ᓂᔓ ᑌᓴᓗᓂᔭᓇ 3:8 - ᐅᔅᑭ ᑎᔅᑌᒥᓐᑦ

⁸ ᓇᒪ ᓀᔥᑕ ᔐᔥᒀᑦ ᓂ ᑮ ᒧᐎᒫᓈᓇ ᐊᐌᓇ ᐅᑦ ᐊᓚᑯᓇᒪ; ᒫᑲ ᓂ ᑮ ᐋᐹᑎᓯᓈᓐ ᐁ ᐊᑑᔅᑫᔮᒃ ᓀᔥᑕ ᐁ ᑯᓯᑯᒪᒋᐅᔮᒃ, ᐁ ᑎᐱᔅᑳᒃ ᓀᔥᑕ ᐁ ᑭᔑᑳᒃ, ᐁᑳ ᑭᒋ ᐅᑎᓇᒫᒃ ᑭᑦ ᐋᔮᓂᐙᐗ:

ᓂᔓ ᑌᓴᓗᓂᔭᓇ 3:8 Iomraidhean Croise

ᐅᐸᓓᑭᔅ ᒫᑎᐤ 6:11

ᒥᓂᓈᓐ ᐊᓄᒡ ᑳ ᑭᔑᑳᒃ ᑫ ᐅᒋ ᐱᒫᑎᓯᔮᒃ᙮

ᐊᐸᔅᑕᓚᒃ 18:3

ᐎᓚ ᒫᑲ ᓀᔥᑕ ᐁᒀᓂ ᐁ ᐃᑖᐸᑎᓯᑦ, ᑮ ᐎᒋᑕᔑᑫᒣᐤ, ᓀᔥᑕ ᑮ ᐊᑐᔅᑫᐤ; ᐌᓴ ᐅᑦ ᐃᑖᐸᑎᓯᐎᓂᐙᒃ ᐅᒋ ᑮ ᐅᒥᑭᐗᒥᑫᐗᒃ᙮

ᐊᐸᔅᑕᓚᒃ 20:34

ᐁᐁ, ᑭᓚᐗᐤ ᑫᒋᐙᒃ ᑭ ᑭᔅᑫᓕᑌᓈᐗᐤ, ᐅᐅ ᒥᒋᒋᔭ ᐁ ᑮ ᐅᑎᓇᒫᑯᔮᓐ ᑳ ᐃᔑ ᒪᓀᓯᔮᓐ, ᓀᔥᑕ ᐊᓂᑭ ᐊᓯᒋ ᑳ ᑮ ᐎᒉᐎᒋᒃ᙮

ᓂᔥᑕᒻ ᑯᕆᓐᑎᐊᓇ 4:12

ᓂᑦ ᐊᑐᔅᑳᓈᓐ ᓂᒋᒋᓈᒃ ᐁ ᐅᒋ ᐋᐸᑎᓯᔮᒃ: ᐁ ᒫᒪᒋᐃᑎᑲᐎᔮᒃ, ᓂ ᒥᓦᑭᒥᐙᓈᓐ; ᐁ ᑲᒀᑕᑭᐃᑲᐎᔮᒃ, ᑳᔮᒻ ᐁᑯᔑ ᓂᑦ ᐃᑌᓕᑌᓈᓐ:

ᓂᔥᑕᒻ ᑯᕆᓐᑎᐊᓇ 9:4

ᓇᒪ ᓈ ᓂᑦ ᐋᔮᓈᓐ ᑲᔥᑭᐅᐎᓐ ᑭᒋ ᒥᒋᓱᔮᒃ ᓀᔥᑕ ᑭᒋ ᒥᓂᑴᔮᒃ?

ᓂᔓ ᑯᕆᓐᑎᐊᓇ 11:27

ᐊᔦᔅᑯᓯᐎᓂᒃ ᓀᔥᑕ ᐎᓴᑫᓕᑕᒧᐎᓂᒃ, ᒥᒉᑡᐤ ᐊᔕᐙᐱᐎᓂᒃ, ᓄᑌᑲᑌᐎᓂᒃ ᓀᔥᑕ ᓄᑌᐋᐸᑴᐎᓂᒃ, ᒥᒉᑡᐤ ᓂᑲᓱᐎᓂᒃ, ᓯᑲᒋᐎᓂᒃ ᓀᔥᑕ ᒧᔕᔥᑲᑌᐎᓂᒃ:

ᓂᔓ ᑯᕆᓐᑎᐊᓇ 11:9

ᐃᔅᐱ ᒫᑲ ᑳ ᐎᒉᐎᑕᑾᒃ, ᐁ ᑮ ᑶᑕᒫᔮᓐ ᒫᑲ, ᓇᒪᐎᓚ ᐊᐌᓇ ᐃᓕᓕᐤ ᓂ ᑮ ᐅᑎᓇᒫᒃ: ᐌᓴ ᐊᓂᒪ ᑳ ᐃᔑ ᓄᑌᐸᓕᔮᓐ ᐊᓂᑭ ᐎᒋᔖᓂᒪᐗᒃ ᒪᓯᑐᓂᔭᐃᒃ ᑳ ᑮ ᐯᒋ ᐅᑐᑌᒋᒃ ᓂ ᑮ ᐅᑎᓇᒫᑾᒃ: ᓀᔥᑕ ᒥᓯᐌ ᐃᔑ ᓂ ᑮ ᑲᓇᐌᓕᒥᑎᓱᓐ ᐁᑳ ᑭᒋ ᑄᐗᑌᐃᑕᑾᒃ, ᐁᑯ ᓀᔥᑕ ᑫᔮᐸᒡ ᑫ ᐃᔑ ᑲᓇᐌᓕᒥᑎᓯᔮᓐ᙮

ᐃᐱᓯᔭᓇ 4:28

ᐊᓇ ᑳ ᑮ ᑭᒧᑎᑦ, ᐁᑯᔑ ᐁᑳᐎᓚ ᒥᓇ ᑲᑕ ᑭᒧᑎᐤ: ᒫᑲ ᐊᐙᓯᑌ ᑲᑕ ᐊᑑᔅᑫᐤ, ᐁ ᑐᑕᒃ ᐅᒋᒋᔭ ᐅᒋ ᐊᓂᐁᓕᐤ ᑳ ᒥᓨᔑᓂᓕᒃ, ᑭᒋ ᑮ ᒥᓛᑦ ᐊᓂᐃ ᑳ ᒪᓀᓯᓕᒋ᙮

ᓂᔥᑕᒻ ᑌᓴᓗᓂᔭᓇ 2:9

ᐌᓴ ᑮ ᑭᔅᑭᓯᓇᐗᐤ, ᓂᒋᔖᓂᑐᒃ, ᓂᑦ ᐊᑑᔅᑫᐎᓂᓈᓐ ᓀᔥᑕ ᓂ ᑲᒀᑕᑭᓯᐎᓂᓈᓐ; ᐌᓴ, ᐁ ᐊᑑᔅᑫᔮᒃ ᐁ ᑎᐱᔅᑳᒃ ᓀᔥᑕ ᐁ ᑭᔑᑳᒃ, ᐁᑳ ᐊᐌᓇ ᐁ ᐃᑕᔑᔦᒃ ᐁ ᐎ ᐅᒋ ᐅᑎᓇᒶᑭᑦ ᑎᐸᐊᒫᑯᓯᐎᓐ, ᑭ ᑮ ᑲᑫᔅᑭᒥᑎᓈᓐ ᑭᒋᒪᓂᑐ ᐅ ᒥᓗᐋᒋᒧᐎᓐ᙮

ᓂᔥᑕᒻ ᑌᓴᓗᓂᔭᓇ 4:11

ᓀᔥᑕ ᑭᒋ ᐎᑲᑴᑭᔅᑫᓕᑕᒣᒃ ᑭᒋ ᑳᔮᒪᐱᔦᒃ, ᓀᔥᑕ ᑭᒋ ᑐᑕᒣᒃ ᑎᐱᓚᐌ ᑭᑦ ᐊᑑᔅᑫᐎᓂᐗᐤ, ᓀᔥᑕ ᑎᐱᓚᐌ ᑭᒋᒋᐙᐗ ᑭᒋ ᐅᒋ ᐊᑑᔅᑫᔦᒃ, ᑳ ᑮ ᐃᑕᔓᐙᑎᑖᒃ,

ᓂᔓ ᑌᓴᓗᓂᔭᓇ 3:12

ᐊᓂᑭ ᒫᑲ ᐁᑯ ᑐᐎ ᓂᑦ ᐃᑕᔓᒫᓈᓇᒃ ᓀᔥᑕ ᓂ ᔑᑭᒫᓈᓇᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᒋ, ᑳᔮᒣᐎᓯᐎᓂᒃ ᑭᒋ ᐊᑑᔅᑫᒋᒃ ᓀᔥᑕ ᑭᒋ ᒥᒋᒋᒃ ᑎᐱᓚᐌ ᐅ ᒥᒋᒥᒥᐗᐤ᙮