12 ᐁᐁ, ᒥᓯᐌ ᐊᓂᑭ ᑫ ᐎ ᒪᓂᑐᐙᑎᓯᒋᒃ ᙭ ᒋᓴᓯᒃ ᑲᑕ ᑲᒀᑕᑭᐋᑲᓂᐎᐗᒃ᙮
ᐁᑯ ᒋᓴᔅ ᐁᑖᑦ ᐅ ᑭᔅᑭᓄᐊᒪᐙᑲᓇ, ᑮᔥᐱᓐ ᐊᐌᓇ ᐙ ᓄᔅᐱᓇᔑᑴ, ᐁᑯᔑ ᑲᑕ ᐋᓉᑖᑎᓱ, ᑲᑕ ᐅᑎᓇᒻ ᒫᑲ ᐅᑦ ᐋᔑᑌᐋᑎᑯᒻ, ᓂ ᑳ ᓄᔅᐱᓇᑎᒃ ᒫᑲ᙮
ᐁᑯᔑ ᒫᑲ, ᒫᑎᑲ, ᑭᑦ ᐃᑎᔕᐊᒫᑎᓇᐗᐤ ᐅᑭᔅᑭᐙᐃᑫᐗᒃ ᓀᔥᑕ ᑫᑫᑕᐌᓕᑕᑭᒃ ᐃᓕᓕᐗᒃ ᓀᔥᑕ ᐅᒪᓯᓇᐃᑫᐗᒃ; ᐋᑎᑦ ᐁ ᐃᑕᓯᒋᒃ ᒫᑲ ᑭ ᑳ ᓂᐸᐋᐗᐗᒃ ᓀᔥᑕ ᒋᔅᑖᔅᑯᐙᐙᐗᒃ; ᐋᑎᑦ ᐁ ᐃᑕᓯᒋᒃ ᒫᑲ ᑭ ᑳ ᐸᐸᓴᔅᑌᐙᐗᐗᒃ ᑭᑦ ᐋᔭᒥᐁᐎᑲᒥᑯᐗᒃ, ᓀᔥᑕ ᒥᓯᐌ ᐃᑖᐎᓂᒃ ᑭ ᑳ ᑲᒀᑕᑭᐊᐙᐗᒃ᙮
ᒫᑲ ᑲᑕ ᒥᓚᐤ ᒥᑖᑐᒥᑕᓇᐗᐤ ᐃᔥᐱᔥ ᐊᓄᒡ, ᐙᔅᑳᔨᑲᓇ ᓀᔥᑕ ᐎᒋᔖᓇ, ᓀᔥᑕ ᐎᒋᔖᓂᔅᑴᒪ, ᓀᔥᑕ ᐅᑳᐎᔭ, ᓀᔥᑕ ᐊᐙᔑᔕ, ᓀᔥᑕ ᐊᔅᑭᔭ, ᐊᓯᒋ ᑲᒀᑕᑭᐃᑯᓯᐎᓇ; ᓀᔥᑕ ᐊᔅᑮᒃ ᑫ ᐅᑎᒋᐸᓕᒃ ᑳᑭᑫ ᐱᒫᑎᓯᐎᓐ᙮
ᑭ ᑳ ᐗᓚᐎᐌᐱᓂᑯᐙᐗᒃ ᐋᔭᒥᐁᐎᑲᒥᑯᒃ ᐅᒋ: ᐁᐁ, ᑎᐹᔨᑲᓐ ᐱᓯᒧᑳᓂᒃ ᐹᐸᓕᐤ, ᐃᔅᐱ ᒥᓯᐌ ᐊᐌᓇ ᑫ ᓂᐹᔨᑖᒃ, ᓂᑦ ᐊᑑᔅᑲᐗᐤ ᑭᒋᒪᓂᑐ, ᑲᑕ ᐃᑌᓕᑕᒻ᙮
ᐅᐅ ᑫᒀᓇ ᑭ ᑮ ᐎᑕᒫᑎᓇᐗᐤ ᓂᓚ ᑭᒋ ᐅᒋ ᐋᔮᔦᒃ ᑳᔮᒣᓕᑕᒧᐎᓐ᙮ ᒥᑯᔥᑳᑌᓕᑕᒧᐎᓐ ᑭ ᑳ ᐋᔮᓇᐗᐤ ᐊᔅᑮᒃ: ᒫᑲ ᒥᓜᓕᑕᒧᒃ; ᓂ ᑮ ᔔᑯᒋᑖᓐ ᐊᔅᑮ᙮
ᓂ ᑮ ᒥᓛᐗᒃ ᑭᑦ ᐋᔭᒥᐎᓂᓕᐤ; ᐊᔅᑭᓕᐤ ᒫᑲ ᑮ ᐸᒀᑎᑯᐗᒃ, ᐁᑳ ᐊᔅᑮᒃ ᐁ ᐅᒋᒋᒃ, ᑖᐱᔅᑯᒡ ᓂᓚ ᐁᑳ ᐊᔅᑮᒃ ᐁ ᐅᒋᔮᓐ᙮
