ᓂᔓ ᑌᓴᓗᓂᔭᓇ 2:13 - ᐅᔅᑭ ᑎᔅᑌᒥᓐᑦ

¹³ ᒫᑲ ᓂᑦ ᐃᑌᓕᑖᑯᓯᓈᓐ ᒧᔕᒃ ᑭᒋ ᓇᓈᔅᑯᒪᑭᑦ ᑭᒋᒪᓂᑐ ᑭᓚᐗᐤ ᐅᒋ, ᓂᒋᔖᓂᑐᒃ, ᑳ ᓵᑭᐃᑖᒃ ᐅᑎᐯᓕᒋᑫᐤ, ᐌᔅᑲᒡ ᐅᒋ ᐁ ᑮ ᐙᐌᓛᐸᒥᑖᒃ ᑭᒋᒪᓂᑐ ᑭᒋ ᐱᒫᒋᐃᑲᐎᔦᒃ, ᐁ ᐸᓓᑭᐃᑖᒃ ᐊᒑᒃ, ᓀᔥᑕ ᐁ ᑖᐺᑕᒣᒃ ᑖᐺᐎᓐ:

ᓂᔓ ᑌᓴᓗᓂᔭᓇ 2:13 Iomraidhean Croise

ᐅᐸᓓᑭᔅ ᓘᒃ 1:75

ᐸᓓᑭᓯᐎᓂᒃ ᓀᔥᑕ ᒀᔭᔅᑭᑖᑎᓯᐎᓂᒃ ᐁ ᑲᓇᐙᐸᒥᑕᒃ ᒥᓯᐌ ᑭᔑᑳᐗ ᑫ ᐱᒫᑎᓯᐗᑴ᙮

ᐅᐸᓓᑭᔅ ᒑᓐ 1:1

ᒫᐗᒋ ᓃᔥᑕᒻ ᑮ ᐃᑖᐤ ᐋᔭᒥᐎᓐ, ᐋᔭᒥᐎᓐ ᒫᑲ ᑮ ᐎᒉᐌᐤ ᑭᒋᒪᓂᑐᐗ, ᓀᔥᑕ ᐋᔭᒥᐎᓐ ᑮ ᑭᒋᒪᓂᑐᐎᐤ᙮

ᐅᐸᓓᑭᔅ ᒑᓐ 14:6

ᒋᓴᔅ ᐃᑌᐤ, ᓂᓚ ᐁᐗᑯ ᒣᔅᑲᓇᐤ, ᓀᔥᑕ ᑖᐺᐎᓐ, ᓀᔥᑕ ᐱᒫᑎᓯᐎᓐ: ᓇᒪᐎᓚ ᐊᐌᓇ ᓈᑌᐤ ᐅᑖᐎᒪᐗ, ᐱᑯ ᓂᓚ ᐅᒋ᙮

ᐊᐸᔅᑕᓚᒃ 13:48

ᐃᔅᐱ ᒫᑲ ᒉᓐᑖᐃᓚᒃ ᐅᒪ ᐱᐁᑕᑭᒃ ᑭ ᓯᑭᓓᓯᐗᒃ, ᓀᔥᑕ ᑭ ᑭᔅᑌᓕᑕᒶᒃ ᐅᑎᐯᓕᒋᑫᐗ ᐅᑦ ᐊᔭᒥᐎᓂᓕᐤ: ᒥᓯᐌ ᒫᑲ ᑳ ᑮ ᐃᑕᑭᒥᒋᒃ ᑳᑭᑫ ᐱᒫᑎᓯᐃᓂᒃ ᐃᔑ, ᑮ ᑖᐺᑕᒶᒃ᙮

