ᓂᔓ ᑎᒧᑎ 2:24 - ᐅᔅᑭ ᑎᔅᑌᒥᓐᑦ

²⁴ ᐊᓇ ᒫᑲ ᑳ ᐅᑦ ᐊᑑᔅᑫᓚᑲᓂᒥᑯᑦ ᐅᑎᐯᓕᒋᑫᐗ ᓇᒪᐎᓚ ᑳᑕ ᐋᔑᑌᒥᐌᐤ; ᒫᑲ ᑲᑕ ᓗᔅᑳᑎᓰᔅᑕᐌᐤ ᒥᓯᐌ ᐃᓕᓕᐗ, ᐁ ᐎ ᑭᔅᑭᓄᐊᒫᑫᑦ, ᐁ ᔑᐱᓚᐌᓯᑦ,

ᓂᔓ ᑎᒧᑎ 2:24 Iomraidhean Croise

ᐅᐸᓓᑭᔅ ᒫᑎᐤ 12:19

ᓇᒪᐎᓚ ᑲᑕ ᐎ ᔖᑯᒋᒥᐌᐤ, ᓇᒪ ᓀᔥᑕ ᑲᑕ ᑖᑌᐺᐤ; ᓇᒪ ᓀᔥᑕ ᐊᐌᓇ ᑲᑕ ᐯᑕᒬᐤ ᐅ ᐯᑖᑯᓯᐎᓂᓕᐤ ᐱᒧᑌᔅᑲᓈᒃ᙮

ᐅᐸᓓᑭᔅ ᒑᓐ 6:52

ᐁᐗᑯ ᐌᒋ ᒎᐗᒃ ᑲᑴᒋᒥᑐᒋᒃ, ᐁ ᐃᑗᒋᒃ, ᑖᓐᑌ ᐊᐗ ᐃᓕᓕᐤ ᑫ ᑮ ᐅᒋ ᒥᓕᑕᒃ ᐎᔮᔅ ᑭᒋ ᒥᒋᐗᒃ?

ᐊᐸᔅᑕᓚᒃ 15:2

ᐁᐗᑯ ᐅᒋ ᐃᔅᐱ ᐹᓪ ᓀᔥᑕ ᐹᕐᓇᐸᔅ ᐁᑳ ᐊᐱᔑᔥ ᑳ ᐋᓉᑕᐙᒌᒃ ᓀᔥᑕ ᐋᔑᑌᒫᒋᒃ, ᑮ ᐃᑌᓕᑕᒶᒃ ᐊᓇ ᐹᓪ ᓀᔥᑕ ᐸᕐᓇᐸᔅ ᓀᔥᑕ ᐊᑎᑦ ᑯᑕᑭᔭᒃ ᐁ ᐃᑕᔑᒋᒃ, ᑭᒋ ᐃᑐᑌᒋᒃ ᒋᕉᓴᓚᒥᒃ, ᑭᒋ ᓈᑖᒋᒃ ᐋᐸᔅᑎᓚ ᓀᔥᑕ ᑳ ᓂᑳᓀᓕᑖᑯᓯᓕᒋ, ᐅᒪ ᑲᑴᒋᑫᒧᐎᓐ ᐅᒋ᙮

ᐊᐸᔅᑕᓚᒃ 23:9

ᐁᓕᑯᒃ ᒫᑲ ᑮ ᒫᒋ ᑌᑆᓂᐗᓐ: ᐊᓂᑭ ᒫᑲ ᐅᒪᓯᓇᐃᑫᐗᒃ ᑳ ᐎᒉᐙᒋᒃ ᐹᕋᓯᔭ ᑮ ᐸᓯᑯᐗᒃ, ᓀᔥᑕ ᑮ ᑲᑴᐸᔅᑭᓛᑫᐗᒃ, ᐁ ᐃᑗᒋᒃ, ᓇᒪᐎᓚ ᑫᒀᓐ ᑳ ᒫᓛᑕᒃ ᓂ ᒥᔅᑲᒸᓈᓐ ᐊᐗ ᐃᓕᓕᐤ: ᒫᑲ ᑮᔥᐱᓐ ᐊᒑᑾ ᓀᔥᑕᐱᑯ ᐁᓐᒐᓚ ᑳ ᐋᔭᒥᐃᑯᑴ, ᐁᑯᔑ ᐁᑳᐎᓚ ᓄᑎᓈᑕᐤ ᑭᒋᒪᓂᑐ᙮

ᐊᐸᔅᑕᓚᒃ 7:26

ᒥᓇ ᒫᑲ ᐎᐋᐸᒃ ᑮ ᓈᑌᐤ ᑯᑕᑭᔭ ᒣᒀᒡ ᐁ ᒫᔑᐃᑐᓕᒋ, ᑮ ᐎ ᐸᑳᓂᐁᐤ ᒫᑲ, ᐁ ᐃᑗᑦ, ᐅᑭᒫᑐᒃ, ᑭ ᐎᒋᔖᓂᑐᓈᐗᐤ; ᑖᓀᑭ ᐌᒋ ᐗᓂᑐᑖᑐᔦᒃ?

ᓂᔓ ᑯᕆᓐᑎᐊᓇ 10:1

ᓂᓚ ᒫᑲ ᐹᓪ ᑫᒋᐙᒃ ᑭ ᓇᑐᑕᒫᑎᓇᐗᐤ ᐁ ᐃᔑ ᓗᔅᑳᑎᓰᑦ ᓀᔥᑕ ᐯᑳᑖᑎᓯᑦ ᙭, ᐁ ᐃᔑᓈᑯᓯᔮᓐ ᑳ ᒪᒉᓕᑖᑯᓯᔮᓐ ᐃᑕ ᐁ ᐃᑖᔦᒃ, ᒫᑲ ᐁ ᐃᑖᐱᒋᔮᓐ ᑳ ᓴᓱᑭᒧᑐᑖᑕᑾᒃ;

ᓂᔓ ᑯᕆᓐᑎᐊᓇ 10:4

ᐌᓴ ᓇᒪᐎᓚ ᐎᔮᓯᐗᓋ ᓂᑦ ᐊᔓᐎᓂᓈᓇ ᐁ ᓄᑎᓂᑫᔮᒃ, ᒫᑲ ᓱᑳᑎᓯᒪᑲᓋ ᑭᒋᒪᓂᑐ ᐅᒋ ᑭᒋ ᐅᒋ ᓂᒋᐌᐱᓂᑳᑌᑭ ᓇᑐᐸᓕᐎᑲᒥᑾ:

ᓂᔓ ᑯᕆᓐᑎᐊᓇ 6:4

ᒫᑲ ᒥᓯᐌ ᑫᒀᓇ ᐁ ᑐᑕᒫᒃ ᐁ ᐙᐸᑎᓕᐌᔮᒃ ᐁ ᐅᑦ ᐋᔭᒥᐋᐎ ᐊᑑᔅᑫᓛᑲᓂᔭᒥᒋᒃ, ᒥᔅᑕᐃ ᔑᐱᓚᐌᓯᐎᓂᒃ, ᑲᒀᑕᑭᓯᐎᓂᒃ, ᒪᓀᓯᐎᓂᒃ, ᓇᓀᑳᑌᓕᒧᐎᓂᒃ,

ᑲᓓᔕᐊᓇ 5:22

ᒫᑲ ᐎᓚ ᐁ ᐃᔑ ᒥᓂᔑᐎᑦ ᐊᒑᒃ ᐁᐗᑯ ᐅᐅ, ᓵᑭᐃᐌᐎᓐ, ᒥᓚᐙᑕᒧᐎᓐ, ᑳᔮᒣᓕᑕᒧᐎᓐ ᔑᐱᓚᐌᓯᐎᓐ, ᐯᑳᑖᑎᓯᐎᓐ, ᒥᓨᑎᓯᐎᓐ, ᑖᐌᔦᓕᑕᒧᐎᓐ,

ᐃᐱᓯᔭᓇ 4:2

ᒥᓯᐌ ᑕᐸᑌᓕᒧᐎᓂᒃ ᓀᔥᑕ ᓗᔅᐹᑎᓯᐎᓂᒃ, ᔑᐱᓚᐌᓯᐎᓂᒃ, ᐁ ᔑᐱᓚᐗᓰᔅᑖᑐᔦᒃ ᓵᑭᐃᐌᐎᓂᒃ;

ᐱᓕᐱᔭᓇ 2:14

ᒥᓯᐌ ᑫᒀᓇ ᑐᑕᒧᒃ ᐁᑳ ᐁ ᐊᓗᑗᐌᒧᔦᒃ ᐁᑳ ᓀᔥᑕ ᐁ ᒀᓗᑐᑖᑐᔦᒃ:

ᐱᓕᐱᔭᓇ 2:3

ᐁᑯᔑ ᐁᑳᐎᓚ ᑫᒀᓐ ᑲᑕ ᑐᒋᑳᑌᐤ ᑾᓗᑖᑐᐎᓂᒃ ᓀᔥᑕ ᐸᑾᓐᑕᐤ ᒫᒪᑖᑯᒧᐎᓂᒃ; ᒫᑲ ᑕᐸᑌᓕᒥᑎᓱᐎ ᒥᑐᓀᓕᒋᑲᓂᒃ ᐁᑯᔑ ᒥᓯᐌ ᑲᑕ ᑭᔅᑌᓕᒣᐗᒃ ᑯᑕᑭᔭ ᐊᐙᓯᑌ ᐃᔥᐱᔥ ᐁ ᑭᔅᑌᓕᒥᑎᓱᒋᒃ᙮

