ᓂᔓ ᑌᓴᓗᓂᔭᓇ 2:2 - ᐅᔅᑭ ᑎᔅᑌᒥᓐᑦ

² ᐁᑳ ᐎᐸᒡ ᑭᒋ ᑶᑕᐎᐃᑌᓕᑕᒣᒃ ᑭ ᒥᑐᓀᓕᒋᑲᓂᐙᒃ, ᐁᑳ ᓀᔥᑕ ᑭᒋ ᒥᑯᔥᑳᑌᓕᑕᒣᒃ, ᓇᒪᐎᓚ ᐊᒑᒃ ᐅᒋ, ᓇᒪ ᓀᔥᑕ ᐋᔭᒥᐎᓐ ᐅᒋ, ᓇᒪ ᓀᔥᑕ ᒪᓯᓇᐃᑫᐎᓐ ᓂᓚᓈᓐ ᐅᒋ, ᑖᐱᔅᑯᒡ ᐁ ᐯᔓᓈᑾᓂᓕᒃ ᙭ ᐅ ᑭᔑᑳᒻ᙮

ᓂᔓ ᑌᓴᓗᓂᔭᓇ 2:2 Iomraidhean Croise

ᐅᐸᓓᑭᔅ ᒫᑎᐤ 24:24

ᐌᓴ ᑲᑕ ᐃᑖᐗᒃ ᓇᔅᐹᒡ ᙭ᑕᒃ, ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗᒃ, ᑲᑕ ᐙᐸᑎᓕᐌᐗᒃ ᒫᑲ ᑭᒋ ᑭᔅᑭᓄᐙᒋ ᐙᐸᑎᓕᐌᐎᓇ ᓀᔥᑕ ᑳ ᒫᒪᔅᑳᑌᓕᑖᑾᑭ ᑫᒀᓇ: ᑫ ᐅᒋ ᐙᔦᔑᐋᒋᒃ ᐊᓂᐃ ᑳ ᐙᐌᓛᐸᒥᒥᒋ, ᑮᔥᐱᓐ ᑮ ᑐᒋᑳᑌᑭᐸᓐ᙮

ᐅᐸᓓᑭᔅ ᒫᕐᒃ 13:7

ᐃᔅᐱ ᒫᑲ ᐯᑕᒣᑴ ᓇᑐᐸᓕᐎᓇ, ᓀᔥᑕ ᓇᑐᐸᓕᐎᓇ ᐁ ᑎᐹᑐᑖᑲᓂᐎᑭ, ᐁᑳᐎᓚ ᒥᑯᔥᑳᑌᓕᑕᒧᒃᐧ ᐌᓴ ᐅᐅ ᑐᐎ ᑫᒋᓈᔥ ᑲᑕ ᐃᑭᓋ; ᒫᑲ ᓇᒪᐎᓚ ᐁᔥᑾ ᑲᑕ ᐃᔥᒀᐸᓕᐤ᙮

ᐅᐸᓓᑭᔅ ᓘᒃ 21:19

ᐁ ᔑᐱᓚᐌᓯᔦᒃ ᑲᓇᐌᓕᒥᑯᒃ ᑭᑦ ᐊᒑᑯᐙᐗᒃ᙮

ᐅᐸᓓᑭᔅ ᓘᒃ 21:9

ᐃᔅᐱ ᒫᑲ ᐯᑕᒣᑴ ᓇᑐᐸᓕᐎᓇ ᓀᔥᑕ ᑾᓗᑐᑕᑐᐎᓇ, ᐁᑳᐎᓚ ᓭᑭᓯᒃ: ᐌᓴ ᐅᐅ ᑫᒀᓇ ᔮᓕᑌᓪ ᑲᑕ ᐃᑭᓋ ᐱᑕᒪ; ᒫᑲ ᓇᒪᐎᓚ ᐁᔥᑾ ᑲᑕ ᐃᔥᒀᐸᓕᐤ᙮

