ᓂᔓ ᑎᒧᑎ 1:1 - ᐅᔅᑭ ᑎᔅᑌᒥᓐᑦ

¹ ᐹᓪ, ᐅᑦ ᐊᐸᔅᑕᓕᒪ ᒋᓴᔅ ᙭, ᑭᒋᒪᓂᑐ ᐅᑦ ᐃᑌᓕᑕᒧᐎᓐ ᐅᒋ ᑳ ᐃᑕᔅᑌᒃ ᐊᓂᒪ ᐱᒫᑎᓯᐎᓂ ᐊᔓᑕᒫᑫᐎᓐ ᑳ ᐃᑕᑾᒃ ᙭ ᒋᓴᓯᒃ,

ᓂᔓ ᑎᒧᑎ 1:1 Iomraidhean Croise

ᐅᐸᓓᑭᔅ ᒑᓐ 10:28

ᓀᔥᑕ ᓂ ᒥᓛᐗᒃ ᑳᑭᑫ ᐱᒫᑎᓯᐎᓂᓕᐤ; ᓇᒪᐎᔅᑳᑦ ᒫᑲ ᑲᑕ ᓂᔑᐗᓈᑎᓯᐗᒃ, ᓇᒪᐎᓚ ᓀᔥᑕ ᐊᐌᓇ ᓂ ᑳ ᑮ ᒪᔅᑲᒥᒃ ᓂᒌᒌᒃ ᐅᒋ᙮

ᐅᐸᓓᑭᔅ ᒑᓐ 17:3

ᐁᐗᑯ ᐅᒪ ᒫᑲ ᑳᑭᑫ ᐱᒫᑎᓯᐎᓐ, ᑭᒋ ᑭᔅᑫᓕᒥᔅᑭᒃ ᐁ ᐯᔭᑯᔭᓐ ᑖᐺ ᐁ ᑭᒋᒪᓂᑕᐎᔭᓐ, ᓀᔥᑕ ᑭᒋ ᑭᔅᑫᓕᒫᒋᒃ ᒋᓴᔅ ᙭ᑕ ᑳ ᑮ ᐯᒋᑎᔕᐅᒪᑦ᙮

ᐅᐸᓓᑭᔅ ᒑᓐ 5:24

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᓇᑐᑕᒃ ᓂᑦ ᐋᔭᒥᐎᓂᓕᐤ, ᓀᔥᑕ ᑳ ᑖᐺᔦᓕᒫᑦ ᐊᓂᐃ ᑳ ᑮ ᐯᒋᑎᔕᐅᓕᒋ, ᐋᔭᐤ ᑳᑭᑫ ᐱᒫᑎᓯᐎᓂᓕᐤ, ᓇᒪ ᓀᔥᑕ ᑲᑕ ᐅᑎᑎᑯ ᓂᔑᐗᓈᒋᒥᑯᓯᐎᓂᓕᐤ; ᒫᑲ ᑮ ᒥᔮᔥᑲᒻ ᓂᐱᐎᓂᓕᐤ ᐁ ᐅᑎᑕᒃ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 6:40

ᐁᐗᑴᓕᐤ ᒫᑲ ᐅᑦ ᐃᑌᓕᑕᒧᐎᓐ ᐊᓇ ᑳ ᑮ ᐯᒋᑎᔕᐅᑦ, ᒥᓯᐌ ᑕᑐ ᐊᐌᓇ ᑳ ᐙᐸᒫᑦ ᐅᑯᓯᓯᒫᐗ, ᓀᔥᑕ ᑳ ᑖᐺᔦᓕᒫᑦ, ᑭᒋ ᐋᔮᑦ ᑳᑭᑫ ᐱᒫᑎᓯᐎᓂᓕᐤ: ᓂ ᑳ ᐗᓂᔥᑳᓇᐤ ᒫᑲ ᒫᒋᒡ ᑭᔑᑳᓕᑫ᙮

ᐅᐸᓓᑭᔅ ᒑᓐ 6:54

ᐊᓇ ᑳ ᒥᒋᑦ ᓂᔮᓯᓕᐤ ᓀᔥᑕ ᑳ ᒥᓂᑴᑦ ᓂᒥᑯᓕᐤ, ᐋᔭᐤ ᑳᑭᑫ ᐱᒫᑎᓯᐎᓂᓕᐤ; ᓂ ᑳ ᐗᓂᔥᑳᓇᐤ ᒫᑲ ᒫᒋᒡ ᑭᔑᑳᓕᑫ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:1

