6 ᐅᓂᑕᐎᑭᒋᑫᐤ ᑳ ᐊᑑᔅᑫᑦ ᓂᔥᑕᒻ ᑲᑕ ᐋᐸᒋᑕᐤ ᐊᓂᐃ ᑳ ᓂᑕᐎᑭᓂᓕᑭ᙮
ᐌᓴ ᑭᒋᑭᔑᑳᐎ ᐅᑭᒫᐎᐎᓐ ᐃᑌᓕᑖᑾᓐ ᑖᐱᔅᑯᒡ ᐃᓕᓕᐤ ᑳ ᑎᐯᓕᑕᒃ ᐙᔅᑳᔨᑲᓂᓕᐤ, ᑳ ᐗᓚᐙᑦ ᐎᐸᒡ ᐁ ᑭᑭᔐᐹᔮᓕᒃ ᑭᒋ ᐊᑐᑖᑦ ᐅᑕᑑᔅᑫᐗ ᐅ ᔓᒥᓈᑎᑯ ᓂᑖᐎᑭᒋᑲᓂᒃ᙮
ᐁᑯ ᐊᓇ ᑳ ᑮ ᐅᑎᓈᑦ ᓂᔮᓚᓐ ᑖᓕᓐᑕ ᑮ ᓇᑕᐎ ᐊᑖᐙᑫᐤ ᐊᓂᐃ, ᑮ ᑕᑯᐁᐤ ᒫᑲ ᑯᑕᑭᔭ ᓂᔮᓚᓐ ᑖᓕᓐᑕ᙮
ᐁᐗᑯ ᐌᒋ ᐃᑖᑦ, ᑖᐺ ᐊᓂᒪ ᑫ ᒫᐗᒋᒋᑳᑌᒃ ᒥᒉᑎᓐ, ᒫᑲ ᐅᑕᑑᔅᑫᐗᒃ ᒐᑲᐙᔑᔑᐗᒃ: ᐁᐗᑯ ᐅᒋ ᓇᑐᑕᒫᒃ ᑳ ᑎᐯᓕᑕᒃ ᑫ ᒫᐗᒋᒋᑳᑌᓕᒃ ᑭᒋ ᐃᔑᑎᔕᐙᑦ ᐅᑕᑐᔅᑫᐗ ᐃᑕ ᑫ ᐃᔑ ᒪᐗᒋᒋᑳᓂᐗᓂᓕᒃ᙮
ᐅᒪ ᓀᔥᑕ ᓂ ᑐᑌᓐ ᒥᓗᐋᒋᒧᐎᓐ ᐅᒋ, ᑭᒋ ᑮ ᐅᑎᓇᒫᓐ ᐊᓯᒋ ᑯᑕᑭᔭᒃ᙮
ᒫᒥᑐᓀᓕᑕ ᑳ ᐃᑗᔮᓐ; ᐅᑎᐯᓕᒋᑫᐤ ᒫᑲ ᑭ ᑳ ᐎ ᒥᓕᒃ ᑭᒋ ᓂᓯᑐᑕᒪᐤ ᒥᓯᐌ ᑫᒀᓇ᙮
ᐌᓴ ᑭ ᓇᑕᐌᓕᑌᓇᐗᐤ ᔑᐱᓚᐌᓯᐎᓐ; ᐹᑎᒫ ᑮ ᑐᑕᒬᑴ ᐅᑦ ᐃᑌᓕᑕᒧᐎᓐ ᑭᒋᒪᓂᑐ, ᑭᒋ ᒥᓕᑲᐎᔦᒃ ᐊᓂᒪ ᐊᔓᑕᒫᑫᐎᓐ᙮
ᐌᓴ ᐊᔅᑭ ᑳ ᒥᓂᑴᒪᑲᒃ ᑭᒥᐗᓇᐳ ᒥᒉᑡᐤ ᐁᑯᑕ ᑳ ᐸᑭᑎᒃ, ᓀᔥᑕ ᑳ ᓂᑕᐎᑭᑕᒫᑯᒋᒃ ᓂᑕᐎᑭᑖᑲᓂᔕ ᐊᓂᑭ ᑳ ᓄᒋᑖᒋᒃ, ᒥᓦᑭᑕᒻ ᑭᒋᒪᓂᑐ:
