1 ᑭᓚ ᒫᑲ, ᓂᑯᓯᔅ, ᒪᔥᑲᐎᓯ ᔕᐌᓕᒋᑫᐎᓂᒃ ᐊᓂᒪ ᙭ ᒋᓴᔅ ᑳ ᐱᒋᔅᑳᑯᑦ᙮
ᐊᔕᐙᐱᒃ, ᐋᔭᒋᑳᐸᐎᒃ ᑖᐺᔦᓕᑕᒧᐎᓂᒃ, ᑖᐱᔅᑯᒡ ᓈᐯᐗᒃ ᐎᐃᑎᒃ, ᒪᔥᑲᐎᓯᒃ᙮
ᒫᒋᒡ, ᓂᒋᔖᓂᑐᒃ, ᒪᔥᑲᐎᓯᒃ ᐅᑎᐯᓕᒋᑫᒃ, ᓀᔥᑕ ᐁ ᐃᔑ ᑲᔥᑭᐅᒪᑲᓂᓕᒃ ᐅ ᓯᑳᑎᓯᐎᓐ᙮
ᒥᓯᐌ ᑫᒀᓇ ᓂ ᑳ ᑮ ᑐᑌᓐ ᐎᓚ ᐅᒋ ᙭ ᑳ ᒪᔥᑲᐎᓯᐃᑦ᙮
ᐅᒪ ᐃᑕᔓᐌᐎᓐ ᑭ ᐸᑭᑎᓇᒫᑎᓐ, ᓂᑯᓯᔅ ᑎᒧᑎ, ᐁ ᐃᑗᒪᑲᑭ ᐊᓂᐃ ᑭᔅᑭᐙᐃᑫᐎᓇ ᑳ ᑮ ᓂᑳᓄᑖᑯᔭᓐ, ᐁᐗᒀᓂ ᑭᒋ ᐅᒋ ᓄᑎᓂᑫᔭᓐ ᒥᓗ ᓄᑎᓂᑫᐎᓐ;
ᐁ ᒪᓯᓇᐊᒪᐗᒃ ᑎᒧᑎ, ᑎᐱᓚᐌ ᓂᑯᓯᔅ ᑖᐺᔦᓕᑖᒧᐎᓂᒃ: ᑭᔐᐙᑎᓯᐎᓐ, ᔕᐌᓕᒋᑫᐎᓐ, ᓀᔥᑕ ᑳᔮᒣᓕᑕᒧᐎᓐ, ᑭ ᑳ ᐎ ᐋᔮᓐ, ᑭᒋᒪᓂᑐ ᑯᑖᐎᓇᐤ ᐅᒋ, ᓀᔥᑕ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮
ᐹᓪ, ᐅᑦ ᐊᐸᔅᑕᓕᒪ ᒋᓴᔅ ᙭, ᑭᒋᒪᓂᑐ ᐅᑦ ᐃᑌᓕᑕᒧᐎᓐ ᐅᒋ ᑳ ᐃᑕᔅᑌᒃ ᐊᓂᒪ ᐱᒫᑎᓯᐎᓂ ᐊᔓᑕᒫᑫᐎᓐ ᑳ ᐃᑕᑾᒃ ᙭ ᒋᓴᓯᒃ,
ᑎᒧᑎ ᐁ ᒪᓯᓇᐊᒪᐗᒃ ᓈᔅᐱᒡ ᑳ ᓵᑭᐊᒃ ᓂᑯᓯᔅ: ᑭᔐᐙᑎᓯᐎᓐ, ᔕᐌᓕᒋᑫᐎᓐ, ᓀᔥᑕ ᑳᔮᒣᓕᑕᒧᐎᓐ, ᑭᒋᒪᓂᑐ ᐌᐅᑖᐎᒪᐎᑦ ᐅᒋ, ᓀᔥᑕ ᙭ ᒋᓴᔅ ᑭ ᑎᐯᓕᒋᑫᒥᓇᐤ᙮
ᐌᓴ ᑭᒋᒪᓂᑐ ᓇᒪᐎᓚ ᑯᔅᑖᒋᐎᓂ ᐊᒑᑾ ᑭ ᑮ ᒥᓕᑯᓇᐤ; ᒫᑲ ᑲᔥᑭᐅᐎᓂ, ᓀᔥᑕ ᓵᑭᐃᐌᐎᓂ, ᓀᔥᑕ ᐁ ᒪᔥᑲᐙᒃ ᒥᑐᓀᓕᒋᑲᓂᐎ ᐊᒑᑾ᙮
ᐁᐗᑯ ᒫᑲ ᐅᒋ ᓂ ᓇᔭᑌᓐ ᒥᓯᐌ ᑫᒀᓇ ᐙᐌᓛᐸᒫᑲᓇᒃ ᐅᒋ, ᐎᓚᐗᐤ ᐊᓯᒋ ᑭᒋ ᐋᔮᒋᒃ ᐊᓂᐁᓕᐤ ᐱᒫᒋᐃᐌᐎᓂᓕᐤ ᑳ ᐃᑕᑾᓂᓕᒃ ᙭ ᒋᓴᓯᒃ, ᐊᓯᒋ ᓀᔥᑕ ᑳᑭᑫ ᑭᔅᑌᓕᑖᑯᓯᐎᓂᓕᐤ᙮
ᐁᓕᐌᒃ ᒫᑲ, ᐅᑎᐯᓕᒋᑫᐤ ᓂ ᑮ ᐎᒋᑲᐸᐎᔅᑖᒃ, ᓀᔥᑕ ᓂ ᑮ ᐋᔨᒋᐃᒃ; ᓂᓚ ᐅᒋ ᒥᑐᓂ ᑭᒋ ᑭᔅᑫᓕᒋᑳᑌᒃ ᑲᑫᔅᑭᒥᐌᐎᓐ, ᓀᔥᑕ ᒥᓯᐌ ᒉᓐᑖᐃᓚᒃ ᑭᒋ ᐯᑕᑭᒃ: ᓀᔥᑕ ᒫᑲ ᒥᔑᐱᔑᐤ ᐅᑐᓂᒃ ᓂ ᑮ ᐅᒋ ᐎᑾᑭᐃᑲᐎᓐ᙮
ᒫᑲ ᓂᑕᐎᑭᒃ ᔕᐌᓕᒋᑫᐎᓂᒃ, ᓀᔥᑕ ᐅ ᑭᔅᑫᓕᒥᑯᓯᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴ ᙭᙮ ᐎᓚ ᒫᑲ ᑲᑕ ᐎ ᒫᒥᒋᒫᑲᓂᐎᐤ ᐊᓄᒡ ᓀᔥᑕ ᑳᑭᑫ᙮ ᐁᒣᓐ᙮
