ᓂᔓ ᑌᓴᓗᓂᔭᓇ 3:4 - ᐅᔅᑭ ᑎᔅᑌᒥᓐᑦ

⁴ ᓂ ᒪᔥᑲᐎᐊᔅᐯᓕᒧᑐᑕᐙᓈᓐ ᒫᑲ ᐅᑎᐯᓕᑭᑫᐤ ᑭᓚᐗᐤ ᐅᒋ, ᐁ ᑐᑕᒣᒃ ᓀᔥᑕ ᑭᒋ ᑐᑕᒣᒃ ᐊᓂᐃ ᑫᒀᓇ ᑳ ᐃᑕᔓᒥᑖᑾᒃ᙮

ᓂᔓ ᑌᓴᓗᓂᔭᓇ 3:4 Iomraidhean Croise

ᐅᐸᓓᑭᔅ ᒫᑎᐤ 28:20

ᐁ ᑭᔅᑭᓄᐊᒪᐌᑾᒃ ᑭᒋ ᓈᑲᑕᐌᓕᑕᑭᒃ ᒥᓯᐌ ᑫᒀᓇ ᑳ ᐃᔑ ᑲᑫᔅᑭᒥᑖᑾᒃ: ᒫᑎᑲ, ᒫᑲ, ᑭ ᑳ ᐎᒉᐎᑎᓈᐗᐤ ᒧᔕᒃ ᐱᓕᔥ ᑫ ᐃᔥᒀᐸᓕᒃ ᐊᔅᑭ᙮ ᐁᒣᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:14

ᓂᓚ ᓀᔥᑕ ᓂ ᑫᒋᓇᐅᓐ ᐁ ᐃᑌᓕᒥᑖᑾᒃ, ᓂᒋᔖᓂᑐᒃ, ᑭᓚᐗᐤ ᓀᔥᑕ ᐁ ᓵᑲᔅᑭᓀᔅᑳᑯᔦᒃ ᒥᓨᑎᓯᐎᓐ, ᐁ ᓵᑲᔅᑭᓀᔅᑳᑯᔦᒃ ᒥᓯᐌ ᑭᔅᑫᓕᑕᒧᐎᓐ, ᐁ ᑲᔥᑭᑖᔦᒃ ᓀᔥᑕ ᑭᒋ ᑲᑫᔅᑭᒥᑐᔦᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:18

ᐌᓴ ᓇᒪᐎᓚ ᓂ ᑳ ᐃᔅᐱᒋ ᓱᑭᑌᐋᓐ ᑭᒋ ᐋᓕᒧᑕᒫᓐ ᐊᓂᐃ ᑫᒀᓇ ᐁᑳ ᙭ ᑳ ᑭ ᑐᑕᒃ ᓂᓚ ᐅᒋ, ᑭᒋ ᑐᑕᐙᑲᓂᐎᒋᒃ ᒉᓐᑖᐃᓚᒃ ᑭᒋ ᓇᓇᐃᑕᑭᒃ, ᐋᔭᒥᐎᓂᒃ ᓀᔥᑕ ᑐᑕᒧᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:7

ᐊᓂᐃ ᔑᐱᓚᐌᓯᐎᓂᒃ ᑕᑭ ᒥᓗᑐᑕᒥᓕᒋ ᐁ ᓈᓇᑕᐌᓕᑕᒥᓕᒋ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᔅᑎᓯᐎᓂᓕᐤ ᓀᔥᑕ ᑭᒋᐱᒫᑎᓯᐎᓂᓕᐤ, ᒥᓓᐤ ᑳᑭᑫ ᐱᒫᑎᓯᐎᓂᓕᐤ:

ᓂᔥᑕᒻ ᑯᕆᓐᑎᐊᓇ 14:37

ᑮᔥᐱᓐ ᐊᐌᓇ ᐃᓕᓕᐤ ᐁᑌᓕᒥᑎᓱᑴ ᐁ ᐅᑭᔅᑭᐙᐃᑫᐎᑦ, ᓀᔥᑕᐱᑯ ᐁ ᐊᒑᑯᐎᐃᑖᑎᓰᑦ, ᐁᑯᔑ ᑲᑕ ᐎᑕᒻ ᐊᓂᐃ ᑳ ᒪᓯᓇᐊᒫᑕᑾᒃ ᐁᐗᒀᓂᐃ ᐅ ᑲᑫᔅᑴᐎᓇ ᐅᑎᐯᓕᒋᑫᐤ᙮