ᐹᓪ, ᐅᑦ ᐊᑑᔅᑫᓛᑲᓇ ᒋᓴᔅ ᙭, ᐁ ᑮ ᓇᑐᒥᑲᐎᔮᓐ ᑭᒋ ᐊᐸᔅᑕᓕᐎᔭᓐ, ᐁ ᑮ ᐹᑲᓂᐃᑲᐎᔮᓐ ᑭᒋᒪᓂᑐ ᐅ ᒥᓗᐋᒋᒧᐎᓂᒃ ᐃᔑ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:21

ᑖᐱᔅᑯᒡ ᒫᑲ ᒪᒋᑣᐎᓐ ᑳ ᐃᔑ ᑎᐯᓕᒋᑫᒪᑲᒃ ᓂᐱᐎᓂᒃ ᐃᔑ, ᐁᑯ ᑖᐱᔅᑯᒡ ᔕᐌᓕᒋᑫᐎᓐ ᑫ ᑎᐯᓕᒋᑫᒪᑲᒃ ᒀᔭᔅᑭᑖᑎᓯᐎᓐ ᐅᒋ ᑳᑭᑫ ᐱᒫᑎᓯᐎᓂᒃ ᐃᔑ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:23

ᐌᓴ ᑎᐸᐊᒫᑫᐎᓇ ᑳ ᒥᓕᐌᒪᑲᒃ ᒪᒋᑡᐎᓐ ᐁᐗᑯ ᓂᐱᐎᓐ, ᒫᑲ ᑭᒋᒪᓂᑐ ᐅ ᒥᓕᐌᐎᓐ ᐁᐗᑴᓕᐤ ᑳᑭᑫ ᐱᒫᑎᓯᐎᓐ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᓂᔥᑕᒻ ᑯᕆᓐᑎᐊᓇ 1:1

ᐹᓪ, ᑳ ᑮ ᓇᑕᒫᑲᓂᐎᑦ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᐃᑌᓕᑕᒃ ᑭᒋᒪᓂᑐ, ᓀᔥᑕ ᓱᔅᑐᓃᔅ ᑭᒋᔖᓂᓇᐤ:

ᓂᔓ ᑯᕆᓐᑎᐊᓇ 1:1

ᐹᓪ ᐅᑦ ᐊᐸᔅᑕᓕᒪ ᒋᓴᔅ ᙭ ᐁ ᐃᑌᓕᑕᒃ ᑭᒋᒪᓂᑐ, ᓀᔥᑕ ᑎᒧᑎ ᑭᒋᔖᓂᓇᐤ, ᐁ ᒪᓯᓇᐊᒪᐙᑦ ᐊᓂᐃ ᐅ ᒫᒪᐎᐋᔭᒥᐋᒪ ᑭᒋᒪᓂᑐ ᑳ ᐃᑖᓕᒋ ᑯᕆᓐᑎᒃ, ᐊᓯᒋ ᓀᔥᑕ ᒥᓯᐌ ᐊᓂᐃ ᐅᐸᓓᑭᓴ ᑳ ᐃᑖᓂᒋ ᒥᓯᐌ ᐊᑳᔭᐃᒃ:

ᓂᔓ ᑯᕆᓐᑎᐊᓇ 1:20

ᐌᓴ ᒥᓯᐌ ᐅᑦ ᐊᔓᑕᒫᑫᐎᓇ ᑭᒋᒪᓂᑐ ᐎᓚ ᐅᒋ ᐁᐁ ᐃᑌᓕᑖᑾᓋ, ᓀᔥᑕ ᐎᓚ ᐅᒋ ᐁᒣᓐ, ᑭᒋ ᐃᔑ ᒪᒥᒋᒥᑲᓂᐎᑦ ᑭᒋᒪᓂᑐ ᓂᓚᓈᓐ ᐅᒋ᙮

ᑲᓓᔕᐊᓇ 3:26

ᐌᓴ ᒥᓯᐌ ᐁ ᐃᑕᔑᔦᒃ ᑭᑦ ᐅᑦ ᐊᐙᔑᒥᔑᒥᑯᐗᐤ ᑭᒋᒪᓂᑐ ᐁ ᑖᐺᔦᓂᒣᒃ ᙭ ᒋᓴᔅ᙮

ᑲᓓᔕᐊᓇ 3:28

ᓇᒪᐎᓚ ᐃᑖᐤ ᒎ ᓇᒪ ᓀᔥᑕ ᒃᕆᒃ, ᓇᒪᐎᓚ ᐃᑖᐤ ᐊᐗᑳᓐ ᓇᒪ ᓀᔥᑕ ᐅᑎᐯᓕᒥᑎᓱ, ᓇᒪᐎᓚ ᐃᑖᐤ ᓈᐯᐋᔭ ᓇᒪ ᓀᔥᑕ ᐃᔅᑴᐋᔭ: ᐌᓴ ᒥᓯᐌ ᐁ ᐃᑕᔑᔦᒃ ᑭ ᐯᔭᑯᓇᐗᐤ ᙭ ᒋᓴᓯᒃ᙮

