11 ᑖᐺᒪᑲᓐ ᐃᑗᐎᓐ, ᐌᓴ ᑮᔥᐱᓐ ᑮ ᐎᒋᓂᐱᒪᒃ, ᐊᓯᒋ ᓀᔥᑕ ᑭ ᑳ ᐎᒋᐱᒫᑎᓯᒫᓇᐤ:
ᑫᔮᐸᒡ ᐎᓕᐱᔉ, ᐁᑯ ᐊᔅᑭ ᐁᑳ ᒥᓇ ᑫ ᐙᐸᒥᑯᔮᓐ; ᒫᑲ ᑭᓚᐗᐤ ᑭ ᑳ ᐙᐸᒥᓇᐗᐤ: ᐁ ᐱᒫᑎᓯᔮᓐ ᓂᓚ, ᐁᐗᑯ ᑭᓚᐗᐤ ᓀᔥᑕ ᑫ ᐅᒋ ᐱᒫᑎᓯᔦᒃ᙮
ᐌᓴ ᑮᔥᐱᓐ ᐊᓯᒋ ᐎᓚ ᑮ ᐸᑭᑎᓂᑲᐎᐗᑴ ᐁ ᐃᔑᓈᑾᓂᓕᒃ ᐅ ᓂᐱᐎᓐ, ᐁᑯ ᓀᔥᑕ ᑫ ᐃᔑᓈᑯᓯᔭᒃ ᐁ ᐃᔑᓈᑾᓂᓕᒃ ᐅ ᐗᓂᔥᑲᐎᓐ:
ᑮᔥᐱᓐ ᒫᑲ ᑭ ᐎᒋᓂᐱᒪᒃ ᙭, ᑭ ᑖᐺᑌᓈᓇᐤ ᐊᓯᒋ ᓀᔥᑕ ᑭᒋ ᐎᒋᐱᒫᑎᓯᒪᒃ:
ᐌᓴ ᐋᑕ ᐁ ᑮ ᒋᔅᑖᔅᑾᐙᑲᓂᐎᑦ ᓕᓚᒥᓯᐎᓂᒃ ᐅᒋ, ᐁᓕᐌᒃ ᒫᑲ ᐱᒫᑎᓯᐤ ᐅ ᑲᔥᑭᐅᐎᓂᒃ ᐅᒋ ᑭᒋᒪᓂᑐ᙮ ᐌᓴ ᓂ ᐎᒋᓕᓚᒥᓯᒫᓈᓐ, ᒫᑲ ᓂ ᑳ ᐎᒋᐱᒫᑎᓯᒫᓈᓐ ᐅ ᑲᔥᑭᐅᐎᓂᒃ ᐅᒋ ᑭᒋᒫᓂᑐ ᑭᓚᐗᐤ ᐃᔑ᙮
ᒧᔕᒃ ᐁ ᐸᐸᒧᑕᑖᐗᑭᑦ ᓂᔭᐎᓈᒃ ᐅ ᓂᐱᐎᓐ ᐅᑎᐯᓕᒋᑫᐤ ᒋᓴᔅ, ᐅ ᐱᒫᑎᓯᐎᓐ ᓀᔥᑕ ᒋᓴᔅ ᑭᒋ ᓄᑯᑖᓂᐗᓂᓕᒃ ᓂᔭᐎᓋᒃ᙮
ᐁᑯ ᒫᑲ ᑭᓚᓈᓇᐤ ᑫᔮᐸᒡ ᑳ ᐱᒫᑎᓯᔮᒃ ᓀᔥᑕ ᐃᔥᑯᔮᒃ, ᐊᓯᒋ ᐎᓚ ᐗᔅᑯᒃ ᑭ ᑳ ᐃᔑ ᐅᑎᓂᑲᐎᓈᓇᐤ, ᑭᒋ ᓇᑭᔥᑲᐗᒃ ᐅᑎᐯᓕᒋᑫᐤ ᒧᔐᑭᔑᑯᒃ: ᐁᑯ ᒫᑲ ᑳᑭᑫ ᑫ ᐎᒉᐗᒃ ᐅᑎᐯᓕᒋᑫᐤ᙮
ᐊᓇ ᑳ ᑮ ᓂᐳᔅᑕᒫᑕᒃ, ᑮᔥᐱᓐ ᑴᔅᑯᓯᐗᑴ ᓀᔥᑕᐱᑯ ᓀᐸᐗᑴ, ᑭᒋ ᐎᒋ ᒫᒪᐎ ᐱᒫᑎᓯᒪᒃ᙮
ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ, ᓀᔥᑕ ᑌᐸᑫᓕᑖᑾᓐ ᒥᓯᐌ ᐃᔑ ᑭᒋ ᐅᑎᓂᑳᑌᒃ, ᙭ ᒋᓴᔅ ᐁ ᑮ ᐯᒋᐃᑐᑌᑦ ᐅᑕ ᐊᔅᑮᒃ ᑭᒋ ᐱᒫᒋᐋᑦ ᐅᒪᒋᑣᐗ; ᐁᐗᒀᓂᑭ ᐅᒋ ᓂᓚ ᓂ ᓂᑳᓀᓕᑖᑯᓯᓐ᙮
ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ: ᑮᔥᐱᓐ ᐊᐌᓇ ᐃᓕᓕᐤ ᓇᑕᐌᓕᑕᑫ ᑭᒋᐋᔭᒥᐁᐎᑭᒪᐤ ᐅᑦ ᐃᑖᐸᑎᓯᐎᓐ, ᓇᑕᐌᓕᑕᒻ ᒥᓗ ᐊᑑᔅᑫᐎᓂᓕᐤ᙮
ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ; ᐅᐅ ᑫᑾᓇ ᓀᔥᑕ ᑭ ᓇᑕᐌᓕᒥᑎᓐ ᒧᔕᒃ ᑭᒋ ᐙᐎᑕᒪᓐ, ᐊᓂᑭ ᑳ ᑖᐺᔦᓕᒫᒋᒃ ᑭᒋᒪᓂᑐᐗ ᑭᒋ ᔮᒀᒥᓯᒋᒃ ᑭᒋ ᒥᓗ ᐊᑑᔅᑫᒋᒃ: ᐅᐅ ᑫᒀᓇ ᒥᓦᔑᓂᓕᐤ ᓀᔥᑕ ᐋᐸᑕᓂᓕᐤ ᐃᓕᓕᐗᒃ᙮
