ᓂᔓ ᑌᓴᓗᓂᔭᓇ 2:3 - ᐅᔅᑭ ᑎᔅᑌᒥᓐᑦ

³ ᐁᑳᐎᓚ ᐊᐌᓇ ᑭ ᑳ ᐙᔦᔑᐃᑯᐗᐤ ᓈᓐᑕᐤ ᐃᔑ: ᐌᓴ ᐊᓂᒪ ᐁ ᑭᔑᑳᒃ ᓇᒪᐎᓚ ᑲᑕ ᐅᑎᒋᐸᓕᐤ ᐹᑎᒫ ᐱᑯ ᑮ ᑕᑯᔑᓄᒪᑲᑫ ᐸᑭᔑᓂᐎᓐ, ᓀᔥᑕ ᐊᓇ ᒪᒋᑣᐎᓂ ᐃᓕᓕᐤ ᑮ ᓄᑯᓯᑌ, ᐊᓇ ᑳ ᐅᑯᓯᓯᒥᑯᑦ ᓂᔑᐗᓈᑎᓯᐎᓂᓕᐤ;

ᓂᔓ ᑌᓴᓗᓂᔭᓇ 2:3 Iomraidhean Croise

ᐅᐸᓓᑭᔅ ᒑᓐ 17:12

ᐁᔥᑾ ᐁ ᐎᒉᐗᑭᒃ ᐊᔅᑮᒃ, ᓂ ᑮ ᑲᓇᐌᓕᒪᐗᒃ ᑭᑦ ᐃᔑᓂᑳᓱᐎᓂᒃ: ᐊᓂᑭ ᑳ ᑮ ᒥᓕᔭᓐ ᓂ ᑮ ᑲᓇᐌᓕᒪᐗᒃ, ᓀᔥᑕ ᓇᒪ ᐙᐙᒡ ᐯᔭᒃ ᐁ ᐃᑕᓯᒋᒃ ᐗᓂᐋᑲᓂᐎᐤ, ᐊᓇ ᐱᑯ ᑳ ᐅᑯᓯᓯᒥᑯᑦ ᓂᔑᐗᓈᒋᐅᐎᓂᓕᐤ; ᑭᒋ ᒪᓯᓇᐃᑫᐎᓐ ᑭᒋ ᑎᐱᐸᓕᒃ᙮

ᓂᔥᑕᒻ ᑯᕆᓐᑎᐊᓇ 6:9

ᓇᒪ ᓈ ᑭ ᑭᔅᑫᓕᑌᓇᐗᐤ ᐊᓇ ᐁᑳ ᑳ ᒀᔭᔅᑭᑖᑎᓰᑦ ᐁᑳ ᑭᒋ ᐋᓂᔅᑫ ᐋᔮᐙᑦ ᐅᑦ ᐅᑭᒪᐎᐎᓂᓕᐤ ᑭᒋᒪᓂᑐᐗ? ᐁᑳᐎᓚ ᑭ ᑳ ᐙᔦᔑᐃᑲᐎᓇᐗᐤ: ᓇᒪᐎᓚ ᐅᐱᔑᒀᑎᓯᔅᑲᒃ, ᓇᒪ ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓇᒪ ᓀᔥᑕ ᒪᒋᐎᐯᒥᑐᐗᒃ, ᓇᒪ ᓀᔥᑕ ᑳ ᐃᔅᑫᑳᓱᒋᒃ, ᓇᒪ ᓀᔥᑕ ᑳ ᐎᒋᐎᓂᓱᒫᒋᒃ ᓈᐯᐗ᙮

ᐃᐱᓯᔭᓇ 5:6

ᐁᑳᐎᓚ ᐊᐌᓇ ᐸᑾᓐᑕᐤ ᐋᔭᒥᐎᓇ ᑭ ᑳ ᐅᒋ ᐙᔦᔑᒥᑯᐗᐤ, ᐌᓴ ᐅᐅ ᑫᒀᓇ ᐅᒋ ᐅᑎᑎᑯᐗᒃ ᑭᒋᒪᓂᑐᐗ ᐅᑦ ᐊᑯᓚᐌᓯᐎᓂᓕᐤ ᑳ ᐋᓉᑖᑫᒋᒃ ᐊᐙᔑᔕᒃ᙮

