ᓂᔓ ᑎᒧᑎ 1:10 - ᐅᔅᑭ ᑎᔅᑌᒥᓐᑦ

¹⁰ ᒫᑲ ᐊᓄᒡ ᓄᑯᑖᓂᐗᓐ ᐁ ᑮ ᐯᒋ ᓄᑯᓯᑦ ᑭ ᐱᒫᒋᐃᐌᒥᓇᐤ ᒋᓴᔅ ᙭, ᑳ ᑮ ᓂᔑᐗᓈᒋᑖᑦ ᓂᐱᐎᓂᓕᐤ, ᓀᔥᑕ ᑮ ᐹᔭᑌ ᐙᐸᑎᓕᐌᐤ ᐱᒫᑎᓯᐎᓂᓕᐤ ᓀᔥᑕ ᑳᑭᑫ ᐱᒫᑎᓯᐎᓂᓕᐤ ᒥᓗᐋᒋᒧᐎᓐ ᐅᒋ:

ᓂᔓ ᑎᒧᑎ 1:10 Iomraidhean Croise

ᐅᐸᓓᑭᔅ ᓘᒃ 11:36

ᑮᔥᐱᓐ ᒫᑲ ᒥᓯᐌ ᑭᔭᐤ ᓯᐋᑲᔅᑭᓀᑴ ᐙᓭᔮᓯᐎᓐ, ᐁᑳ ᐙᔦᔥ ᐃᑕ ᐁ ᑎᐱᔅᑭᓯᒪᑲᒃ, ᒥᓯᐌ ᑲᑕ ᐅᒋ ᓵᑲᔅᑭᓀᐤ ᐙᓭᔮᓯᐎᓐ, ᑖᐱᔅᑯᒡ ᐁ ᐙᔅᑌᓇᒫᑯᔭᓐ ᐙᔅᑌᓇᒫᑲᓐ ᐁ ᐙᔅᑌᒃ᙮

ᐅᐸᓓᑭᔅ ᓘᒃ 13:7

ᐁᑯ ᐁᑖᑦ ᐊᓂᐃ ᑳ ᑲᓇᐌᓕᑕᒥᓕᒋ ᔓᒥᓈᑎᑯ ᓂᑖᐎᑭᒋᑲᓂᓕᐤ, ᒫᑎᑲ, ᐅᐅ ᓂᔅᑐ ᐱᐴᓋ ᓂ ᐯᒋ ᓈᓇᑕᐙᐸᑌᓐ ᒥᓂᔕ ᐊᐗ ᐸᑫᓵᓂᒥᓈᑎᑯᒃ, ᓇᒪ ᒫᑲ ᓂ ᒥᔅᑫᓐ; ᑳᐗᐤ; ᑖᓀᑭ ᐌᒋ ᐅᑕᒥᔅᑲᒃ ᐊᔅᑭᓕᐤ?

ᐅᐸᓓᑭᔅ ᓘᒃ 2:11

ᐌᓴ ᑭᓚᐗᐤ ᐅᒋ ᐊᓄᒡ ᑳ ᑭᔑᑳᒃ ᓂᑖᐎᑭᑦ ᑌᐱᑦ ᐅᑦ ᐃᑖᐎᓂᒃ ᐅᐱᒫᒋᐃᐌᐤ, ᐁᐗᒀᓇ ᙭ ᐅᑎᐯᓕᒋᑫᐤ᙮

ᐅᐸᓓᑭᔅ ᒑᓐ 1:9

ᐁᐗᒀᓂᒪ ᑖᐺ ᐙᔅᑌᐎᓐ, ᑳ ᐙᔅᑌᓇᒫᑯᑦ ᒥᓯᐌ ᑕᑐ ᐃᓕᓕᐤ ᑳ ᐯᒋ ᐃᑐᑌᑦ ᐅᑕ ᐊᔅᑮᒃ᙮

ᐅᐸᓓᑭᔅ ᒑᓐ 14:6

ᒋᓴᔅ ᐃᑌᐤ, ᓂᓚ ᐁᐗᑯ ᒣᔅᑲᓇᐤ, ᓀᔥᑕ ᑖᐺᐎᓐ, ᓀᔥᑕ ᐱᒫᑎᓯᐎᓐ: ᓇᒪᐎᓚ ᐊᐌᓇ ᓈᑌᐤ ᐅᑖᐎᒪᐗ, ᐱᑯ ᓂᓚ ᐅᒋ᙮

ᐅᐸᓓᑭᔅ ᒑᓐ 20:31

ᒫᑲ ᐅᐅ ᒪᓯᓇᐃᑳᑌᐗ, ᑭᒋ ᑖᐺᑕᒣᒃ ᒋᓴᔅ ᐁ ᐋᐎᑦ ᙭, ᑭᒋᒪᓂᑐ ᐅᑯᓯᓴ; ᓀᔥᑕ ᐁ ᑖᐺᑕᒣᒃ ᑭᒋ ᐋᔮᔦᒃ ᐱᒫᑎᓯᐎᓐ ᐅᑦ ᐃᔑᓂᑳᓱᐎᓐ ᐅᒋ᙮

ᐅᐸᓓᑭᔅ ᒑᓐ 4:42

ᓀᔥᑕ ᑮ ᐃᑌᐗᒃ ᐃᔅᑴᐗ, ᐁᑯ ᑎᐋᐺᑕᒫᒃ, ᓇᒪᐎᓚ ᑭᓚ ᑭᑦ ᐃᑗᐎᓐ ᐅᒋ: ᐌᓴ ᓂᓚᓈᓐ ᑫᒋᐙᒃ ᓂ ᑮ ᐯᑕᐙᓈᓐ, ᓀᔥᑕ ᓂ ᑭᔅᑫᓕᑌᓈᓐ ᐊᐗ ᑖᐺ ᐁᐗᒀᓇ ᙭, ᑳ ᐱᒫᒋᑖᑦ ᐊᔅᑭᓕᐤ᙮

ᐅᐸᓓᑭᔅ ᒑᓐ 5:40

ᓇᒪᐎᓚ ᓀᔥᑕ ᑭ ᐎ ᐯᒋ ᓈᔑᓇᐗᐤ, ᑭᒋ ᐋᔭᔦᒃ ᐱᒫᑎᓯᐎᓐ᙮

ᐊᐸᔅᑕᓚᒃ 13:23

ᐊᐗ ᐃᓕᓕᐤ ᐅᑦ ᐊᐙᔑᒥᔕ ᐅᒋ ᑭᒋᒪᓂᑐ, ᒬᒋ ᑳ ᑮ ᐃᔑ ᓈᔅᑯᒧᑦ, ᑮ ᐸᓯᑯᓇᒪᐌᐤ ᐊᓂᐃ ᐃᔅᕃᐃᓪ ᐅ ᐱᒫᒋᐃᐌᒪ, ᒋᓴᓴ;

ᐊᐸᔅᑕᓚᒃ 5:31

ᐁᐗᒀᓂᐃ ᑭᒋᒪᓂᑐ ᑳ ᑮ ᑭᔅᑌᓕᑖᑯᐋᑦ ᐅ ᑭᒋᓂᔉ ᐅᒋ ᑭᒋ ᐅᑭᒪᐎᓕᑭ ᓀᔥᑕ ᑭᒋ ᐱᒫᒋᐃᐌᓕᒋ, ᑭᒋ ᒥᓛᑦ ᑴᔅᑳᑎᓯᐎᓂᓕᐤ ᐃᔅᕃᐃᓚ ᓀᔥᑕ ᐁ ᐌᐯᓕᒋᑲᑌᓕᑭ ᒪᒋᑣᐎᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:26

ᒫᑲ ᐊᓄᒡ ᑳ ᑭᔅᑫᓕᑖᑯᑖᑲᓂᐗᒃ, ᓀᔥᑕ ᐅ ᒪᓯᓇᐃᑫᐎᓂᐗᐗ ᐅᒋ ᐊᓂᑭ ᐅᑭᔅᑭᐙᐃᑫᐗᒃ, ᑳ ᑮ ᐃᑕᔓᐌᑦ ᐊᓇ ᑳᑭᑫ ᐯᒫᑎᓰᑦ ᑭᒋᒪᓂᑐ, ᑳ ᑭᔅᑫᓕᑕᒥᐋᑲᓂᐄᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ ᑭᒋ ᐅᒋ ᓇᓇᐃᑕᑭᒃ ᑖᐺᔦᓕᑕᒧᐎᓂᓕᐤ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:7

ᐊᓂᐃ ᔑᐱᓚᐌᓯᐎᓂᒃ ᑕᑭ ᒥᓗᑐᑕᒥᓕᒋ ᐁ ᓈᓇᑕᐌᓕᑕᒥᓕᒋ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᔅᑎᓯᐎᓂᓕᐤ ᓀᔥᑕ ᑭᒋᐱᒫᑎᓯᐎᓂᓕᐤ, ᒥᓓᐤ ᑳᑭᑫ ᐱᒫᑎᓯᐎᓂᓕᐤ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:31

ᓂᑦ ᐋᑕᐌᓕᑕᒥᑖᓈᓐ ᓈ ᐅᓚᔓᐌᐎᓐ ᑖᐺᔦᓕᑕᒧᐎᓂᒡ ᐅᒋ? ᓇᒪᐎᓚ ᑲᑕ ᐎ ᐃᑭᓐ: ᐁᐁ, ᓂᑦ ᐊᔭᒋᑳᐸᐎᑖᓈᓐ ᐅᓚᔓᐌᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:6

ᐅᒪ ᐁ ᑭᔅᑫᓕᑕᒪᒃ ᑭ ᑳᔮᔥ ᐃᓕᓕᐎᐎᓂᓇᐤ ᑳ ᒋᔅᑖᔅᑾᐃᑳᑌᒃ ᐊᓯᒋ ᐎᓚ, ᒪᒋᑣᐎᓂ ᒥᔭᐤ ᑭᒋ ᓂᔑᐗᓈᑕᒃ, ᐁᑯᔅᐱ ᐅᒋ ᐁᑳ ᑭᒋ ᐊᑑᔅᑫᔅᑕᒪᒃ ᒪᒋᑣᐎᓐ᙮

ᓂᔥᑕᒻ ᑯᕆᓐᑎᐊᓇ 15:26

ᐊᓇ ᒫᒋᒡ ᐸᒀᑖᑲᓐ ᑫ ᓂᔑᐗᓈᒋᐋᑲᓂᐎᑦ ᐁᐗᑯ ᓂᐱᐎᓐ᙮

ᓂᔥᑕᒻ ᑯᕆᓐᑎᐊᓇ 4:5

ᐁᐗᑯ ᐅᒋ ᐁᑳᐎᓚ ᑫᒀᓐ ᓂᑳᓐ ᑎᐹᔅᑯᓇᒧᒃ, ᐹᑎᒫ ᐯᒋ ᑕᑯᔑᑫ ᐅᑎᐯᓕᒋᑫᐤ, ᑫ ᓄᑯᑖᑦ ᐊᓂᐃ ᑫᒀᓇ ᐗᓂᑎᐱᔅᑭᓯᐎᓂᒃ ᑳ ᑳᑖᓂᐗᑭ, ᓀᔥᑕ ᑫ ᑭᔅᑫᓕᑖᑯᑖᑦ ᒥᑐᓀᓕᒋᑫᐎᓇ ᒥᑌᐃᒃ ᑳ ᐅᒋᐸᓕᑭ: ᐁᑯ ᒫᑲ ᒥᓯᐌ ᐃᓕᓕᐗᒃ ᑫ ᒀᔭᔅᑯ ᐋᒋᒥᑯᒋᒃ ᑭᒋᒪᓂᑐᐗ᙮