ᐅᐸᓓᑭᔅ ᒑᓐ 14:1

ᐁᑳᐎᓚ ᑭᑌᐃᐗᐤ ᑲᑕ ᒥᑯᔥᑳᑌᓕᑕᒧᒪᑲᓐ: ᑭ ᑖᐺᔦᓕᒪᐗᐤ ᑭᒋᒪᓂᑐ, ᑖᐺᔦᓕᒥᒃ ᓂᓚ ᓀᔥᑕ᙮

ᐅᐸᓓᑭᔅ ᒑᓐ 14:27

ᑳᔮᒣᓕᑕᒧᐎᓐ ᑭ ᓇᑲᑕᒫᑎᓇᐗᐤ, ᓂ ᑳᔮᒣᓕᑕᒧᐎᓐ ᑭ ᒥᓕᑎᓇᐗᐤ: ᓇᒪᐎᓚ ᑖᐱᔅᑯᒡ ᐊᔅᑭ ᑳ ᐃᔑ ᒥᓕᐌᒪᑲᒃ, ᑭᑦ ᐃᔑ ᒥᓕᑎᓂᐗᐤ᙮ ᐁᑳᐎᓚ ᑭᑌᐃᐗᐤ ᑲᑕ ᒥᑯᔥᑳᑌᓕᑕᒧᒪᑲᓐ, ᐁᑳᐎᓚ ᓀᔥᑕ ᑲᑕ ᑯᔅᑖᒋᒪᑲᓐ᙮

ᓂᔥᑕᒻ ᑯᕆᓐᑎᐊᓇ 1:8

ᐊᓇ ᓀᔥᑕ ᑫ ᐋᔨᒋᐃᑖᒃ ᐃᔅᒀᔮᒡ ᐃᔅᑯ, ᐁᑳ ᐗᔦᔥ ᑭᒋ ᐋᑖᒥᒥᑳᐎᔦᒃ ᐅᑎᒋᐸᓕᓕᑫ ᐅ ᑭᔑᑳᒻ ᑭ ᑎᐯᓕᒋᑫᒥᓇᐤ ᒋᓴᔅ ᙭:

ᓂᔥᑕᒻ ᑯᕆᓐᑎᐊᓇ 14:32

ᓀᔥᑕ ᐅᑭᔅᑭᐙᐃᑫᐗᒃ ᑎᐯᓕᒥᒣᐗᒃ ᐅᑭᔅᑭᐙᐃᑫᐗᒃ ᐅᑦ ᐊᒑᑯᐗᐗ᙮

ᓂᔥᑕᒻ ᑯᕆᓐᑎᐊᓇ 7:26

ᒥᓨᔑᓐ ᓂᑦ ᐃᑌᓕᑌᓐ ᐅᒪ ᐊᓄᒡ ᐁ ᐊᓕᒥᓯᓋᓂᐗᒃ, ᓂᑦ ᐃᑣᓐ, ᒥᓨᔑᓐ ᐃᓕᓕᐤ ᐁᑯ ᐃᔑ ᑭᒋ ᐊᔮᑦ᙮

ᐃᐱᓯᔭᓇ 5:6

ᐁᑳᐎᓚ ᐊᐌᓇ ᐸᑾᓐᑕᐤ ᐋᔭᒥᐎᓇ ᑭ ᑳ ᐅᒋ ᐙᔦᔑᒥᑯᐗᐤ, ᐌᓴ ᐅᐅ ᑫᒀᓇ ᐅᒋ ᐅᑎᑎᑯᐗᒃ ᑭᒋᒪᓂᑐᐗ ᐅᑦ ᐊᑯᓚᐌᓯᐎᓂᓕᐤ ᑳ ᐋᓉᑖᑫᒋᒃ ᐊᐙᔑᔕᒃ᙮