ᐊᐸᔅᑕᓚᒃ 15:9

ᐁᑳ ᒫᑲ ᐱᑐᔥ ᐁ ᑐᑖᑕᒃ ᑭᓚᓈᓇᐤ ᓀᔥᑕ ᐎᓚᐙᐤ, ᐁ ᐸᓓᑭᑕᐙᑦ ᐅᑌᐃᓖᐗ ᑖᐺᔦᓕᑕᒨᐎᓂᓕᐤ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:17

ᒫᑲ ᑭᒋᒪᓂᑐ ᑲᑕ ᐎ ᓇᓈᔅᑯᒪᐤ, ᐁ ᑮ ᐅᑦ ᐊᑑᔅᑫᓚᑲᓂᒥᑯᔦᒃ ᒪᒋᑣᐎᓐ, ᒫᑲ ᑭᑌᐃᐙᒃ ᑭ ᑮ ᐅᒋ ᓇᓇᐃᑌᓇᐗᐤ ᐊᓂᒪ ᑐᐎ ᑭᔅᑭᓄᐊᒫᑫᐎᓐ ᑳ ᑮ ᐸᑭᑎᓇᒫᑲᐎᔦᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:33

ᐊᐌᓇ ᑫ ᑮ ᒪᒥᔑᒥᒫᑦ ᑭᒋᒪᓂᑐ ᐅ ᐙᐌᓛᐸᒫᑲᓇ? ᑭᒋᒪᓂᑐ ᐁᐗᒀᓇ ᑳ ᒀᔭᔅᑭᑖᑎᓯᐃᐌᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:11

ᐌᓴ ᐊᓂᑭ ᐊᐙᔑᔕᒃ ᐁᑳ ᐁᔥᑾ ᐁ ᓂᑕᐎᑭᒋᒃ, ᓀᔥᑕ ᐁᑳ ᐁᔥᑾ ᐁ ᑮ ᒥᓗᑐᑕᑭᒃ ᓀᔥᑕᐱᑯ ᒪᒋᑐᑕᑭᒃ, ᐅᑦ ᐃᑎᓕᑕᒧᐎᓐ ᑭᒋᒪᓂᑐ, ᐙᐌᓛᐸᒥᐌᐎᓂᒃ ᐃᔑ ᑭᒋ ᐋᔨᒋᑳᐸᐎᒪᑲᓂᓕᒃ, ᓇᒪᐎᓚ ᐊᑑᔅᑫᐎᓂᒃ ᐅᒋ, ᒫᑲ ᐊᓇ ᐅᒋ ᑳ ᓇᑐᒥᐌᑦ;

ᓂᔥᑕᒻ ᑯᕆᓐᑎᐊᓇ 1:21

ᐌᓴ ᐹᑎᒫ, ᐅ ᑲᑫᑕᐌᓕᑕᒧᐎᓂᒃ ᑭᒋᒪᓂᑐ, ᐊᔅᑮᒃ ᑳ ᐃᑖᒋᒃ ᑲᑫᑕᐌᓕᑕᒧᐎᓂᒃ ᐁᑳ ᐁ ᐅᒋ ᑭᔅᑫᓕᒫᒋᒃ ᑭᒋᒪᓂᑐᐗ, ᑮ ᐃᔑ ᒥᓜᓕᑕᒻ ᑭᒋᒪᓂᑐ ᐁ ᐃᔑ ᑮᔥᑴᒪᑲᒃ ᑲᑫᔅᑭᒥᐌᐎᓐ ᐅᒋ ᑭᒋ ᐱᒫᒋᐋᑦ ᐊᓂᐃ ᑳ ᑖᐺᔦᓕᑕᒥᓕᒋ᙮

ᑲᓓᔕᐊᓇ 3:1

ᐅ ᑫᑫᐹᑎᓯᔦᒃ ᑲᓓᔕᐊᓂᑐᒃ, ᐊᐌᓇ ᑳ ᑮ ᑲᑫᐹᒋᐃᑖᒃ, ᐁᑳ ᑭᒋ ᓇᓇᐃᑕᒣᒃ ᑖᐺᐎᓐ, ᒧᔑᔐ ᑭᔥᑭᔑᑯᐙᒃ ᒋᓴᔅ ᙭ ᐁ ᑮ ᐙᐸᑎᓕᑲᐎᔦᒃ, ᐁ ᑮ ᒋᔅᑖᔅᑾᐙᑲᓂᐎᑦ ᐃᑕ ᐁ ᐃᑖᔦᒃ?

ᐃᐱᓯᔭᓇ 2:8

ᐌᓴ ᔕᐌᓕᒋᑫᐎᓐ ᑭᑦ ᐅᒋ ᐱᒫᒋᐃᑲᐎᓇᐗᐤ ᑖᐺᔦᓕᑕᒧᐎᓐ ᐅᒋ; ᓇᒪᐎᓚ ᒫᑲ ᑭᓚᐗᐤ ᑎᐱᓚᐌ ᐅᒋ; ᐁᐗᑯ ᑭᒋᒪᓂᑐ ᐅ ᒥᓕᐌᐎᓐ:

ᑯᓚᔑᔭᓇ 1:5

ᐊᓂᒪ ᐊᔅᐯᓕᒧᐎᓐ ᐅᒋ ᑳ ᐊᔅᑣᑲᐎᔦᒃ ᑭᒋᑭᔑᑯᒃ, ᐊᓂᒪ ᐋᔕᔾ ᑳ ᑮ ᐯᑕᒣᒃ, ᐁ ᐃᔑ ᐃᑗᒪᑲᒃ ᑖᐺᐎᓐ ᒥᓄᐋᒋᒧᐎᓂᒃ;

ᑯᓚᔑᔭᓇ 3:12

ᐁᐗᑯ ᐌᒋ ᐳᔅᑎᔥᑲᒧᒃ, ᑖᐱᔅᑯᒡ ᐅ ᐙᐌᓛᐸᒫᑲᓇ ᑭᒋᒪᓂᑐ, ᐯᓓᑭᓯᔦᒃ ᓀᔥᑕ ᓯᐋᑭᐃᑲᐎᔦᒃ, ᔕᐌᓕᒋᑫᐎ ᒥᑌᐃ, ᑭᔐᐙᑎᓯᐎᓐ, ᑕᐸᑌᓕᒧᐎᓐ, ᓗᔅᐱᓯᐎᓐ, ᔑᐱᓚᐌᓯᐎᓐ;