ᓂᔓ ᑯᕆᓐᑎᐊᓇ 5:4

ᐌᓴ ᑭᓚᓈᓇᐤ ᑳ ᐃᑖᔭᒃ ᐅᒪ ᒥᑭᐙᒥᒃ ᑭ ᒪᒫᐱᓈᓇᐤ, ᐁ ᑄᐗᑌᔭᒃ: ᐁᑳ ᐁ ᓇᑕᐌᓕᑕᒪᒃ ᑭᒋ ᑫᑕᓗᐎᓂᑲᐎᔭᒃ, ᒫᑲ ᑭᒋ ᐳᔅᑎᔥᑲᒧᑎᓕᑲᐎᔭᒃ, ᐊᓂᒪ ᑳ ᓂᐱᐗᒃ ᑭᒋ ᒥᓯᐌᐸᓕᑖᓂᐗᒃ ᐱᒫᑎᓯᐎᓂᒃ᙮

ᑲᓓᔕᐊᓇ 5:4

᙭ ᓇᒪᐎᓚ ᐙᔦᔥ ᑭᑦ ᐃᑖᐸᒋᐃᑯᐗᐤ, ᐊᐌᓂᑭ ᐁ ᐃᑕᔑᔦᒃ ᐅᓚᔓᐌᐎᓐ ᑳ ᐅᒋ ᑾᔭᔅᑭᑖᑎᓯᐃᑲᐎᔦᒃ: ᔕᐌᓕᒋᑫᐎᓂᒃ ᑭ ᑮ ᐅᒋ ᐸᑭᔑᓂᓇᐗᐤ᙮

ᐃᐱᓯᔭᓇ 1:18

ᐁ ᐅᔥᑭᔑᑯᒪᑲᒃ ᑭ ᓂᓯᑐᑕᒧᐎᓂᐗᐤ ᐁ ᐙᔅᑌᓂᑳᑌᒃ; ᑭᒋ ᑭᔅᑫᓕᑕᒣᒃ ᑫᒀᓐ ᑳ ᐊᐯᓕᒧᓈᓂᐗᒃ ᐁ ᓇᑐᑫᑦ, ᓀᔥᑕ ᐁ ᐃᔑ ᐌᓗᒋ ᑭᔅᑌᓕᑖᑾᓂᓕᒃ ᐅ ᑎᐱᓚᐌᐎᓯᐎᓐ ᑫ ᐋᔮᓕᒋ ᐅᐸᓓᑭᓴ;

ᐃᐱᓯᔭᓇ 1:9

ᐁ ᑮ ᑭᔅᑫᓕᑕᒥᐃᑕᒃ ᐁ ᐃᔑ ᑳᑖᓂᐗᓂᓕᒃ ᐅᑦ ᐃᑌᓕᑕᒧᐎᓐ, ᐁ ᐃᔑ ᒥᓗ ᐃᑌᓕᑕᒃ, ᐎᓚ ᑫᒋᐙᒃ ᑳ ᑮ ᐃᑌᓕᑕᒃ;

ᓂᔓ ᑌᓴᓗᓂᔭᓇ 2:8

ᐁᑯ ᒫᑲ ᐊᓇ ᒣᒋᑣᑦ ᑫ ᓄᑯᓯᑦ, ᑫ ᐃᔅᑾᓱᑯᑦ ᐅᑎᐯᓕᒋᑫᐗ ᐅ ᓓᓓᐎᓐ ᐅᑐᓂᓕᒃ ᐅᒋ, ᓀᔥᑕ ᑫ ᓂᔑᐗᓈᒋᐃᑯᑦ ᐁᔅᐱᒋ ᐙᓯᓱᓕᒋ ᑕᑯᔑᓂᓕᑌ:

ᓂᔓ ᑎᒧᑎ 1:1

ᐹᓪ, ᐅᑦ ᐊᐸᔅᑕᓕᒪ ᒋᓴᔅ ᙭, ᑭᒋᒪᓂᑐ ᐅᑦ ᐃᑌᓕᑕᒧᐎᓐ ᐅᒋ ᑳ ᐃᑕᔅᑌᒃ ᐊᓂᒪ ᐱᒫᑎᓯᐎᓂ ᐊᔓᑕᒫᑫᐎᓐ ᑳ ᐃᑕᑾᒃ ᙭ ᒋᓴᓯᒃ,

ᓂᔓ ᑎᒧᑎ 1:8

ᐁᐗᑯ ᐅᒋ ᐁᑳᐎᓚ ᓇᓀᐯᐎᓰᔅᑕᒻ ᐅ ᑎᐹᒋᒧᐎᓐ ᑭ ᑎᐯᓕᒋᑫᒥᓇᐤ, ᐁᑳ ᓀᔥᑕ ᓂᓚ ᐅᒋ ᐅ ᑭᐸᐙᑲᓇ: ᒫᑲ ᐎᒋᐅᑎᓇ ᑲᒀᑕᑭᓯᐎᓇ ᒥᓗᐋᒋᒧᐎᓂᒃ ᑳ ᐅᒋᐸᓕᑭ, ᑳ ᐃᑕᔅᑌᓕᒃ ᑭᒋᒪᓂᑐ ᐅ ᑲᔥᑭᐅᐎᓐ;

ᓂᔓ ᑎᒧᑎ 4:1

ᑭᑦ ᐃᑕᔓᒥᑎᓐ ᒫᑲ ᐅᑎᔥᑲᐤ ᑭᒋᒪᓂᑐ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭, ᑫ ᑎᐹᔅᑯᓈᑦ ᑳ ᐱᒫᑎᓯᓕᑭ ᓀᔥᑕ ᑳ ᓂᐱᓕᒋ ᐃᔅᐱ ᐯᒋ ᓄᑯᓯᑌ, ᓀᔥᑕ ᐅᑦ ᐅᑭᒪᐎᐎᓐ;

ᓂᔓ ᑎᒧᑎ 4:8

ᐁᑯᔅᐱ ᓂᑦ ᐊᔅᑕᒫᑲᐎᓐ ᒀᔭᔅᑭᑖᑎᓯᐎ, ᐊᔅᑐᑎᓐ, ᐊᓂᒪ ᐅᑎᐯᓕᒋᑫᐤ, ᑳ ᒀᔭᔅᑭᑖᑎᓯᑦ ᐅᑎᐹᔅᑯᓂᑫᐤ, ᑫ ᒥᓕᑦ ᐁᐗᑯ ᑭᔑᑳᑫ: ᓇᒪ ᓀᔥᑕ ᓂᓚ ᐱᑯ, ᒫᑲ ᒥᓯᐌ ᐊᓂᑭ ᐊᓯᒋ ᑳ ᓵᑭᑕᐙᒋᒃ ᐅ ᓄᑯᓯᐎᓐ᙮

ᑕᐃᑕᔅ 2:11

ᐌᓴ ᐅ ᔕᐌᓕᒋᑫᐎᓐ ᑭᒋᒪᓂᑐ, ᑳ ᐯᑕᒧᒪᑲᒃ ᐱᒫᒋᐃᐌᐎᓐ, ᑮ ᓄᑯᓯᔅᑖᑯᐗᒃ ᒥᓯᐌ ᐃᓕᓕᐗᒃ,

ᑕᐃᑕᔅ 2:13

ᐁ ᐊᔕᐙᐸᑕᒪᒃ ᐊᓂᒪ ᑳ ᒥᓦᑭᑖᑾᒃ ᐊᔅᐯᓕᒧᐎᓐ, ᓀᔥᑕ ᐅ ᑭᔅᑌᓕᑖᑯᓯᐎ ᓄᑯᓯᐎᓐ ᑫᔅᑎᓯᑦ ᑭᒋᒪᓂᑐ, ᓀᔥᑕ ᑭ ᐱᒫᒋᐃᐌᒥᓇᐤ ᒋᓴᔅ ᙭;