ᑯᓚᔑᔭᓇ 3:13

ᐁ ᔑᐱᓚᐌᓯᔅᑖᑐᔦᒃ, ᓀᔥᑕ ᐁ ᐌᐯᓕᑕᒫᑐᔦᒃ, ᑮᔥᐱᓐ ᐊᐌᓇ ᐃᑌᓕᑕᒃ ᐁ ᒪᒋᑐᑖᑯᑦ ᐊᐌᓕᐗ: ᑖᐱᔅᑯᒡ ᐁ ᑮ ᐌᐯᓕᑕᒫᑖᒃ ᙭, ᐁᑯ ᑖᐱᔅᑯᒡ ᑐᑕᒧᒃ᙮

ᓂᔥᑕᒻ ᑌᓴᓗᓂᔭᓇ 2:7

ᒫᑲ ᑭ ᑮ ᓗᔅᑳᑎᓯᔅᑖᑎᓈᓐ ᑖᐱᔅᑯᒡ ᐅᑲᓇᓇᐗᓱ ᐁ ᐃᔑ ᑲᓇᐌᓕᒫᑦ ᐅᑦ ᐊᐙᔑᒥᔕ᙮

ᓂᔥᑕᒻ ᑎᒧᑎ 6:11

ᒫᑲ ᑭᓚ ᑳ ᐅᑦ ᐃᓕᓕᒥᒥᔉ ᑭᒋᒪᓂᑐ, ᐅᔑᒧᔅᑕ ᐅᐅ ᑫᒀᓇ: ᓄᔅᐱᓇᑖ ᒫᑲ ᒀᔭᔅᑭᑖᑎᓯᐎᓐ, ᒪᓂᑐᐙᑎᓯᐎᓐ, ᑖᐺᔦᓕᑕᒧᐎᓐ, ᓵᑭᐃᐌᐎᓐ, ᔑᐱᓚᐌᓯᐎᓐ, ᓗᔅᑳᑎᓯᐎᓐ᙮

ᑕᐃᑕᔅ 1:1

ᐹᓪ, ᐅᑦ ᐊᑑᔅᑫᓚᑲᓂᒪ ᑭᒋᒪᓂᑐ, ᓀᔥᑕ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᐃᑕᔅᑌᓕᒃ ᐅ ᑖᐺᔦᓕᑕᒧᐎᓂᓕᐤ ᑭᒋᒪᓂᑐ ᐅ ᐙᐌᓛᐸᒫᑲᓇ, ᓀᔥᑕ ᐁ ᐎᒋᑳᑌᒃ ᐊᓂᒪ ᑖᐺᐎᓐ ᒪᓂᑐᐙᑎᓯᐎᓂᒃ ᑳ ᐃᑕᔅᑌᒃ;

ᑕᐃᑕᔅ 1:7

ᐌᓴ ᑭᒋᐋᔭᒥᐁᐎᑭᒪᐤ ᑲᑕ ᒥᓗᐃᑌᓕᑖᑯᓯᐤ, ᑖᐱᔅᑯᒡ ᐅ ᑲᓇᐌᓕᑎᓛᑲᓇ ᑭᒋᒪᓂᑐ: ᐁᑳ ᐁ ᐯᔭᑯᑴᓕᒥᑎᓱᑦ, ᐁᑳ ᐎᐸᒡ ᐁ ᑭᓯᐙᓯᑦ, ᐁᑳ ᐁ ᐅᓵᒥᓂᑴᑦ ᔓᒥᓈᐳ, ᐁᑳ ᐁ ᓄᑎᓂᑫᑦ, ᐁᑳ ᐁ ᓵᑭᐋᑦ ᔔᓕᐋᓇ;

ᑕᐃᑕᔅ 1:9

ᐁ ᒥᒋᒥᓇᒃ ᑖᐺᔦᓕᑕᒧᐎ ᐋᔭᒥᐎᓂᓕᐤ ᑳ ᑮ ᐃᔑ ᑭᔅᑭᓄᐊᒪᐙᑲᓂᐎᑦ, ᑭᒋ ᑲᔥᑭᑖᑦ ᒀᔭᔉ ᑭᔅᑭᓄᐊᒫᑫᐎᓐ ᐅᒋ, ᑭᒋ ᔑᑭᒫᑦ ᓀᔥᑕ ᑭᒋ ᑲᔥᑭᒫᑦ ᐅᑖᓉᑕᒧᐗ᙮