ᓂᔥᑕᒻ ᑌᓴᓗᓂᔭᓇ 1:4

ᐁ ᑭᔅᑫᓕᑕᒫᒃ, ᓂᒋᔖᓂᑐᒃ ᑳ ᓵᑭᐃᑖᒃ ᑭᒋᒪᓂᑐ ᑭ ᐌᐌᓛᐸᒥᑯᓯᐎᓂᐗᐤ᙮

ᓂᔥᑕᒻ ᑌᓴᓗᓂᔭᓇ 2:12

ᑭᒋ ᐃᔑ ᐱᒧᑌᔦᒃ ᐁ ᑌᐸᑫᓕᑖᑯᓰᔅᑕᐌᒃ ᑭᒋᒪᓂᑐ, ᑳ ᑮ ᐃᔑ ᓇᑐᒥᑖᒃ ᐅᑦ ᐅᑭᒫᐎᐎᓂᒃ ᓀᔥᑕ ᐅ ᑭᔅᑌᓕᑖᑯᓯᐎᓂᒃ᙮

ᓂᔥᑕᒻ ᑌᓴᓗᓂᔭᓇ 4:7

ᐌᓴ ᑭᒋᒪᓂᑐ ᓇᒪᐎᓚ ᑭ ᑮ ᐅᒋ ᓇᑐᒥᑯᓇᐤ ᐎᓂᓯᐎᓂᒃ ᐃᔑ ᒫᑲ ᐸᓓᑭᓯᐎᓂᒃ᙮

ᓂᔥᑕᒻ ᑌᓴᓗᓂᔭᓇ 5:9

ᐌᓴ ᑭᒋᒪᓂᑐ ᓇᒪᐎᓚ ᐊᑯᓚᐌᓯᐎᓂᒃ ᑭ ᑮ ᐃᔑ ᓇᑐᒥᓈᓐ; ᒫᑲ ᑭᒋ ᐋᔮᔮᒃ ᐱᒫᒋᐃᐌᐎᓐ ᐎᓚ ᐅᒋ ᑭ ᑎᐯᓕᒋᑫᒥᓇᐤ ᒋᓴᔅ ᙭,

ᓂᔓ ᑌᓴᓗᓂᔭᓇ 1:3

ᓂᑦ ᐃᑌᓕᑖᑯᓯᓈᓐ ᒧᔕᒃ ᑭᒋ ᓇᓈᔅᑯᒪᑭᑦ ᑭᒋᒪᓂᑐ ᑭᓚᐗᐤ ᐅᒋ ᓂᒋᔖᓂᑐᒃ, ᐁ ᐃᔑ ᒥᓗᐃᑌᓕᑖᑾᒃ, ᑭ ᑖᐺᔦᓕᑕᒧᐎᓂᐗᐤ ᐁ ᐌᓗᒋ ᓂᑕᐎᑭᒃ, ᓀᔥᑕ ᑭ ᓵᑭᐃᑐᐎᓂᐗᐤ ᐁ ᐃᔑ ᓵᑭᐃᑐᔦᒃ ᐁ ᐌᓗᒋᐸᓕᒃ;

ᓂᔓ ᑌᓴᓗᓂᔭᓇ 2:10

ᓀᔥᑕ ᒥᓯᐌ ᒪᒑᑎᓯᐎᓂ ᑲᑳᔦᓕᓯᐎᓂᒃ ᐊᓂᐃ ᐅᒋ ᑫ ᓂᔑᐗᓈᑎᓯᓕᒋ; ᐁᑳ ᐁ ᑮ ᐅᑎᓇᒥᓕᒋ ᑭᒋ ᓵᑭᑖᓕᒋ ᑖᐺᐎᓂᓕᐤ, ᑭᒋ ᐱᒫᑎᓯᓕᒋ᙮

ᓂᔓ ᑌᓴᓗᓂᔭᓇ 2:12

ᒥᓯᐌ ᐁ ᐃᑕᓯᓕᒋ ᑭᒋ ᓂᔑᐗᓈᒋᒫᑲᓂᐎᓕᒋ, ᐁᑳ ᑳ ᑮ ᑖᐺᑕᒥᓕᒋ ᑖᐺᐎᓂᓕᐤ, ᒫᑲ ᑳ ᑮ ᒥᓜᓕᑕᒥᓕᒋ ᒪᒑᑎᓯᐎᓂᓕᐤ᙮

ᓂᔓ ᑌᓴᓗᓂᔭᓇ 2:16

ᐁᑯ ᐎᓚ ᑫᒋᐙᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᑭᒋᒪᓂᑐ, ᑯᑖᐎᓇᐤ ᐅᑎ, ᑳ ᑮ ᓵᑭᐃᑕᒃ, ᓀᔥᑕ ᑳ ᑮ ᒥᓕᑕᒃ ᑳᑭᑫ ᒥᓜᓕᒧᐎᓐ, ᓀᔥᑕ ᒥᓗ ᐊᔅᐯᓕᒧᐎᓐ ᔕᐌᓕᒋᑫᐎᓐ ᐅᒋ᙮