ᐃᐱᓯᔭᓇ 3:6

ᒉᓐᑖᐃᓚᒃ ᑭᒋ ᐎᒋ ᑎᐯᓕᑕᒧᒥᐌᒋᒃ, ᐊᓂᒪ ᑫᔮᐸᒡ ᒥᔭᐎᒃ ᓀᔥᑕ ᑭᒋ ᑕᑯᐋᑲᓂᐎᒋᒃ, ᓀᔥᑕ ᑭᒋ ᐎᒋ ᐅᑎᓇᒧᒥᐌᒋᒃ ᐅᑦ ᐊᔓᑕᒫᑫᐎᓂᓕᐤ ᙭ᑎᒃ ᒥᓗᐋᒋᒧᐎᓐ ᐅᒋ:

ᓂᔥᑕᒻ ᑎᒧᑎ 6:19

ᐁ ᒥᓗ ᐊᔅᑖᒋᑫᔅᑕᒫᓱᒋᒃ ᒥᓗ ᐊᔅᑕᒋᑲᓂᓕᐤ ᐊᓂᒪ ᐁ ᑭᔑᑳᒃ ᐅᒋ ᑫ ᐅᑎᒋᐸᓕᒃ, ᑭᒋ ᑮ ᒫᒋᑯᓇᑭᒃ ᑳᑭᑫ ᐱᒫᑎᓯᐎᓂᓕᐤ᙮

ᓂᔓ ᑎᒧᑎ 1:10

ᒫᑲ ᐊᓄᒡ ᓄᑯᑖᓂᐗᓐ ᐁ ᑮ ᐯᒋ ᓄᑯᓯᑦ ᑭ ᐱᒫᒋᐃᐌᒥᓇᐤ ᒋᓴᔅ ᙭, ᑳ ᑮ ᓂᔑᐗᓈᒋᑖᑦ ᓂᐱᐎᓂᓕᐤ, ᓀᔥᑕ ᑮ ᐹᔭᑌ ᐙᐸᑎᓕᐌᐤ ᐱᒫᑎᓯᐎᓂᓕᐤ ᓀᔥᑕ ᑳᑭᑫ ᐱᒫᑎᓯᐎᓂᓕᐤ ᒥᓗᐋᒋᒧᐎᓐ ᐅᒋ:

ᓂᔓ ᑎᒧᑎ 1:13

ᓱᑲ ᒥᒋᒥᓇ ᐊᓂᐃ ᒥᓗᒪᒋᐅᐎ ᐋᔭᒥᐎᓇ ᓂᓚ ᑳ ᑮ ᐅᒋ ᐯᑕᒪᓐ, ᑖᐺᔦᓕᑕᒧᐎᓂᒃ ᓀᔥᑕ ᓵᑭᐃᐌᐎᓂᒃ ᑳ ᐃᑕᑾᒃ ᙭ ᒋᓴᓯᒃ᙮

ᓂᔓ ᑎᒧᑎ 1:9

ᐊᓇ ᑳ ᑮ ᐱᒫᒋᐃᑕᒃ, ᓀᔥᑕ ᑳ ᑮ ᓇᑐᒥᑕᒃ ᐸᓓᑭ ᓇᑐᑫᐎᓂᒃ, ᓇᒪᐎᓚ ᐁ ᐃᔑ ᐊᑑᔅᑫᔭᒃ, ᒫᑲ ᑳ ᐃᑕᔅᑌᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ, ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᔭᒃ ᙭ ᒋᓴᓯᒃ, ᐸᒧᔑ ᒥᐊᒋ ᐃᑕᑾᒃ ᐊᔅᑭ;

ᓂᔓ ᑎᒧᑎ 2:1

ᑭᓚ ᒫᑲ, ᓂᑯᓯᔅ, ᒪᔥᑲᐎᓯ ᔕᐌᓕᒋᑫᐎᓂᒃ ᐊᓂᒪ ᙭ ᒋᓴᔅ ᑳ ᐱᒋᔅᑳᑯᑦ᙮

ᓂᔓ ᑎᒧᑎ 2:10

ᐁᐗᑯ ᒫᑲ ᐅᒋ ᓂ ᓇᔭᑌᓐ ᒥᓯᐌ ᑫᒀᓇ ᐙᐌᓛᐸᒫᑲᓇᒃ ᐅᒋ, ᐎᓚᐗᐤ ᐊᓯᒋ ᑭᒋ ᐋᔮᒋᒃ ᐊᓂᐁᓕᐤ ᐱᒫᒋᐃᐌᐎᓂᓕᐤ ᑳ ᐃᑕᑾᓂᓕᒃ ᙭ ᒋᓴᓯᒃ, ᐊᓯᒋ ᓀᔥᑕ ᑳᑭᑫ ᑭᔅᑌᓕᑖᑯᓯᐎᓂᓕᐤ᙮