ᓂᔥᑕᒻ ᑌᓴᓗᓂᔭᓇ 3:3

ᐁᑳᐎᓚ ᐊᐌᓇ ᐃᓕᓕᐤ ᑭᒋ ᒥᑯᔥᑳᑎᔥᑳᑯᑦ ᐅᐅ ᑲᒀᑕᑭᓯᐎᓇ: ᐌᓴ ᑭᓚᐗᐤ ᑭ ᑭᔅᑫᓕᑌᓇᐗᐤ ᐁᑯᑕ ᐁ ᐸᑭᑌᓕᑖᑯᓯᔭᒃ᙮

ᓂᔥᑕᒻ ᑌᓴᓗᓂᔭᓇ 4:15

ᐌᓴ ᐅᒪ ᑭᑦ ᐃᑎᓈᓐ ᐅᑎᐯᓕᒋᑫᐤ ᐅᑦ ᐋᔭᒥᐎᓐ ᐅᒋ, ᑭᓚᓈᓇᐤ ᑫᔮᐸᒡ ᑫ ᐱᒫᑎᓯᔭᒃ, ᓀᔥᑕ ᑫ ᐃᔥᑯᔮᒃ ᐃᓕᑯᒃ ᑫ ᑕᑯᔑᒃ ᐅᑎᐯᓕᒋᑫᐤ, ᓇᒪᐎᓚ ᑭ ᑳ ᐅᑕᒥᐊᓈᐗᒃ ᐊᓂᑭ ᑳ ᓂᐹᒋᒃ᙮

ᓂᔥᑕᒻ ᑌᓴᓗᓂᔭᓇ 5:2

ᐌᓴ ᑭᓚᐗᐤ ᑫᒋᐙᒃ ᒥᑐᓂ ᑭ ᑭᔅᑫᓕᑌᓇᐗᐤ ᐅᑎᐯᓕᒋᑫᐤ ᐅ ᑭᔑᑳᒻ ᑭᒋ ᐃᔑ ᐅᑎᒋᐸᓕᓕᒃ ᑖᐱᔅᑯᒡ ᑭᒧᑎᔉ ᒣᒀᒡ ᐁ ᑎᐱᔅᑳᓕᒃ᙮

ᓂᔓ ᑌᓴᓗᓂᔭᓇ 2:15

ᐁᐗᑯ ᐅᒋ, ᓂᒋᔖᓂᑐᒃ, ᐋᔨᒋᑳᐸᐎᒃ, ᓀᔥᑕ ᒥᒋᒥᓇᒧᒃ ᐊᓂᐃ ᑭᔅᑭᓄᐊᒫᑫᐎᓇ ᑳ ᑮ ᑭᔅᑭᓄᐊᒫᑲᐎᔦᒃ, ᑮᔥᐱᓐ ᐋᔭᒥᐎᓂᒃ, ᓀᔥᑕᐱᑯ ᓂ ᒪᓯᓇᐃᑫᐎᓂᓈᓐ ᐅᒋ᙮

ᓂᔓ ᑌᓴᓗᓂᔭᓇ 3:17

ᓂᓚ ᐹᓪ ᓂᑦ ᐊᑕᒥᔅᑳᑫᐎᓐ ᑎᐱᓚᐌ ᓂᒋᒌᒃ ᐅᒋ, ᐁᐗᑯ ᑳ ᑭᔅᑭᓄᐙᒋᒋᑳᑌᒃ ᒥᓯᐌ ᒪᓯᓇᐃᑫᐎᓂᒃ; ᐁᑯ ᐃᔑ ᒪᓯᓇᐃᑫᔮᓐ᙮

ᑭᔅᑫᓕᑖᑯᑖᑫᐎᓐ 19:20

ᐊᓇ ᐊᐌᓯᔅ ᒫᑲ ᑭ ᐅᑎᓇᐤ, ᐊᓯᒋ ᐊᓇ ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗ ᑳ ᒫᒪᑖᐎ ᐃᔑᒋᑫᔅᑖᑯᑦ, ᐊᓂᐃ ᑳ ᐅᒋ ᐙᔦᔑᐋᑦ ᑳ ᑮ ᐅᑎᓇᒥᓕᒋ ᐅ ᑭᔅᑭᓄᐙᒋᒋᑲᓂᓕᐤ ᐊᐌᓯᓴ, ᓀᔥᑕ ᐊᓂᑭ ᑳ ᓇᐗᑭᔅᑕᐅᒫᒋᒃ ᐅ ᒪᓯᓕᓕᒪ᙮ ᐅᑯ ᒫᑲ ᒫᒪᐤ ᐁ ᐱᒫᑎᓯᒋᒃ ᑮ ᐃᔑᐌᐱᓇᐗᒃ ᐃᔥᑯᑌᐎ ᓵᑲᐃᑲᓂᒃ ᐁ ᐗᓚᑌᒃ ᐅᓵᐙᐱᔅᑯᓯᓂ᙮