13 ᒫᑲ ᑭᓚᐗᐤ, ᓂᒋᔖᓂᑐᒃ, ᐁᑳᐎᓚ ᐋᔦᔅᑯᓯᒃ ᐁ ᒥᓗᑐᑕᒣᒃ᙮
ᑮ ᐃᑌᐤ ᒫᑲ ᓇᔅᐱᑐᐌᐎ ᐋᑕᓗᑳᓂᓕᐤ ᐅᒪ ᐅᒋ, ᐃᓕᓕᐗᒃ ᒧᔕᒃ ᑭᒋ ᐋᔭᒥᐋᒋᒃ, ᐁᑳ ᒫᑲ ᑭᒋ ᓴᔅᑲᒋᒋᒃ;
ᐊᓂᐃ ᔑᐱᓚᐌᓯᐎᓂᒃ ᑕᑭ ᒥᓗᑐᑕᒥᓕᒋ ᐁ ᓈᓇᑕᐌᓕᑕᒥᓕᒋ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᔅᑎᓯᐎᓂᓕᐤ ᓀᔥᑕ ᑭᒋᐱᒫᑎᓯᐎᓂᓕᐤ, ᒥᓓᐤ ᑳᑭᑫ ᐱᒫᑎᓯᐎᓂᓕᐤ:
ᐃᔅᐱ ᒫᑲ ᒥᓯᐌ ᑫᒀᓇ ᑮ ᔖᑯᒋᑖᑌ, ᐁᑯ ᓀᔥᑕ ᐅᑯᓯᓯᒪᐤ ᐊᓯᒋ ᑫ ᑎᐯᓕᒥᑯᑦ ᐊᓂᐃ ᑳ ᑮ ᑎᐯᓕᑕᒥᐃᑯᑦ ᒥᓯᐌ ᑫᒀᓇ, ᑭᒋᒪᓂᑐ ᑭᒋ ᐋᔮᑦ ᒥᓯᐌ ᒫᒪᐎ ᑫᒀᓇ᙮
ᐁ ᐙᐸᑕᒫᒃ ᒫᑲ ᐁ ᐋᔮᔮᒃ ᐅᒪ ᐋᔭᒥᐋᐎ ᐊᑐᔅᑫᐎᓐ, ᑳ ᑮ ᐃᔑ ᒥᓕᑲᐎᔮᒃ ᔕᐌᓕᒋᑫᐎᓐ, ᓇᒪᐎᓚ ᓂ ᔖᑯᑌᐋᓈᓐ;
ᐁᐗᑯ ᐅᒋ ᓇᒪᐎᓚ ᓂ ᔖᑯᑌᐋᓈᓐ; ᒫᑲ ᐋᑕ ᐗᔅᑭᒡ ᓂᑦ ᐃᓕᓕᐎᓂᓈᓐ ᐁ ᓂᔑᐗᓈᑕᒃ, ᐁᓕᐌᒃ ᒫᑲ ᐱᒋ ᓂᑦ ᐃᓕᓕᐎᓂᓈᓐ ᐅᔥᑭᐸᓕᑖᓂᐗᓐ ᑕᑡᐤ ᐁ ᑭᔑᑳᒃ᙮
ᐅᒪ ᓀᔥᑕ ᓂ ᓇᑐᑕᒫᑳᓐ, ᑭ ᓵᑭᐃᐌᐎᓂᐗᐤ ᐊᐙᓯᑌ ᓀᔥᑕ ᐊᐙᓯᑌ ᑭᒋ ᐌᓗᑕᒃ, ᑭᔅᑫᓕᑕᒧᐎᓂᒃ, ᓀᔥᑕ ᒥᓯᐌ ᑎᐹᔅᑯᓀᓕᑕᒧᐎᓂᒃ;
ᐊᐙᓯᑌ ᑫᔮᐸᒡ ᒫᑲ, ᑭ ᐸᑯᓭᓕᒥᑎᓈᓐ, ᓂᒋᔖᓂᑐᒃ, ᓀᔥᑕ ᑲᑫᔅᑭᒥᑎᓈᓐ ᐎᓚ ᐅᒋ ᐅᑎᐯᓕᒋᑫᐤ ᒋᓴᔅ, ᐁ ᑮ ᐃᔑ ᐎᑕᒫᑖᒃ ᑫ ᐃᔑ ᐱᒧᑌᔦᑭᐸᓐ ᓀᔥᑕ ᓇᐃᓚᐌᐁᑭᐸᓐ ᑭᒋᒪᓂᑐ, ᐊᐙᓯᑌ ᓀᔥᑕ ᐊᐙᓯᑌ ᑭᒋ ᐃᔑ ᑐᑕᒣᒃ᙮
ᐁᓕᐌᒃ ᒫᑲ ᐁᑳᐎᓚ ᐃᑕᑭᒥᒃ ᐁ ᐸᒀᑌᒃ, ᒫᑲ ᑲᑫᔅᑭᒥᒃ ᑖᐱᔅᑯᒡ ᐎᒋᔖᓂᒪᐤ᙮
ᐌᓴ ᒫᒥᑐᓀᓕᒥᒃ ᐊᓇ ᑳ ᑮ ᓇᔭᑕᒫᓱᑦ ᐅᒪᒋᑣᐗ ᐅᑦ ᐋᓉᔦᓕᒋᑫᐎᓂᓕᐤ, ᐁᑳ ᑭᓚᐗᐤ ᑭᒋ ᐋᔦᔅᑯᓯᔦᒃ ᓀᔥᑕ ᓄᑌᓯᔦᒃ ᑭ ᒥᑐᓀᓕᒋᑲᓂᐙᒃ᙮
ᑭ ᑮ ᐗᓂᑭᔅᑭᓯᓇᐗᐤ ᒫᑲ ᐊᓂᒪ ᔑᑭᒥᐌᐎᓐ, ᑳ ᐋᔭᒥᐃᑯᔦᒃ ᑖᐱᔅᑯᒡ ᐊᐙᔑᔕᒃ, ᓂᑯᓯᔅ, ᐁᑳᐎᓚ ᐋᑕᐌᓕᑕᒻ ᐅᑎᐯᓕᒋᑫᐤ ᐅ ᒫᒥᓗᐃᐌᐎᓐ, ᐁᑳ ᓀᔥᑕ ᓄᑌᓯ ᐃᔅᐱ ᓀᑭᒥᔅᑭ;
ᑭ ᑮ ᔑᐯᓕᑌᓐ ᒫᑲ, ᓀᔥᑕ ᑭ ᔑᐱᓚᐌᓯᓐ, ᓀᔥᑕ ᓂᑦ ᐃᔑᓂᑳᓱᐎᓐ ᐅᒋ ᑭ ᑮ ᐊᑑᔅᑳᓐ, ᓇᒪ ᓀᔥᑕ ᑭ ᑮ ᓄᑌᔑᓐ᙮