ᓂᔓ ᑎᒧᑎ 2:3

ᑭᓚ ᒫᑲ ᔑᐯᓕᑕ ᐊᓕᒥᓯᐎᓐ, ᑖᐱᔅᑯᒡ ᐅ ᒥᓗ ᓄᑎᓂᑫᒪ ᒋᓴᔅ ᙭᙮

ᓂᔓ ᑎᒧᑎ 3:15

ᓀᔥᑕ ᐁ ᐊᐙᔑᔑᐎᔭᓐ ᐁ ᑮ ᐯᒋ ᑭᔅᑫᓕᑕᒪᓐ ᐸᓓᑭ ᒪᓯᓇᐃᑫᐎᓇ, ᑫ ᑮ ᑲᑫᑕᐌᓕᑕᒥᐃᑯᔭᓐ ᐱᒫᒋᐃᐌᐎᓂᒃ ᐃᔑ, ᑖᐺᔦᓕᑕᒧᐎᓐ ᐅᒋ ᙭ ᒋᓴᓯᒃ ᑳ ᐃᑕᑾᒃ᙮

ᑕᐃᑕᔅ 1:2

ᐁ ᐊᔅᐯᓕᒧᑐᒋᑳᑌᒃ ᑳᑭᑫ ᐱᒫᑎᓯᐎᓐ, ᐊᓂᒪ ᑭᒋᒪᓂᑐ, ᐁᑳ ᑳ ᑮ ᑭᓛᔅᑭᑦ, ᑳ ᑮ ᐊᔓᑕᒫᑫᑦ ᐸᒧᔑ ᑮ ᒫᒋ ᐊᔅᑭᐗᒃ:

ᑕᐃᑕᔅ 1:4

ᐁ ᒪᓯᓇᐊᒪᐗᒃ ᑕᐃᑕᔅ, ᑎᐱᓚᐌ ᓂᑯᓯᔅ, ᒥᓯᐌ ᐃᔑ ᑖᐺᔦᓕᑕᒧᐎᓂᒃ: ᑭᔐᐙᑎᓯᐎᓐ ᔕᐌᓕᒋᑫᐎᓐ, ᓀᔥᑕ ᑳᔮᒣᓕᑕᒧᐎᓐ, ᑭᒋᒪᓂᑐ ᐌᐅᑕᐎᒪᐎᑦ ᐅᒋ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭ ᑭ ᐱᒫᒋᐃᐌᒥᓇᐤ᙮

ᐦᐃᑉᕉᐗ 9:15

ᐁᐗᑯ ᐅᒋ ᐎᓚ ᐁᐗᒀᓇ ᑳ ᐋᔭᒥᐁᔅᑕᒫᑫᑦ ᐅᔥᑭ ᓇᔅᑯᒥᑐᐎᓂᒃ, ᓂᐱᐎᓂᓕᐤ ᐁ ᐅᒋ ᑎᐸᐊᒃ ᐊᓂᐃ ᐗᓂᑐᑕᒧᐎᓇ ᑳ ᑮ ᑐᒋᑳᑌᑭ ᒣᒀᒡ ᓃᔥᑕᒻ ᓇᔅᑯᒥᑐᐎᓐ ᑳ ᑮ ᐃᑕᑾᒃ, ᐊᓂᑭ ᑳ ᓇᑐᒫᑲᓂᐎᒋᒃ ᑭᒋ ᐋᔭᒋᒃ ᐊᔓᑕᒫᑫᐎᓂᓕᐤ ᑭᒋ ᐋᔮᒋᒃ ᐊᓂᐁᓕᐤ ᑳᑭᑫ ᑎᐯᓕᒋᑲᓂᓕᐤ᙮

ᓂᔥᑕᒻ ᒑᓐ 2:25

ᐁᐗᑯ ᒫᑲ ᐅᒪ ᐊᔓᑕᒫᑫᐎᓐ ᑳ ᑮ ᐊᔓᑕᒫᑕᒃ, ᑳᑭᑫ ᐱᒫᑎᓯᐎᓐ ᐅᑎ᙮