ᐁ ᐊᔨᒋᐃᒫᒋᒃ ᐅᑦ ᐊᒑᑯᐗᐗ ᑭᔅᑭᓄᐊᒪᐙᑲᓇᒃ, ᓀᔥᑕ ᐁ ᔖᔑᑭᒫᒋᒃ ᓲᑲ ᑭᒋ ᒥᒋᒥᓇᒥᓕᒋ ᑖᐺᔦᓕᑕᒧᐎᓂᓕᐤ, ᓀᔥᑕ ᒥᔅᑕᐃ ᐊᓕᒥᓯᐎᓐ ᑭᒋ ᑮ ᐅᒋ ᐱᑐᑫᐗᒃ ᑭᒋᒪᓂᑐ ᐅᑦ ᐅᑭᒫᐎᐎᓂᒃ᙮
ᑮᔥᐱᓐ ᐅᒪ ᐱᒫᑎᓯᐎᓂᒃ ᐱᑯ ᑭᑦ ᐊᔅᐯᓕᒧᑐᑕᐙᓇᐤ ᙭, ᒥᓯᐌ ᐁ ᐃᑕᓯᒋᒃ ᐃᓕᓕᐗᒃ ᑭᓚᓈᓇᐤ ᒪᐗᒡ ᑭ ᑭᑎᒫᑭᓯᓋᓇᐤ᙮
ᐌᓴ ᐅᒪ ᐅᒋ ᓂ ᒧᒋᑫᓕᑌᓈᓐ, ᐁ ᐃᑖᒋᒧᔅᑖᑯᔮᒃ ᓂ ᒥᑐᓀᓕᒋᑲᓂᓇᓐ, ᒀᔭᔉ ᐃᑌᓕᑕᒧᐎᓂᒃ ᓀᔥᑕ ᒪᓂᑐᐎ ᑖᐺᔦᓕᑖᑯᓯᐎᓂᒃ, ᓇᒪᐎᓚ ᐎᔮᓯᐎ ᑲᑫᑕᐌᓕᑕᒧᐎᓂᒃ, ᒫᑲ ᐅ ᔕᐌᓕᒋᑫᐎᓐ ᑭᒋᒪᓂᑐ ᐅᒋ, ᓂ ᑮ ᐃᔑ ᐱᒫᑎᓯᓈᓐ ᐅᑕ ᐊᔅᑮᒃ, ᐋᓕᐗᒃ ᒫᑲ ᑭᓚᐗᐤ ᐃᔑ᙮
ᓂ ᑲᒀᑕᑭᐃᑲᐎᓈᓐ, ᒫᑲ ᓇᒪᐎᓚ ᓂ ᐌᐱᓂᑲᐎᓈᓐ; ᓂ ᐌᐱᔑᒥᑲᐎᓈᓐ, ᒫᑲ ᓇᒪᐎᓚ ᓂ ᓂᔑᐗᓈᒋᐃᑲᐄᓈᓐ;
ᑭᒋᐅᑭᒪᐗᒃ, ᓀᔥᑕ ᒥᓯᐌ ᑳ ᑎᐯᓕᒋᑫᒋᒃ; ᑭᒋ ᑳᔮᒣᐎᓯᐎ ᓀᔥᑕ ᑳᔮᒣᓕᑕᒧᐎ ᐱᒫᑎᓯᔭᒃ ᒥᓯᐌ ᒪᓂᑐᐙᑎᓯᐎᓂᒃ ᓀᔥᑕ ᑾᔭᔅᑭᑎᐎᓂᒃ᙮
ᓀᔥᑕ ᐁᑳ ᐁ ᑶᑕᐎᐃᑌᓕᒋᑳᑌᒃ ᑭᔅᑌᓕᑖᑾᓐ ᐁ ᐃᔑ ᒫᒪᔅᑳᑌᓕᑖᑾᒃ ᒪᓂᑐᐙᑎᓯᐎᓐ: ᑭᒋᒪᓂᑐ ᑮ ᓄᑯᐊᐤ ᐎᔮᓯᒃ, ᑭ ᒀᔭᔅᑲᑎᓯᐊᐤ ᐊᒑᑯᒃ, ᑮ ᐙᐸᒥᑯ ᐁᓐᒐᓚ, ᑮ ᐋᓕᒧᑕᒧᐗᐗᒃ ᒉᓐᑖᐃᓚᒃ, ᑮ ᑖᐺᔦᓕᒪᐤ ᐊᔅᑮᒃ, ᐃᔥᐱᒥᒃ ᑮ ᐅᑎᓇᐤ ᑭᔅᑌᓕᑖᑯᓯᐎᓂᒃ᙮
ᑮᔥᐱᓐ ᐊᐌᓇ ᐱᑐᔥ ᐃᔑ ᑭᔅᑭᓄᐊᒫᑫᒋ, ᓀᔥᑕ ᐁᑳ ᓇᔅᑯᑕᑭ ᐱᒫᑎᓯᐎ ᐋᔭᒥᐎᓇ, ᐊᓂᐃ ᐅᑎ ᐅᑦ ᐋᔭᒥᐎᓇ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᐊᓂᒪ ᑭᔅᑭᓄᐊᒫᑫᐎᓐ ᒪᓂᑐᐙᑎᓯᐎᓂᒃ ᑳ ᐃᑕᔅᑌᒃ:
ᐹᓪ, ᐅᑦ ᐊᑑᔅᑫᓚᑲᓂᒪ ᑭᒋᒪᓂᑐ, ᓀᔥᑕ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᐃᑕᔅᑌᓕᒃ ᐅ ᑖᐺᔦᓕᑕᒧᐎᓂᓕᐤ ᑭᒋᒪᓂᑐ ᐅ ᐙᐌᓛᐸᒫᑲᓇ, ᓀᔥᑕ ᐁ ᐎᒋᑳᑌᒃ ᐊᓂᒪ ᑖᐺᐎᓐ ᒪᓂᑐᐙᑎᓯᐎᓂᒃ ᑳ ᐃᑕᔅᑌᒃ;
ᐁ ᑭᔅᑭᓄᐊᒫᑯᔭᒃ, ᐁ ᐋᓉᑕᒪᒃ ᒪᒑᑎᓯᐎᓐ ᓀᔥᑕ ᐊᔅᑭᐎ ᓇᑕᐌᓕᒋᑫᐎᓇ, ᑭᒋ ᐯᑳᒡ ᐱᒫᑎᓯᔭᒃ, ᑭᒋ ᒀᔭᔅᑭᑖᑎᓯᔭᒃ, ᓀᔥᑕ ᒪᓂᑐᐙᑎᓯᔭᒃ, ᐅᒪ ᐊᔅᑮᒃ ᐊᓄᒡ ᑳ ᐃᑕᑾᒃ;
ᒫᑲ ᑮᔥᐱᓐ ᒀᔭᔅᑭᑖᑎᓯᐎᓐ ᐅᒋ ᓇᓀᑳᒋᐃᑲᐎᔦᑴ, ᑭ ᒥᓚᐙᑌᓇᐗᐤ: ᐁᑳᐎᓚ ᓀᔥᑕ ᑯᔅᑕᒸᒃ ᐊᓂᐃ ᑳ ᐎ ᐅᒋ ᓭᑭᐃᑖᑾᒃ, ᐁᑳ ᓀᔥᑕ ᒥᑯᔥᑳᑌᓕᑕᒧᒃ;
ᐁ ᐙᐸᑕᒪᒃ ᒫᑲ ᒥᓯᐌ ᐅᐅ ᑭᒋ ᓂᔑᐗᓈᑕᑭ, ᑫᑯ ᑐᐎ ᐃᓕᓕᐗᒃ ᑫ ᐃᔑᓈᑯᓯᔦᑯᐸᓐ ᒥᓯᐌ ᐸᓓᑭ ᐃᔑᐱᒫᑎᓯᐎᓂᒃ ᓀᔥᑕ ᒪᓂᑐᐙᑎᓯᐎᓂᒃ,
ᐅᓱ ᒫᑲ ᑮ ᐅᒋ ᓂᒋᐸᓕᐁᐤ ᓂᔅᑡᐤ ᐃᓕᑯᒃ ᐊᒐᑾ ᑭᔑᑯᒃ, ᐊᔅᑮᒃ ᒫᑲ ᑮ ᐃᔑ ᐌᐱᓀᐤ: ᐊᓇ ᒥᔑᑭᓀᐱᒃ ᒫᑲ ᑮ ᐅᑎᔥᑲᐎᑳᐸᐎᔅᑕᐌᐤ ᐊᓂᐃ ᐃᔅᑴᐗ ᑳ ᐎ ᐋᐱᒪᐗᓱᓕᒋ, ᑭᒋ ᒧᐃᒫᑦ ᐅᑦ ᐊᐙᔑᒥᔕ ᑭᔖᒡ ᓂᑕᐎᑭᓕᒋ᙮
ᓂ ᑮ ᐃᑕᐤ ᒫᑲ, ᐅᑭᒪᐤ, ᑭᓚ ᑭ ᑭᔅᑫᓕᑌᓐ᙮ ᓂ ᑮ ᐃᑎᒃ ᒫᑲ, ᐅᑯ ᐁᐗᒀᓂᑭ ᑭᒋ ᐊᓕᒥᓯᐎᓂᒃ ᑳ ᑮ ᐯᒋ ᐅᑐᑌᒋᒃ, ᑮ ᑭᒋᔅᑕᐸᐎᑖᐗᒃ ᒫᑲ ᐅᑦ ᐊᑯᐅᓂᐙᐗ, ᓀᔥᑕ ᑮ ᐙᐱᑖᐗᒃ ᐅ ᒥᑯᒥᓕᒃ ᒫᓂᔥᒑᓂᔑᔕ᙮