ᓂᔥᑕᒻ ᒑᓐ 2:18

ᐊᐱᔅᑕᐙᔑᔑᑐᒃ, ᐊᓄᒡ ᐁᐗᑯ ᒫᒋᒡ ᐁ ᑭᔑᑳᑭ: ᑖᐱᔅᑯᒡ ᒫᑲ ᐁ ᑮ ᐯᑕᒣᒃ ᓇᔅᐹᒡ ᙭ ᑭᒋ ᑕᑯᔑᒃ, ᐊᓄᒡ ᐅᑎ ᐃᑕᐗᒃ ᒥᒉᑦ ᓇᔅᐹᒡ ᙭ᑕᒃ; ᐁᐗᑯ ᑳ ᐅᒋ ᑭᔅᑫᓕᑕᒪᒃ ᒫᒋᒡ ᐁ ᑭᔑᑳᑭ᙮

ᓂᔥᑕᒻ ᒑᓐ 4:3

ᒥᓯᐌ ᑕᑐ ᐊᒑᒃ ᒫᑲ ᐁᑳ ᑳ ᐎᑕᒃ ᒋᓴᔅ ᙭ᑕ ᐎᔮᓯᒃ ᐁ ᑮ ᑕᑯᔑᓂᓕᒋ, ᓇᒪᐎᓚ ᑭᒋᒪᓂᑐᒃ ᐅᒋᐤ: ᐁᐗᒀᓂ ᒫᑲ ᐅᑦ ᐊᒑᑾ ᓇᔅᐹᒡ ᙭, ᑳ ᑮ ᐯᑕᒣᒃ ᑭᒋ ᑕᑯᔑᒃ; ᐋᔕᔾ ᒫᑲ ᐊᔅᑮᒃ ᐃᑖᓕᐗ᙮

ᑭᔅᑫᓕᑖᑯᑖᑫᐎᓐ 17:11

ᐊᓇ ᐊᐌᓯᔅ ᒫᑲ ᑳ ᑮ ᐃᑖᑦ, ᐁᑳ ᒫᑲ ᑳ ᐃᑖᑦ, ᐁᐗᒀᓇ ᔭᓈᓀᐤ ᑳ ᐃᑕᑭᓱᑦ, ᓀᔥᑕ ᐊᓯᒋᐸᓕᐤ ᐊᓂᐃ ᓂᔂᔅ, ᐃᑐᑌᐤ ᒫᑲ ᓂᔑᐗᓈᑎᓯᐎᓂᒃ᙮

ᑭᔅᑫᓕᑖᑯᑖᑫᐎᓐ 17:8

ᐊᓇ ᐊᐌᓯᔅ ᑳ ᑮ ᐙᐸᒪᑦ ᑮ ᐃᑖᐤ, ᓇᒪ ᐃᑖᐤ ᒫᑲ; ᐁᑳ ᑳ ᒥᓴᔅᑫᔮᒃ ᐙᑎᑳᓂᒃ ᒫᑲ ᑲᑕ ᐅᒋ ᐅᐱᔅᑲᐤ, ᑲᑕ ᐃᑐᑌᐤ ᒫᑲ ᓂᔑᐗᓈᑎᓯᐎᓂᒃ: ᐊᓂᑭ ᒫᑲ ᐊᔅᑮᒃ ᑳ ᑕᔑᑫᒋᒃ ᑲᑕ ᒫᒫᔅᑳᑕᒶᒃ, (ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᑮ ᒪᓯᓇᐃᑳᑌᓕᑭ ᐱᒫᑎᓯᐎᓂ ᒪᓯᓇᐃᑲᓂᒃ ᐊᔅᐱᓐ ᑳ ᒫᒋ ᐊᔅᑮᐗᒃ,) ᐃᔅᐱ ᐙᐸᒫᑡᐌ ᐊᓂᐃ ᐊᐌᓯᓴ ᑳ ᑮ ᐃᑖᓕᒋ, ᐁᑳ ᒫᑲ ᐁ ᐃᑖᓕᒋ, ᐁᓕᐌᒃ ᒫᑲ ᐁ ᐃᑕᓕᒋ᙮