ᑕᐃᑕᔅ 3:4

ᒫᑲ ᐃᔅᐱ ᐁ ᐃᔑ ᑭᔐᐙᑐᑕᐙᑦ ᓀᔥᑕ ᓵᑭᐋᑦ ᐃᓕᓕᐗ ᑭᒋᒪᓂᑐ ᑭ ᐱᒫᒋᐃᐌᒥᓇᐤ ᑮ ᓄᑾᓂᓕᐤ;

ᐦᐃᑉᕉᐗ 10:32

ᒫᑲ ᑭᔅᑭᓯᒃ ᐊᓂᐃ ᑳᔮᔥ ᑭᔑᑳᐗ, ᐁᑯᔅᐱ, ᐹᑎᒫ ᐁ ᑮ ᐙᔅᑌᓇᒫᑲᐎᔦᒃ, ᑭ ᑮ ᒧᔑᑖᓇᐗᐤ ᑭᒋ ᐊᓕᒥᓯᐎᓂ ᓄᑎᓂᑫᐎᓐ;

ᓂᔓ ᐱᑕᕐ 1:1

ᓵᐃᒪᓐ ᐱᑕᕐ, ᐅᑦ ᐊᑑᔅᑫᓛᑲᓇ ᓀᔥᑕ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᒪᓯᓇᐊᒪᐗᑭᒃ ᐊᓂᑭ ᑳ ᐊᓯᒋ ᐋᔮᒋᒃ ᐊᓂᐁᓕᐤ ᑖᐺᔦᓕᑕᒧᐎᓂᓕᐤ ᑖᐱᔅᑯᒡ ᓂᓛᓇᓐ, ᐅ ᒀᔭᔅᑭᑖᑎᓯᐎᓐ ᐅᒋ ᑭᒋᒪᓂᑐ, ᓀᔥᑕ ᑭ ᑎᐯᓕᒋᑫᒥᓇᐤ ᒋᓴᔅ ᙭:

ᓂᔓ ᐱᑕᕐ 1:11

ᐌᓴ ᐁᑯ ᑫ ᐃᔑ ᐌᓗᒋ ᐹᔅᑭᑌᓇᒫᑲᐎᔦᒃ ᐅ ᑳᑭᑫ ᐅᑭᒪᐎᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴᔅ ᙭᙮

ᓂᔓ ᐱᑕᕐ 1:3

ᑳ ᐃᑕᔅᑌᓕᒃ ᐅ ᒪᓂᑐᐎ ᑲᔥᑭᐅᐎᓐ, ᑳ ᑮ ᐃᔑ ᒥᓕᑯᐗᒃ ᒥᓯᐌ ᑫᒀᓇ ᐱᒫᑎᓯᐎᓂᒃ ᓀᔥᑕ ᒪᓂᑐᐙᑎᓯᐎᓂᒃ ᑳ ᑎᐯᓕᑖᑾᑭ, ᐅ ᑭᔅᑫᓕᑕᒧᐎᓂᒃ ᐅᒋ ᐊᓇ ᑳ ᑮ ᓇᑐᒥᑕᒃ ᑭᔅᑌᓕᑖᑯᓯᐎᓂᒃ ᓀᔥᑕ ᒥᓨᑎᓯᐎᓂᒃ:

ᓂᔓ ᐱᑕᕐ 2:20

ᐌᓴ ᑮᔥᐱᓐ, ᐃᔅᐱ ᑮ ᐅᔑᑕᑭᒃ ᐎᓕᐱᓯᐎᓇ ᐊᔅᑮᒃ ᑳ ᐃᑕᑾᓂᓕᑭ, ᐁ ᐃᔑ ᑭᔅᑫᓕᒫᒋᒃ ᑭ ᑎᐯᓕᒋᑫᒥᓇᐗ ᓀᔥᑕ ᑭ ᐱᒫᒋᐃᐌᒥᓇᐗ ᒋᓴᔅ ᙭ᑕ, ᒥᓇ ᒫᑲ ᐁᑯᑕ ᐃᔑ ᓇᑾᓱᑡᐌ, ᓀᔥᑕ ᔖᑯᒋᐋᑲᓂᐎᑡᐌ, ᐃᔥᒀᔮᒡ ᒫᑲ ᐅᑦ ᐃᔑ ᐋᔭᐎᓇᐗᐤ ᐊᐙᓯᑌ ᒫᓛᑕᓂᓕᐤ ᐃᔥᐱᔥ ᓂᔥᑕᒻ᙮

ᓂᔓ ᐱᑕᕐ 3:18

ᒫᑲ ᓂᑕᐎᑭᒃ ᔕᐌᓕᒋᑫᐎᓂᒃ, ᓀᔥᑕ ᐅ ᑭᔅᑫᓕᒥᑯᓯᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴ ᙭᙮ ᐎᓚ ᒫᑲ ᑲᑕ ᐎ ᒫᒥᒋᒫᑲᓂᐎᐤ ᐊᓄᒡ ᓀᔥᑕ ᑳᑭᑫ᙮ ᐁᒣᓐ᙮

ᓂᔓ ᐱᑕᕐ 3:2

ᑭᒋ ᒥᑐᓀᓕᑕᒣᒃ ᐊᓂᐃ ᐋᔭᒥᐎᓇ ᐌᔅᑳᒡ ᑳ ᑮ ᐃᑗᒋᒃ ᐊᓂᑭ ᐸᓓᑭ ᐅᑭᔅᑭᐙᐃᑫᐗᒃ, ᓀᔥᑕ ᐊᓂᐃ ᑳ ᑮ ᐃᑕᔓᐌᔮᒃ ᓂᓚᓈᓐ ᐅᑦ ᐊᐸᔅᑕᓕᒪ ᐅᑎᐯᓕᒋᑫᐤ ᐯᒫᒋᐃᐌᑦ;

ᓂᔥᑕᒻ ᒑᓐ 1:2

(ᐌᓴ ᐊᓂᒪ ᐱᒫᑎᓯᐎᓐ ᑮ ᓄᑯᑖᑲᓂᐗᓐ, ᓂ ᑮ ᐙᐸᑌᓈᓐ ᒫᑲ, ᓀᔥᑕ ᓂ ᑎᐹᑐᑌᓈᓐ, ᑭ ᐙᐸᑎᓕᑎᓈᓐ ᒫᑲ ᐊᓂᒪ ᑳᑭᑫ ᐱᒫᑎᓯᐎᓐ, ᑳ ᑮ ᐎᒋᑕᔑᑫᒥᑯᑦ ᐅᑖᐎᒪᐤ, ᓀᔥᑕ ᑳ ᑮ ᐙᐸᑎᓕᑲᐎᔮᒃ;)