ᓂᔥᑕᒻ ᑯᕆᓐᑎᐊᓇ 7:19

ᑭᔅᑭᓄᐙᒋᔓᐎᓐ ᓇᒪᐎᓚ ᑫᒀᓂᐗᓐ, ᓀᔥᑕ ᓇᒪᑭᔅᑭᓄᐙᒋᔓᐎᓐ ᓇᒪᐎᓚ ᑫᒀᓂᐗᓐ, ᒫᑲ ᐁ ᑲᓇᐌᓕᒋᑳᑌᓕᑭ ᐅ ᑲᑫᔅᑴᐎᓇ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 2:3

ᐁᐗᑯ ᓀᔥᑕ ᑳ ᑮ ᐃᑕᓯᓇᐊᒫᑕᑾᒃ, ᒫᔅᑯᒡ ᒥᔅᑲᐤ ᐃᔅᐱ ᐯᒋ ᑕᑯᔑᓂᔮᓐ ᓂ ᑳ ᒥᒋᓚᐌᓯᑖᔾ ᐊᓂᑭ ᑫ ᐅᒋ ᒧᒋᑫᓕᑕᒫᐸᓐ; ᐁ ᑫᒋᓀᓕᒥᑕᑾᒃ ᒥᓯᐌ ᐁ ᐃᑕᔑᔦᒃ, ᓂ ᒧᒋᑫᓕᑕᒧᐎᓐ ᑭᒋ ᐅ ᒧᒋᑫᓕᑕᒧᐎᓂᔦᒃ ᒥᓯᐌ ᐁ ᐃᑕᔑᔦᒃ᙮

ᓂᔓ ᑯᕆᓐᑎᐊᓇ 2:9

ᐌᓴ ᐅᒪ ᐅᒋ ᓀᔥᑕ ᑭ ᑮ ᒪᓯᓇᐊᒫᑎᓇᐗᐤ, ᑭᒋ ᑭᔅᑫᓕᒥᑕᑾᒃ ᑮᔅᐱᓐ ᓀᓇᐃᑕᒧᐌᑴ ᒥᓯᐌ ᐃᔑ᙮

ᓂᔓ ᑯᕆᓐᑎᐊᓇ 8:22

ᐊᓯᒋ ᐅᑯ ᓀᔥᑕ ᓂ ᑮ ᐃᔑᑎᔕᐙᓈᓐ ᓂᒋᔖᓂᓈᓐ, ᒥᒉᑡᐤ ᑳ ᑮ ᒥᔅᑲᐗᑭᑦ ᐁ ᑭᓯᓴᐎᓯᑦ ᒥᓯᐌ ᑫᒀᓇ, ᒫᑲ ᐊᓄᒡ ᓈᔅᐱᒡ ᐊᐙᓯᑌ ᐁ ᑭᓯᓴᐎᓰᑦ, ᐁ ᐃᔅᐱᒋ ᓈᔅᐱᒡ ᒪᒥᔑᑐᑕᑾᒃ ᐅᒋ᙮

ᑲᓓᔕᐊᓇ 5:10

ᑭ ᒪᒥᔑᑐᑖᑎᓇᐗᐤ ᐅᑎᐯᓕᒋᑫᐤ ᐅᒋ, ᐁᑳ ᐱᑐᔥ ᑭᒋ ᒥᑐᓀᓕᒋᑲᓂᔦᒃ: ᒫᑲ ᐊᓇ ᑳ ᒥᑯᔥᑲᒋᐃᑖᒃ ᑲᑕ ᓇᔭᑕᒻ ᐅ ᑎᐹᔅᑯᓂᑯᓯᐎᓐ, ᐊᐌᓂᑳᓐᑐᑫ᙮

