ᓂᔓ ᑎᒧᑎ 1:18 - ᐅᔅᑭ ᑎᔅᑌᒥᓐᑦ

¹⁸ ᐅᑎᐯᓕᒋᑫᐤ ᑲᑕ ᒥᓓᐤ ᑭᒋ ᒥᔅᑲᒥᓕᒋ ᔕᐌᓕᒋᑫᐎᓂᓕᐤ ᐅᑎᐯᓕᒋᑫᐤ ᐅᒋ ᐊᓂᒪ ᑭᔑᑳᑫ᙮ ᓀᔥᑕ ᐁᔅᐱᒋ ᒥᒉᑦ ᑫᒀᓇ ᐁ ᑮ ᐅᑎᓇᒪᐎᑦ ᐁᐱᓴᓯᒃ, ᒥᑐᓂ ᑭ ᑭᔅᑫᓕᑌᓐ᙮

ᓂᔓ ᑎᒧᑎ 1:18 Iomraidhean Croise

ᐅᐸᓓᑭᔅ ᓘᒃ 1:72

ᑭᒋ ᑎᐱᐸᓕᑖᑦ ᐊᓂᐁᓕᐤ ᔖᐌᓕᒋᑫᐎᓂᓕᐤ ᑳ ᑮ ᐃᑖᑦ ᑯᑖᐎᓇᐗ, ᓀᔥᑕ ᑭᒋ ᑲᓄᑭᔅᑭᓯᑦ ᐅ ᐸᓓᑭ ᓇᔅᑯᒥᐌᐎᓐ;

ᐅᐸᓓᑭᔅ ᓘᒃ 1:78

ᐅ ᓗᔅᐱᓯᐎ ᔕᐌᓕᒋᑫᐎᓂᒃ ᐅᒋ ᑭ ᑭᒋᒪᓂᑐᒥᓇᐤ; ᑳ ᐅᒋ ᒪᐗᑎᑎᑯᔭᒃ ᐊᓂᒪ ᐙᐸᓐ ᑭᒋᑭᔑᑯᒃ ᐅᒋ,

ᐅᐸᓓᑭᔅ ᓘᒃ 8:3

ᓀᔥᑕ ᒍᐋᓇ ᑭᓴᐃ ᐎᐗ, ᐦᐁᕋᑦ ᐅ ᑲᓇᐌᓕᑎᓛᑲᓇ, ᓀᔥᑕ ᓲᓵᓇ, ᓀᔥᑕ ᒥᒉᑦ ᑯᑕᑭᔭᒃ, ᑳ ᐅᒌᔅᑕᒪᐙᒋᒃ ᐅᑦ ᐋᔮᓂᐙᐗ ᐅᒋ᙮

ᐊᐸᔅᑕᓚᒃ 18:19

ᑮ ᐯᒋ ᐃᑐᑌᐤ ᒫᑲ ᐃᐱᓴᓯᒃ, ᓀᔥᑕ ᐁᑯᑕ ᑮ ᓇᑲᑌᐤ: ᒫᑲ ᐎᓚ ᐱᑯ ᑮ ᐱᑐᑫᐤ ᐋᔭᒥᐁᐎᑲᒥᑯᒃ, ᓀᔥᑕ ᑮ ᐎᒋᐊᔮᒥᒣᐤ ᐊᓂᐃ ᒎᐗ᙮

ᐊᐸᔅᑕᓚᒃ 18:21

ᒫᑲ ᑮ ᐗᒋᔦᒣᐤ, ᐁ ᐃᑗᑦ, ᔮᓕᑌᓪ ᓂ ᑳ ᑲᓇᐌᓕᑌᓐ ᐅᒪ ᒪᑯᔐᐎᓐ ᑫ ᐅᑎᒋᐸᓕᒃ ᐊᓐᑕ ᒋᕉᓴᓚᒣᒃ: ᒫᑲ ᒥᓇ ᑭ ᑳ ᐯᒋ ᓈᑎᑎᓇᐗᐤ, ᑮᔥᐱᓐ ᑭᒋᒪᓂᑐ ᐃᑌᓕᑕᑫ᙮ ᑮ ᑭᑕᔑᐤ ᒫᑲ ᐃᐱᓴᓯᒃ ᐅᒋ᙮

ᐊᐸᔅᑕᓚᒃ 19:1

ᑮ ᐃᑭᓐ ᒫᑲ, ᒣᒀᒡ ᐊᐳᓚᔅ ᑳ ᐃᑖᑦ ᑯᕆᓐᑎᒃ, ᐹᓪ ᐋᔕᔾ ᐁ ᑮ ᔕᐳᔥᑲᒃ ᓐᑎᒥᒃ ᐃᑌᑫ ᐊᓂᐁᓕᐤ ᐊᔅᑭᓕᐤ, ᑮ ᐯᒋ ᐃᑐᑌᐤ ᐃᐱᓴᓯᒃ: ᐁ ᒥᔅᑲᐙᑦ ᒫᑲ ᐊᑎᑦ ᑭᔅᑭᓄᐊᒪᐗᑲᓇ,