ᓂᔓ ᑎᒧᑎ 1:9

ᐊᓇ ᑳ ᑮ ᐱᒫᒋᐃᑕᒃ, ᓀᔥᑕ ᑳ ᑮ ᓇᑐᒥᑕᒃ ᐸᓓᑭ ᓇᑐᑫᐎᓂᒃ, ᓇᒪᐎᓚ ᐁ ᐃᔑ ᐊᑑᔅᑫᔭᒃ, ᒫᑲ ᑳ ᐃᑕᔅᑌᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ, ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᔭᒃ ᙭ ᒋᓴᓯᒃ, ᐸᒧᔑ ᒥᐊᒋ ᐃᑕᑾᒃ ᐊᔅᑭ;

ᓂᔓ ᑎᒧᑎ 2:15

ᐎ ᑲᑴ ᐙᐸᑎᓕᐌ ᐁ ᒥᓜᓕᒥᔉ ᑭᒋᒪᓂᑐ, ᐊᑑᔅᑫᐎᓕᓕᐤ ᐁᑳ ᑫ ᐎ ᓇᓀᐯᐎᓰᑦ, ᒀᔭᔉ ᐁ ᒫᑎᓇᒫᑫᔭᓐ ᑖᐺᐎᓂ ᐋᔭᒥᐎᓐ᙮

ᓂᔓ ᑎᒧᑎ 3:15

ᓀᔥᑕ ᐁ ᐊᐙᔑᔑᐎᔭᓐ ᐁ ᑮ ᐯᒋ ᑭᔅᑫᓕᑕᒪᓐ ᐸᓓᑭ ᒪᓯᓇᐃᑫᐎᓇ, ᑫ ᑮ ᑲᑫᑕᐌᓕᑕᒥᐃᑯᔭᓐ ᐱᒫᒋᐃᐌᐎᓂᒃ ᐃᔑ, ᑖᐺᔦᓕᑕᒧᐎᓐ ᐅᒋ ᙭ ᒋᓴᓯᒃ ᑳ ᐃᑕᑾᒃ᙮

ᐦᐃᑉᕉᐗ 1:10

ᓀᔥᑕ ᒫᑲ, ᑭᓚ, ᑌᐯᓕᒋᑫᔭᓐ, ᒪᐗᒋ ᓃᔥᑕᒻ ᑭ ᑮ ᐅᓚᔅᑲᒥᑭᑎᑖᓐ ᐊᔅᑭ; ᑭᔑᑾ ᓀᔥᑕ ᑭᒋᒋᔭ ᑭ ᐅᔑᑖᒪᑲᓋ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:18

ᑎᐱᓚᐌ ᐅᑦ ᐃᑌᓕᑕᒧᐎᓂᒃ ᑭ ᑮ ᓂᑕᐎᑭᐃᑯᓇᐤ ᑖᐺᐎᓂ ᐋᔭᒥᐎᓂᓕᐤ ᐅᒋ, ᑭᓚᓈᓇᐤ ᑭᒋ ᓂᑳᓄᑕᐗᑯᒃ ᐅᑦ ᐅᔑᐋᑲᓇ᙮

ᓂᔥᑕᒻ ᒑᓐ 4:10

ᐁᐗᑯ ᐅᒪ ᓵᑭᐃᐌᐎᓐ, ᓇᒪᐎᓚ ᑭᓚᓈᓇᐤ ᐁ ᑮ ᓵᑭᐊᒃ ᑭᒋᒪᓂᑐ, ᒫᑲ ᐎᓚ ᐁ ᑮ ᓵᑭᐃᑕᒃ, ᓀᔥᑕ ᐁ ᑮ ᐯᒋᑎᔕᐙᑦ ᐅᑯᓯᓴ ᑭᒋ ᑎᐸᐊᒫᑫᔅᑕᒫᑕᒃ ᑭ ᒪᒋᑐᑕᒧᐎᓂᓇᐗ᙮

ᓂᔥᑕᒻ ᒑᓐ 4:19

ᑭ ᓵᑭᐋᓇᐤ ᐎᓕᔅᑕᒻ ᐁ ᑮ ᓵᑭᐃᑕᒃ᙮