ᓂᔥᑕᒻ ᒑᓐ 4:14

ᓂ ᑮ ᐙᐸᑌᓈᓐ ᒫᑲ, ᓀᔥᑕ ᓂ ᐎᑌᓈᓐ ᐅᑖᐎᒪᐤ ᐁ ᑮ ᐯᒋᑎᔕᐙᑦ ᐅᑯᓯᓯᒪᐗ ᑭᒋ ᐱᒫᒋᑖᓕᒋ ᐊᔅᑭᓕᐤ᙮

ᑭᔅᑫᓕᑖᑯᑖᑫᐎᓐ 18:1

ᑳ ᐳᓂᐸᓕᑭ ᒫᑲ ᐅᐅ, ᓂ ᑮ ᐙᐸᒫᐤ ᑯᑕᒃ ᐁᓐᒐᓪ ᑭᒋᑭᔑᑯᒃ ᐁ ᐅᒋ ᐯᒋ ᓛᔑᑦ, ᐁ ᐋᔮᑦ ᑭᒋ ᑲᔥᑭᐅᐎᓂᓕᐤ; ᐊᔅᑭ ᒫᑲ ᑮ ᐙᔅᑌᓂᑳᑌᐤ ᐁ ᐃᔅᐱᒋ ᐙᓯᓱᑦ᙮

ᑭᔅᑫᓕᑖᑯᑖᑫᐎᓐ 2:7

ᐊᓇ ᑳ ᐅᑖᐗᑳᑦ, ᐁᑯᔑ ᑲᑕ ᐯᑕᒻ ᐋᒑᒃ ᑳ ᐃᑖᑦ ᒫᒪᐎᐋᔭᒥᐋᐗ; ᐊᓇ ᑳ ᔖᑯᒋᐃᐌᑦ, ᓂ ᑳ ᒥᓚᐤ ᐱᒫᑎᓯᐎᓂ ᒥᔅᑎᑯᒃ ᑭᒋ ᐅᒋ ᒥᒋᓱᑦ, ᑳ ᐃᑖᓕᒋ ᑌᑖᐎᒡ ᐅ ᐹᕋᑕᐃᓯᒥᒃ ᑭᒋᒪᓂᑐ᙮

ᑭᔅᑫᓕᑖᑯᑖᑫᐎᓐ 20:14

ᓂᐱᐎᓐ ᒫᑲ ᓀᔥᑕ ᒋᐸᐃᐊᔅᑭ ᑮ ᐃᔑ ᐌᐱᓂᑳᑌᐗ ᐃᔥᑯᑌᐎ ᓵᑲᐃᑲᓂᒃ᙮ ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 22:14

ᔕᐌᓕᑖᑯᓯᐗᒃ ᐊᓂᑭ ᑳ ᑐᑕᒸᒋᒃ ᐅ ᑲᑫᔅᑴᐎᓂᓕᐗ, ᒀᔭᔉ ᑭᒋ ᑮ ᐋᔭᐙᒋᒃ ᐱᒫᑎᓯᐎᓂ ᒥᔅᑎᑾ, ᓀᔥᑕ ᔕᐳ ᑭᒋᐃᔥᒀᑌᒥᒃ ᑭᒋ ᐱᑐᑫᒋᒃ ᐃᑖᐎᓂᒃ᙮

ᑭᔅᑫᓕᑖᑯᑖᑫᐎᓐ 22:17

ᐊᒑᒃ ᒫᑲ ᓀᔥᑕ ᐅᔥᑭᑴᐙᓐ ᐃᑗᐗᒃ, ᐋᔅᑕᒻ᙮ ᐊᓇ ᒫᑲ ᑳ ᐯᑕᒃ ᐁᑯᔑ ᑲᑕ ᐃᑗᐤ, ᐋᔅᑕᒻ᙮ ᐊᓇ ᓀᔥᑕ ᑳ ᓄᑌᔮᐸᑴᑦ ᐁᑯᔑ ᑲᑕ ᐯᒋ ᐃᑐᑌᐤ: ᐊᐌᓇ ᒫᑲ ᐁᑌᓕᑕᒧᑴ, ᐁᑯᔑ ᒧᔐ ᑲᑕ ᐅᑎᓇᒻ ᐱᒫᑎᓯᐎᓂ ᓂᐱᓕᐤ᙮