ᑕᐃᑕᔅ 3:2

ᐁᑳᐎᓚ ᑭᒋ ᒪᒋ ᐋᓕᒧᒫᒋᒃ ᐊᐌᓕᐗ, ᐁᑳ ᑭᒋ ᒀᓗᑐᑕᑫᒋᒃ, ᒫᑲ ᑭᒋ ᑳᔮᒣᐎᓯᒋᒃ ᒥᑐᓂ ᐁ ᓗᔅᑳᑎᓰᔅᑕᐙᒋᒃ ᒥᓯᐌ ᐃᓕᓕᐗ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:1

ᒉᒻᔅ ᐅᑦ ᐊᑑᔅᑫᓛᑲᓇ ᑭᒋᒪᓂᑐ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭, ᐊᓂᐃ ᑳ ᓂᔓᔖᐳᑌᐎᓯᓕᑭ ᑳ ᓇᓈᓂᔅ ᐃᑖᓕᒋ, ᐊᑖᒥᔅᑲᐌᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:17

ᒫᑲ ᐊᓂᒪ ᑲᑫᑕᐌᓕᑕᒧᐎᓐ ᐃᔥᐱᒥᒃ ᑳ ᐅᒋᐸᓕᒃ ᓃᔥᑕ ᐸᔦᑲᓐ, ᐁᑯ ᑳᔮᒣᐗᓐ, ᓗᑳᑕᓐ, ᐌᑕᓐ ᑭᒋ ᔑᑭᒋᑳᑌᒃ, ᐁ ᓵᑲᔅᑭᓀᒃ ᑭᔐᐙᑎᓯᐎᓐ ᓀᔥᑕ ᒥᓗ ᒥᓂᔕ, ᐁᑳ ᐁ ᑶᑕᐎᐃᑌᓕᑕᒧᒪᑲᒃ, ᐁᑳ ᓀᔥᑕ ᐁ ᐊᔭᒥᐊᑳᓱᒪᑲᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:2

ᑭ ᓇᑕᐌᓕᑌᓇᐗᐤ, ᓇᒪ ᒫᑲ ᑭᑦ ᐋᔮᓇᐗᐤ: ᑭ ᓂᐹᔨᐙᓇᐗᐤ, ᓀᔥᑕ ᑭ ᐸᑯᓭᓕᑌᓇᐗᐤ, ᓇᒪ ᒫᑲ ᑭ ᑮ ᐅᑎᓀᓇᐗᐤ: ᑭ ᓄᑎᓂᑳᓇᐗᐤ ᓀᔥᑕ ᑭ ᓇᑐᐸᓕᓈᐗᐤ, ᐁᓕᐌᒃ ᒫᑲ ᓇᒪᐎᓚ ᑭᑦ ᐋᔮᓇᐗᐤ, ᐁᑳ ᐁ ᓇᑐᑕᒫᔦᒃ᙮

ᓂᔥᑕᒻ ᐱᑕᕐ 3:8

ᒫᒋᒃ, ᒥᓯᐌ ᐁ ᐃᑕᔑᔦᒃ ᐋᔮᒃ ᐯᔭᒃ ᒥᑐᓀᓕᒋᑲᓐ, ᐁ ᑭᑎᒫᑫᓕᒥᑐᔦᒃ; ᓵᑭᐃᑯᒃ ᑳ ᐋᔭᒥᐋᐎ ᐎᒋᔖᓂᑐᒋᒃ, ᑭᔐᐙᑎᓰᒃ, ᐅᑐᑌᒥᒥᐌᒃ:

ᒎᑦ 1:3

ᓯᐋᑭᐃᑕᑾᒃ, ᐃᔅᐱ ᓈᔅᐱᒡ ᒥᐋᒥᑐᓀᓕᑕᒫᓐ ᑭᒋ ᒪᓯᓇᐊᒫᑕᑾᒃ ᐁ ᐋᓕᒧᑕᒫᓐ ᒫᒪᐎ ᐱᒫᒋᐃᐌᐎᓐ, ᑮ ᓇᑕᐌᓕᑖᑾᓐ ᑭᒋ ᒪᓯᓇᐊᒫᑕᑾᒃ ᑭᒋ ᔑᑭᒥᑕᑾᒃ ᐁᓕᑯᒃ ᑭᒋ ᐎ ᑲᑴ ᑲᓇᐁᓕᑕᒣᒃ ᐊᓂᒪ ᑖᐺᔦᓕᑕᒧᐎᓐ ᐯᔭᑾᐤ ᑳ ᑮ ᐸᑭᑎᓇᒪᐙᑲᓂᐎᒋᒃ ᐅᐸᓓᑭᓴᒃ᙮