ᐱᓕᐱᔭᓇ 1:6

ᐁ ᑫᒋᓇᐅᔮᓐ ᐅᒪ ᑫᒀᓐ, ᐊᓇ ᑳ ᑮ ᑭᒋᑖᑦ ᒥᓗ ᐊᑑᔅᑫᐎᓂᓕᐤ ᐁ ᐱᒋᔅᑳᑯᔦᒃ, ᑲᑕ ᑎᐱᑐᑕᒻ ᐱᓕᔥ ᐅᑎᒋᐸᓕᓕᑫ ᒋᓴᔅ ᙭ ᐅ ᑭᔑᑳᒻ:

ᐱᓕᐱᔭᓇ 2:12

ᐁᐗᑯ ᐅᒋ, ᓯᐋᑭᐃᑕᑾᒃ, ᑖᐱᔅᑯᒡ ᒧᔕᒃ ᑳ ᑮ ᓇᓇᐃᑕᒣᒃ, ᓇᒪᐎᓚ ᐱᑯ ᐁ ᑲᓇᐙᐸᒥᑕᑾᒃ, ᒫᑲ ᐊᓄᒡ ᓈᔅᐱᒡ ᐊᐙᓯᑌ ᐁ ᐃᑖᐱᒋᔮᓐ, ᑎᐱᑐᑕᒪᒃ ᑎᐱᓚᐌ ᑭ ᐱᒫᒋᐃᑯᓯᐎᓂᐗᐤ ᓭᑭᓯᐎᓂᒃ ᓀᔥᑕ ᓇᓂᑭᐸᓕᐎᓂᒃ:

ᓂᔥᑕᒻ ᑌᓴᓗᓂᔭᓇ 4:10

ᐁᑯᔑ ᑖᐺ ᑭᑦ ᐃᑐᑕᒪᐙᐗᐗᒃ ᒥᓯᐌ ᐎᒋᔖᓂᒪᐗᒃ ᑳ ᐃᑖᒋᒃ ᒥᓯᐌ ᒫᓯᑐᓂᔭᐃᒃ: ᒫᑲ, ᑭ ᐸᑯᓭᓕᒥᑎᓈᓐ, ᓂᒋᔖᓂᑐᒃ, ᐋᒋᐱᑯ ᐋᒋᐱᑯ ᑭᒋ ᐊᑎ ᓚᑭᐋᔮᔦᒃ;

ᓂᔓ ᑌᓴᓗᓂᔭᓇ 3:12

ᐊᓂᑭ ᒫᑲ ᐁᑯ ᑐᐎ ᓂᑦ ᐃᑕᔓᒫᓈᓇᒃ ᓀᔥᑕ ᓂ ᔑᑭᒫᓈᓇᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᒋ, ᑳᔮᒣᐎᓯᐎᓂᒃ ᑭᒋ ᐊᑑᔅᑫᒋᒃ ᓀᔥᑕ ᑭᒋ ᒥᒋᒋᒃ ᑎᐱᓚᐌ ᐅ ᒥᒋᒥᒥᐗᐤ᙮

ᓂᔓ ᑌᓴᓗᓂᔭᓇ 3:6

ᑭᑦ ᐃᑕᔓᒥᑎᓈᓐ ᒫᑲ, ᓂᒋᔖᓂᑐᒃ, ᐅᑦ ᐃᔑᓂᑳᓱᐎᓂᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᑭᒋ ᓇᑲᑌᒃ ᒥᓯᐌ ᑕᑐ ᐎᒋᔖᓂᒪᐤ ᐁᑳ ᒀᔭᔉ ᑳ ᐱᒧᑌᑦ, ᓀᔥᑕ ᐁᑳ ᑳ ᓄᔅᐱᓇᑕᒃ ᐊᓂᐁᓕᐤ ᑭᔅᑭᓄᐊᒫᑫᐎᓂᓕᐤ ᑳ ᑮ ᒥᓚᒃ᙮

ᐹᐃᓕᒪᓐ 1:21

ᐁ ᒪᔥᑲᐎ ᐊᔅᐯᓕᒧᔮᓐ ᑭ ᓇᓇᐃᑕᒧᐎᓂᒃ, ᑭ ᒪᓯᓇᐊᒫᑎᓐ, ᐁ ᑭᔅᑫᓕᑕᒫᓐ ᐊᐙᓯᑌ ᑭᒋ ᑐᑕᒪᓐ ᐃᔥᐱᔥ ᐊᓂᒪ ᑳ ᐃᑗᔮᓐ᙮