊᓇ ᑳᑭᑫ ᐯᒫᑎᓰᑦ ᑭᒋᒪᓂᑐ, ᑳ ᑭᔅᑫᓕᑕᒥᐋᑲᓂᐄᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ ᑭᒋ ᐅᒋ ᓇᓇᐃᑕᑭᒃ ᑖᐺᔦᓕᑕᒧᐎᓂᓕᐤ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:27

ᓇᒪ ᓈ ᓀᔥᑕ ᐊᓂᒪ ᓇᒪᑭᔅᑭᓄᐙᒋᔓᐎᓐ ᐅᒋᑕᐤ ᑳ ᐃᑭᒃ, ᑮᔥᐱᓐ ᑎᐱᑐᑕᒧᒪᑲᒃ ᐅᓚᔓᐌᐎᓐ, ᑭ ᑳ ᑎᐹᔅᑯᓂᑯᓐ, ᑭᓚ ᐁ ᐃᑕᓯᓇᐃᑳᑌᒃ ᓀᔥᑕ ᑭᔅᑭᓄᐙᒋᔓᐎᓐ ᐅᒋ, ᑳ ᐗᓉᑕᒪᓐ ᐅᓚᔓᐌᐎᓐ?

ᓂᔥᑕᒻ ᑯᕆᓐᑎᐊᓇ 1:21

ᐌᓴ ᐹᑎᒫ, ᐅ ᑲᑫᑕᐌᓕᑕᒧᐎᓂᒃ ᑭᒋᒪᓂᑐ, ᐊᔅᑮᒃ ᑳ ᐃᑖᒋᒃ ᑲᑫᑕᐌᓕᑕᒧᐎᓂᒃ ᐁᑳ ᐁ ᐅᒋ ᑭᔅᑫᓕᒫᒋᒃ ᑭᒋᒪᓂᑐᐗ, ᑮ ᐃᔑ ᒥᓜᓕᑕᒻ ᑭᒋᒪᓂᑐ ᐁ ᐃᔑ ᑮᔥᑴᒪᑲᒃ ᑲᑫᔅᑭᒥᐌᐎᓐ ᐅᒋ ᑭᒋ ᐱᒫᒋᐋᑦ ᐊᓂᐃ ᑳ ᑖᐺᔦᓕᑕᒥᓕᒋ᙮

ᐃᐱᓯᔭᓇ 6:4

ᓀᔥᑕ, ᑭᓚᐗᐤ ᐅᑖᐎᒫᑐᒃ, ᐁᑳᐎᓚ ᑭᔑᐙᐃᑯᒃ ᑭᑦ ᐊᐙᔑᒥᔑᐗᐗᒃ; ᒫᑲ ᐅᐱᑭᐃᑯᒃ ᐅ ᐱᑭᐃᐌᐎᓂᒃ ᓀᔥᑕ ᐅ ᑭᔅᑭᓄᐊᒫᑫᐎᓂᒃ ᐅᑎᐯᓕᒋᑫᐤ᙮

ᓂᔥᑕᒻ ᑎᒧᑎ 4:13

ᐃᓕᑯᒃ ᑫ ᑕᑯᔑᓈᓐ, ᒧᔕᒃ ᐋᔭᒥᒋᑫ, ᔑᑭᒥᐌ, ᑲᑫᔅᑭᒥᐌ᙮

ᓂᔓ ᑎᒧᑎ 1:1

ᐹᓪ, ᐅᑦ ᐊᐸᔅᑕᓕᒪ ᒋᓴᔅ ᙭, ᑭᒋᒪᓂᑐ ᐅᑦ ᐃᑌᓕᑕᒧᐎᓐ ᐅᒋ ᑳ ᐃᑕᔅᑌᒃ ᐊᓂᒪ ᐱᒫᑎᓯᐎᓂ ᐊᔓᑕᒫᑫᐎᓐ ᑳ ᐃᑕᑾᒃ ᙭ ᒋᓴᓯᒃ,

ᓂᔓ ᑎᒧᑎ 1:5

ᐃᔅᐱ ᑫᔅᑭᓯᑐᑕᒫᓂ ᐊᓂᒪ ᑖᐺ ᑖᐺᔦᓕᑕᒧᐎᓐ ᑳ ᐱᒋᔅᑳᑯᔭᓐ, ᓂᔥᑕᒻ ᑳ ᑮ ᐱᒋᔅᑳᑯᑦ ᑯᑯᒻ ᓗᐃᔅ ᓀᔥᑕ ᑭᑳᐎ ᐃᔫᓂᔅ; ᓀᔥᑕ ᓂ ᑫᒋᓇᐅᓐ ᑭᓚ ᐊᓯᒋ ᐁ ᐱᒋᔅᑳᑯᔭᓐ᙮

ᓂᔓ ᐱᑕᕐ 3:16

ᑖᐱᔅᑯᒡ ᓀᔥᑕ ᒥᓯᐌ ᐅ ᒪᓯᓇᐊᒫᑫᐎᓂᒃ, ᐁᑯᑕ ᐁ ᐋᓕᒧᑕᒃ ᐅᐅ ᑫᒀᓇ; ᐁᑯᑕ ᐁᑕᑾᑭ ᐋᑎᑦ ᑫᒀᓇ ᑳ ᐋᓕᒪᑭ ᑭᒋ ᓂᓯᑐᒋᑳᑌᑭ, ᐊᓂᑭ ᐁᑳ ᑳ ᐅ ᑭᔅᑫᓕᑕᒧᐎᓂᒋᒃ ᓀᔥᑕ ᐁᑳ ᑳ ᐋᔨᒋᑳᐸᐎᒋᒃ ᑳ ᐙᑭᓇᑭᒃ, ᑖᐱᔅᑯᒡ ᓀᔥᑕ ᐁ ᐃᑐᑕᑭᒃ ᑯᑕᑭᔭ ᑭᒋ ᒪᓯᓇᐃᑫᐎᓇ ᑎᐱᓚᐌ ᐅ ᓂᔑᐗᓈᑎᓯᐎᓂᐙᒃ ᐃᔑ᙮

ᑭᔅᑫᓕᑖᑯᑖᑫᐎᓐ 19:10

ᓂ ᑮ ᐸᑭᔑᓂᓐ ᒫᑲ ᐅᓯᑎᒃ ᑭᒋ ᓇᐗᑮᔅᑕᐗᒃ᙮ ᓂ ᑮ ᐃᑎᒃ, ᔮᑾ ᐁᑳ ᑐᑖ: ᓂᓚ ᑮᒋᐋᑑᔅᑫᓛᑲᓐ, ᓀᔥᑕ ᓂᑦ ᐊᔑᑕᑭᒥᑲᐎᓐ ᑭᒋᔖᓇᒃ ᑳ ᐋᔭᐙᒋᒃ ᐅ ᑎᐹᒋᒧᐎᓂᓕᐤ ᒋᓴᓴ: ᓇᐗᑮᔅᑕᐤ ᑭᒋᒪᓂᑐ: ᐌᓴ ᐅ ᑎᐹᒋᒧᐎᓐ ᒋᓴᔅ ᐁᐗᑯ ᑳ ᐊᒑᑯᐗᒃ ᑭᔅᑭᐙᐃᑫᐎᓐ᙮