ᓂᔥᑕᒻ ᑯᕆᓐᑎᐊᓇ 1:8

ᐊᓇ ᓀᔥᑕ ᑫ ᐋᔨᒋᐃᑖᒃ ᐃᔅᒀᔮᒡ ᐃᔅᑯ, ᐁᑳ ᐗᔦᔥ ᑭᒋ ᐋᑖᒥᒥᑳᐎᔦᒃ ᐅᑎᒋᐸᓕᓕᑫ ᐅ ᑭᔑᑳᒻ ᑭ ᑎᐯᓕᒋᑫᒥᓇᐤ ᒋᓴᔅ ᙭:

ᓂᔥᑕᒻ ᑯᕆᓐᑎᐊᓇ 16:8

ᒫᑲ ᐁᐱᓴᓯᒃ ᓂ ᑳ ᑕᔑᑳᓐ ᐹᑎᒫ ᐅᑎᒋᐸᓕᑫ ᐯᓐᑎᑲᔅᑦ᙮

ᓂᔥᑕᒻ ᑯᕆᓐᑎᐊᓇ 3:13

ᒥᓯᐌ ᑕᑐ ᐃᓕᓕᐤ ᐅᑦ ᐊᑑᔅᑫᐎᓐ ᑲᑕ ᑭᔅᑫᓕᑖᑾᓂᓕᐤ: ᐌᓴ ᐊᓂᒪ ᑭᔑᑳᐤ ᑲᑕ ᑭᔅᑫᓕᑖᑯᑖᒪᑲᓐ, ᐌᓴ ᐃᔥᑯᑌᒃ ᑲᑕ ᐅᒋ ᑭᔅᑫᓕᑖᑾᓐ; ᓀᔥᑕ ᐃᔥᑯᑌᒃ ᑲᑕ ᐅᒋ ᑲᑴᒋᑖᓂᐙᓂᓕᐤ ᒥᓯᐌ ᑕᑐ ᐃᓕᓕᐤ ᐅᑦ ᐊᑑᔅᑫᐎᓐ ᑫᑯ ᑐᐎᑲᓂᐗᓂᓕᑴ᙮

ᓂᔓ ᑯᕆᓐᑎᐊᓇ 9:1

ᐊᓂᒪ ᒫᑲ ᐅᒋ ᐁ ᐃᔑ ᒫᑎᓇᒫᒋᒃ ᐅᐸᓓᑭᓴᒃ, ᓇᒪᐎᓚ ᓇᑕᐌᓕᑖᑾᓐ ᑭᒋ ᒪᓯᓇᐊᒫᑕᑾᒃ;

ᐃᐱᓯᔭᓇ 2:4

ᒫᑲ ᑭᒋᒪᓂᑐ, ᑳ ᐌᓗᒋ ᔕᐌᓕᒋᑫᑦ, ᐅ ᑭᒋ ᓵᑭᐃᐌᐎᓐ ᑳ ᑮ ᐅᒋ ᓵᑭᐃᑕᒃ,

ᓂᔥᑕᒻ ᑌᓴᓗᓂᔭᓇ 2:19

ᐌᓴ ᑫᒀᓐ ᓂᑦ ᐊᔅᐯᓕᒧᐎᓂᓈᓐ, ᓀᔥᑕᐱᑯ ᓂ ᒥᓚᐙᑕᒧᐎᓂᓈᓐ, ᓀᔥᑕᐱᑯ ᓂ ᒧᒋᑫᓕᑕᒧᐎᓂ ᐊᔅᑐᑎᓂᓈᓐ? ᓇᒪ ᓈ ᑭᓚᐗᐤ, ᐁ ᑲᓇᐙᐸᒥᑖᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐯᒋ ᑕᑯᔑᑫ?

ᓂᔥᑕᒻ ᑎᒧᑎ 1:3

ᑳ ᐃᔑ ᐸᑯᓭᓕᒥᑖᓐ ᑫᔮᐸᒡ ᑭᒋ ᑕᔑᑫᔭᓐ ᐁᐱᓴᓯᒃ, ᐃᔅᐱ ᑳ ᐱᑐᑌᔮᓐ ᒫᓯᑐᓂᔭᐃᒃ, ᑭᒋ ᐃᑕᔓᒪᒋᒃ ᐋᑎᑦ ᐊᐌᓂᑭ ᐁᑳ ᑯᑕᑭᓕᐤ ᑭᔅᑭᓄᐊᒫᑫᐎᓂᓕᐤ ᑭᒋ ᑭᔅᑭᓄᐊᒫᑫᒋᒃ,

ᓂᔓ ᑎᒧᑎ 1:12

ᐁᐗᑯ ᑳ ᐅᒋ ᐎᓴᑫᓕᑕᒫᓐ ᐅᐅ ᑫᒀᓇ: ᐁᓕᐌᒃ ᒫᑲ, ᓇᒪᐎᓚ ᓂ ᓇᓀᐯᐎᓰᓐ, ᐌᓴ ᓂ ᑭᔅᑫᓕᒪᐤ ᐊᓇ ᑳ ᑮ ᑖᐺᔦᓕᒪᒃ, ᓀᔥᑕ ᓂ ᑫᒋᓇᐅᓐ ᐁ ᑲᔥᑭᑖᑦ ᑭᒋ ᑲᓇᐌᓕᑕᒃ ᐊᓂᒪ ᑳ ᑮ ᐸᑭᑎᓇᒪᐗᒃ ᐱᓕᔥ ᐁᐗᑯ ᐁ ᑭᔑᑳᒃ᙮

ᓂᔓ ᑎᒧᑎ 1:16

ᐅᑎᐯᓕᒋᑫᐤ ᑲᑕ ᐎ ᒥᓓᐤ ᔕᐌᓕᒋᑫᐎᓂᓕᐤ ᐁᑕᓯᓕᒋ ᐎᑭᓕᒃ ᐅᓂᓯᐳᕋᔅ; ᐌᓴ ᒥᒉᑡᐤ ᓂ ᑮ ᒥᓜᓕᑕᒥᐃᒃ, ᓇᒪ ᓀᔥᑕ ᑮ ᓇᓀᐯᐎᓯᔅᑕᒻ ᓂ ᑕᑯᐱᓱᐎᓈᐱᔉ;

ᓂᔓ ᑎᒧᑎ 1:17

ᒫᑲ ᐃᔅᐱ ᑳ ᐃᑖᑦ ᕈᒥᒃ, ᓱᑲ ᓂ ᑮ ᓈᓇᑕᐙᐸᒥᒃ, ᓀᔥᑕ ᓂ ᑮ ᒥᔅᑳᒃ᙮

ᓂᔓ ᑎᒧᑎ 4:12

ᑎᑭᑲᔅ ᒫᑲ ᓂ ᑮ ᐃᔑᑎᔕᐗᐤ ᐁᐱᓴᓯᒃ᙮

ᓂᔓ ᑎᒧᑎ 4:8

ᐁᑯᔅᐱ ᓂᑦ ᐊᔅᑕᒫᑲᐎᓐ ᒀᔭᔅᑭᑖᑎᓯᐎ, ᐊᔅᑐᑎᓐ, ᐊᓂᒪ ᐅᑎᐯᓕᒋᑫᐤ, ᑳ ᒀᔭᔅᑭᑖᑎᓯᑦ ᐅᑎᐹᔅᑯᓂᑫᐤ, ᑫ ᒥᓕᑦ ᐁᐗᑯ ᑭᔑᑳᑫ: ᓇᒪ ᓀᔥᑕ ᓂᓚ ᐱᑯ, ᒫᑲ ᒥᓯᐌ ᐊᓂᑭ ᐊᓯᒋ ᑳ ᓵᑭᑕᐙᒋᒃ ᐅ ᓄᑯᓯᐎᓐ᙮

ᐦᐃᑉᕉᐗ 6:10

ᐌᓴ ᑭᒋᒪᓂᑐ ᓇᒪᐎᓚ ᒪᒑᑎᓯᐤ ᑭᒋ ᐗᓂᑭᔅᑭᓯᑐᑕᒃ ᑭᑦ ᐊᑑᔅᑫᐎᓂᐗᐤ ᓀᔥᑕ ᑭ ᓵᑭᐃᐌᐎ ᐋᐸᑎᓯᐎᓂᐗᐤ, ᑳ ᑮ ᐙᐸᑎᓕᐌᔦᒃ ᐅᑦ ᐃᔑᓂᑳᓱᐎᓂᒃ, ᐁ ᑮ ᐅᒋᔅᑕᒪᐌᑾᒃ ᐅᐸᓓᑭᓴᒃ, ᑫᔮᐸᒡ ᓀᔥᑕ ᐁ ᐅᒋᔅᑕᒪᐌᑾᒃ᙮

ᓂᔥᑕᒻ ᐱᑕᕐ 1:10

ᐊᓂᒪ ᐱᒫᒋᐃᐌᐊᓐ ᒫᑲ ᐅᑭᔅᑭᐙᐃᑫᐗᒃ ᑮ ᐅᒋ ᑲᑴᒋᑫᒧᐗᒃ ᓀᔥᑕ ᐌᐌᓕᑦ ᑮ ᓈᓇᑕᐌᓕᑕᒶᒃ, ᐊᓂᑭ ᑳ ᑮ ᓂᑳᓂᐎᑕᑭᒃ ᐊᓂᒪ ᔕᐌᓕᒋᑫᐎᓐ ᑫ ᐅᑎᑎᑯᔦᑭᐸᓐ:

ᑭᔅᑫᓕᑖᑯᑖᑫᐎᓐ 2:1

ᐊᓇ ᐁᓐᒐᓪ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᐁᐱᓴᓯᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᑳ ᒥᒋᒥᓈᑦ ᐊᓂᐃ ᓂᔂᔅ ᐊᒐᑾ ᐅ ᑭᒋᓂᔅᑮᒃ, ᑳ ᐱᒧᑌᑦ ᒣᑴᔭᔥ ᐊᓂᐃ ᓂᔂᔅ ᐅᓵᐎᔔᓕᐋᓈᐱᔉ ᐙᔅᑌᓇᒫᑲᓈᑎᑾ;